தென் மத்தியத் தமிழ்ச்சங்க நிர்வாகிகள் தேர்வு
மெம்ஃபிசு : அமெரிக்காவின் டென்னசி மாகாணத்தைச் சேர்ந்த மெம்ஃபிசு பெருநகரத்தில் செயல்பட்டு வருகிறது, தென் மத்தியத் தமிழ்ச்சங்கம். மெம்ஃபிசு நகரம் மற்றும் அதை சுற்றியுள்ள சிறுநகரங்களில் உள்ள பெடெக்ஸ், ஹில்ட்டன் குரூப், செயிண்ட் ஜூடு மருத்துவமனை, அக்ரீடோ, மெம்ஃபிசு பல்கலைக்கழகம் முதலான நிறுவனங்களில் கணிசமான தமிழர்கள் பணியாற்றி வருகிறார்கள். இவர்கள் அனைவரும் சேர்ந்து நடத்திக் கொண்டுவரும் தென் மத்தியத் தமிழ்ச்சங்கத்தின் 2012-2013ம் ஆண்டுக்கான பொதுக்குழுக் கூட்டம் டிசம்பர் 15ம் தேதி, ஜெர்மன் டவுன் நூலகத்தில் நடைபெற்றது.
கூட்டத்தின் போது நடைபெற்ற 2013 ம் ஆண்டுக்கான நிர்வாகிகளுக்கான தேர்தலில் புதிய உறுப்பினர்கள் போட்டியின்றித் தேர்வு செய்யப்பட்டனர். அவர்களின் விபரம் : தலைவர் - இளங்கோவன் ராஜமோகன், துணைத் தலைவர் - கங்கா கெளரி சரவணகுமார், செயலாளர்-அர்ச்சனா வாசுதேவன், பொருளாளர்- கெளசல்யா முரளி, கலை இலக்கிய பண்பாட்டுச் செயலாளர் - அரவிந்த் இராமச்சந்திரன், ஒருங்கிணைப்பாளர்- துரைக்கண்ணன்.
கூட்டமுடிவில், 2012 ம் ஆண்டு சிறப்பாகச் செயல்பட்ட சங்க நிர்வாகிகளுக்குப் பாராட்டும், புதிதாகத் தேர்வு செய்யப்பட்டுள்ள நிர்வாகிகளுக்கு வாழ்த்தும் தெரிவிக்கப்பட்டது. கூட்டத்தினை சங்கத்தின் நிறுவனத் தலைவர்களான கல்யாண் சிதம்பரம், கண்ணன் இராமசாமி, தமிழ்ப்பள்ளியின் முதல்வர் கண்ணன் உள்ளிட்டோர் முன்னின்று நடத்தினர்.
சங்க இணையதள முகவரி : http://www.midsouthtamilsangam.org
- தினமலர் வாசகர் பழமைபேசி
மேலும் செய்திகள் உங்களுக்காக ...
தற்போதைய செய்தி
- ஹாங்காங்கில் பரதநாட்டிய அரங்கேற்றம்
- மே 26, ஜெத்தாவில் மருத்துவ உரை
- கனடாவில் கோமாதா பூஜை
- புனித மதிநாவில் திருச்சி டவுண் காஜிக்கு வரவேற்பு
- ஐரோப்பாவில் ஸ்ரீ ஸ்ரீநிவாச திருக்கல்யாணம்
- மிச்செளரியில் அன்னையர் தினம்
- மே 31 வரை, பஹ்ரைனில் உணர்வாய் உன்னை நிகழ்ச்சி
- ஹாங்காங்கில் இந்திய அமைச்சருடன் சந்திப்பு
சத்தீஸ்கரில் 600 அதிரடிப்படை வீரர்கள்
புதுடில்லி:சத்தீஸ்கர் மாநிலத்தில் நேற்று காங்கிரஸ் தலைவர்கள் மீது தாக்குதல் நடத்தியதில் காங்கிரஸ் தலைவர் மகேந்திர கர்மா உள்ளிட்ட 17 பேர் ...
மே 26,2013 IST