Dinamalar

துன்பம் மறந்து, வாழ்வை வளமாக்க பாடுபடும் விருச்சிக ராசிக்காரர்களே! (19.5.13 முதல் 25.5.13 வரை)
இந்த வாரம், உங்கள் ராசிக்கு ஆறாம் இடத்தில் உள்ள கேது, ஏழாம் இடத்தில் உள்ள சுக்கிரன் மட்டுமே, நல்ல பலன்களை வழங்குகின்றனர். குடும்ப பெரியவர்களின், ஆலோசனையை கேட்டு நடந்து, வாழ்வியல் நடைமுறையை, சிறப்புடையதாக உருவாக்குவீர்கள். சமூக நிகழ்வுகளை அறிந்து கொள்வதில் இருக்கிற ஆர்வம் குறையும். இளைய சகோதரருக்கு, தேவையான புத்திமதி சொல்வீர்கள். வீடு, வாகனத்தில் தகுந்த பாதுகாப்பு நடைமுறை அவசியம். புத்திரர், நண்பர்களின் உதவியால், புதிய இலக்கில் செயல்படுவர். உடல்நல ஆரோக்கியம் பலம் பெறும். இல்லறத்துணையிடம், பயனற்ற பேச்சுக்களை தவிர்ப்பது நல்லது. தொழிலில் இருக்கிற அனுகூலத் தன்மையை பாதுகாக்க, அக்கறையுடன் செயல்படுவீர்கள். குடும்ப பெண்கள், கணவர் வழி உறவினர்களை விமர்சித்து பேச வேண்டாம். மாணவர்கள், புதிய பயிற்சிக்காக அதிக பணம் செலவு செய்வர்.