பொருளாதார அடிப்படையிலான இடஒதுக்கீடு சரியா, தவறா?| Dinamalar

பொருளாதார அடிப்படையிலான இடஒதுக்கீடு சரியா, தவறா?

Added : பிப் 07, 2014 | கருத்துகள் (8)
Advertisement
 
 
Advertisement
 
 
dinamalar-advertisement-tariff-2018
 
Advertisement
Advertisement
பொருளாதார அடிப்படையிலான இடஒதுக்கீடு சரியா, தவறா?

முற்பட்ட வகுப்பினரிலும், பொருளாதார ரீதியாக பின்தங்கியவர்கள் உள்ளனர். அதனால், "சாதி அடிப்படையிலான, இடஒதுக்கீட்டிற்கு, முற்றுப்புள்ளி வைத்து, அனைத்து சாதியினரும், பயன் பெறும் வகையில், பொருளாதார அடிப்படையில், இடஒதுக்கீடு வழங்க வேண்டும்' என, ஒரு தரப்பினர், கோரிக்கை விடுத்து வருகின்றனர். ஆனாலும், அதை, அரசியல் கட்சியினர் கண்டு கொள்ளவில்லை. இந்நிலையில், "சாதி அடிப்படையிலான, இடஒதுக்கீட்டிற்கு முடிவு கட்ட வேண்டும்' என, ராஜ்யசபாவில், காங்கிரஸ் மூத்த தலைவர், ஜனார்த்தன் திவேதி பேசியது, பலத்த சர்ச்சையை கிளப்பி விட்டது. உடன், காங்கிரஸ் தலைவர் சோனியாவே, திவேதியின் கருத்து, அவரின் சொந்தக் கருத்து எனக்கூறி, முற்றுப்புள்ளி வைத்து விட்டார். பொருளாதார அடிப்படையில், இடஒதுக்கீடு வழங்குவது சரியா, தவறா என, இரு பிரபலங்கள் முன்வைத்த வாதங்கள்:

காங்கிரசில், சோனியா குடும்பம் நினைப்பதைத் தான் அமல்படுத்த முடியும். மாறாக கருத்து சொன்னால், அங்கு எடுபடாது. கிரிமினல் குற்றச்சாட்டில் தண்டனை பெற்ற அரசியல் வாதிகள், பதவியிழக்க நேரிடும் என்ற, தீர்ப்பை எதிர்த்து, மேல்முறையீடு செய்ய, பிரதமர் தலைமையிலான அமைச்சரவை முடிவு செய்தது.
ஆனால், "இந்த முடிவு முட்டாள் தனமானது' என, காங்கிரஸ் துணைத் தலைவர், ராகுல் கண்டித்தார். பிரதமர் தலைமையிலான அமைச்சரவை என்று கூட மரியாதை தராமல், ராகுல் கண்டனம் தெரிவித்தார். பிரதமரும், அதற்கு கருத்துத் தெரிவிக்கவில்லை. மானிய விலை சிலிண்டர்களை ஒன்பதிலிருந்து, 12 ஆக உயர்த்த வேண்டும் என, அனைத்து தரப்பின ரும் கோரிக்கை விடுத்தனர். அதற்கு செவி சாய்க்காத மத்திய அரசு, ராகுல் சொன்னதும், மானிய விலை சிலிண்டர்கள் எண்ணிக்கையை, 12 ஆக உயர்த்துகிறது. எனவே, ஆட்சியின் கொள்கை மற்றும் நிர்வாக முடிவு களை சோனியாவும், அவரது குடும்பமும் தான் எடுக்கிறது.
"பொருளாதார அடிப்படையில் இட ஒதுக்கீடு' என்ற கருத்தை வெளியிட்ட ஜனார்த்தன் திவேதிக்கு, சோனியா எந்த கண்டனத்தையும் இதுவரை தெரிவிக்கவில்லை. அவரது கருத்தால், ஓட்டு வங்கி பாதித்துவிடுமோ என்ற அச்சத்தில், ஜாதி அடிப்படையிலான இட ஒதுக்கீடு தான் செயல்படுத்தப்படும் என, கூறுகிறார். திவேதி கூறிய கருத்தை மறுக்கும் சோனியா, அவர் மீது நடவடிக்கை எடுக்கவில்லை. காங்கிரஸ் கட்சிக்கு தோல்வி பயம் வந்துவிட்டது. தெளிவற்ற கொள்கைகள் மற்றும் மக்கள் விரோத செயல்களால் திண்டாடிக் கொண்டிருக்கிறது.
இந்திய அரசியல் அமைப்புச் சட்டம், முதல் முறையாக திருத்தப்பட்டது, இட ஒதுக்கீடு அளிக்கும் சமூக நீதிக்குத் தான் என்பதை, காங்கிரசார் மறந்து விட்டனர் போல தெரிகிறது. அதனால் தான், இது போன்ற பிதற்றல்கள்.

மாசிலாமணி, பொருளாளர், ம.தி.மு.க.,

"பொருளாதார அடிப்படையில், இட ஒதுக்கீடு வழங்க வேண்டும்' என, காங்கிரஸ் தலைவர்களில் ஒருவரான, ஜனார்த்தன் திவேதி தெரிவித்த கருத்து காங்கிரசின் கருத்தல்ல. பொருளாதாரம் என்பது, நிலையான ஒன்றல்ல. இன்றைக்கு பணக்காரனாக இருப்பவன், நாளைக்கு ஏழையாகவும், இன்றைக்கு ஏழையாக இருப்பவன், நாளைக்கு பணக்காரனாகவும் மாறும் நிலையே, சமூகத்தில் நிலவுகிறது. அதனால், பொருளாதார அடிப்படையில், இட ஒதுக்கீடு அளிக்க முடியாது; அப்படி அளிப்பது சரியாகவும் இருக்காது.
எனவே, ஏற்கனவே அமலில் உள்ள, ஜாதி அடிப்படையில் தான், இட ஒதுக்கீடு அளிக்கப்படும் என்ற கட்சியின் நிலையை, சோனியா தெளிவுபடுத்தியுள்ளார். சமூகத்தில், ஜாதிகள் முற்றிலும் ஒழியும் வரை, ஜாதி அடிப்படையிலான இட ஒதுக்கீட்டை அமல்படுத்துவது தான், இந்தியா போன்ற பன்முக கலாசாரம் உடைய நாட்டிற்கு ஏற்றது. சமூகத்தில், ஜாதியின் அடிப்படை யில் தான், ஒரு மனிதனை நடத்து கின்றனர் என்கிறபோது, அவனை கை தூக்கிவிட, ஜாதி அடிப்படையிலான இட ஒதுக்கீடே ஏற்புடையது. லோக்சபா தேர்தல் நெருங்கி வரும் நிலையில், காங்கிரஸ் தலைவர்கள், அவ்வப்போது கருத்துக்களை வெளியிட்டு, பின் மறுக்கின்றனர் என, கூறுவது சரியல்ல. பல நேரங்களில், கட்சித் தலைவர்கள் கூறும் கருத்துக்களை, மேம்போக்காக ஆராய்ந்து செய்திகள் வெளியிடுவதால், இதுபோன்ற பிரச்னைகள் ஏற்படுகின்றன.
கட்சித் தலைவர்கள் கூறும் கருத்தின், உள் அர்த்தம் என்ன; அவர் கூறும் சூழ்நிலை என்ன என்பதை அறிந்து, அதற்கேற்றபடி விமர்சனம் செய்தால், இதுபோன்ற பிரச்னைகள் எழாது. காங்கிரசை பொறுத்தவரை, கல்வி, வேலைவாய்ப்பில், ஜாதி அடிப்படையிலான இட ஒதுக்கீடு தான் அமலில் இருக்க வேண்டும். பொருளாதார அடிப்படையிலான இட ஒதுக்கீட்டை ஏற்றுக் கொள்ளாது.

விஜயதாரணி , காங்கிரஸ் எம்.எல்.ஏ.,

Advertisement


வாசகர் கருத்து (8)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
முத்துகுமார் - New York,யூ.எஸ்.ஏ
07-பிப்-201423:35:56 IST Report Abuse
முத்துகுமார் இட ஒதுக்கீட்டின் பயன் பொருளாதார முன்னேற்றமே....பொருளாதார முன்னேற்றம் வந்தால் சமுக முன்னேற்றம் வரும் என்பது தான் இடஒதுக்கீட்டின் புரிதல். அப்படி அது உண்மை இல்லை என்று கருதினால் பின் எதற்கு இடஒதுக்கீடு. பொருளாதார முன்னேற்றம் வந்த பின்பும் மீதும் சலுகை வேண்டும் என்று எதிர்பாப்பது தவறு. இது மற்றவரின் உரிமையை பறிக்கும் செயல். இடஒதுக்கீடு வேண்டும்,,, அனால் அது பொருளாதரத்தில் பின்தங்கியவர்களுக்கு மட்டுமே கொடுக்க பட வேண்டும். முற்பட்ட சமுகத்தின் முன்னோர்கள் செய்த தவறுக்கு இன்று அதே சமுகத்தில் ஏழ்மையில் உள்ள ஒரு மனிதனை தண்டிப்பது எந்த வகையிலும் நியாயமில்லை.
Rate this:
Share this comment
Cancel
ganapati sb - coimbatore,இந்தியா
07-பிப்-201412:57:57 IST Report Abuse
ganapati sb ஜாதி அடிப்படையிலான இட ஒதுக்கீடு ஒரு கால வரைமுறைக்கு உட்பட்டதே என அதை தொடங்கும்போதே அறிவித்துள்ளனர் ஆகையால் தற்சமயம் இட ஒதுக்கீடு அளிக்கப்படும் ஜாதிகளின் நிலை என்ன என ஆராய்ந்து அதை தொடரலாமா அல்லது வேண்டாமா என புள்ளிவிவரங்கள் அடிப்படையில் ஆக்கப்புர்வமாக அணைத்து கட்சி தலைவர்களும் கலந்து பேசி முடிவு செய்ய வேண்டும் சில சீர்திருத்தங்களை வேண்டுமானால் செய்யலாம் உதாரணத்திற்கு ஒரு குடும்பம் ஒரு அல்லது இரண்டு தலைமுறையில் கல்வி அல்லது வேலை வாய்ப்பில் இட ஒதுக்கீடு பெற்று விட்டால் இரண்டாவது அல்லது முன்றாவது தலைமுறைக்கு இட ஒதுக்கீடு கிடையாது என்றும் முற்பட்ட சமுகம் என கூறப்படுவோரில் பொருளாதாரத்தில் பின் தங்கியொருக்கும் ஒரு குறிப்பிட்ட அளவு இட ஒதுக்கீட்டில் இடம் தர வேண்டும் போன்றவை ஆராயப்படவேண்டும். முன்னேறுவது என்று ஒருவன் தனிப்பட்ட முறையில் முடிவெடுத்துவிட்டால் ( வெள்ளத்தனைய மலர் நீட்டம் மாந்தர் தம் உள்ளத்தனைய உயர்வு) அவருக்கு உதவிகள் ஊக்கங்கள் தானாக கிடைத்துக்கொண்டே இருக்கும். பிமாராவிர்க்கு ஒரு அம்பேத்கர் கிடைத்தது போல் அப்துலுக்கு ஒரு சிவசுப்பிரமணியன் கிடைத்தது போல. இன்றிருக்கும் நிலைமைக்கு காரணம் வெறும் 30,000 ஆங்கிலேயர்கள் 30,00,00,000 இருந்த நம்மை பிரித்தாளும் தந்திரத்தால் நம்மிடையே பகையை மூட்டி ஆண்டது தான். அதனால் தான் அப்போது வாழ்ந்த பாரதி "ஜாதிகள் இல்லையடி பாப்பா குலம் தாழ்த்தி உயர்த்தி சொல்லல் பாவம்" என்றான். அறிவும் ஆற்றலும் நிறைந்த நம் முன்னோர்கள் நம்மை குணம், செய்யும் தொழில் மற்றும் பிறப்பு (குண தஹ கர்ம தஹ ஜன்ம தஹ) கொண்டு சமுகத்திற்கு நான்கு விதமாக பங்களிப்பவராக பெயரிட்டார்கள். தர்ம அதர்மங்களை பற்றி படித்து உணர்ச்சி வசப்படாமல் விருப்பு வெறுப்பில்லாமல் சமுகத்திற்கு எது நல்லதோ அதை ஆசிரியராகி மாணவர்களுக்கும் மந்திரியாகி மன்னர்களுக்கும் அறிவுரை கூறுபவர்களை அந்தணர்கள் என்று அழைத்தனர். திட்டங்கள் மட்டும் போதாது அதை தொய்வில்லாமல் விரைவில் செயல்படுத்தும் பன்முக அறிவும் எதிர்வரும் தடைகளை தகர்க்கும் புஜபலமும் கொண்டவர்களை சத்ரியர்கள் என்று அழைத்து அவர்களுக்கு நாட்டை ஆளும் மக்களை காக்கும் நல்ல திட்டங்களை செயல்படுத்தும் பொறுப்பையும் கொடுத்தார்கள். திட்டம் உண்டு செயல் படுத்தும் திறன் உண்டு ஆனால் அதற்க்கு பணமும், உணவும் தேவை அல்லவா? ஆகவே பொருளாதாரத்தை உயர்த்த, உழவும் தொழிலும், வியாபாரமும் செய்யும் அதற்க்கான படிப்பும் நுணுக்கங்கள் தெரிந்தவர்கள் வேண்டுமல்லவா. அந்த நிபுணர்களை வைச்யர்கள் என்று அழைத்தனர். எந்த சமூகத்திலும் குடும்பத்திலும் risk அல்லது பொறுப்பு எடுக்காத சிலபேர் இருக்கத்தான் செய்வார்கள். எளிமையான (சூத்திரர் என்றால் எளிமையானவர் என்று பொருள்) அவர்களை சமுகம் விட்டு விட முடியாதே. அவர்கள் மனதில் எளிமையாக இருந்தாலும் உடல் உறுதி மிக்கவர்களாக இருந்ததால் அவர்களை அந்தணர்களும் சத்ரியர்களும் வைஸ்யர்களும் அவர்களின் திட்டங்களை செயல்படுத்தும் மனித சக்திகளாக (manpower ) ஆக படிக்கவைத்து பயன்படுத்தி அதற்க்கு உரிய சம்பளத்தை கொடுத்துவிடுவார்கள். மொத்தத்தில் சமுகத்தில் பணம் பண்ணுவது வைஷ்யன் மட்டும் தான் அவர்கள் அந்தணர்களுக்கு தானமாகவும் (donation ) சத்ரியர்களுக்கு வரியாகவும் (Tax ) சூத்திரர்களுக்கு சம்பளமாகவும் (salary ) பிரித்துக்கொடுத்தனர். நமது பாரத சமுகம் பொருளை அடிப்படையாக கொள்ளாமல் நிறைவை அடிப்படையாக கொண்ட சமுகமாக ஆனந்தமாக விளங்கியது. தற்சமயம் கூட நமது சமுகத்தில் ஒரு ஆசிரியரும் ஒரு கவுன்சிலரும் ஒரு வியாபாரியும் ஒரு தொழிலாளியும் எந்த பேதமும் இல்லாமல் வாழ்வதை காணலாம். அந்த காலத்திலும் அந்தணர் சத்ரியர் வைஸ்யர் சூத்திரர் ஒற்றுமையாக வாழ்ந்தார்கள். அதை அவர்கள் கண்டிப்பாக கடை பிடிக்கவேண்டும் என்றே முப்புரி நூலை (3 பாகங்கள் கொண்ட பூணூல் மற்ற 3 வருணங்களுக்கும் உதவியாக வாழ்வேன் என்ற உறுதியளிக்கும்) அனைவரும் அணிந்தனர். ஒவ்வொரு ஊரிலும் ஊர் கூடி தேர் இழுத்தனர் (தேரின் நான்கு சக்கரம் போல நான்கு வருணத்தாரும் இணைந்து செயல்பட்டதால் ஊரும் தேரும் இனிமையாக இயங்கி வந்தது). முன்னர் நம்மை ஆள வந்த அரேபியர்கள் நமது கோயில்களை அழித்தனர். பின்னர் ஆள வந்த ஆங்கிலேயர்கள் நமது சமுக கட்டமைப்பை அழித்தனர். இதைதான் பாரதி "கஞ்சிக்கு வழியும் இல்லார் இதன் காரணம் இது என்ற அறிவும் இல்லார்" நெஞ்சு பொறுக்குதில்லையே இந்த நிலை கேட்ட மனிதரை நினைத்துவிட்டால் என்று அன்றைய நிலையையும், "எந்தையும் தாயும் மகிழ்ந்து குலாவி இருந்தது இந்நாடே, அவர் சிந்தையில் ஆயிரம் எண்ணங்கள் தோன்றி நிறைந்ததும் இந்நாடே" என பண்டைய பாரதத்தின் நிலையையும் பாடிச்சென்றுள்ளார். ஆங்கிலேயர்கள் யாரையெல்லாம் BC என்று சொன்னார்களோ, அவர்கள் நம் நாட்டை சிறப்பாக ஆண்டவர்கள் அல்லது தொழிலும் வியாபாரமும் செய்து திரைகடலோடி திரவியம் கொண்டு வந்து சமுதாயத்தை போரிலும் வெளிநாட்டு சுழ்ச்சிகளிலும் தன் உயிரையும் தியாகம் செய்து வாழ்வித்தவர்கள். இந்த உலகம் மிகப்பெரியது இங்கே ஒருவர் உயர்வதால் மற்றவர் தாழ்ந்து போவார் என பயம் கொள்ளத்தேவையில்லை. அனைவரும் சேர்ந்தே உயர அனைத்து வாய்ப்புகளும் இங்கே அனைவருக்கும் உள்ளன. நாம் ஒன்று பட்டால் உண்டு வாழ்வு. முத்துராமலிங்க தேவரும், சிதம்பரம் பிள்ளையும், காமராஜ நாடாரும், சுப்பிரமணிய பாரதியும், அன்னல் அம்பேத்கரும் நம் அனைவருக்கும் சேர்ந்தே உழைத்தனர். அவர்களுக்கு திராவிட இயக்கங்கள் போல அந்தணருக்கும் மற்றவருக்கும் பேதம் கற்பித்து வோட்டு வாங்கவோ கம்யூனிஸ்ட் இயக்கங்கள் போல சுத்திரருக்கும் மற்றவர்களுக்கும் பேதம் கற்பித்து வோட்டு வாங்கவோ வேண்டிய அவசியம் இல்லை. ஆக இட ஒதுக்கீடு தேவையா இல்லையா என்பது அனைத்தையும் நேர்மறையாக சிந்தித்து செயல்படுபவர்களின் விஷயம். லோக்பால் போல அனைத்து சமுக அமைப்பு ஏற்படுத்தி இதை முடிவு செய்யலாம். அது வரை இப்போது உள்ள ஏற்பாடே தொடரலாம்.
Rate this:
Share this comment
Cancel
Rajarajan - Thanjavur,இந்தியா
07-பிப்-201411:50:52 IST Report Abuse
Rajarajan அப்படி என்றால், ஜென்ம ஜென்மத்திற்கும், ஜாதிகள் இருந்தே தீரும். ஏனெனில், அடுத்தடுத்த தலைமுறை என்பது சுமார் 20 வருடங்களுக்கு ஒருமுறை தொடர்ந்து உருவாகிக்கொண்டே இருக்கும். இவர்களின் முன்னாள் தலைமுறையினர், இட ஒதுக்கீட்டின் மூலம் பொருளாதாரத்தில் நன்கு முன்னேறி இருந்தாலும், அடுத்த தலைமுறையை முன்னேற்றுவதாக கூறி, தொடர்ந்து இட ஒதுக்கீடு இருந்து கொண்டே இருக்கும். இது வாழை அடி வாழையாக, ஜென்ம ஜென்மத்திற்கும் தொடரும். தொடர்ந்து 100 தலைமுறை பொருளாதரத்தில் மிக மிக முன்னேறினாலும், இட ஒதுக்கீட்டை நிறுத்தமாட்டார்கள். ஏனெனில், அடுத்தடுத்த தலைமுறை தொடர்ந்து உள்ளதே எனவே, ஜாதி முறையில் இட ஒதுக்கேடு என்பது (ஜாதி சான்றிதழில் இருக்கும்வரை) ஜென்மதிருக்கும் ஒழிக்கவே முடியாது. ஆனால், எதிர்மறையாக, முற்பட்ட வகுப்பினரில், பொருளாதாரத்தில் பின்தங்கிய ஏழைகளின் அடுத்தடுத்த தலைமுறை, இட ஒதுக்கீடின்றி தொடர்ந்து பின் நோக்கி சென்று கொண்டே இருக்கும். ஆனால், இந்த முன்னேறிய வகுப்பினர் மட்டும் எப்படி கடந்த 3 தலைமுறையாக நலிவை நோக்கி சென்றும், தங்களுக்கு இட ஒதுக்கீடு கேட்க்காமல் உள்ளனர் ??? அங்குதான் சூட்ஷமமே உள்ளது. இந்த பிரிவினருக்கு மிக நன்றாக தெரியும், இட ஒதுக்கீடு மட்டுமே வாழ்க்கையின் தீர்வு அல்ல என்று. தொடர்ந்து கற்றல், தொடர்ந்து தகுதியை / திறமையை / தன்னம்பிக்கையை வளர்த்துகொள்ளுதல், காலத்திற்கேற்றாற்போல் உலகளாவிய போட்டி திறனை வளர்த்துக்கொள்ளுதல், ஆகியன. இது இவர்களுக்கு, சிறு வயது முதலே கற்று தரப்படுகிறது. பள்ளியில் செர்க்கும்பொழுதெ, மனதில் விதைக்கப்படுகிறது. இந்த பெற்றோர்கள், தாங்கள் பட்டினிகிடந்தாலும், நலிந்தாலும், அவர்களது அடுத்த தலைமுறையினரின் கல்வி, திறமை, போட்டி மனப்பான்மை, தன்னம்பிக்கை போன்றவற்றை தொடர்ந்து ஊக்குவித்து, வளர்த்து விடுகின்றனர். இதனால் இந்த சமூகம் வேறு வழியின்றி, வாழ்வு அல்லது சாவு என்ற சூழலில் இருந்ததாலும், வாழ்க்கையை ஒரு சவாலாக ஏற்று வாழ்கின்றனர். இவர்களின் இந்த தியாகம், அடுத்தடுத்த தலைமுறைக்கு தொடர்ந்து கொடுக்கப்படுகிறது. இதுவே நிதர்சனம் மற்றும் உண்மை. மேலும், தனியார் நிறுவனங்களில் எப்போதும் திறமைக்கும், போட்டிக்கும் மதிப்பு உண்டு. எனவே, இவர்கள் தனியார் துறையை நோக்கியே குறி வைக்கின்றனர். அரசு வேலைகளில், குறிப்பிட்ட இட ஒதுக்கீடு சமூகத்தினர் கிடைக்கவில்லை எனில், தொடர்ந்து கால காலதிருக்கும், அந்த இடம் காலியாகவே உள்ளது. எனவே, இந்த இடத்தில் வெற்றிடம் ஏற்பட்டு, வேலைகள் தேங்கி, அரசு இயந்திரம் தடைபடுகிறது. ஆகமொத்தம், இடஒதுக்கீடு என்பது, புலிவால் பிடித்த கதை தான். ஒரு தடவை பிடித்தால், பின்னர் விடவே முடியாது. இதில் ஜாக்பாட் அடிப்பவர்கள், அரசியல்வாதிகள்தான். இடஒதுக்கீடு மூலம் ஜென்ம ஜென்மத்திற்கும் இவர்கள்தான் நன்கு வோட்டு குளிர்காய்வர். வாழ்க ஜனநாயகம்.
Rate this:
Share this comment
Rathinasami Kittapa - Ambur,இந்தியா
08-பிப்-201409:22:03 IST Report Abuse
Rathinasami Kittapaஉண்மையிலேயே மிகவும் நல்ல கருத்துக்கள். தகுதியை முன்னிலைப் படுத்தி வேலை கொடுத்தால்தான் அத்துறையில் வளர்ச்சி இருக்கும். இல்லையேல் கோஷ்டி / கூட்டம் சேர்த்துக்கொண்டு ஆர்ப்பாட்டம்,வேலைநிறுத்தம் என்று பிரச்சினைகளைத்தான் எதிர்நோக்க வேண்டி வரும்.உற்பத்தி ,ஆக்கபூர்வ முன்னேற்றம் வேண்டும் என்றால் தகுதிக்கே முதலிடம் தர வேண்டும். பொருளாதாரத்தில் பின் தங்கியவர்களுக்கும் அந்ததந்த வேலைக்கான தகுதியை பெறச் செய்து பின்னர் வேலை அளிக்க வேண்டும்.ஜாதி ஒன்றே தகுதி என்றால் அழிவுதான் ....
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X