புதுடில்லி: தில்லி தமிழ்ச் சங்கமும் மயூர் விகார்-2 கணேஷ் சமாஜும் இணைந்து ஏற்பாடு செய்திருந்தமழையூர் சதாசிவம் குழுவினரின் கச்சேரி, கணேஷ் கோயில் வளாகத்தில் நடைபெற்றது. முருகப்பெருமானின் கந்த சஷ்டியன்று சொற்சுவையும் பொருட் சுவையும் கூடிய தேவார, திருவாசக, திருப்புகழ் பாடல்கள் கேட்பதற்கு மிகவும் இனிமையாக இருந்தது. சதாசிவத்தின் சுத்தமான உச்சரிப்பில் தமிழ்ப் பாடல்கள் கேட்டோர் நெஞ்சை நெகிழ வைத்தது. அன்றைய தினம் அவருடன் இணை சேர்ந்த வயலின், மிருதங்க, மோர்சிங் வாத்யங்கள் ஒவ்வொன்றும் பாராட்டத் தகந்த முறையில் நிகழ்ச்சிக்கு மெருகூட்டின. தில்லி வாழ் தமிழர்கள் பரந்து இருக்கும் இந்த நகரில் தமிழ்ச் சங்கம் தங்கள் வளாகத்தை விட்டு வெளியே வந்து ஏற்பாடு செய்த நிகழ்ச்சி மிகவும் பாராட்டத்தகுந்தது. அவர்களுடைய இந்த முயற்சி தொடர்ந்து மற்ற பகுதிகளிலும் நடைபெற வேண்டும். தமிழ்ச் சங்க கமிட்டி உறுப்பினர்கள் இந்தப் பணியை மேலும் சிறப்புற செய்து, தில்லிவாழ் தமிழர்களின் தமிழ் ஆர்வத்தை, கலாச்சாரத்தை, தமிழின் பெருமையை வளர்க்க வேண்டும்.

- தினமலர் வாசகி மீனா வெங்கி