தி.மு.க., ஜெயிக்கலைன்னா துண்டு போட்டு நடக்க முடியாது| Dinamalar

தி.மு.க., ஜெயிக்கலைன்னா துண்டு போட்டு நடக்க முடியாது

Added : மார் 15, 2014
Advertisement

விருதுநகரில் நடந்த, தி.மு.க., வேட்பாளர் ரத்தினவேல் அறிமுகக் கூட்டத்தில், முன்னாள் அமைச்சர் சாத்தூர் ராமச்சந்திரன் பேசியதாவது: அதிகமான ஓட்டு உள்ள கட்சி, தி.மு.க., - அ.தி.மு.க., மட்டுமே. அதனால் தான், தேர்தல் களம் சூடுபிடித்து விட்டது. யார் யாருக்கு எவ்வளவு ஓட்டு இருக்கு, யாரை நிறுத்தினால் வெற்றி பெற செய்யலாம் என, ஒரு கணக்கு போட்டேன். இதில், ரத்தினவேல் பெயரை பரிந்துரை செய்தேன். இது, எனக்கும், தங்கம் தென்னரசுவுக்கும் மட்டுமே தெரியும். தி.மு.க., ஜெயிச்சா தான், நமக்கு வாழ்க்கை, இல்லை எனில், ஒருவர் கூட, ரோட்டில துண்டு போட்டு நடக்க முடியாது. யார் காலில் விழுவீர்களோ? என்ன செய்வீர்களோ எனக்கு தெரியாது. இவ்வாறு அவர் பேசினார். நேற்று கட்சிக்கு வந்தவருக்கு, 'சீட்' தந்து விட்டு, இப்படி பேசி உசுப்பேத்திறீங்களே தலைவா... என, முணுமுணுத்தார் பழுத்த தொண்டர் ஒருவர்.

Advertisement


We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X