பொதுமக்களை விரட்டி அடிக்கும் மாநகராட்சி அதிகாரி! | Special Articles | Special Reports | Special Interest News | News Comment | Science News | TV Shows news | General News

பொதுமக்களை விரட்டி அடிக்கும் மாநகராட்சி அதிகாரி!

பதிவு செய்த நாள் : டிச 16, 2018
Advertisement
 பொதுமக்களை விரட்டி அடிக்கும் மாநகராட்சி அதிகாரி!

''இன்னும் ஆதிகாலத்துலயே இருக்காங்க பா...'' என, பெஞ்சில், முதல் ஆளாக, விஷயத்தை ஆரம்பித்தார் அன்வர்பாய்.''வாட்ஸ் ஆப், பேஸ்புக்னு எல்லாரும் பறந்துட்டு இருக்கிற காலத்துல, இன்னும் யாருங்க ஆதிகாலத்துல இருக்கிறது...'' எனக் கேட்டார் அந்தோணிசாமி.''தமிழகத்துல, போலீஸ், சிறை துறைக்கு தர்ற மரியாதையை, தீயணைப்பு துறைக்கு தர மாட்டேங்கிறாங்க... போலீஸ், சிறை துறையை, காலத்துக்கு ஏத்த மாதிரி, அப்பப்ப, நவீனப்படுத்திட்டு இருக்காங்க பா...''ஆனா, தீயணைப்பு துறை மட்டும், பல வருஷங்கள் பின்தங்கியே இருக்கு... இதன் இணையதளத்தை கூட, 'அப்டேட்' பண்ணாம வச்சிருக்காங்க பா...''கடைசியா, 2016ல நடந்த தீ விபத்துகள் சம்பந்தமான, புள்ளி விபரங்கள் மட்டும் தான் இருக்கு... அதே நேரம், அதிகாரிகள் பெயர்களை மட்டும், 'அப்டேட்' பண்ணியிருக்காங்க... அதை தவிர, வேற எதுவுமே இல்லாம, பழைய பாடாவதியா இருக்கு பா...'' என்றார் அன்வர்பாய்.''லோக் அதலாத்துலயும், 'கோல்மால்' நடக்கறதுன்னு புகார் எழுந்திருக்கு ஓய்...'' என்றார் குப்பண்ணா.''வம்பு, வழக்கை சீக்கிரம் முடிக்க தானே, லோக் அதாலத்தே நடத்துதாவ... அங்கேயும் குளறுபடியா...'' என, அங்கலாய்த்தார் அண்ணாச்சி.''ஆமாம்... செக் மோசடி, நிலம் கையகப்படுத்துதல், குடும்ப பிரச்னை, அடிதடின்னு, நிலுவையில இருக்குற வழக்குகள்ல, ரெண்டு தரப்பையும் கூப்பிட்டு பேசி, வழக்கை பைசல் பண்றது தான், லோக் அதாலத்தின் நோக்கமா இருக்கு ஓய்...''ஆரம்பத்துல சரியா போயிண்டு இருந்த அமைப்புல, இப்ப முறைகேடுகள் நடக்க ஆரம்பிச்சிடுத்தாம்... அதாவது, புகார்தாரர் அல்லது குற்றவாளிக்கு தெரியாமலே, போலீசாரும், வக்கீல்களும் சேர்ந்து, வழக்கை, 'செட்டில்' பண்ணிடறாளாம் ஓய்...''இதனால, வழக்குல சம்பந்தப்பட்டவா பாதிக்கப்படறா... அதனால, 'இனி நடக்கப் போற லோக் அதாலத்துக்கு முன்னாடியே, ஐகோர்ட் விஜிலென்ஸ் பிரிவினர் கண்காணிச்சு, முறைகேடுகள் நடக்காம தடுக்கணும்'னு வக்கீல்கள் எதிர்பார்க்கறா ஓய்...'' என, முடித்தார் குப்பண்ணா.''எல்லாரையும் விரட்டி அடிக்கிறதுலயே குறியா இருக்காருங்ணா...'' என, கடைசி விஷயத்திற்கு வந்தார் கோவை, கோவாலு.''யாருவே அது...'' எனக் கேட்டார் அண்ணாச்சி.''சென்னை மாநகராட்சியின், ஆலந்துார் மண்டலத்துல இருக்கிற, ஒரு அதிகாரியை தான் சொல்றேனுங்க... இந்த மண்டலத்துல, சொத்து வரி சீரமைப்புங்கிற பேர்ல, சகட்டுமேனிக்கு வரிகளை உசத்தி போட்டாங்ணா...''அந்த ஏரியா மக்கள் எல்லாம் கொதிச்சு போய் கிடக்காங்க... இது சம்பந்தமா, விளக்கம் கேட்க, மண்டல அலுவலகத்துக்கு போனா, அங்க இருக்கிற வருவாய் அதிகாரி, யாரையும் பார்க்க மாட்டேங்கிறாராம்... 'எதா இருந்தாலும், அடையாறுல இருக்கிற மண்டல இணை கமிஷனரை போய் பாருங்க'ன்னு விரட்டி அடிக்கிறாருங்ணா...''யாரையும் அவர் அறைக்குள்ள அனுமதிக்கிறது கிடையாது... ஆனா, தொழிலதிபர்கள், பெரிய நிறுவனத்துக்காரங்க, பில்டர்கள் வந்தா மட்டும், சிகப்பு கம்பளம் விரிக்காத குறையா, வாய் நிறைய சிரிப்போட வரவேற்று, வம்பளந்துட்டு இருக்காருங்ணா...'' என, முடித்தார் கோவாலு.''பாலசுப்ரமணி இங்க உட்காருங்க...'' என, நண்பருக்கு இடம் அளித்தபடியே, அந்தோணிசாமி எழ, மற்றவர்களும் கிளம்பினர். கூடுதல் கட்டண வசூலில் குளிர் காயும், 'டாஸ்மாக்' அதிகாரி! ''கொட்டாங்குச்சியை, நாட்டு வெடிகுண்டுன்னு சொல்லி, பெருமை அடிச்சுக்கிட்டாருங்க...'' என்றபடியே, பெஞ்சில் அமர்ந்தார் அந்தோணிசாமி.''எங்க ஓய்...'' எனக் கேட்டார் குப்பண்ணா.''சென்னை ஆவடியில இருந்து, சமீபத்துல, 'குடி' நோயாளி ஒருத்தர், போலீஸ் கட்டுப்பாட்டு அறைக்கு போன் போட்டு, 'ஆவடியில வெடிகுண்டு வெடிக்க போகுது'ன்னு சொல்லி யிருக்கார்... அடுத்த அரை மணி நேரத்துல, அவரை போலீசார் பிடிச்சு, அவர் வீட்டுல சோதனை போட்டிருக்காங்க...''அங்க, கொட்டாங்குச்சியில, பழைய பட்டாசு கழிவுகளை போட்டு வச்சிருந்திருக்கார்... அவரை கைது பண்ணிட்டு, 'நாட்டு வெடிகுண்டு பறிமுதல்... மிரட்டல் விடுத்தவர் கைது'ன்னு போலீசார் ஜம்பம் அடிச்சுக்கிட்டாங்க பா...'' என, சிரித்தார் அந்தோணிசாமி.''எதிர்க்கட்சி, 'மாஜி' தான் ஜெயிப்பார்னு அடிச்சு சொல்றாங்க பா...'' என, அடுத்ததகவலுக்கு வந்தார்அன்வர்பாய்.''யாரை சொல்றீங்ணா...'' எனக் கேட்டார் கோவை, கோவாலு.''சமீபத்துல, திருச்சி மாநகர, அ.தி.மு.க., 'பூத் ஏஜன்ட்'கள் கூட்டம் நடந்துச்சு... இதுல, மாவட்டச்செயலர் குமார், எம்.பி.,பேசுறப்ப, 'இதே எழுச்சியோடு கட்சியினர் செயல்பட்டால், திருச்சி மேற்கு தொகுதியிலும், நம்ம கட்சி தான் ஜெயிக்கும்'னு சொல்லியிருக்காரு பா...''இதைக் கேட்ட, உள்ளூர் அமைச்சர் வளர்மதி, உறையூர் பகுதி செயலரை கூப்பிட்டு, 'மாவட்டச் செயலர் விபரம் தெரியாம பேசுறார்... போன முறையாவது, தி.மு.க., முன்னாள் அமைச்சர் நேரு, 30 ஆயிரம் ஓட்டு வித்தியாசத்துல ஜெயிச்சாரு... ஆனா, அடுத்த தேர்தல்ல, 50 ஆயிரம் ஓட்டு வித்தியாசத்துல ஜெயிப்பார்... இதை நான் சொன்னதா, மாவட்ட செயலரிடம் சொல்லுங்க'ன்னு அடிச்சு பேசியிருக்காங்க...''நம்ம கட்சியில பதவி சுகத்தை அனுபவிச்சிட்டு, எதிர்க்கட்சிக்கு ஆதரவா பேசுறாங்களேன்னு, உள்ளூர் கட்சிக்காரங்க குமுறிட்டு இருக்காங்க பா...'' என்றார் அன்வர்பாய்.''புகார் சொன்னாலும், நடவடிக்கை எடுக்க மாட்டேங்காரு வே...'' என, கடைசி தகவலுக்கு வந்தார் அண்ணாச்சி.''யாரைச் சொல்றீர் ஓய்...'' எனக் கேட்டார் குப்பண்ணா.''கஜா புயல் நிவாரணத்துக்கு, தமிழகம் முழுக்க டாஸ்மாக் ஊழியர்களின், ஒரு நாள் ஊதியத்தை பிடிச்சு குடுத்துட்டாவ... திருநெல்வேலி மாவட்ட, டாஸ்மாக் அண்ணா தொழிற்சங்கத்துல, ரெண்டு பிரிவினர், போட்டி போட்டுட்டு, 'கஜா' புயல் நிவாரணம்னு சொல்லி, கடைக்கு, 2,000 ரூபாய் வசூலிக்காவ வே...''இதுல, ஒரு தரப்புக்கு, மாவட்ட டாஸ்மாக் உயர் அதிகாரி, ஆதரவா இருக்காரு... இது போக, எல்லா டாஸ்மாக் கடைகள்லயும், 'புல்' பாட்டிலுக்கு, 20 ரூபாய் வரையும், பார்கள்ல, கூல் பீருக்கு, 30 - 40 வரைக்கும் கூடுதல் விலைக்கு தான் விற்பனை செய்தாவவே...''இது பத்தி, அதிகாரியிடம் புகார் சொன்னா, 'நடவடிக்கை எடுக்கிறேன்'னு சொல்லிட்டு, கமுக்கமா இருந்துடுதாரு... ஏன்னா, ஒவ்வொரு பாட்டிலுக்கும் வசூலிக்கிற கூடுதல் தொகையில, அதிகாரிக்கு குறைவில்லாம மாமூல் வந்துடுதாம்...'' என, முடித்தார்அண்ணாச்சி.''நாயர், என்னை தேடி வடமலைமுத்து வந்தா, நாளைக்கு வர சொல்லுங்க...'' என்றபடியே அந்தோணிசாமி கிளம்ப, பெரியவர்கள்இடத்தை காலி செய்தனர்.

Advertisement




We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X