TN Congress has no alliance | கூட்டணிக்கு கட்சிகளே இல்லாமல் தமிழக காங்கிரஸ் பரிதாபம்: வேட்பாளர் பட்டியலை வெளியிட்டு கருணாநிதி 'ஷாக்!'| Dinamalar
பதிவு செய்த நாள் :
கருத்துகள் (91)  கருத்தை பதிவு செய்ய
எழுத்தின் அளவு:

தி.மு.க., தலைமையகமான, சென்னை அறிவாலயத்தில், அக்கட்சியின் தலைவர், கருணாநிதி நேற்று, 35 தொகுதிகளுக்கான வேட்பாளர்கள் பட்டியலை, அதிரடியாக வெளியிட்டு, தமிழக காங்கிரஸ் தலைவர்களுக்கு, 'ஷாக்' கொடுத்துள்ளார்.அதனால், கூட்டணிக்கு கட்சிகளே இல்லாமல், தமிழக காங்கிரஸ், தனிமரமாக பரிதாபமாக நிற்பதோடு, தனித்துப் போட்டியிடும் நிலைமைக்கும் தள்ளப்பட்டுள்ளது.

லோக்சபா தேர்தல், அடுத்த மாதம், 24ம் தேதி நடக்கிறது. இந்தத் தேர்தலுக்கு, தமிழகம் மற்றும் புதுச்சேரியில் உள்ள, 40 தொகுதி களுக்கும் வேட்பாளர்களை அறிவித்து, பிரசாரத்தையும் துவக்கி விட்டார், அ.தி.மு.க., பொதுச் செயலரான, முதல்வர் ஜெயலலிதா.

தொகுதி பங்கீடு:
அதேநேரத்தில், தமிழக பா.ஜ., தலைமையில், ம.தி.மு.க., - பா.ம.க., உட்பட சில கட்சிகள் அணி சேர்ந்து போட்டியிடத் தயாராகி வருகின்றன. அந்தக் கட்சிகளுக்குள் தொகுதி பங்கீடு பேச்சுவார்த்தை, தீவிரமாக நடைபெற்று வருகிறது.மத்தியில் ஆளும் காங்., உடன், 10 ஆண்டுகளாக, கூட்டணி வைத்திருந்த, தி.மு.க., ஓரிரு மாதங்களுக்கு முன், அந்தக் கூட்டணி முறிந்து விட்டதாக அறிவித்தது. விடுதலை சிறுத்தைகள் உட்பட, சில கட்சிகளுடன் கூட்டணி அமைத்து, லோக்சபா தேர்தலை சந்திக்க தயாராகி வந்தது.இருப்பினும், தி.மு.க., உடன் கூட்டணி அமைக்க, தமிழக காங்கிரஸ் தலைவர்களும், டில்லியில் உள்ள, காங்., மேலிட தலைவர்களும், மறைமுகமாக பேச்சு வார்த்தை நடத்தி வந்தனர். ஆனாலும், '2ஜி' ஸ்பெக்ட்ரம் ஊழல் உட்பட, பல விவகாரங்களில், கடந்த காலங்களில், காங்கிரஸ் தங்களுக்கு விரோதமாக நடந்து கொண்டதால், காங்., கட்சியுடன் கூட்டணி அமைக்க, தி.மு.க., பொருளாளர் ஸ்டாலின் விரும்பவில்லை; அதை வெளிப்படையாகவே தெரிவித்தார்.

டில்லியில் முகாம்:
ஆனாலும், தமிழக காங்கிரஸ் தலைவர்கள் பலர், 'எப்படியும் கூட்டணி அமையும்' என, நம்பிக்கையுடன் கூறி வந்தனர்.இந்நிலையில், லோக்சபா தேர்தலில், கூட்டணி கட்சிகளுக்கு ஒதுக்கியது போக, மீதமுள்ள, 35

தொகுதிகளுக்கான வேட்பாளர்கள் பட்டியலை, தி.மு.க., தலைவர், கருணாநிதி நேற்று வெளியிட்டார். அதனால், தி.மு.க., உடன் எப்படியும் கூட்டணி அமையும் என்ற நம்பிக்கையில்இருந்த, தமிழக காங்., தலைவர்கள், அதிர்ச்சி அடைந்தனர். உடன், டில்லியில் முகாமிட்டுள்ள, தமிழக காங்., தலைவர், ஞானதேசிகன், மற்ற மேலிட தலைவர்களுடன் பேசினார்.அதற்கு பதில் அளித்த மேலிட தலைவர்கள், 'கூட்டணி தொடர்பாக, தி.மு.க., தரப்பிலிருந்து சாதகமான பதில்கள் வரவில்லை' என, கையை விரித்து விட்டனர். அத்துடன் டில்லியில் நிருபர்களுக்கு பேட்டி அளித்த, காங்., பொதுச் செயலர், ஷகீல் அகமதுவும், ''தமிழகத்தில், தி.மு.க., - காங்., கூட்டணி அமைய வாய்ப்பு இல்லை,'' என, தெளிவாக தெரிவித்தார்.இதன் மூலம், தி.மு.க., உடன் கூட்டணி அமைக்க, காங்கிரஸ் மேலிட தரப்பில் மேற்கொள்ளப்பட்ட, கடைசி கட்ட முயற்சிகள் தோல்வி அடைந்துள்ளதாகவே நம்பப்படுகிறது.

தனித்து போட்டி:

தி.மு.க.,வின் அதிரடி முடிவால், கூட்டணிக்கு கட்சிகளே இல்லாமல், தனித்து விடப்பட்டு, தனியே தேர்தல் களம் காணும் பரிதாபமான நிலைக்கு, காங்கிரஸ் தள்ளப்பட்டுள்ளது.தனித்துப் போட்டியிட வேண்டிய சூழ்நிலையில், தமிழக காங்., இருப்பதால், மத்திய சுகாதாரத் துறை அமைச்சரும், தமிழக காங்., விவகாரங்களுக்கான, குலாம் நபி ஆசாத் தலைமையிலான குழுவினர் இன்று கூடி, தமிழகத்தில், காங்கிரஸ் சார்பில், போட்டியிட உள்ள வேட்பாளர்கள் குறித்து முடிவு செய்ய உள்ளனர்.அதன்பின், பட்டியல் ஒன்றுதயாரிக்கப்பட்டு, அது, காங்., தலைவர்

Advertisement

சோனியாவிடம் ஒப்படைக்கப்படும். அவர் இறுதியாக, தமிழக காங்., வேட்பாளர்கள் பட்டியலை அறிவிப்பார்.

ஆலோசனை கூட்டம்:
தமிழக காங்., தலைவர், ஞானதேசிகன் நேற்று வெளியிட்ட அறிக்கை:லோக்சபா தேர்தல் பணிக்கு, தமிழக காங்., தன்னை தயார்படுத்தி வைத்திருக்கிறது. தமிழகம் முழுவதும் காங்கிரஸ் நண்பர்கள், தேர்தலை எதிர்கொள்ள உற்சாகமாக உள்ளனர். காங்கிரஸ் கட்சியை பலவீனப்படுத்தும் முயற்சியில், கூட்டணி குறித்து பல்வேறு தவறான செய்திகள், ஒரு வார காலமாக பரப்பப்பட்டன. யூகங்கள் இறக்கை கட்டி, தமிழக தெருக்களில் பவனி வந்தன. தேர்தல் பணி குறித்து ஆலோசனை செய்ய, வரும், 14ம் தேதி, காலை, 10:00 மணிக்கு, சத்தியமூர்த்தி பவனில், மாநில நிர்வாகிகள், மாவட்டத் தலைவர்கள் கூட்டம் நடைபெறும். இவ்வாறு, அறிக்கையில் கூறியுள்ளார்.

- நமது நிருபர் -




Advertisement
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (91)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
rajan - kerala,இந்தியா
11-மார்-201423:30:11 IST Report Abuse
rajan தலைவா நீ ரொம்ப பெரிய ஆளு. என்னமா சமயம் பார்த்து அட்சய பாத்திரத்த மணிமேகலை கிட்ட இருந்து பிடுங்கிவிட்டு நம்ம வெள்ளை வேட்டி பிரதமரின் வேட்டிய உருவி அவர் தலையிலேயே சுத்தி விட்டு அழகு பார்த்து விட்டாயே. சபாஸ்.
Rate this:
Share this comment
Cancel
M U R A L I - chennai,இந்தியா
11-மார்-201423:10:10 IST Report Abuse
M U R A L I நடப்பது பாராளுமன்ற தேர்தல். சட்டசபை தேர்தல்போல் சில்லறை கட்சிகளை நம்பி காலத்தில் நிற்கிறார் கருணாநிதி.. தேசிய சிந்தனையாளர்கள், பிஜேபி க்கு ஒட்டு போட விரும்பாதவர்கள், நிச்சயமாக காங்கிரஸ் கூட்டணி இல்லாத தி.மு.க.வுக்கு ஒட்டு போட மாட்டார்கள். நிச்சயமாக அவர்களின் சாய்ஸ் கம்யுனிஸ்ட் அல்லது நோட்டாவாக இருக்கும். கருணாநிதி கருத்துக்கணிப்புகளைப் பார்த்து காங்கிரஸ் கட்சியை கிள்ளுக் கீரையாக நினைக்கிறார். மக்கள் காங்கிரஸ் க்கு இணையாக கருணாநிதியையும் ஊழல், தமிழ் விரோதிகள் என்ற நிலையில் வைத்து இருக்கிறார்கள் என்பதை தேர்தல் முடிவுகள் காட்டும். லோக்சபா தேர்தலில் எந்த தேசிய கட்சியும் இல்லாத கருணாநிதியின் கூட்டணி உயிரற்ற உடல் போன்றது. எப்படியோ, ஜெயலலிதா , பிஜேபி கூட்டணிக்கு கருணாநிதியின் சமயோசிதமற்ற கூட்டணியால் சூப்பர் நல்ல காலம்.
Rate this:
Share this comment
Cancel
ஈரோடுசிவா - erode ,இந்தியா
11-மார்-201422:50:39 IST Report Abuse
 ஈரோடுசிவா இதுகாறும் மாநில கட்சிகளின் தொழில் சவாரி செய்து ,சுகம் கண்ட பிரபுக்கள் இன்று பல்லக்கிலிருந்து இறக்கி விடப் பட்டிருக்கிறார்கள் .....வார்த்தை சிலம்பம் விளையாடும் தமிழக காங்கிரசார் தங்களின் தகுதி என்ன ,தராதரம் என்ன என்பதை துல்லியமாகவும் ,தெள்ளத் தெளிவாகவும் அறிந்து கொள்ளும் காலம் இதோ வந்து விட்டது ....
Rate this:
Share this comment
Cancel
v.sundaravadivelu - Tiruppur,இந்தியா
11-மார்-201422:08:09 IST Report Abuse
v.sundaravadivelu எந்தக் கட்சிக்கு ஓட்டுப் போடவும் ஒருவகைக் குழப்பமாக உள்ளது இந்தத் தேர்தலைப் பொருத்த வரை... "செல்லாத ஓட்டு "என்கிற கட்சி தான் பெரும்பான்மையான வெற்றி வாகை சூடுமோ என்கிற சந்தேகம் உள்ளது. ஹிஹிஹி..
Rate this:
Share this comment
Cancel
newface018 - coimbatore,இந்தியா
11-மார்-201421:22:24 IST Report Abuse
newface018 ஒண்ணு பண்ணலாம் ..... பேசாம தேர்தல புறக்கநிச்சிடலாம்
Rate this:
Share this comment
Cancel
Sahayam - cHENNAI,இந்தியா
11-மார்-201421:02:34 IST Report Abuse
Sahayam வாசன் கூறியது போல் , எலக்சனுக்கு பின்னால் எல்லாம் தலை கீழாக மாறும். மத்தியில் காங்கிரஸ் ஆட்சிதான் மறுபடியும்
Rate this:
Share this comment
Cancel
Ayathuray Rajasingam - Scarborough ,கனடா
11-மார்-201420:38:06 IST Report Abuse
Ayathuray Rajasingam ஜெயலலிதாவின் அலைக்கு இந்தக் கூட்டணி அருகிலும் நெருங்க முடியாது. கடைசியில் தி.மு.க.வும் தமிழ் நாட்டு மக்களால் ஓரங்கட்டப்படும். அதன் பின்பே தி.மு.க.வும் காங்கிரஸும் தங்களது முடிவை யதார்த்த ரீதியில் சிந்திக்கத் தொடங்கும்.
Rate this:
Share this comment
Cancel
karthiarul - bhavani,இந்தியா
11-மார்-201416:27:31 IST Report Abuse
karthiarul ஒரு பானை சோற்றுக்கு ஒரு சோறு பதம். ஈரோட்டு வேட்பாளரை அறிவித்ததற்க்குப் பதில் தோல்வியை ஒப்புக்கொண்டு விட்டிருக்கலாம். எப்படியோ டெபொசிட் திரும்பக்கிடைத்தால் சந்தோசம். கட்சிக்காரன் மெல்லவும் முடியாது விழுங்கவும் முடியாது தவித்துக்கொண்டு இருக்கிறான். ஜெயிக்கக்கூடிய ஈரோடு தொகுதியை சென்றமுறை சரியில்லாத இளங்கோவனைப் போட்டதால் இழப்பு. இந்தமுறை தி.மு.க.வுக்கு வாய்ப்பு இருந்தும், 1% அளவு கூட மக்களிடமும்,வாக்காளரிடமும், கட்சிக்காரர்களிடமும் அறிமுகமே இல்லாத புதுப்பெண்ணை வேட்பாளராக்கி தோல்வியை வலிய ப்பெற்றுக்கொள்ளப்போகிறது தி.மு.க.
Rate this:
Share this comment
Cancel
Pugazh V - Coimbatore / Cochin,இந்தியா
11-மார்-201416:22:02 IST Report Abuse
Pugazh V 2G என்றாலும் என்னவென்று தெரியாது, திஹார் சிறை பற்றியும் தெரியாது, இருந்தாலும் இந்த 2 வார்த்தைகளை வைத்து ஏதாவது எழுதிக் கொண்டிருப்பார்கள். அதே சமயம் "சொத்துக் குவிப்பு " என்றாலும் தெரியும், 14 வருடங்களாக வாய்தா வாங்கிக் கொண்டிருப்பது யார் என்பதும் தெரியும், ஆனால் அதைப் பற்றி எழுதவே மாட்டார்கள். கலைஞர் என்கிற தலைவர் மீது இருக்கும் காழ்ப்புணர்ச்சியும் பொறாமையும் தான் இப்படியெல்லாம் எழுத தூண்டுகிறது பாவம்.
Rate this:
Share this comment
Cancel
Siva - Trichy,இந்தியா
11-மார்-201414:43:58 IST Report Abuse
Siva திமுக வின் வேட்பாளர்கள் பட்டியல் வெளியீடு என்பதற்கு பதிலாக ...."திமுக வின் ஊழல்வாதிகள் பட்டியல் வெளியீடு " என்று தலைப்பு வைத்திருக்கலாம்....
Rate this:
Share this comment
Cancel

உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X