'டவுட்' தனபாலு

பதிவு செய்த நாள் : நவ 25, 2017
Advertisement
  'டவுட்' தனபாலு

சசிகலா அக்கா மகன் தினகரன்: நடுநிலையாக இருக்க வேண்டிய தேர்தல் ஆணையம், மத்திய அரசின் உத்தரவை செயல்படுத்தும் அமைப்பாக மாறி விட்டது. அதன் தலைமை பொறுப்பில், குஜராத் மாநில முதன்மை செயலர் பதவி வகித்தவர் உள்ளதால், நேர்மையை எதிர்பார்க்க முடியாது.
டவுட் தனபாலு: அதிகாரமே இல்லைன்னாலும் அதிரடி காட்டுற பழக்கதோஷத்துல, தேர்தல் கமிஷனரையும் நீக்கி, அறிக்கை வெளியிடுற ரகம் நீங்க... மக்கள் இளிச்சவாயர்களா, உங்கள் பேச்சை நம்ப... இப்படி பேசுபவர்களை, 'வேறு விதமாக' சொல்லிப் பழக்கம்ன்னு, மக்கள் கிண்டலடிச்சிடுவாங்களோன்னு, 'டவுட்' வருது!



அ.தி.மு.க., முன்னாள் அமைச்சர் விஸ்வநாதன்:
நாங்கள் கோவிலாக கருதும், முன்னாள் முதல்வர், ஜெயலலிதா வீட்டில் வருமான வரித்துறை சோதனை நடத்தியது, வேதனைக்கு உரியது. இதற்கு காரணம், சசிகலா தான்.
டவுட் தனபாலு: ஜெ., முதல்வராக இருந்த, 2016ம் ஆண்டு செப்டம்பரில், உங்க வீட்டிலும் வருமான வரிச்சோதனை நடந்ததே... அதற்குக் காரணம் யாரு... இந்த விவகாரத்தில் யார் மீதும் நீங்க பழியைப் போடாமல் இருப்பதைப் பார்த்தால், அதற்கு உங்களின் செயல்பாடுகள் தான் காரணமோ என்ற, 'டவுட்' தான் வருது...!


-பத்திரிகை செய்தி
: புதுச்சேரி சட்டசபை கூட்டம் துவங்கியதும், அ.தி.மு.க., -- எம்.எல்.ஏ.,க்கள், சபாநாயகர் இருக்கை அருகே சென்று, 'இலவச அரிசி, சர்க்கரை, வேட்டி, சேலை திட்டத்தை செயல்படுத்தவில்லை' என குற்றஞ்சாட்டி வெளிநடப்பு செய்தனர்.

டவுட் தனபாலு: 'வெளிநடப்பு செய்யணும்கற முடிவெடுத்து, எதிர்க்கட்சிகள் ஏதாவது பிரச்னைகளை எழுப்பி, அமளியில் ஈடுபடுறாங்க'ன்னு சொல்லும், தமிழக முதல்வரும், அமைச்சர்களும், இதற்கு என்ன பதில் தரப் போறாங்க... தமிழகத்திலும், ரேஷன் பிரச்னை தலைதுாக்கி இருக்கே... புதுச்சேரியில், அ.தி.மு.க., -- எம்.எல்.ஏ.,க்கள் பாணியில், தி.மு.க.,வினர் செயல்பட்டால், வரவேற்பாங்களா... இல்லை, களங்கம் கற்பிப்பாங்களா என்பது தான், மக்களின், 'டவுட்!'

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை