Special Articles | Special Reports | Special Interest News | News Comment | Science News | TV Shows news | General News

டீ கடை பெஞ்ச்

பதிவு செய்த நாள் : ஆக 17, 2018 | கருத்துகள் (2)
Advertisement
டீ கடை பெஞ்ச்

அழகிரி, 'என்ட்ரி'க்கு, ஆப்பு வைத்த அன்பழகன்!''ஊர் பொது நிலத்தை ஆக்கிரமிச்சு, கோவில் கட்டியிருக்காரு வே...'' என, முதல் விஷயத்தை ஆரம்பித்தார் பெரியசாமி அண்ணாச்சி.''யாரு பா...'' எனக் கேட்டார் அன்வர்பாய்.''சென்னை, ஆவடி பக்கம், மோரை கிராமம் இருக்கு... இது பக்கத்துல, கன்னியம்மன் நகர் இருக்கு வே... இங்க, ஊர் பொது இடத்தை ஆக்கிரமிச்சு, உயர் அழுத்த மின் கம்பத்துக்கு கீழே, அ.தி.மு.க., பிரமுகர் ஒருத்தர், காளி கோவில் கட்டியிருக்காரு...''இப்படி ஊருக்கு நடுவுல கோவில் கட்டி இருக்கீங்களே... இது, நியாயமான்னு, கிராம மக்கள் கேட்டதுக்கு, 'அதெல்லாம், அப்படி தான் இருக்கும்'னு சவடால் விட்டுட்டாரு வே...'' என்றார் அண்ணாச்சி.டீ குடித்து, நாயரிடம் காசு கொடுக்க முற்பட்டவரை தடுத்த அந்தோணிசாமி, ''குமார் நீங்க போங்க... நான் குடுத்துடறேன்...'' எனக் கூறிவிட்டு, ''அறிவாலயத்துக்கு கொண்டு போக இருந்தவங்க, கடைசி நேரத்துல மாத்திட்டாங்க...'' என, அடுத்த விஷயத்திற்கு வந்தார்.''என்ன சமாச்சாரம் ஓய்...'' எனக் கேட்டார் குப்பண்ணா.''தி.மு.க., தலைவர் கருணாநிதி இறந்ததும், அவர் உடலை, கோபாலபுரம் வீட்டுக்கு எடுத்துட்டு போக முடிவு செஞ்சாங்க... அவர் துணைவி ராஜாத்தி, தன் வீட்டுலயும் சில மணி நேரம் உடலை வைக்கணும்னு கேட்க, அதே மாதிரி, சி.ஐ.டி., காலனி வீட்டுலயும் வச்சாங்க...''கருணாநிதி, அதிகமா நேசிச்ச இன்னொரு இடம், அறிவாலயம்... அவரே இடம் வாங்கி, நிதி திரட்டி, பார்த்து பார்த்து கட்டுன அறிவாலயத்துல தான், தினமும் காலையில, 'வாக்கிங்' போவார்...''அதனால, அங்கேயும், அவர் உடலை கொஞ்ச நேரம் வைக்க, குடும்பத்தினர் முடிவு பண்ணாங்க... ஆனா, அறிவாலயத்துல உடலை வச்சா, அண்ணா சாலையில தொண்டர்கள் திரண்டு, கலவரத்துல இறங்கிடுவாங்கன்னு ஸ்டாலினிடம் சிலர் சொன்னாங்க... அதனால, அந்தத் திட்டத்தை, கடைசி நேரத்துல, 'கேன்சல்' பண்ணிட்டாங்க...'' என்றார் அந்தோணிசாமி.''அழகிரியை சேர்க்கவே கூடாதுன்னு, 'ஸ்ட்ரிக்டா' சொல்லிட்டார் ஓய்...'' என, கடைசி விஷயத்திற்கு வந்தார் குப்பண்ணா.''யாருங்க அது...'' என்றார் அந்தோணிசாமி.''தி.மு.க., தலைவர் பதவியை, ஸ்டாலின் வச்சுக்கட்டும்... எனக்கு பொருளாளர் பதவி குடுங்கோன்னு, அழகிரி கேட்டிருக்கார் ஓய்...''ஆனா, பொதுச் செயலர் அன்பழகனை பார்த்த ஸ்டாலின் ஆதரவாளர்கள் சிலர், 'நீங்க உயிரோடு இருக்கறச்சயே, உங்க பதவியை கேட்டு, அழகிரி அடம் பிடிக்கறார்'னு, 'பத்த' வச்சுட்டாளாம்...''நொந்து போன அன்பழகன், 'கருணாநிதி இருந்தப்பவே, அழகிரியை கட்சியில சேர்க்க, அவர் நினைச்சதில்லை... அதனால, எந்த நெருக்கடி வந்தாலும், அழகிரியை மட்டும் உள்ளே சேர்த்துடாதே'ன்னு ஸ்டாலினிடம் தீர்மானமா சொல்லிட்டார் ஓய்...'' என, முடித்தார் குப்பண்ணா.பெரியவர்கள் கிளம்ப, பெஞ்ச் அமைதியானது.

Advertisement




We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X