Dinamalar

லட்சியத்தை நிறைவேற்ற, கூடுதல் பணிபுரியும் ரிஷப ராசிக்காரர்களே!(16-6-13 முதல் 22-6-13 வரை)

இந்த வாரம் உங்கள் ராசிக்கு, தர்ம கர்ம ஸ்தான அதிபதி சனி பகவான், நட்பு கிரகமான ராகுவுடன், ஆறாம் இடத்தில் உள்ளார். சுக்கிரனுடன், இரண்டாம் இடத்தில் உள்ள குருவின் பார்வை, உங்களின் சிரமங்களை சரி செய்து, தாராள நற்பலன் கிடைக்க உதவுகிறது. மங்கலகரமான வார்த்தைகளை நண்பர், உறவினர்களிடம் பேசுவீர்கள். சமூக பணியிலும், அக்கறை கொள்வீர்கள். வாகனத்தில் பராமரிப்பு மேற்கொள்வதால், பயணமுறை எளிதாக அமைந்திடும். புத்திரரின் தாழ்வு மனப்பான்மையை, இதமான அணுகுமுறையால் சரி செய்வீர்கள். பிணி பணக்கடன் தொந்தரவு குறைந்து, மனதில் உற்சாகம் பெறுவீர்கள். இல்லறத்துணை புரிதல் தன்மையுடன், குடும்ப பணிகளை மேற்கொள்வர். தொழிலில் உற்பத்தி, விற்பனை அதிகரித்து உபரி பணவரவைத்தரும். உத்தியோகஸ்தர் சிறப்பாக பணிபுரிந்து, நிர்வாகத்திடம் நன்மதிப்பு பெறுவர். பெண்கள், ஆரோக்கிய உடல் நலம் அமைந்து, பணிகளை சுறுசுறுப்பாக நிறைவேற்றுவர். மாணவர்கள், ஆர்வமுடன் படித்து பெருமிதம் கொள்வர்.

சந்திராஷ்டமம்: 20.6.13 இரவு 1:33 மணி முதல் 22.6.13 அன்று நாள் முழுவதும்.