Modi attack COngress in chennai meeting | பல லட்சம் பேர் திரண்டதால் குலுங்கியது சென்னை: காங்கிரஸ், 3வது அணி கட்சிகள் மீது கடும் தாக்கு | Dinamalar
பதிவு செய்த நாள் :
கருத்துகள் (84)  கருத்தை பதிவு செய்ய
எழுத்தின் அளவு:

சென்னை அடுத்த வண்டலூரில், நேற்று நடந்த, பா.ஜ., பொதுக்கூட்டத்தில், அக்கட்சி பிரதமர் வேட்பாளர், நரேந்திர மோடியின் பேச்சைக் கேட்க, பல லட்சக்கணக்கான மக்கள் திரண்டனர். சென்னை விமான நிலையத்தில் இருந்து, வண்டலூர் வரை, வழிநெடுகிலும், மோடிக்கு, மக்கள் உற்சாக வரவேற்பு அளித்தனர். கூட்டத்தில் பேசிய மோடி, காங்கிரஸ் மற்றும் மூன்றாவது அணி கட்சிகளைத் தாக்கி பேசினார்.

சென்னை அடுத்த வண்டலூரில், பா.ஜ., பிரதமர் வேட்பாளர், நரேந்திர மோடி பங்கேற்ற, தேர்தல் பிரசார பொதுக்கூட்டம், நேற்று நடந்தது. தமிழகத்தில், திருச்சிக்கு பிறகு, மோடி பங்கேற்கும், இரண்டாவது பொதுக்கூட்டம் என்பதால், சென்னையில் மிகப் பிரமாண்டமாக ஏற்பாடு செய்யப்பட்டு இருந்தது. சென்னை, விமான நிலையத்தில் இருந்து, வண்டலூர் வி.ஜி.பி., மைதானம் வரை, 30 கி.மீ., தூரத்திற்கு, சாலையின் இரு புறங்களிலும், மோடியை வரவேற்று, பா.ஜ., கொடி, தோரணம் கட்டப்பட்டு வரவேற்பு தட்டிகள் வைக்கப்பட்டுஇருந்தன.பா.ஜ., உடன் கூட்டணி வைக்க, உடன்பாடு எட்டியுள்ள, ம.தி.மு.க., புதிய நீதிக்கட்சி, இந்திய ஜனநாயக கட்சி, இந்திய முஸ்லிம் முன்னேற்ற கழகம், மக்கள் தமிழகம் கட்சிகள் சார்பிலும், மோடியை வரவேற்று, கொடி மற்றும் தோரணங்கள் கட்டப்பட்டிருந்தன. கூட்டணி கட்சித் தலைவர்கள், மோடி மற்றும் தமிழக பா.ஜ., தலைவர்கள் படங்களுடன், பேனர்கள் வைக்கப்பட்டிருந்தன. வண்டலூரில், 15 ஏக்கர் பரப்பளவில், பார்லிமென்ட் வடிவில், மேடை அமைக்கப்பட்டு இருந்தது. மூன்று பிரிவுகளாக, மேடை பிரிக்கப்பட்டு இருந்தது. பா.ஜ., தலைவர்கள், மோடி மற்றும் கூட்டணி தலைவர்கள், பா.ஜ., கட்சியின், தேசிய பிரதிநிதிகள், அமரும் வகையில், மேடை அமைக்கப்பட்டு இருந்தது. மேடையில்இருக்கைக்கு பின்புறம், மிகப்பெரிய திரை அமைக்கப்பட்டு, மேடையில் நடக்கும் நிகழ்வுகள், பொதுக்கூட்ட காட்சிகள், ஒளிபரப்பப்பட்டன. நீண்ட தூரத்தில் இருந்து, மேடையை பார்ப் போருக்கு, மேடையில் நடக்கும் நிகழ்வு தெரிவதற்காக, இந்த ஏற்பாடு செய்யப்பட்டு இருந்தது. மைதானத்திலும், ஆங்காங்கே, 'டிவி'க்கள் பொருத்தப்பட்டு, பொதுக் கூட்ட காட்சிகள், ஒளிபரப்பப்பட்டன.

குவிப்பு:மோடி பொதுக்கூட்டத்திற்கு, காலை முதலே, தமிழகத்தின் பல்வேறு பகுதிகளில் இருந்து, பா.ஜ., தொண்டர்கள் மற்றும் கூட்டணி கட்சியினர், வந்தபடி இருந்தனர்.பகல், 12:00 மணியில் இருந்து, பொதுக்கூட்ட மைதானத்தில்,

தொண்டர்களின் கூட்டம், குவியத் துவங்கியது.ம.தி.மு.க.,வின் மல்லை சத்யா, எம்.பி., கணேசமூர்த்தி; புதிய நீதிக்கட்சித் தலைவர் ஏ.சி.சண்முகம்; கொங்குநாடு தேசிய கட்சித் தலைவர் ஈஸ்வரன்; இந்திய ஜனநாயக கட்சித் தலைவர் பாரிவேந்தர் ஆகியோர், மாலை, 5:00 மணிக்கு, மேடைக்கு வந்தனர்.மோடி வருவதற்கு முன், கட்சியின் முக்கிய நிர்வாகிகள், பேசி முடிப்பதற்கு வசதியாக, மாலை, 5:20 மணிக்கு, தமிழக பா.ஜ., தலைவர் பொன்.ராதாகிருஷ்ணன், பொதுக்கூட்டத்தை துவக்கி வைத்தார்.அசாம் மாநிலம், கவுகாத்தியில் நேற்று காலை நடந்த பொதுக்கூட்டத்தில் பங்கேற்று பேசிய மோடி, இரவு, 7:00 மணிக்கு சென்னை விமான நிலையத்திற்கு வந்தார்.இரவு, லட்சக்கணக்கான தொண்டர்கள் முன்னிலையில், பேசியமோடி, காங்கிரஸ் மற்றும் மூன்றாவது அணி கட்சிகளைத் தாக்கி பேசினார்.கூட்டத்தில், இல.கணேசன், தமிழிசை சவுந்தரராஜன், லட்சுமணன், ராதாகிருஷ்ணன், வானதி சீனிவாசன், தமிழக பொறுப்பாளர் முரளிதர ராவ், மாவட்ட, ஒன்றிய, கிளை கழக பொறுப்பாளர்கள் கலந்து கொண்டனர்.

பல கி.மீ., தூரம் நடந்த மக்கள்: வண்டலூரில் நடந்த, நரேந்திர மோடி கூட்டத்திற்கு, லட்சக்கணக்கான தொண்டர்கள் குவிந்ததால், சென்னை - திருச்சி தேசிய நெடுஞ்சாலையில், கடும் போக்குவரத்து நெரிசல் ஏற்பட்டது.தென் மாவட்டங்களில் இருந்து வந்த வாகனங்கள், கூட்டம் நடந்த இடத்தில் இருந்து, 5 கி.மீ., தொலைவில் உள்ள, காட்டாங்கொளத்தூரில் நிறுத்தப்பட்டன. அங்கிருந்து தொண்டர்கள் நடந்தே, கூட்டம் நடந்த இடத்திற்கு சென்றனர்.

போக்குவரத்து மாற்றம்:பகல், 12:00 மணியில் இருந்து, கூட்டம் வரத் துவங்கியதால், சென்னை - திருச்சி தேசிய நெடுஞ்சாலையில், போக்குவரத்து நெரிசல் ஏற்பட்டது. பாதுகாப்புப் பணியில், 5,000 போலீசார் ஈடுபட்டிருந்தனர். நான்கு திசைகளில் இருந்தும், வாகனங்கள் குவிந்ததால், கடும் நெரிசல் ஏற்பட்டது. இதை தவிர்க்க, போலீசார் வாகனங்களை, மாற்று வழியில், திருப்பி விட்டனர்.

ஓங்கி ஒலித்த பாடல்கள்:
* 'மோடி ஆட்சிக்கு வந்தால், இலங்கை கடற்படை, தவிடுபொடியாகும்!'
* புதிய கல்விக் கொள்கை வகுப்போம்.
* தமிழக மீனவர் வாழ்வு வளமாக, மோடியை பிரதமராக்குவோம்.
* பரம்பரை ஆட்சி வேண்டாம்; பாமரன் ஆட்சி வேண்டும்.

Advertisement

* நல்லவர் ஆட்சி அமைய, நயவஞ்சகர்களை ஓட விடுவோம்.* தமிழக மீனவர் பிரச்னையில், தவறு செய்தது, இலங்கை தலை; கண்டு கொள்ளாமல் இருப்பது, காங்கிரஸ் தலை.
* இலங்கை கடற்படை பொடிபட, மோடி விரைவில் வந்திடணும் உள்ளிட்ட பல்வேறு கருத்துக்கள் அடங்கிய கொள்கை விளக்கப் பாடல்கள், கூட்டத்தில் ஒலிபரப்பப்பட்டன.

மோடி டீ;பிளாஸ்டிக் விசிறி:
* வழிநெடுகிலும், முக்கிய இடங்களில், 'மோடி 'டீ' ஸ்டால் வைத்து, தொண்டர்களுக்கு, இலவசமாக டீ வழங்கப்பட்டது.
* கூட்டத்திற்கு வந்த தொண்டர்களுக்கு, தாமரைப் பூ வடிவில், பிளாஸ்டிக் விசிறிகள் வழங்கப்பட்டன.
* மோடி வருகையையொட்டி, ஐந்து அடுக்கு பாதுகாப்பு போடப்பட்டிருந்தது.

போலீசாருக்கு தொண்டர்கள் கோரிக்கை: மாநாடு மேடையில் இருந்து, ஜி.எஸ்.டி., சாலை வரை, எங்கு பார்த்தாலும், மக்கள் கூட்டம் நிரம்பி வழிந்தது. பல ஆயிரம் தொண்டர்கள், மாநாடு திடலுக்குள் வர முடியாமல், வெளியே தவித்துக் கொண்டிருந்த தகவல், பா.ஜ., தேசிய செயலர் தமிழிசை சவுந்தரராஜனுக்கு, தெரிய வந்தது.உடனே, அவர் மைக்கை பிடித்து, ''போலீசாருக்கு ஒரு கோரிக்கை. மாநாடு திடலுக்கு வெளியே உள்ள, ஆயிரக்கணக்கான மக்களை, மாநாடு திடலுக்குள் அனுப்பி வைக்காமல், தடுத்து நிறுத்தியதாக, எங்களுக்கு தகவல் வந்துள்ளது; இது தவறான நடவடிக்கை. உடனடியாக, அனைவரையும், மாநாடு திடலுக்குள், அனுப்பி வைக்க வேண்டும்,'' என்றார்.அவர் பேசியதும், கூட்டத்தில் பரபரப்பு ஏற்பட்டது. தொண்டர்கள் எழுந்து நின்று, போலீசாரை நோக்கி, 'தொண்டர்களை உள்ளே அனுப்புங்கள்' என, ஆவேசமாக கோரிக்கை விடுத்தனர்.

- நிருபர் குழு -




Advertisement
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (84)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Chandru covai - coiambatore  ( Posted via: Dinamalar Android App )
11-பிப்-201414:42:26 IST Report Abuse
Chandru covai இந்த மூணாந்தர அணி யெல்லாம் இப்ப என்ன சொல்றிங்க
Rate this:
Share this comment
Cancel
bathassarady krichena - paris,பிரான்ஸ்
10-பிப்-201402:23:16 IST Report Abuse
bathassarady krichena சரி காங்கிரெஸ் மீண்டும் ஆட்சி செய்ய சொல்லலாமா முடியாது இல்ல? அப்போ என்ன செய்யலாம். இதற்கு பிஜேபி ஓகே என்று சொல்லவில்லை.இந்தியா இந்த 10 வருடகளில் மிக பெரிய முன்னேற்றம் அடையவில்லை.திமுக அதிமுக போல் மாறி மாறி போடதுபோல்தன்.இப்போ பிஜேபி மோடி செய்வேன் என்கிறார். குஜராத்இல் எதோ அல்லது நிறைய செய்து இருக்கிறார். இந்தியா நல்ல ஆக சான்ஸ உள்ளது.அல்லது பிஜேபி பெரிசா வளரும்.எப்படி இருப்பினும் காங்கிரஸ் மறுபிடியும் சான்ஸ் தந்தால் இதுவே அவர்களுக்கு பெரிய மறுபடியும் தப்பு பண்ண சான்ஸ் ஆகிவிடும்.3 அணி வேலைக்கு ஆகாது.எனவே பிஜேபி தவிர வேறு இல்லை அது இல்லாமல் மோடி அலை விசுது.
Rate this:
Share this comment
Cancel
Indhean - Chennai,இந்தியா
09-பிப்-201423:01:17 IST Report Abuse
Indhean மோடியின் பேச்சை தவிர பலரின் பேச்சில் சூடு இருந்தது. ஆனால் இல கணேசனின் பேச்சு மிக நன்றாக அமைந்திருந்தது.
Rate this:
Share this comment
Cancel
Indhean - Chennai,இந்தியா
09-பிப்-201422:57:14 IST Report Abuse
Indhean இந்த மாநாட்டு கூட்டத்தில் நானும் கலந்துகொண்டேன். மிக பெரிய கூட்டம், இளைஞர்கள் மிக அதிகமாக பங்கு பெற்றிருந்தனர். பலரிடம் காது கொடுத்து கேட்ட பொது, DMDK தேவையே இல்லை. கண்டிப்பாக இப்போதிருக்கும் கூட்டணியே போதுமானது. அவர்கள் சீட்டுக்காகவும், தேர்தல் செலவுக்காகவும் நாடகம் ஆடுகிறார்கள் என்று பலரின் பேச்சில் கோபம் தென்பட்டது. அது மட்டுமல்ல ஆந்த்ராவில் இருந்தும் வந்திருந்தனர். அதில் தெலுகு தேசம் கட்சியினரை கூட பார்க்க முடிந்தது. அவர்கள் மோடியின் பால் ஈர்க்க பட்டு வந்திருந்ததாக கூறினார்கள். இது ஒரு மிக பெரிய மாற்றம். 272 மிக எளிதாக மோடி பெற்றுவிடுவார் என்று பலர் அடித்து பேசினார்கள். அதே நேரம் IT துறையில் இருந்து நிறைய பேர் இந்த மாநாட்டில் கலந்து கொண்டார்கள். மொத்தத்தில் மிக பெரிய மாற்றம் மட்டுமல்ல, ஒரு மிக பெரிய எதிர் பார்ப்பு மோடியிடம் இருந்து மக்கள் எதிர்பார்க்கிறார்கள் என்பதை தெளிவாக உணர முடிந்தது. கட்சி சாராத பலரின் வாக்குகள், அடுத்த தேர்தலில், மோடியின் செயல்பாடுகளின் மூலமே அணிமாராமல் சேமிக்க முடியும். ஏனெனில் அவர்களின் கோஷம் உண்மையிலேயே VOTE FOR INDIA
Rate this:
Share this comment
Cancel
தி.இரா.இராதாகிருஷ்ணன் - நாக்பூர்....,இந்தியா
09-பிப்-201407:30:12 IST Report Abuse
தி.இரா.இராதாகிருஷ்ணன் யாருப்பா, இந்த கூட்டம் வெறும் 2000 பேர்தான் என்று கணக்கு சொல்ல வில்லையா?...ஏழாப்பு எட்டாபுல படிச்ச கனக்கெல்ல்லாம் சொல்லுவாங்களே.....ஒரு சேர் போட நாலு சதுர அடி இடம் வேண்டும்....கூட்டம் நடந்த இடத்தோட மொத்த பரப்பளவு இத்தனை சதுர அடி என்றெல்லாம் கணக்கு பாடம் நடத்துவாங்களே......வாங்க கணக்கு புலிகளே.....
Rate this:
Share this comment
Cancel
Parthiban S - arumuganeri,இந்தியா
09-பிப்-201407:26:22 IST Report Abuse
Parthiban S "பொதுவாக அதிமுக., திமுக., காங்., கம்யூ., உள்ளிட்ட கட்சிகளின் மாநாடுகளுக்கு- தொண்டர்களை தவிர்த்து, கூலி ஆட்களை தவிர்த்து, வேடிக்கை பார்க்க வருவோரை தவிர்த்து- அக்கறையோடு பொதுமக்கள் வரும் காலம் இப்போது இல்லை... ஆனால் பிஜேபி.யின் இந்தக் கூட்டத்திற்கு வந்து குவிந்தவர்களில் 3ல் 2 பங்கு பொதுமக்களே... இதை எவரேனும் மறுத்தால், தமிழக பிஜேபி., 'கன்னாபின்னா'வென்று வளர்ந்து விட்டதாக ஒத்துக்கொண்டாக வேண்டும்..."
Rate this:
Share this comment
Cancel
Tiruvannamalai Kulasekaran - AUSTRALIA  ( Posted via: Dinamalar Android App )
09-பிப்-201407:18:21 IST Report Abuse
Tiruvannamalai  Kulasekaran கோவை சக்தி் டீ அருமையா இருந்ததா போய் டீ குடிச்சீங்களா இல்லை செய்தி்யை படிச்சிட்டு சொல்றிங்களா பிரதர்
Rate this:
Share this comment
Cancel
Ootai Vaayan - Kovai,இந்தியா
09-பிப்-201407:11:44 IST Report Abuse
Ootai Vaayan தமிழர்களை திராவிட கட்சிகள் ஏமாற்றியது போதும். இனி மேலாவது மானதமிழர்களாக வாழ்வோம்.
Rate this:
Share this comment
Cancel
SURESH SUBBU - Delhi,இந்தியா
09-பிப்-201407:01:30 IST Report Abuse
SURESH SUBBU India need... vision, ..mission... solution...
Rate this:
Share this comment
Cancel
Sahayam - cHENNAI,இந்தியா
09-பிப்-201406:59:08 IST Report Abuse
Sahayam தினமலர் அவர்களே 5 லட்சம் பேர் வந்தார்களா இல்லையா?
Rate this:
Share this comment
Cancel

உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X