Dinamalar

புதுமைகளை, மனமுவந்து ஏற்றுக் கொள்கிற கன்னி ராசிக்காரர்களே! (19.5.13 முதல் 25.5.13 வரை)
இந்த வாரம், நற்பலன் வழங்குகிற கிரகங்களாக, பாக்யஸ்தானத்தில் உள்ள தேவகுரு பிரகஸ்பதியும், அசுரகுரு சுக்கிரனும் செயல்படுகின்றனர். மற்ற கிரகங்களின் அமர்வு, மாறுபட்ட பலன் தருகிற வகையில் உள்ளது. பேச்சு, செயல்களில் நிதானம் பின்பற்றுவீர்கள். உடன் பிறந்தவர்களின் தேவை நிறைவேற, சிறுஅளவில் பணம் தந்து உதவுவீர்கள். வீடு, வாகனத்தில் பயன்பாட்டு வசதி சீராக கிடைக்கும். புத்திரரின் கருத்துக்கு, முக்கியத்துவம் தருவீர்கள். இஷ்ட தெய்வ அருள் பலம், வாழ்வியல் நடைமுறை சிறக்க துணை நிற்கும். வழக்கு விவகாரத்தில், தீர்வு பெற தாமதமாகும். இல்லறத்துணை உங்களின் நற்பெயரும், புகழும் அதிகரிக்க ஆலோசனை சொல்வார். தொழில், வியாபாரத்தில் அளவான மூலதனத்துடன் அதிக உழைப்பினால், சராசரி பணவரவு பெறுவீர்கள். குடும்ப பெண்கள், தாய்வீட்டு உதவி கிடைத்து, மனம் மகிழ்வர். மாணவர்கள், எதிர்கால படிப்பு பற்றிய விஷயங்களை, ஆர்வமுடன் அறிந்து கொள்வர்.