Special Articles | Special Reports | Special Interest News | News Comment | Science News | TV Shows news | General News

டீ கடை பெஞ்ச்

பதிவு செய்த நாள் : நவ 24, 2017
Advertisement
   டீ கடை பெஞ்ச்

அமைச்சர் விழாவை புறக்கணித்த ஆளுங்கட்சி எம்.எல்.ஏ.,

''அறையை திரும்ப ஒப்படைக்க முடிவு பண்ணிட்டாங்க பா...'' என, அதிகாலை அரட்டையை ஆரம்பித்தார் அன்வர்பாய்.''எந்த அறையை சொல்றீங்க...'' எனக் கேட்டார் அந்தோணிசாமி.
''மதுரை மாவட்டத்துல நடந்த, கிரானைட் முறைகேடுகள் சம்பந்தமா விசாரிக்க, சகாயம் குழுவை, சென்னை ஐகோர்ட் நியமிச்சது... விசாரணை முடிஞ்சு, போன வருஷம் நவம்பர்லயே, சகாயம் குழு, ஐகோர்ட்ல அறிக்கை தாக்கல் பண்ணிடுச்சு பா...
''அந்த குழுவுக்காக, மதுரை, பழைய ராமநாதபுரம் கலெக்டர் அலுவலக, பூமாலை வணிக வளாகத்துல, அறைகள் ஒதுக்கியிருந்தாங்க... விசாரணை முடிஞ்சிட்டதால, அறைகளை காலி செஞ்சு தரும்படி, அரசு தரப்புல
கேட்டிருக்காங்க பா...
''சகாயம் குழுவுல இருந்த, ஓய்வு பெற்ற தாசில்தார் ஒருத்தர் மட்டும் தான், அந்த அலுவலகத்துக்கு போய் வந்துட்டு இருக்காரு... ஐகோர்ட்டும் அறைகளை காலி செஞ்சு குடுக்கும்படி சொல்லிடுச்சு... சீக்கிரமே அறைகளை ஒப்படைக்க போறாங்க பா...'' என்றார் அன்வர்பாய்.
''அடுத்த
அஸ்திரம், சினிமா
தயாரிப்பாளர்கள் மேல பாய போவுது வே...'' என, அடுத்த தகவலை துவக்கினார் அண்ணாச்சி.
''அவங்களுக்கு என்ன பிரச்னை ஓய்...'' என்றார் குப்பண்ணா.
''போயஸ் கார்டன் வீட்டுல நடந்த, வருமான வரி சோதனையில கிடைச்ச ஆவணங்கள்ல, இளவரசியின் குடும்ப உறுப்பினர்கள் சிலர், சினிமாவுல கோடிக் கணக்குல முதலீடு செஞ்சிருக்கிற ஆதாரங்கள் சிக்கிட்டு வே...
''பினாமி தயாரிப்பாளர் பெயர்கள்ல, முன்னணி நடிகர்களை வச்சு எடுத்த படங்கள் பட்டியல் எல்லாம் கிடைச்சிருக்கு... இதுல பெரும்பாலும், கோவை மாவட்டத்தைச் சேர்ந்த, தயாரிப்பாளர்கள் தான் இருக்காவ...
''அதனால, சம்பந்தப்பட்ட தயாரிப்பாளர்கள், வருமான வரித்துறை கிடுக்கியில மாட்டிக்காம இருக்க, படம் எதுவும் எடுக்காம, சினி பீல்டை விட்டு, ஓட்டம் பிடிக்க தயாராயிட்டாவ வே...'' என்றார்
அண்ணாச்சி.''அமைச்சர் மேல உள்ள கோபத்துல, அரசு விழாவை புறக்கணிச்சுட்டாருங்க...'' என, கடைசி விஷயத்திற்கு வந்தார்
அந்தோணிசாமி.
''எந்த ஊர்ல ஓய்...'' என்றார் குப்பண்ணா.''திருவண்ணாமலை யில, சமீபத்துல, கூட்டுறவு வார விழா, அறநிலையத் துறை அமைச்சர், ராமச்சந்திரன் தலைமையில நடந்துச்சு... இதுல, ஆளுங்கட்சியைச் சேர்ந்த, கலசப்பாக்கம் தொகுதி, எம்.எல்.ஏ., பன்னீர்செல்வம் கலந்துக்கலைங்க...
''அதே மாதிரி, அவர் தொகுதியில இருக்கிற, தொடக்க வேளாண்மை கூட்டுறவு சங்க தலைவர்களும் போகலை...''இது பத்தி விசாரிச்சா, மாவட்ட அமைச்சர், ராமச்சந்திரன், கலசப்பாக்கம் தொகுதிக்கு எதுவுமே செய்யலைன்னு புகார் வாசிக்குறாங்க...
''ஜவ்வாதுமலை தாலுகா அமைக்காதது, தொகுதி மேம்பாட்டு நிதி பணிகளுக்கு, 'டெண்டர்' விடாம தள்ளி வச்சதுன்னு, எம்.எல்.ஏ.,வுக்கு அமைச்சர் ஒத்துழைப்பு தர
மாட்டேங்குறாருங்க...''அதனால தான், அமைச்சர் பங்கேற்ற அரசு விழாவை, எம்.எல்.ஏ., புறக்கணிச்சிட்டாருங்க...'' என, முடித்தார் அந்தோணிசாமி.
பெரியவர்கள், நாளிதழ்களை புரட்டியபடியே, அரட்டைக்கு ஓய்வு கொடுத்தனர்.

Advertisement