ஆலய குறிப்பு : வட அமெரிக்காவின் ஸ்ரீ நவகிரக தேவஸ்தானம் சார்பில் நியூயார்க் நகரில் ஸ்ரீ சனீஸ்வர பகவான் ஆலயம் அமைக்கப்பட்டது. உலகிலேயே இந்தியாவிற்கு வெளியே அமைக்கப்பட்டுள்ள முதல் நவகிரக மற்றும் சனீஸ்வர பகவான் கோயில் இது என்பது குறிப்பிடத்தக்கது.
நியூயார்க் நகரில் ஆன்மிகத்தையும், கலைகள் சார்ந்த கல்விமுறையையும் பரப்ப எண்ணிய திருமதி ரூபா ஸ்ரீதர் மற்றும் நவகிரக தேவஸ்தான கமிட்டி உறுப்பினர்களும் அப்பகுதி கோயில்கள் மற்றும் சமூக மையங்களுடன் இணைந்து அமெரிக்கா முழுவதும் நவகிரகங்களுக்கென தனித்தனி கோயில்கள்களை அமைக்க திட்டமிட்டனர். இதன்படியாக வடஅமெரிக்காவின் வேத கலாச்சார மற்றும் ஆன்மிக அமைப்புக்களுடன் இணைந்து நியூயார்க்கின் சனீஸ்வர பகவானுக்கென தனிக்கோயிலை அமைத்தனர். 2014ம் ஆண்டு மார்ச் மாதம் 23ம் தேதி, மகாஹோமம் மற்றும் ஜபம் நடத்தப்பட்டு, இக்கோயிலின் பிரணபிரதிஷ்டை மற்றும் மகாகம்பாபிஷேகம் நடத்தப்பட்டது. கும்பாபிஷேகத்தை முன்னிட்டு உலக நன்மைக்காக பூஜைகள் நடத்தப்பட்டது. இதற்காக இந்தியாவில் இருந்து பிரத்யேகமாக வேத விற்பனர்களும், பண்டிதர்களும் வரவழைக்கப்பட்டனர்.
நியூயார்க்கில் உள்ள வேத பாடசாலைகள், இந்திய கர்நாடக இசை மற்றும் நடன பள்ளிகள், தமிழ், சமஸ்கிருதம் உள்ளிட்ட மொழி பாட வகுப்புக்கள், யோகா மற்றும் ஆன்மிகம் சார்ந்த அமைப்புக்கள் ஆகியவற்றின் கூட்டு முயற்சியாலேயே நியூயார்க் ஸ்ரீ சனீஸ்வர பகவான் ஆலயம் உருவானது. இவ்வாலயம் தற்போது ஆன்மிக பயிற்சிகள் நடத்தும் இடமாகவும், கலாச்சார நிகழ்வுகளின் சங்கமமாகவும் திகழ்கிறது.
ஆலய நேரம் : காலை 8 மணி முதல் 10.30 மணி வரையிலும், மாலை 5 மணி முதல் இரவு 7.30 மணி வரையிலும் ஆலயம் திறந்துள்ளது.
ஆலய முகவரி : Shri Saneeswara Temple New York, 95-30 225th Street, Queens Village,NY 11429
ஆலய தொலைப்பேசி : (718) 740 9400
இமெயில் : temple.navagraha@gmail.com
இணையதளம் : www.navagrahausa.com
பிரிஸ்பேனில் இளைய தலைமுறையின் கர்நாடக இசை எழுச்சி...
அமெரிக்காவில் ஏகல் வித்யாலயா பவுண்டேசன்ஸ் கலைநிகழ்ச்சி...
மதுரை: மதுரையில் பல்வேறு குற்ற செயல்களில் ஈடுப்பட்டு வந்த 3 பேர் குண்டர் சட்டத்தில் கைது செய்யப்பட்டனர்.மதுரை மாநகரில் பல்வேறு குற்ற செயல்களில் தொடர்ந்து ...
ஜூன் 22,2017 IST
