DMK and BJP turmoil over vijayakanth's stance | தே.மு.தி.க., மாநாடு: கூட்டணிக்கு காவடி தூக்கிய கட்சிகள் கலக்கம்| Dinamalar

தே.மு.தி.க., மாநாடு: கூட்டணிக்கு காவடி தூக்கிய கட்சிகள் கலக்கம்

Updated : பிப் 04, 2014 | Added : பிப் 04, 2014 | கருத்துகள் (90)
Advertisement
 
 
Advertisement
 
 
dinamalar-advertisement-tariff-2018
 
Advertisement
தே.மு.தி.க., மாநாடு: கூட்டணிக்கு காவடி தூக்கிய கட்சிகள் கலக்கம்

கூட்டணி குறித்து, கருத்து கேட்பதாகக் கூறி, மாநாட்டு மேடையில், 'போட்டு வாங்கிய' விஜயகாந்த், தன் முடிவைத் தெளிவாக அறிவிக்காததால், தொண்டர்கள் குழப்பம் அடைந்துள்ளனர். அத்துடன், விஜயகாந்துடன் கூட்டணி அமைக்க, காவடி தூக்கிய கட்சிகளும் கலக்கம் அடைந்துள்ளன. அதே நேரத்தில், 'அரசியல் பேரத்திற்காகவே' விஜயகாந்த் மாநாடு நடத்தியதாக, விமர்சகர்கள் பலர் கருத்து தெரிவித்துள்ளனர்.

கட்சி துவக்கியது முதல், 'கடவுளுடனும், மக்களுடனும் மட்டுமே கூட்டணி' எனக் கூறி வந்த, தே.மு.தி.க., தலைவர், விஜயகாந்த், 2011 சட்டசபை தேர்தலில், அ.தி.மு.க., உடன், கூட்டணி அமைத்தார். அதற்கு முன், கூட்டணி தொடர்பாக, தொண்டர்களிடம் கருத்து கேட்க, சேலத்தில், மாநாடு ஒன்றை நடத்தினார். அப்போதும், கூட்டணி குறித்த முடிவை அறிவிக்காமல், தொண்டர்களை குழப்பி அனுப்பினார்.பின், அ.தி.மு.க.,வுடன் கூட்டணி அமைத்து போட்டியிட்டு, எதிர்க்கட்சி தலைவரானார். ஆனாலும், கூட்டணியில், நீடிக்க விடாமல், தே.மு.தி.க.,வை, ஜெயலலிதா கழற்றி விட்டதால் அதிருப்தி அடைந்தார். அத்துடன், 'இனி கூட்டணி விஷயத்தில், எச்சரிக்கையாக இருக்க வேண்டும்' என்ற பாடத்தையும் கற்றுக் கொண்டார்.

இன்னும் ஓரிரு மாதங்களில் நடைபெற உள்ள, லோக்சபா தேர்தலுக்காக, தே.மு.தி.க.,வை, தி.மு.க., பா.ஜ., உட்பட, சில கட்சிகள் கூட்டணிக்கு அழைத்துள்ள நிலையில், தொண்டர்களிடம் கருத்துக் கேட்பதாகக் கூறி, நேற்று முன்தினம், உளுந்தூர்பேட்டை அருகே, மாநாட்டை நடத்தினார். மாநாட்டில், தொண்டர்களிடம் கருத்து கேட்ட போது, அவர்கள் தனித்துப் போட்டி என, தெரிவித்தனர். ஆனால், 'நான் வேறு முடிவு எடுத்தால், தொண்டர்கள் அதை ஏற்பர்' என, மாநாட்டில் பேசிய விஜயகாந்த் கூறினார்.

இது தொடர்பாக, அரசியல் விமர்சகர்கள் கூறியதாவது: விஜயகாந்திடம் கூட்டணி அமைக்க, முக்கிய கட்சிகள் பல, தூது மேல் தூது விட்டு வருகின்றன. அந்த தூதுக்கு, ஆரம்பத்திலேயே பணிந்து விட்டால், கூட்டணியில் குறைவான தொகுதிகளே கிடைக்கும் என, விஜயகாந்த் ககணக்கு போட்டார். அதனால், ஊழல் எதிர்ப்பு மாநாடு என்ற பெயரில், மாநாட்டை கூட்டி, பெயரளவிற்கு, தொண்டர்களிடம் கருத்துக்களையும் கேட்டுள்ளார். தொண்டர்களிடம் கருத்து கேட்ட பின், அவர்கள் கூறும் முடிவுக்கு மாறாக, வேறு முடிவு எடுத்தால், பின்னாளில், சர்ச்சை வரலாம் என்பதால் தான், 'தே.மு.தி.க., தலைவர் வேறு முடிவு எடுத்தால், அதை தொண்டர்கள் ஏற்பர்' என, சப்பை கட்டு கட்டியுள்ளார்.

மாநாட்டிற்கு, பல ஆயிரம் பேரை வரவழைத்து, அதன் மூலம், தன் பலத்தை காட்டியுள்ளார் விஜயகாந்த். இனி, அவரும், அவரது மனைவி, பிரேமலதாவும், தங்களின் அரசியல் பேரத்தை துவக்கி விடுவர். தே.மு.தி.க.,விற்கு, அதிக தொகுதிகளை ஒதுக்கும் கட்சியுடன், 'டீலிங்' முடித்து அறிவிப்பை வெளியிட்டு விடுவர். கட்சித் தொண்டர்களும், இவர் கைகாட்டும் கட்சிகளுக்கு, ஓட்டுகளைப் போட்டு, தங்கள் விசுவாசத்தை காட்டி விடுவர். அதன் மூலம் கிடைக்கும், முழுப் பலனையும் அடையப் போவது, விஜயகாந்த் குடும்பமே.அதே நேரத்தில், மாநாட்டு முடிவில், கூட்டணி பற்றிய அறிவிப்பை வெளியிடுவார் என, எதிர்பார்த்த தொண்டர்கள், ஏமாற்றம் அடைந்துள்ளனர். கூட்டணிக்கு காவடி தூக்கிய கட்சிகள், கவலை அடைந்துள்ளன. இவ்வாறு, அரசியல் விமர்சகர்கள் கூறியுள்ளனர்.


நிர்வாகிகளுடன் விஜயகாந்த் ஆலோசனை:


உளுந்தூர்பேட்டை மாநாட்டில், பங்கேற்ற பின், நேற்று அதிகாலை, 2:00 மணிக்கு சென்னை திரும்பினார் விஜயகாந்த். நேற்று காலை 10:30 மணிக்கு, சென்னை கோயம்பேட்டில் உள்ள, கட்சி அலுவலகம் வந்த அவர், கட்சியின் மாநில நிர்வாகிகளுடன், ஆலோசனை நடத்தினார். அப்போது, கட்சி மாநாடு குறித்து, தே.மு.தி.க., நிர்வாகிகளும், மற்ற கட்சியினரும் என்ன பேசிக் கொள்கின்றனர்; மாநாட்டிற்கு எவ்வளவு கூட்டம் வந்ததாக, உளவுத்துறை தரப்பில், அரசுக்கு தகவல் சொல்லப்பட்டுள்ளது என்பது போன்ற விவரங்களை கேட்டார். இதற்கு பதில் சொல்ல முடியாமல், மாநில நிர்வாகிகள் விழித்துள்ளனர். அத்துடன், லோக்சபா தேர்தலில் போட்டியிட, 'சீட்' கேட்டு, எத்தனை பேர், விருப்ப மனுக்கள் தாக்கல் செய்துள்ளனர்; எப்போது, நேர்காணலை நடத்துவது என்பது குறித்தும் கேட்டறிந்து உள்ளார்.மாநாடு ஏற்பாடு குழுவில், இடம் பெற்றிருந்த நிர்வாகிகளும், கூட்டணி பேச்சுவார்த்தை குழுவினரும், நீண்ட நாட்களுக்கு பின், சொந்த ஊர்களுக்கு சென்றுள்ளனர். அவர்கள், சென்னை திரும்பியதும், மாநாட்டை வெற்றிகரமாக நடத்தியதற்காக, விஜயகாந்த் சார்பில் விருந்து வைக்கப்படும் என, கூறப்படுகிறது.

நமது சிறப்பு நிருபர் -

Advertisement


வாசகர் கருத்து (90)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Visu Samy - chennai,இந்தியா
07-பிப்-201405:54:54 IST Report Abuse
Visu Samy சட்ட சபையில் தில்லாக நாக்கை துருத்தி பேசியது ஒன்று பொது இவர் துணிவை சொல்ல இது சினிமா இல்லை என்று சொல்பவர்கள் ஆளுனர் மேல் பாலியல் புகார், சட்டசபையில் சேலை இழுக்கப்பட்ட காட்சி எல்லாம் மறந்து விடக்கூடாது
Rate this:
Share this comment
Cancel
Pasupathi Subbian - trichi,இந்தியா
05-பிப்-201420:10:15 IST Report Abuse
Pasupathi Subbian எதிலும் அவசரபடாமல் நிதானமாக, நிலைமையை சீர்தூக்கி பார்த்து, எடுத்தேன் கவிழ்த்தேன் என்று இல்லாமல் எல்லோரின் கருத்துகளையும் உள்வாங்கி, தேர்தலுக்கு முன் ஒரு சிறந்த முடிவு எடுப்பவனே சிறந்த அரசியல் வாதி. அவசரப்பட்டு வந்தவர்களுக்கெல்லாம் பத்தி கூறுவதும் அவசியமில்லை. இந்த கூட்டணியால் நாளை இவர் கட்சியின் தலைஎழுத்து மாறலாம். தவறான கூட்டணியினால் இவரின் அரசியல் வாழ்வு பாதிக்கப்படலாம். இவரின் கட்சியில் உள்ள தலைவர்கள் நாளை வேறு ஒரு கட்சிக்கு ஆதாயம் தேடி போகலாம் ஆனால் இதனை வருடங்களாக சினிமாவில் சம்பாதித்த பணத்தையும் பெயரையும் இவரால் எப்படி கெடுத்துகொள்ளமுடியும். ஆகவே இவைன் தனி மனித விமர்சனத்தை விட்டு அரசியல் தலைவர் என்று பார்க்கவும். இவர் குடிகாரர் என்று விமர்சிப்பவர்கள் தங்களின் ஒழுக்கத்தையும் சுயபரிசோதனை செய்துகொள்ளவும். இதே அளவுகோல் மற்ற அரசியல்வாதிகளுக்கு உண்டல்லவா? அப்போது திரு கருணாநிதியையும், செல்வி ஜெயலலிதாவையும், திரு வைகோவையும், திரு ராமதாஸ் அவர்களையும் விமர்சிக்கலாமே. அவ்வாறு விமர்ச்சிக்க இவர்களுக்கு தைரியம் உண்டா, அல்லது முடியுமா. யோசியுங்கள்.
Rate this:
Share this comment
Cancel
m.viswanathan - chennai,இந்தியா
05-பிப்-201404:54:35 IST Report Abuse
m.viswanathan இவரையெல்லாம் தலைவராக்கிய பெருமை திமுக வையே சாரும் .இவருக்கு என்ன தெரியும். தமிழன் சினிமா மாயையில் மூழ்கியிருப்பதனால் தான் இவர் போன்றோர் தலைவராக முடிகிறது . என்றைக்கு ரசிகர் மன்றம் வைப்பதை தமிழன் நிறுத்துகிறானோ , அன்று தான் நல்ல தொலை நோக்கு சிந்தனை உள்ள தலைவர் உருவாக முடியும் . இவரை தயை செய்து பின்பற்றாதீர்
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X