ஒரு கட்சி - 3 துண்டு; 6 லட்சம் ஓட்டு யாருக்கு? மூன்றாக உடைந்த கொங்கு நாடு முன்னேற்ற கழகம்| Dinamalar

ஒரு கட்சி - 3 துண்டு; 6 லட்சம் ஓட்டு யாருக்கு? மூன்றாக உடைந்த கொங்கு நாடு முன்னேற்ற கழகம்

Added : பிப் 05, 2014 | கருத்துகள் (12)
Advertisement
 
 
Advertisement
 
 
dinamalar-advertisement-tariff-2018
 
Advertisement
Advertisement
ஒரு கட்சி - 3 துண்டு; 6 லட்சம் ஓட்டு யாருக்கு? மூன்றாக உடைந்த கொங்கு நாடு முன்னேற்ற கழகம்

கடந்த லோக்சபா தேர்த லில், முக்கிய அரசியல் கட்சிகளுக்கு அச்சுறுத்தலாக விளங்கிய, கொ.மு.க., இப்போது, மூன்றாக உடைந்திருப்பதால், அப்போது, 12 தொகுதிகளில் கிடைத்த, ஆறு லட்சம் ஓட்டுகள், வரும் தேர்தலில், யாருக்குக் கிடைக்குமென்ற எதிர்பார்ப்பு எழுந்துள்ளது.


பெரும்பான்மையை கவர:

கோவை, திருப்பூர், ஈரோடு, சேலம், நாமக்கல் மற்றும் கரூர் உட்பட, பல மாவட்டங்களில், கணிசமாக வசிக்கும், கொங்கு வேளாளர் (கவுண்டர்) சமுதாயத்தைக் குறி வைத்து, 2009 லோக்சபா தேர்தலுக்கு, சில மாதங்களுக்கு முன், 'கொங்குநாடு முன்னேற்றப் பேரவை' உதயமானது. கொங்கு வேளாளர் சமுதாயத்துக்காக இயங்கி வந்த, பல அமைப்புகளும், கொ.மு.பே., என்ற ஒரே குடையின் கீழ் வந்ததால், மேற்கு மாவட்டங்களில் உள்ள, ஒரு கோடி ஓட்டுகளில், பெரும்பான்மை ஓட்டுகளைக் கவர்ந்து விடலாம் என்று கணக்குப் போட்டனர், கொங்கு சமுதாய தலைவர்கள். அதற்கேற்ப, கொ.மு.பே., உதயமானபோது திரண்ட மக்கள் வெள்ளம், பெரிய கட்சிகளையே மிரள வைத்தது; கடந்த லோக்சபா தேர்தலின் போது, கோவையில் நடந்த பொதுக் கூட்டத்தில் கூடிய கூட்டம், அனைத்து அரசியல் கட்சித் தலைவர்களின் வயிற்றிலும் புளியைக் கரைத்தது.


ஒரு லட்சத்திற்கும் அதிகம்:

கொங்கு மாவட்டங்களை புறக்கணிக்கும் தேசிய, திராவிடக் கட்சிகள் என்ற பகிரங்க குற்றச்சாட்டுடன், தொழில் வளம், விவசாய மேம்பாடு, கொங்கு மாநிலம் போன்ற கவர்ச்சிகரமான வாக்குறுதிகளுடன், நீலகிரி தனி தொகுதி உட்பட, 12 தொகுதிகளில், இக்கட்சியின் வேட்பாளர்கள் களமிறக்கப்பட்டனர். அவர்களில், கட்சியின் தலைவரான பெஸ்ட் ராமசாமி, பொள்ளாச்சி தொகுதியிலும், செயலரான ஈஸ்வரன், கோவை தொகுதியிலும் தலா ஒரு லட்சத்துக்கும் அதிகமான ஓட்டுகளைப் பெற்றனர். கட்சி துவங்கிய, 100 நாட்களுக் குள், 12 தொகுதிகளிலும் சேர்த்து, 5.82 லட்சம் ஓட்டுகளைப் பெற்று, அக்கட்சி சாதனை படைத்தது. கடந்த, 2011 சட்டமன்றத் தேர்தலின் போது, 'கொங்கு நாடு முன்னேற்றக் கழகம்' என, பெயர் மாற்றப்பட்ட, கொ.மு.பே., தன் கொள்கையை மாற்றி, தி.மு.க.,வுடன் கூட்டணி வைத்தது. மாநிலம் முழுவதும், தி.மு.க., ஆட்சிக்கு எதிரான அதிருப்தி அலை இருந்தபோது, அக்கட்சியுடன் கூட்டணி வைத்ததால், கொங்கு நாடு முன்னேற்ற கழக வேட்பாளர்களுக்கு, தேர்த லில் பலத்த அடி கிடைத்தது. தோல்விக்குப் பின், அதற்கான காரணம் பற்றி ஆய்வுகள் நடந்தன; தலைவர்களுக்குள், 'ஈகோ' தலை தூக்கியது; பொதுச் செயல ரான ஈஸ்வரன், கொங்கு நாடு மக்கள் தேசிய கட்சி என்று தனிக்கட்சி துவக்க, அதற்குப் பின், பொதுச் செயலரான நாகராஜ், கொங்கு நாடு ஜனநாயகக் கட்சி என்ற கட்சியையும் துவக்கி விட்டார்.


ஆதிக்கங்களைத் தாண்டி:

கொங்கு நாடு முன்னேற்ற கழகம், மூன்றாக உடைந்து விட்டதால், கடந்த லோக்சபா தேர்தலில், அரசியல் கட்சிகளின் ஆதிக்கங்களைத் தாண்டி, சமுதாயத்துக்கென கிடைத்த, சுமார் ஆறு லட்சம் ஓட்டுகள், இப்போது யாருக்குக் கிடைக்குமென்பதுதான் கேள்வியாக உள்ளது; இந்த கேள்வியின் அடிப்படையில்தான், கூட்டணிக்கான பேரமும் வலுத்து வருகிறது.

- நமது சிறப்பு நிருபர் -

Advertisement


வாசகர் கருத்து (12)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
nithi - chennai,இந்தியா
06-பிப்-201423:37:27 IST Report Abuse
nithi Kongu என்பது நல்ல சொல் அதை கேவலப்படுத்த வேண்டாம்.
Rate this:
Share this comment
Cancel
k.krishnaswamy - chennai,இந்தியா
05-பிப்-201418:53:02 IST Report Abuse
k.krishnaswamy இத்தனை கட்சிகளஹா பிரிந்தாலும் அத்தனையும் கோவை செழியனுக்கு ஈடாகாது. அவர் காலதில் எல்லோருக்கும், எல்லா ஜாதிக்கும் நண்பனாக இருந்தார். அவர் தலைமையின் கீழ் கொங்கு நாடு மக்கள் ஒற்றுமையாக அணைத்து ஜாதியினரும் வாழ்ந்தார்கள்..நாகராஜ் தற்போது ராமதாசுக்கு கைபாவை ஆஹி விட்டார். ஈஸ்வரன் காசுக்கு அடிமையாகி விட்டதாக தெரிகிறது. இவர்களுக்கு பாரம்பரியம் என்னும் சொல் பொருந்தாது. நல்ல background இல்லாதது தான் அவர்கள் மேலே வரமுடியலை. கூட்டம் வரும் ஆனா வோட்டே வராது.மக்கள் சென்ற முறை இவர்கள் நடந்து கொண்ட முறைகளை பார்த்து மனம் வெம்பி விட்டார்கள்.
Rate this:
Share this comment
Cancel
thambidurai - Mumbai,இந்தியா
05-பிப்-201414:41:32 IST Report Abuse
thambidurai இவங்களும் கட்சி ஆரம்பிக்கும்போது சமுதாய சேவனுதான் சொல்லு எங்கள ஏமாத்துனாங்க... இப்போ அவனுங்க இஷ்டத்துக்கு கட்சிய உடச்சிட்டு போறானுங்க. இவங்குங்கல நம்பி வந்த எங்க மக்கள் நிலைமைதான் கஷ்டம். நீங்கலம் எதுக்கு கட்சி ஆரம்பிக்கிரனு கெளம்பிட்டு பிறகு உங்க சுயநலம் பாத்து போறீங்க. 1980 ல் கொங்கு சமுதாய தலைவராக இருந்தவர் முதல் இன்று இருக்கும் பணம் படைத்தவன் எல்லாம் தலைவன் என்று சொல்லிக்கொண்டு, தங்கள் தொழிலை காப்பாற்றிக் கொள்ள, கட்சி ஆரம்பிப்பிது மக்களுக்கு நல்லது செய்வதாக ஏமாற்றிக் கொண்டு திறிகிறார்கள்.
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X