Deve Gowda says talks on to revive Third Front ahead of LS polls | மீண்டும் தூசி தட்டுகிறார் தேவகவுடா...: முலாயம், நிதிஷ், மம்தாவும் கைகோர்ப்பு| Dinamalar
பதிவு செய்த நாள் :
கருத்துகள் (51)  கருத்தை பதிவு செய்ய
எழுத்தின் அளவு:

பாட்னா : வரும் லோக்சபா தேர்தலில், காங்., பா.ஜ.,வுக்கு மாற்றாக, மூன்றாவது அணியை அமைப்பதற்கான முயற்சி, மேற்கொள்ளப் பட்டுள்ளது. தேவகவுடா, முலாயம் சிங் யாதவ், நிதிஷ் குமார், மம்தா ஆகியோர், இதற்கான முயற்சியில் இறங்கியுள்ளனர். இது தொடர்பாக, காங்., பா.ஜ., அல்லாத கட்சிகளின் தலைவர்கள், வரும், 5ம் தேதி டில்லியில் ஆலோசனை நடத்தவுள்ளனர்.

லோக்சபா தேர்தலுக்கு, இன்னும் மூன்று மாதங்களே உள்ளன. காங்., தலைமையிலான, ஐ.மு., கூட்டணி, பா.ஜ., தலைமையிலான, தே.ஜ., கூட்டணி ஆகிய இரண்டு கூட்டணிகளே, பிரதானமாக செயல்பட்டு வருகின்றன. ஒவ்வொரு லோக்சபா தேர்தலின்போதும், காங்., பா.ஜ., கூட்டணியில் இடம் பெற விரும்பாத கட்சிகள், மூன்றாவது அணியை அமைப்பது வழக்கமாக இருந்தது. இதில், இடதுசாரி கட்சிகள், முக்கிய பங்கு வகிக்கும். இந்த தேர்தலில், மூன்றாவது அணி தொடர்பாக, எந்த பேச்சும் எழவில்லை.

இந்நிலையில், பீகார் முதல்வரும், ஐக்கிய ஜனதா தள கட்சி தலைவருமான, நிதிஷ் குமார், மூன்றாவது அணி அமைக்கப் போவதாக, முதல் முறையாக, வாய் திறந்துள்ளார்.இந்த தேர்தலில், காங்., கூட்டணியில் இடம் பெறுவதற்காக, நிதிஷ் குமார், காய் நகர்த்தி வந்தார். காங்கிரசும், இதற்கு சாதகமாகவே பதில் அளித்து வந்தது. திடீரென, பீகாரில், தங்கள் அரசியல் எதிரியான, லாலுவுடன், காங்கிரஸ் கைகோர்த்தது, நிதிஷ் குமாருக்கு, கோபத்தை ஏற்படுத்தியது.இதையடுத்து, காங்கிரசுக்கு பதிலடி கொடுக்கும் விதமாக, மூன்றாவது அணி அமைக்கும் முயற்சியில், அவர் இறங்கியுள்ளார்.

செய்தியாளர்களிடம், நேற்று அவர் கூறியதாவது:
காங்., பா.ஜ., ஆகிய கட்சிகள் இடம் பெறாத, புதிய கூட்டணியை அமைக்க திட்டமிட்டுள்ளோம். இது தொடர்பாக, ஒருமித்த கருத்துக்களை உடைய, அரசியல் கட்சிகளின் தலைவர்களை திரட்டி, பேச்சு நடத்தவுள்ளோம். வரும், 5ம் தேதி, டில்லியில் நடக்கும் கூட்டத்தில், முக்கிய அரசியல் கட்சிகளின் தலைவர்கள், பங்கேற்கவுள்ளனர். இதில், கூட்டணி, தொகுதி பங்கீடு குறித்த விஷயங்கள், இறுதி செய்யப்படும். இதற்கான முயற்சிகளை, இடதுசாரி கட்சிகள் துவக்கியுள்ளன. இந்த முயற்சிக்கு, ஐக்கிய ஜனதா தளம், முழு ஒத்துழைப்பு அளிக்கும்.இவ்வாறு, அவர் கூறினார்.

உ.பி., மாநிலத்தில், ஆளும் கட்சியாக உள்ள, சமாஜ்வாதி கட்சியின் தலைவரான, முலாயம் சிங் யாதவும், இதே கருத்தை, எதிரொலித்துள்ளார்.

உ.பி.,யில் நடந்த சைக்கிள் யாத்திரையை துவக்கி வைத்த அவர், கட்சி நிர்வாகிகளிடையே, நேற்று பேசியதாவது: உ.பி., மாநிலத்தில், வெற்றிக் கொடி நாட்டி விட்டோம். இனி, டில்லி செங்கோட்டையில் கொடி ஏற்றுவது தான், எங்கள் இலக்கு. மத்தியில், அடுத்த ஆட்சி அமைவதில், சமாஜ்வாதி கட்சி, முக்கிய பங்கு வகிக்கும். இது தொடர்பாக, முக்கிய அரசியல் கட்சிகளுடன் பேச்சு நடத்தி வருகிறோம். இவ்வாறு, அவர்கூறினார்.

இதற்கிடையே, மூன்றாவது அணியை உருவாக்குவதில், மதச் சார்பற்ற ஜனதா தள தலைவரும், முன்னாள் பிரதமருமான, தேவ கவுடாவும் களத்தில் இறங்கியுள்ளார்.
அவர் கூறியதாவது:லோக்சபா தேர்தலுக்கு முன், காங்., பா.ஜ., தலைமயிலான, கூட்டணிகளுக்கு மாற்றாக, புதிய அணியை உருவாக்குவோம். அதற்கான முயற்சிகள் நடக்கின்றன. பேச்சுவார்த்தை விரைவில் துவங்கும். இந்த கூட்டணியில், எந்தெந்த கட்சிகள் இடம் பெறும் என்பதை, இப்போது கூற முடியாது.இவ்வாறு, அவர் கூறினார்.

மூன்றாவது அணி அமைப்பதற்கு சாதகமாக, திரிணமுல் காங்., தலைவரும், மேற்கு வங்க முதல்வருமான, மம்தா பானர்ஜி, ஏற்கனவே கருத்து தெரிவித்துள்ளார்.
சமீபத்தில், ஒரு நிகழ்ச்சியில், அவர் பேசுகையில்,'பா.ஜ.,வுக்கு, காங்., மாற்று அல்ல; அதுபோல், காங்கிரசுக்கு, பா.ஜ., மாற்று அல்ல. திரிணமுல் காங்., மட்டுமே, தேசிய கட்சிகளுக்கு மாற்று. பிரதமராக வேண்டும் என்ற ஆசை எனக்கு இல்லை. ஆனால், மத்தியில், அடுத்து அமையவுள்ள ஆட்சியில், எங்கள் பங்கு முக்கியமானதாக இருக்கும்' என்றார்.

அரசியல் கட்சி தலைவர்களிடம் ஏற்பட்டுள்ள, இந்த திடீர் மாற்றம் குறித்து, அரசியல் வட்டாரங்கள் கூறியதாவது: மூன்றாவது அணி தொடர்பாக, வரும், 5ம் தேதி நடக்கவுள்ள கூட்டத்தில், ஐக்கிய ஜனதா தளம், மதச் சார்பற்ற ஜனதா தளம், சமாஜ்வாதி, பிஜு ஜனதா தளம் ஆகிய

Advertisement

கட்சிகளின் பிரதிநிதிகள் பங்கேற்கவுள்ளதாக, தகவல் வெளியாகியுள்ளது. இதில், மம்தாவையும் பங்கேற்க வைக்க, முயற்சி மேற்கொள்ளப்பட்டுள்ளது. ஆனால், இடதுசாரி கட்சி தலைவர்கள், இதில் பங்கேற்றால், மம்தா, இந்த கூட்டத்தை புறக்கணிப்பார். இந்த விவகாரத்தில் மட்டுமே, இழுபறிநிலவுகிறது. மற்ற அரசியல் கட்சி தலைவர்கள், கட்டாயம், இதில் பங்கேற்பர். காங்., பா.ஜ.,வுக்கு மாற்றாக, மூன்றாவது அணியை, மீண்டும் தூசு தட்ட நினைக்கும், அரசியல் கட்சி தலைவர்களின் ஆசை பலிக்குமா என்பது, 5ம் தேதி தெரிந்து விடும்.இவ்வாறு, அரசியல் வட்டாரங்கள் தெரிவித்தன.
பிரகாஷ் கராத் கூறுவதென்ன?மார்க்சிஸ்ட் பொதுச் செயலர் பிரகாஷ் கராத் கூறியதாவது: மூன்றாவது அணி அமைப்பது தொடர்பாக, எந்த பேச்சுவார்த்தையும் நடக்கவில்லை. அதே நேரத்தில், தேர்தலுக்கு பின், எப்படி செயல்படுவது என்பது குறித்து, காங்., பா.ஜ., கட்சிகள் அல்லாத மற்ற கட்சிகளுடன் பேச்சு நடத்தி, ஒருமித்த கருத்தை உருவாக்க முயற்சிப்போம். வரும், 5ம் தேதி, டில்லியில் நடக்கும் கூட்டத்தில், அ.தி.மு.க., ஐக்கிய ஜனதா தளம், பிஜு ஜனதா தளம், சமாஜ்வாதி, மதச் சார்பற்ற ஜனதா தளம் மற்றும் இடதுசாரி கட்சிகளின் சார்பில், பிரதிநிதிகள் பங்கேற்கவுள்ளனர். பார்லிமென்ட்டின் கடைசி கூட்டத் தொடர்பான, பொதுவான பிரச்னைகள் குறித்து, இதில் விவாதிக்கப்படும். லோக்சபா தேர்தல் கூட்டணி தொடர்பாகவும், இதில் முக்கிய முடிவு எடுக்கப்படும். இவ்வாறு, அவர் கூறினார்.




Advertisement
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (51)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
தமிழன் - ரியாத்,சவுதி அரேபியா
02-பிப்-201422:10:58 IST Report Abuse
தமிழன் இவனுங்கள நண்பினா ,இந்தியாவை பெரிய புதைகுழியில் தள்ளுவார்கள் ,,,,,,
Rate this:
Share this comment
Cancel
Seshadri Krishnan - perth,ஆஸ்திரேலியா
02-பிப்-201419:11:43 IST Report Abuse
Seshadri Krishnan தேவே கவுடா மீண்டும் தனக்கு குருட்டு அதிர்ஷ்ட்டம் அடிக்காதா என்கிற நப்பாசையில் இருக்கிறார், முலாயம்எதையாவது செய்து பிரதமர் ஆகிவிட முடியுமா என்று துடிக்கிறார், நிதிஷ் திக்குதெரியாமல் முழிக்கிறார்,, கம்யுனிஸ்ட்டுகள் எல்லோருக்கும் முறைவாசல் பார்க்க தயார், என்றைக்காவது ஒருநாள் நான் பிரதமராகிவிடுவென் என்று லாலு,மொத்தத்தில் உருப்படாவட்டிகளின் சங்கமம் தான் இந்த மூன்றாவது அணி.
Rate this:
Share this comment
Cancel
Ambika. K - bangalore,இந்தியா
02-பிப்-201417:58:17 IST Report Abuse
Ambika. K இன்றைய தேதிக்கு தேவே கௌடா கர்நாடகாவில் செல்லா காசு. அவர் ஜாதி ஜனம் உள்ள தொகுதியில் 2 அல்லது 3 சீட் ஜெயிக்கலாம். அதுவும் SM கிருஷ்ணா DK சிவகுமார் கொஞ்சம் ஒதுங்கி இருந்தால். மட்டுமே முடியும். நிதிஷை பொறுத்த வரையில் பீகாரில் மதிப்பு குறைந்த தலைவர். அரசனை நம்பி புருஷனை கை விட்ட கதை. கங்கிரசை நம்பி BJP ஐ கை விட்டவர். முலாயம் MY ( முஸ்லிம், யாதவ் ) வாக்கு வங்கியில் M ஐ தொலைத்து விட்டவர். மொத்தத்தில் ஆண்டி கூடி கட்டிய மடம் தான் இந்த 3 வது அணி.
Rate this:
Share this comment
Cancel
திண்டுக்கல் சரவணன் - ஓசூர்,இந்தியா
02-பிப்-201417:19:43 IST Report Abuse
திண்டுக்கல் சரவணன் எங்கே வாராமல் போய் விடுவார்களோ என நினைத்தேன். நல்ல வேளையாக வந்துவிட்டார்கள். மக்கள் இப்போது காங்கிரஸ்-பாஜக-3வது அணி என ஒன்றை தேர்ந்துடுத்து ஆகவேண்டும். பாஜக-காங்கிரஸ்-க்கு இது சாதகமாக இருக்கும் என நினைக்கிறேன்
Rate this:
Share this comment
Cancel
Sulo Sundar - Mysore,இந்தியா
02-பிப்-201414:15:37 IST Report Abuse
Sulo Sundar கிழங்கட்டைகள் அப்பிடித்தான் தேர்தல் சமயத்துல கூவிகினு கிடக்கும்...நம்ப கட்டுமரம் கிழம் அப்படித்தானே தினம் ஒரு அறிக்கையா விடுது? இதையெல்லாம் கண்டுக்காதீங்க....வடநாட்டுல பி ஜே பி ஆதரவு அமோகமா இருக்கும்.... தென்னட்டுல கேரளா ஆந்த்ரா மற்றும் தமிழ்நாட்டுல பி ஜே பி தர்றது கஷ்டம்....அன்னலட்சுமி அம்மா மக்களின் அமோக ஆதரவுடன் புதிய பலம் பெற்று நாடாளுமன்றத்தில் ஓர் முக்கிய சக்தியாக விளங்குவார்...நல்லதே நடக்கும் ...கவலை வேண்டாம்....வோட்டுகளை வீணாக்காமல் அம்மாவை பாராளுமன்றத்துக்கு அனுப்புவதே சரியான வழி
Rate this:
Share this comment
Cancel
Ambuja - Madurai,இந்தியா
02-பிப்-201413:45:32 IST Report Abuse
Ambuja நீங்கள் எல்லோரும் கிழக்கே பார்த்து பேசுகிறீர்கள், வடக்கையும் கொஞ்சம் பாருங்கப்பா. இந்த மாதிரி மூன்றாம் அணி தொண்டர்களால் தான் ஒரு காலத்தில் BJP ஆட்சியை பிடித்தது. இப்போ அம்மா சரின்னா AAP யும் சேர்ந்து நிச்சயமா ஆட்சி அமைக்கும்.
Rate this:
Share this comment
Cancel
Ravikumar - Purwakartha,இந்தோனேசியா
02-பிப்-201413:44:25 IST Report Abuse
Ravikumar சொம்பை எடுத்து உள்ளே வையுங்கப்பா.. உத்தமர்கள் வருகிறார்கள்...
Rate this:
Share this comment
Cancel
srajan - narasimhapuram ,இந்தியா
02-பிப்-201412:53:08 IST Report Abuse
srajan யாரை வேண்டுமானாலும் நம்பலாம் ஆனால் முலாயம்சிங் மாத்திரம் நம்பாதீர்கள்.
Rate this:
Share this comment
Cancel
g.s,rajan - chennai ,இந்தியா
02-பிப்-201412:41:25 IST Report Abuse
g.s,rajan தூங்கு மூஞ்சி தேவகவுடா,இவர் கை பட்டால் எதுவும் உருப்படாது
Rate this:
Share this comment
Cancel
kundalakesi - VANCOUVER,கனடா
02-பிப்-201412:05:25 IST Report Abuse
kundalakesi கிளம்பிட்டாங்க நல்லது செய்ய
Rate this:
Share this comment
Nammalwar - Bangalore,இந்தியா
02-பிப்-201417:58:58 IST Report Abuse
Nammalwarஇந்த 3வது அணி எலெக்ஷன் ரிசல்ட் வெளியான அடுத்த நிமிடமே உடைந்து தூள் தூளாகி விடும்.........பிரதமர் பதவி போட்டியும் உச்சத்துக்கு சென்று விடும்...
Rate this:
Share this comment
Cancel

உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X