TN BJP ready for Modi conference | மோடி பங்கேற்கும் கூட்டத்திற்கு பிரமாண்ட ஏற்பாடுகள்| Dinamalar

மோடி பங்கேற்கும் கூட்டத்திற்கு பிரமாண்ட ஏற்பாடுகள்

Updated : பிப் 05, 2014 | Added : பிப் 05, 2014 | கருத்துகள் (26)
Advertisement
 
 
Advertisement
 
 
dinamalar-advertisement-tariff-2018
 
Advertisement
மோடிகூட்டத்திற்கு, பிரமாண்ட ஏற்பாடுகள்,TN BJP, Modi conference

பா.ஜ., பிரதமர் வேட்பாளர், நரேந்திர மோடி பங்கேற்கும், தேர்தல் பிரசாரப் பொதுக் கூட்டம், சென்னை அருகே வண்டலூரில், வரும், 8ம் தேதி நடக்கிறது. இதற்காக, பிரமாண்ட ஏற்பாடுகளை, தமிழக பா.ஜ., தலைவர்கள் செய்து வருகின்றனர்.

பா.ஜ., பிரதமர் வேட்பாளராக, அறிவிக்கப்பட்ட பின், முதல் முறையாக, திருச்சியில் இளந்தாமரை மாநாட்டில், நரேந்திர மோடி பேசினார். அதன் தொடர்ச்சியாக, நாடு முழுவதும், தேர்தல் பிரசாரப் பொதுக்கூட்டங்களில் பேசி வருகிறார். அதன்படி, தமிழகத்தின் தலைநகர் சென்னையில், பிரமாண்ட பொதுக்கூட்டத்தில் அவர் பேச உள்ளார்.


உற்சாக வரவேற்பு:


இதற்காக, 8ம் தேதி மாலை, அவர் சென்னை வருகிறார். அன்று காலையில், மணிப்பூரில் நடக்கும், பா.ஜ., பொதுக்கூட்டத்தில் பேசும் மோடி, அங்கிருந்து அசாம் மாநிலம் செல்கிறார். அங்கு கவுகாத்தி பொதுக் கூட்டத்தை முடித்துக் கொண்டு, சென்னை வருகிறார்.சென்னை விமான நிலையத்தில் இருந்து நேராக, பொதுக் கூட்டம் நடக்கும், வண்டலூர், வி.ஜி.பி., மைதானத்திற்கு காரில் செல்கிறார். விமான நிலையத்தில், அவருக்கு, தமிழக பா.ஜ., சார்பில், உற்சாக வரவேற்பு அளிக்கப்படுகிறது. வண்டலூர் பொதுக்கூட்டத்தை முடித்து, இரவு சென்னையில் தங்குகிறார். பா.ஜ., நிர்வாகிகள் மற்றும் கூட்டணி தலைவர்களை, மரியாதை நிமித்தமாக சந்திக்கிறார்.ஆனால், ஆலோசனை கூட்டம் எதுவும் நடத்தப்பட மாட்டாது எனவும், அன்றைய தினம் காலையில் இருந்து, அவர் தொடர்ந்து பொதுக் கூட்டத்தில் பங்கேற்று விட்டு, சென்னை வருவதால், மிகவும் களைப்பாக இருப்பார். எனவே, அவர் ஓய்வு எடுக்க வேண்டும் என்பதற்காக, எந்த ஆலோசனை கூட்டத்திற்கும் ஏற்பாடு செய்யவில்லை என, பா.ஜ., தலைவர்கள் தெரிவித்தனர்.மறுநாள் காலையில், எஸ்.ஆர்.எம்., பல்கலைக் கழகத்தில் நடக்கும் நிகழ்ச்சியில் மோடி கலந்து கொள்கிறார். அப்பல்கலை வேந்தரும், இந்திய ஜனநாயக கட்சியின் தலைவருமான, பாரிவேந்தரின் தாயார் சிலையை மோடி திறந்து வைக்கிறார்.இந்நிகழ்ச்சியை முடித்ததும், நேராக சென்னை விமான நிலையம் செல்லும் மோடி, அங்கிருந்து கேரளா செல்கிறார். கொச்சியில் நடக்கும் பா.ஜ., பொதுக்கூட்டத்தில் பேசுகிறார்.


பிரமாண்ட ஏற்பாடு:


வண்டலூரில், வி.ஜி.பி., மைதானத்தில், பொதுக் கூட்டம் நடத்த, 20 ஏக்கரில் இடம் தேர்வு செய்துள்ளனர். இதில், 80 அடி நீளம், 200 அடி அகலத்தில், மேடையும், மூன்று நுழைவு வாயில்களும் அமைக்கப்படுகின்றன. இங்கு, சிறப்பு அழைப்பாளர்கள், பொதுமக்கள் என, தனியாக இடம் தேர்வு செய்யப்பட்டுள்ளது.கேளம்பாக்கம் சாலை, வண்டலூர், நெல்லிக்குப்பம் ஆகிய சாலையில், வாகனங்களை நிறுத்த இடம் தேர்வு செய்யப்பட்டுள்ளது. மூன்று லட்சத்துக்கும் மேற்பட்ட இருக்கைகள் அமைக்கப்பட உள்ளன. ஆண்கள் மற்றும் பெண்களுக்கு தனியாக இடம் ஒதுக்கீடு செய்யப்பட்டுள்ளது. பொது மக்களுக்கு குடிநீர் வசதியும் ஏற்பாடு செய்யப்பட்டுள்ளது.இரண்டு ஐ.ஜி., நான்கு டி.ஜ.ஜி., 15 காவல் கண்காணிப்பாளர்கள் என, 10 ஆயிரத்துக்கும் மேற்பட்ட போலீசார் பாதுகாப்பு பணியில் ஈடுபட உள்ளனர்.இதுபற்றி பா.ஜ., நிர்வாகிகளிடம் கேட்டபோது, 'ஐந்து லட்சத்திற்கும் மேற்பட்ட மக்கள் வருவர் என, எதிர்பார்க்கப்படுகிறது. அரசியலுக்கு அப்பாற்பட்டு பொதுமக்களும் வருவர்' என்றனர்.


சிறப்பு ரயில்கள்:


'வெளியூர்களிலிருந்து ரயில்களில், பஸ்களில் சென்னை வரும் தொண்டர்களும், சென்னையில் உள்ளவர்களும், பொதுக்கூட்டம் நடக்கும் வண்டலூருக்கு வந்து செல்ல ஏதுவாக, தாம்பரம் - செங்கல்பட்டு இடையே, 8ம் தேதி, கூடுதல் புறநகர் மின்சார ரயில்கள் இயக்கப்பட வேண்டும்' என, பா.ஜ., தலைவர் பொன்.ராதாகிருஷ்ணன், தெற்கு ரயில்வே பொது மேலாளருக்கு கடிதம் எழுதியுள்ளார்.


கூட்டணி தலைவர்கள் 2 நாளில் முடிவாகும்:


சென்னையில் வாழும் வெளி மாநிலத்தவருக்கான, பா.ஜ., ஆலோசனைக் கூட்டம், சவுகார்பேட்டையில், நேற்று நடைபெற்றது. மாநில தலைவர் பொன்.ராதாகிருஷ்ணன் தலைமை வகித்தார். வெளி மாநிலத்தவர்களுக்கான, பா.ஜ., பிரிவு தலைவர் அரவிந்த்குமார், மாவட்ட தலைவர்கள் பிரகாஷ், ஜெய்சங்கர் உள்ளிட்டோர் பங்கேற்றனர்.

பொன்.ராதாகிருஷ்ணன் கூறியதாவது:தமிழக பா.ஜ., கூட்டணியில், ம.தி.மு.க., புதிய நீதிக்கட்சி உள்ளிட்ட பல கட்சிகள் இணைந்துள்ளன. தே.மு.தி.க., மாநாட்டில் கூட்டணி குறித்த அறிவிப்பு வெளியாகும் என, எதிர்பார்த்தோம். இனி கூட்டணியில் இணைவது பற்றி விஜயகாந்த் தான் முடிவெடுக்க வேண்டும். பா.ம.க.,வுடன் கூட்டணி பேச்சுவார்த்தை நடைபெற்று வருகிறது. எப்படியும் இரண்டு நாட்களில், தமிழகத்தில், பா.ஜ., கூட்டணி உறுதி செய்யப்படும்.இவ்வாறு, அவர் கூறினார்.

- நமது சிறப்பு நிருபர் -

Advertisement




வாசகர் கருத்து (26)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
ஈரோடுசிவா - erode ,இந்தியா
05-பிப்-201420:41:16 IST Report Abuse
 ஈரோடுசிவா இந்த கூட்டத்தை நடக்கவிடாமல் செய்ய ஒரு கூலிப் படையின் சார்பில் தடை ஏற்ப்படுத்த முயற்சி நடந்தது ....ஆனால் .,இன்னும் நம் நாட்டில் மிஞ்சியிருக்கும் சட்டமும் நீதியும் அதை உடைத்து தள்ளியது ....கூட்டம் சிறக்க ,மோடியின் படைபலத்தை காட்டிட தமிழகமெங்கும் உள்ள தாமரை சொந்தங்கள் திரண்டு வந்து ஆர்ப்பரிக்கும் வங்கக் கடலின் கர்வத்தை அடக்கும் மக்கள் கடலாக காட்சியளிக்க வேண்டுகிறேன் .
Rate this:
Share this comment
Cancel
Malick Raja - jeddah,சவுதி அரேபியா
05-பிப்-201418:24:26 IST Report Abuse
Malick Raja பிரதம வேட்பாளராக இருக்கும்போதே இப்படி என்றால் தப்பித்தவறி பிரதமர் ஆனால் என்ன நடக்கும் என்பதை மக்கள் அறிந்து கொள்ளவேண்டும் என்பதற்காகவே இப்படி பிரமாண்ட ஏற்பாடுகள்.. இப்போது மக்கள் நினைத்துபார்த்து எப்படி பிஜெபீக்கு வாக்களிப்பார்கள்.. உண்மையை வெளிப்படுத்திய தினமலருக்கு மக்களின் நன்றிகள் என்றென்றும் இருக்கும்..
Rate this:
Share this comment
Cancel
Thailam Govindarasu - Manama,பஹ்ரைன்
05-பிப்-201416:04:03 IST Report Abuse
Thailam Govindarasu மோடியை தேடி நாம்தான் போக வேண்டும். ஆனால் இன்னாட்டு மேல் உள்ள பாசத்தால் அவர் நம்மை தேடி தேடி வருகிறார். இந்நாடு நன்றாக இருக்க நாமும் அவருடன் இனைந்து பாடுபட ஒன்றுபடுவோம். வாழ்க பாரதம் . 100 நாள் உழைப்பில் ரூ. 18 லட்சம் சம்பாதித்து, தங்களது கடன்களை அடைத்தனர்.உஸ்மான், சைதலவி, அப்துல் அமீர், ஷாகுல் ஹமீத், முகமத்சலீம், சித்திக், சிராஜுதீன், சசி, ஜமால், சதாசிவன், ஹம்சா, ஹபீப் ரஹ்மான், அமீர் பைசல், சுஜித், ரபீக், முகமது அலி, பொன்னு, சுபாஷ், லுக்மான், உன்னிகிருஷ்ணன், அஷ்ரப், முகமத் இக்குழுவில் இடம்பெற்றுள்ளனர். இவர்களில், ஒருவருக்குக் கூட மது, புகை பழக்கம் இல்லை.
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X