போட்டூன்

31-Jan-2013
1 / 20
இதிலுமா போலி?: உ.பி.,யில் பணம் கொடுத்து பொய் சான்றிதழ் வாங்கியவர்கள் சுமார் இரண்டாயிரம் பேர் கைது என்ற செய்தியை படித்ததும், பிள்ளைகளின் மனதில் முதல் வித்தை போடும் ஆசிரியர்களில் கூட போலியா? என்று கவலையடைந்த கார்ட்டூனிஸ்ட்,போலியான ஆசிரியர் பாடம் நடத்தினால் எப்படி இருக்கும் என்று கற்பனை செய்து பார்த்திருக்கிறார். கார்ட்டூன்: விஷ்ணு நீங்களும் இது போன்ற கார்ட்டூன் வரைந்து கீழே உள்ள முகவரிக்கு மின்னஞ்சல் செய்யவும். நீங்கள் அனுப்பும் கார்ட்டூன் சுமாராக இருந்தால் கூட பரவாயில்லை ஆனால் உங்களுக்கு சொந்தமானதாக இருக்கட்டும்.
2 / 20
நடந்தே வந்தோம், நடந்தே போறோம்...: திடீரென ரயில் கட்டணத்தை உயர்த்தி, ஒரு ஆர்ப்பாட்டத்திற்கு கூட வழியில்லாமல் உடனடியாக கட்டண உயர்வையும் அமுல்படுத்திவிட்டனர். இதன் காரணமாக பழநி தைப்பூசத்திற்கு பாதயாத்திரையாக செல்பவர்கள், யாத்திரையையும் தரிசனத்தையும் முடித்து ரயிலிலோ, பஸ்சிலோ திரும்புவார்கள். ஆனால் ரயில் கட்டண உயர்வு காரணமாக நடந்தே திரும்புவதாக கார்ட்டூனிஸ்ட் இங்கே கற்பனை செய்திருக்கிறார். கார்ட்டூன்: விஷ்ணு நீங்களும் இது போன்ற கார்ட்டூன்களை வரைந்து அனுப்பலாம். நீங்கள் அனுப்பும் படங்கள் சுமாராக இருந்தால் கூட பராவாயில்லை ஆனால் உங்களுக்கு சொந்தமானதாக இருக்கட்டும். நன்றி!
3 / 20
சொன்னா கேளுய்யா....: தொடர்ந்து மூன்று நாள் மருந்துக்கடையை அடைச்சாக்கூட நம்ம மக்கள் தாங்கிக் கொள்வார்கள். ஆனால் டாஸ்மாக் கடையை ஒரு நாள் அடைத்தால் கூட நமது ‘குடி’ மக்களால் தாங்கிக்கொள்ளமுடியாத நிலைக்கு உள்ளாகி விட்டனர். அதன் எதிரொலியே இந்த கார்ட்டூன். கார்ட்டூன்: விஷ்ணு நீங்களும் இது போன்ற கார்ட்டூன் வரைந்து அனுப்பலாம். நீங்கள் அனுப்பும் கார்ட்டூன் சுமாராக இருந்தால் கூட பராவாயில்லை. ஆனால் உங்களுக்கு சொந்தமானதாக இருக்கட்டும். நன்றி!
4 / 20
சாப்பாடு லேட்டாகும்...: கோட்டாவில் இல்லாமல் வாங்கும் கேஸ் சிலிண்டர் விலை கூடுதல் என்பதால் பலரது குடும்பத்தில் கோட்டா சிலிண்டர் தீர்ந்ததும் வேறு எரிபொருள் மூலம் சமைக்கமுடியுமா என்று யோசித்து வருகின்றனர். ரொம்ப யோசனை செய்து சமைக்காமலே விட்டுவிடப்போகின்றனர் என்ற கவலை ஒரு பக்கம் இருந்தாலும் இப்போதைக்கு எப்படியெல்லாம் மக்கள் சமைக்கக்கூடும் என்ற கார்ட்டூனிஸ்டின் கற்பனையே இது. கார்ட்டூனிஸ்ட்: விஷ்ணு நீங்களும் இது போன்ற கார்ட்டூன் வரைந்து கீழே உள்ள முகவரிக்கு மின்னஞ்சல் செய்யவும். நீங்கள் அனுப்பும் கார்ட்டூன் சுமாராக இருந்தால் கூட பராவயில்லை ஆனால் சொந்தமானதாக இருக்கட்டும். நன்றி!
5 / 20
இன்று ‘காணும்’ பொங்கல்: அதே கடல், அதே அலை, அதே மணல்., ஆனாலும் காணும் பொங்கலான இன்று மட்டுமே பார்க்கவும், அனுபவிக்கவும் அனுமதி கிடைத்தது போல, சென்னையில் உள்ளோர் பலரும் கடற்கரையில் கூட்டமாய் கூடிடுவர். காணும் பொங்கல் என்பதற்கு நிஜத்தில் என்ன அர்த்தமோ, ஆனால் நமது ஓவியருக்கு கிடைத்த பழைய அனுபவத்தின் அடிப்படையில் ‘காணும்’ பொங்கலுக்கு இதையே அர்த்தமாக்கியுள்ளார். கார்ட்டூன்: விஷ்ணு. நீங்களும் இது போன்ற கார்ட்டூன் வரைந்து அனுப்பலாம்., நீங்கள் அனுப்பும் கார்ட்டூன் சுமாராக இருந்தால் கூட பராவயில்லை. ஆனால் உங்களுக்கு சொந்தமானதாக இருக்கட்டும். நன்றி!
6 / 20
எக்ஸாமாட முக்கியம்?: கல்லூரி என்பது கல்வி படிக்கும் இடம் என்ற நிலைமாறி நீயா?நானா? என்று போட்டியிட்டு ரத்தம் சிந்த மோதிக்கொள்ளும் இடமாக மாறிவருகிறது.கடந்த வாரம் சென்னை மற்றும் திருச்சி கல்லுõரி மாணவர்கள் மோதலில் இரண்டு பேர் பலியானார்கள்.பெற்ற மனசு என்ன பாடுபடும் என்பதை மாணவர்கள் கொஞ்சமாவது எண்ணிப்பார்த்தால் இனியும் இதுபோன்ற மோதல்களில் ஈடுபடுவார்களா?கார்ட்டூன்:விஷ்ணு
7 / 20
வெளியே வரும் வழியை பாருங்க...: ஒரு கார்ட்டூனுக்கு அதிகம் விளக்கம் இருக்கக்கூடாதுதான்,ஆனாலும் இந்த கார்ட்டூனில் உள்ள அருமையான விஷயத்தை யாரும் கவனிக்காமல் விட்டுவிடக்கூடாது என்பதற்காக இந்த விளக்கம். டாஸ்மாக் கடைக்கு உள்ளே நடந்து போகும்போது ‘நார்மலாக’ செல்பவர்கள் வரும்போது போதையில் தவழ்ந்தபடி வெளியே வருவார்கள் என்பதை சிம்பிளாக ஆனால் அற்புதமாக சொல்லியுள்ளார்.வாழ்த்துக்கள்.கார்ட்டூன்:பால்ஜி.நீங்களும் இது போன்ற கார்ட்டூன் வரைந்து கிழே உள்ள முகவரிக்கு மின்னஞ்சல் செய்யவும்.நீங்கள் அனுப்பும் கார்ட்டூன் சுமராக இருந்தால் கூட பராவாயில்லை ஆனால் உங்களுக்கு சொந்தமானதாக இருக்கட்டும்.நன்றி!
8 / 20
மறந்து போச்சே...: கொசு விரட்டி நிறுவன விளம்பரங்களின் எண்ணிக்கையை பார்த்தாலே, எந்த அளவிற்கு கொசுவால் நாம் பாதிக்கப்பட்டுள்ளோம் என்பது புரியும்.கொசு டெங்கு பாய்ச்சல் எடுத்த போது, கொஞ்சம் முயற்சி எடுத்து அழிக்கப்பார்த்தார்கள்,அப்புறம் மறந்தே போனார்கள்.,எங்கு போனாலும் கொசு நம்மைவிடாது துரத்தும் என்பதே இந்த கார்ட்டூன் சொல்லும் செய்தி.கார்ட்டூன்:ஸ்ரீராம் ராகவன்நீங்களும் இது போன்ற கார்ட்டூன் வரைந்து அனுப்பலாம்,சுமராக இருந்தாலும் பரவாயில்லை ஆனால் உங்களுக்கு சொந்தமான கார்ட்டூனாக இருக்கலாம்.மறந்தும் மற்றவர்கள் கார்ட்டூனை எடுத்து அனுப்பிவிடாதீர்கள்,நன்றி!
9 / 20
என்னமோ தப்பா படுதே....: கார்ட்டூன் விளக்கம்:இன்னமும் புரியாத மர்மத்தை கொண்டுள்ள செய்தி,திருப்பூர் வியாபாரியிடமிருந்து சிக்கிய 28 ஆயிரம் கோடி ரூபாய் மதிப்புள்ள வெளிநாட்டு கடன் பத்திரங்கள்தான்.பத்தாம் வகுப்பு கூட தாண்டாத,பலரிடமும் கடன் பட்டுள்ள, கடலை வியாபாரியிடம் எப்படி இவ்வளவு பெரிய தொகைக்கான கடன் பத்திரங்கள் வந்தது என்று அரசு அதிகாரிகள் தலையை பிய்த்துக்கொண்டு இருக்கிறார்கள்,நமது கார்ட்டூனிஸ்டோ அதனை நையாண்டி செய்து கார்ட்டூன் போட்டுவிட்டார்.கார்ட்டூன்:விஷ்ணுநீங்களும் இது போன்ற கார்ட்டூனை வரைந்து அனுப்பலாம்.கார்ட்டூன் சுமராக இருந்தாலும் பரவாயில்லை ஆனால் உங்களுக்கு சொந்தமானதாக இருக்கட்டும்.
10 / 20
ரொம்ப கஷ்டப்படுறோமுங்க...: சேவை வரி விதிப்பைக் கண்டித்து, சென்னையில் நடிகர், நடிகைகள் உள்ளிட்டோர் உண்ணாவிரதம் இருந்தனர். வரி வாங்காமல் அரசாங்கத்தை எப்படி நடத்த முடியும் என சினிமாவில் வசனம் பேசிய நடிகர்கள் எல்லாம், வரி விதிப்பு கொடுமை என பேசினர். மாதக்கடைசியில் கடன் வாங்கும் மத்திய தர வர்க்கம் கூட பல வரிகள் கட்டும் போது, இவர்கள் மட்டும் கட்ட முடியாது என சொல்வதைப் பார்த்து ஜனங்கள் சூடானார்களோ இல்லையோ... கார்ட்டூனிஸ்ட் சூடாகி விட்டார். கார்ட்டூன்: விஷ்ணு
11 / 20
பொண்ணு டில்லிக்கு போறா...: தலைநகராக இருப்பது தான் டில்லிக்கு பெருமையே தவிர, பாலியல் கொடுமையில் முன்னணியில் இருப்பதில் அல்ல. உலக அரங்கில் மட்டுமல்ல உள்ளூர் அரங்கிலும் டில்லியின் பெயர் தற்போது நாறிக்கிடக்கிறது என்பதையே இந்த கார்ட்டூன் காட்டுகிறது. கார்ட்டூன்: விஷ்ணு நீங்களும் இது போன்ற கார்ட்டூன் வரைந்து அனுப்பலாம். சுமாராக இருந்தால் கூட பரவாயில்லை. ஆனால் கார்ட்டூன் உங்களுக்கு சொந்தமானதாக இருக்கட்டும்.
12 / 20
சேவல குழம்பு செஞ்சுரவாங்கய்யா...: போலீசாருக்கு சம்பந்தமே இல்லாமல் திடீர், திடீரென புதுப்புது பொறுப்புகள் வந்துவிடும். அது போலத்தான் பொள்ளாச்சி போலீசாருக்கும்... அனுமதி இல்லாமல் சேவல் சண்டை நடக்கும் போது, அந்த சேவலை பறிமுதல் செய்துவிடுவர். பின்னர் பறிமுதல் செய்த சேவலை கோர்ட்டிற்கு கொண்டு செல்லும் வரை உணவு கொடுத்து பராமரிக்கவேண்டும். இதை மையமாக வைத்து வரையப்பட்ட கார்ட்டூன். கார்ட்டூன்: விஷ்ணு நீங்களும் இது போல கார்ட்டூன் வரைந்து கீழே உள்ள முகவரிக்கு மின்னஞ்சல் செய்யவும். அனுப்பும் கார்ட்டூன்கள் சுமராக இருந்தாலும் பராவாயில்லை, ஆனால் அது உங்கள் சொந்த சரக்காக இருக்கட்டும்.
13 / 20
மணி அடிக்கவே பயமாயிருக்கு...: டில்லியில் முதல்வர் கலந்துகொண்ட கூட்டத்தில், அவரை மணியடித்து உட்காரவைத்ததை தொடர்ந்து ஏற்பட்ட கோபம் சென்னை திரும்பியபிறகும் குறையவில்லை என்பதை அவரது சூடான பேட்டி இன்னமும் சொல்லிக்கொண்டு இருக்கிறது.இந்த சம்பவத்தை மனதில் கொண்டு மணிச்சத்தத்தை மையப்படுத்தி கார்ட்டூன் வரையப்பட்டுள்ளது.
14 / 20
கரண்ட் கம்பியில் துணியை காயபோடற பார்ட்டி: நாட்டில் நிலவும் மின்வெட்டை மையமாகவைத்து வரையப்பட்டுள்ள நகைச்சுவை கார்ட்டூன் இது.இதில் பட்டி போட்ட டவுசர் போட்டு ஈரத்துணியால் கரண்ட் பெட்டியை கழுவும் ஆசாமியை நகைச்சுவை நடிகர் வடிவேல் பேசுவது போல கற்பனை செய்துகொள்வீர்களேயேனால் கொஞ்சம் கூடுதலாக சிரிப்பு வரும்.கார்ட்டூன்:விஷ்ணு.
15 / 20
என்ன ஒரு வில்லங்கத்தனம்!: மின் வெட்டை வைத்து தற்சமயம் அதிகம் உற்பத்தியாவது ஜோக்குகள் தான். அந்த வரிசையில் இப்போது கார்ட்டூன்களும் சேர்ந்து கொண்டுள்ளது. கார்ட்டூன்: ஏ.ஆனந்த், சென்னை. நீங்களும் இது போன்ற கார்ட்டூன்களை வரைந்து கீழே உள்ள முகவரிக்கு மின்னஞ்சல் செய்யவும். கார்ட்டூன் சுமாரா இருந்தாலும் பரவாயில்லை. ஆனால் உங்கள் சொந்த கார்ட்டூனாக இருக்கட்டும்.
16 / 20
மொபைலு வாங்கலியோ மொபைலு...: எல்லா விலைவாசிகளும் ஏறிக்கொண்டே போகிறது என்று கவலைப்படும் மகாஜனங்களுக்கு ஒரே ஆறுதல், இப்போது வித,விதமான மொபைல் போன்கள் எல்லாம் குறைந்த விலைக்கு கிடைக்கின்றன.பேசுவதற்கும்,பேசுவதை கேட்பதற்கும் என்று இருந்த மொபைல் போன்களில், இப்போது அனைத்து வசதிகளும் வந்துவிட்டதால்‘மொபைல் இல்லார்க்கு இவ்வுலகும் இல்லை’ என்ற நிலை நிலவுகிறது,போகிற போக்கில் தக்காளி,உருளைக்கிழங்கு போன்று தள்ளுவண்டியில் வைத்து கிலோ கணக்கில் மொபைலை விற்றாலும் ஆச்சரியப்படுவதற்கு இல்லை என்பதையே இந்த கார்ட்டூன் விளக்குகிறது.கார்ட்டூன்:விஷ்ணு.நீங்களும் இது போன்ற கார்ட்டூன்களை வரைந்து அனுப்பலாம்.,கார்ட்டூன் சுமாராக இருந்தாலும் பரவாயில்லை ஆனால் சொந்த சரக்காக இருக்கட்டும்.நன்றி!
17 / 20
விட்டு வைக்கவில்லை...: தென் கொரியாவைச் சேர்ந்த பாப் பாடகர் ஜே சாங்க் என்ற பாடகரால் சமீபத்தில் பாடப்பட்டு மிகவும் பிரபலமாகி வரும் பாடல் இது. இதுவரை யூ ட்யூப்பில் மட்டும் இந்த பாடலை 120 மில்லியன் (ஒரு மில்லியன் என்பது பத்து லட்சம்) மக்கள் ரசித்து உள்ளார்கள் என்கிறது புள்ளிவிவரம். அநேகமாக இதுவரை அதிகம் பேரால் உலகம் முழுவதும் பார்த்து ரசிக்கப்பட்ட பாடல் இதுவாகத்தான் இருக்கும். இந்த பாடலின் வீச்சானது யாரையும் விட்டு வைக்கவில்லை என்பதைத்தான் இந்த கார்ட்டூன் நகைச்சுவையாக சொல்கிறது. கார்ட்டூன்: விஷ்ணு.
18 / 20
சௌக்கியமா ‘பாதர்’.,?: அடியாத பிள்ளை படியாது என்பது அந்தக்காலம். இப்போது பிள்ளையை அடிக்க வேண்டாம் லேசாக திட்டினாலே கோர்ட்டிற்கு போய்விடுவார்கள் போல. நார்வே நாட்டில் அப்பா அடிக்கிறார் என்று கோர்ட்டிற்கு போன பள்ளிக்குழந்தைக்கு ஆதரவாக, இந்தியாவைச் சேர்ந்த பெற்றோரை ஒன்றரை வருடம் ஜெயிலில் தள்ளிவிட்டது அந்நாட்டு அரசாங்கம். நிலைமை இப்படியே போனால் பெற்றோர்களைக்கண்டு பிள்ளைகளை பயந்த காலம் போய், பிள்ளைகளைக்கண்டு பெற்றோர் பயப்படும் காலம் வந்துவிடும் என்பதையே இந்த கார்ட்டூன் சுட்டிக்காட்டுகிறது. கார்ட்டூன்: விஷ்ணு.வாசகர்களே, கார்ட்டூன் வரையும் ஆர்வலர்களை உற்சாகப்படுத்த வேண்டும் என்பதற்காக உருவாக்கப்பட்ட இந்த தளத்தில் உங்களது கார்ட்டூன்களை மட்டுமே அனுப்பி வைக்கவும். வேறொரு இதழில் வெளி வந்த கார்டூனை பிரசன்ன வெங்கடேஷ் என்பவர் தனது கார்ட்டூன் போல தீனா என்ற பெயரில் அனுப்ப அது பிரசுரமும் ஆகிவிட்டது. இது குறித்து நமது கவனத்திற்கு வந்த போது வருத்தம் ஏற்பட்டுவிட்டது. மற்றவர்களின் உழைப்பை திருடியதற்கு சமமான விஷயமே இது. ஆகவே இது போன்ற திருட்டை ஒரு போதும் எந்த வாசகரும் செய்ய வேண்டாம். சுமாராக இருந்தால் கூட பராவாயில்லை. ஆனால் அந்த கார்ட்டூன் உங்கள் சொந்த சரக்காக இருக்கட்டும். நன்றி!
19 / 20
அப்புறம் எதுக்கு ரயில்ல வரணும்.?: எப்போதுமே முதியவர்களுக்கும்,எளியவர்களுக்கும் ரயில் பயணமே ஏற்றதானது.,ஆனால் இப்போது கட்டாய அடையாள அட்டையால் ரயில் பயணம் எளியவர்களுக்கு எட்டாக்கனியாகிவிடுமோ? என்ற நிலை ஏற்பட்டுள்ளதை நகைச்சுவையாக சொல்லும் கார்ட்டூன் இது.ரயில் பரிசோதகர் டிக்கெட் இல்லாவிட்டால் கூட விட்டுவிடுவார் ,ஆனால் அடையாள அட்டை இல்லாவிட்டால் விடமாட்டார் போல அடையாள அட்டை இல்லாமல் முன் பதிவு பெட்டியில் பயணிக்கும் பயணி கிடைத்துவிட்டால், இப்போது எல்லாம் பரிசோதகர்களுக்கு ‘கொண்டாட்டம்’ என்கின்றனர் திண்டாடிப்போன பயணிகள்.கார்ட்டூன்:விஷ்ணுநீங்களும் இது போன்ற கார்ட்டூன் வரைந்து அனுப்பலாம்.கடந்த முறை இடம் பெற்ற கார்ட்டூன் ஏற்கனவே வேறு ஒரு இதழில் பிரசுரமாகியுள்ளது என்று ஓரு வாசகர் குறிப்பிட்டு இருந்தார்.ஆகவே ஏற்கனவே பிரசுரமான கார்ட்டூன்களை திரும்ப அனுப்ப வேண்டாம்.இந்த பகுதிக்கு என பிரேத்யேகமாக வரைந்து அனுப்பவும்.நன்றி!
20 / 20
சுவிட்ச் பாக்ஸ்க்கு அஞ்சலி?: தமிழகத்தில் நிலவும் கடுமையான மின்வெட்டை கிண்டலடிப்பதுதான் இப்போதைய ட்ரெண்ட்,அதை வாசகர் சசிகுமார் அவருக்கு தெரிந்த மொழியில் இங்கே கார்ட்டூனாக வெளிப்படுத்தி உள்ளார்.கார்ட்டூன்:பி.சசிக்குமார்.கார்ட்டூன் வரைவது என்பது தனிக்கலை அவ்வளவு சீக்கிரம் யாருக்கு கைவந்துவிடாது,இதனால் வாசகர்கள் அனுப்பும் கார்ட்டூன்கள் சுமாராகவே இருந்தாலும் ,அவர்களது முயற்சியை உற்சாகப்படுத்த வேண்டும் என்பதற்காக இந்த பகுதியில் சுமாரான கார்ட்டூன்களும் பிரசுரமாகிறது.ஆகவே வாசகர்கள் தங்களது கார்ட்டூன் வரையும் திறமையை அதிகப்படுத்திக்கொள்ள வேண்டும், இல்லையெனில் தகுதி அடிப்படையில் கார்ட்டூன்கள் இடம் பெறுவது தவிர்க்கப்பட்டுவிடும் என்பதை நினைவில் வைத்துக்கொள்ளவும்.நன்றி!