ராஜா, சிதம்பரத்திற்கு எதிராக 'ஆம் ஆத்மி' வேட்பாளர்கள்| Dinamalar

ராஜா, சிதம்பரத்திற்கு எதிராக 'ஆம் ஆத்மி' வேட்பாளர்கள்

Added : மார் 08, 2014
Advertisement
 
 
Advertisement
 
 
dinamalar-advertisement-tariff-2018
 
Advertisement

அரவிந்த் கெஜ்ரிவால் வெளியிட்ட, ஊழல் அரசியல்வாதிகள் பட்டியலில் இடம் பெற்ற, தமிழக எம்.பி.,க்களுக்கு எதிராக, லோக்சபா தேர்தலில், பலமான வேட்பாளர்களை நிறுத்த, 'ஆம் ஆத்மி' கட்சி முடிவு செய்துள்ளது.
'லோக்சபா தேர்தலில், ஊழல் அரசியல்வாதிகள் தோற்கடிக்கப்பட வேண்டும்' என்ற கருத்தை தெரிவித்த, டில்லி மாநில முன்னாள் முதல்வரும், ஆம் ஆத்மி கட்சியின் நிறுவனருமான, அரவிந்த் கெஜ்ரிவால், ஊழல் அரசியல்வாதிகள் என, 160 பேர் பட்டியலை வெளியிட்டார். இந்த பட்டியலில், தமிழக அரசியல்வாதிகள் சிலரின் பெயர்களும் இடம் பெற்றிருந்தன. கெஜ்ரிவால் வெளியிட்ட அந்தப் பட்டியலில் இடம் பெற்ற, மற்ற மாநில அரசியல்வாதிகளுக்கு எதிராக, லோக்சபா தேர்தலில், ஆம் ஆத்மி கட்சி, வேட்பாளர்களை நிறுத்தியுள்ளது. அதேநேரத்தில், பட்டியலில் இடம் பெற்ற, தமிழக அரசியல் தலைவர்கள் சிலர், வரும் லோக்சபா தேர்தலில் போட்டியிடலாம் என, எதிர்பார்க்கப்படுகிறது. அதனால், அவர்களை எதிர்த்து, பலம் வாய்ந்த வேட்பாளரை நிறுத்த தயாராக உள்ளதாக, தமிழக ஆம் ஆத்மி கட்சியினர் தெரிவித்துள்ளனர். இதுகுறித்து, தமிழக ஆம் ஆத்மி கட்சியின், மாநில பிரசாரக் குழு அமைப்பாளர், டேவிட் பரூன் குமார் கூறியதாவது: தமிழகத்தில், 15க்கும் மேற்பட்ட தொகுதிகளில் போட்டியிடத் திட்டமிட்டு, வேட்பாளராக விரும்புவோரிடம் விருப்ப மனுக்கள் வாங்கப்பட்டு, நேர்காணலும் முடிந்துள்ளது. அரவிந்த் கெஜ்ரிவால் வெளியிட்ட, ஊழல் அரசியல்வாதிகள் பட்டியலில் இடம் பெற்ற, தமிழக எம்.பி.,க்களான ராஜா, சிதம்பரம், வாசன் ஆகியோரை எதிர்த்து, பலம் வாய்ந்தவர்களை நிறுத்த முடிவு செய்து, அதற்கான வேட்பாளர்களையும் தேர்வு செய்துள்ளோம். மூவரும் நிற்கும் தொகுதிகள் தெரியவந்தவுடன், எங்கள் வேட்பாளரை களமிறக்குவோம். இவ்வாறு, அவர் கூறினார்.

- நமது நிருபர் -

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X