Dinamalar

ஹாங்காங்கில் இந்திய தொழில்துறை வர்த்தக சங்க ஆண்டுவிழா

View More Photo

ஹாங்காங் : ஹாங்காங்கில் இந்திய தொழில்துறை வர்த்தக சங்கத்தின் 60வது ஆண்டு விழா கிராண்ட் ஹயத் பகுதியில் டிசம்பர் மாதம் கொண்டாடப்பட்டது. ஹாங்காங் நிதித்துறை செயலாளர் ஜான் சி.ஷங் துவக்கி வைத்த புகைப்பட கண்காட்சியுடன் ஆண்டு விழா கொண்டாட்டங்கள் துவங்கின. ஹாங்காங் தலைமை நிர்வாகி சி.ஒய்.யங், விழாவின் நினைவு அஞ்சல் தலையை வெளியிட்டார். ஹாங்காங் இந்திய தொழில்துறை வர்‌த்தக சங்க தலைவர் ராஜ் ஷிடல் வரவேற்புரை நிகழ்த்தினார். இவ்விழாவில் ஹாங்காங்கைச் சேர்ந்த தொழிலதிபர்களும், இந்திய தொழில்துறை வர்த்தக சங்க உறுப்பினர்கள் உள்ளிட்டோர் கலந்து கொண்டனர். ஹாங்காங் முன்னாள் தலைமை நிர்வாகி டெனால்ட் ஷூங், இவ்விழாவில் கவுரவிக்கப்பட்டார். இந்தியா மற்றும் சீனாவைச் சேர்ந்த சிறந்த கலைஞர்கள் நடத்திய நிகழ்ச்சி மறக்க முடியாத நினைவாக அமைந்தது. இந்தியா மற்றும் ஹாங்காங் இடையேயான தொழில்துறை உறவை பலப்படுத்தும் விதமாக இவ்விழா அமைந்தது குறிப்பிடத்தக்கது.
- நமது செய்தியாளர் சித்ரா சிவக்குமார்

• ஹாங்காங்கில் ஆயுர்வேத ஊட்டச்சத்து நிகழ்ச்சி
• ஹாங்காங்கில் நடன நிகழ்ச்சி
• ஹாங்காங்கில் புத்தாண்டு கொண்டாட்டம்
• சியோலில் பரதநாட்டிய நிகழ்ச்சி
• ஹாங்காங்கில் ஹோலி பண்டிகை