'டவுட்' தனபாலு | Special Articles | Special Reports | Special Interest News | News Comment | Science News | TV Shows news | General News

'டவுட்' தனபாலு

பதிவு செய்த நாள் : டிச 12, 2018
Advertisement
 'டவுட்' தனபாலு

தமிழக மீன்வளத் துறை அமைச்சர் ஜெயகுமார்: தங்க தமிழ்செல்வன் மற்றும் அவரை சார்ந்தவர்கள், அ.தி.மு.க.,வுக்கு வரலாம். ஆனால், சசிகலா, தினகரன் மற்றும் அவர்களின் குடும்பத்தினரை, ஒருநாளும் சேர்க்க மாட்டோம்.டவுட் தனபாலு: எவ்வளவு விமர்சித்திருந்தாலும் பரவாயில்லை... அதை எல்லாம் பெருசா எடுத்துக்க மாட்டோம்... அதெல்லாம் பழகிடுச்சுன்னு சொல்லுங்க... ஆமா, நீங்க தான், சசிகலா, தினகரன் குடும்பத்தை சேர்க்க மாட்டோம்னு சொல்றீங்க... உங்க அமைச்சரவையில் உள்ள சிலர், இன்னமும், 'சின்னம்மா'ன்னுதான், பேட்டி கொடுத்து வர்றாங்களே... இதுதானே, 'டவுட்'டை கிளப்புது...!***தமிழக காங்., தலைவர் திருநாவுக்கரசர்: தி.மு.க., விடம், தொகுதி பங்கீடு பேச்சு நடத்த, முன்னாள் மத்திய அமைச்சர், ஏ.கே.அந்தோணி தலைமையில், ஆறு பேர் குழு அமைக்கப்பட்டுள்ளது.டவுட் தனபாலு: 'காங்கிரஸ், கூடுதல் சுமை'ன்னு, கடந்த, சட்டசபை பொதுத்தேர்தல் முடிவுகளைப் பார்த்து, தி.மு.க.,வினர் முணுமுணுத்தனர்... இப்போ, குழுவில் இடம்பெற்றோர் எண்ணிக்கை அளவுக்காவது, லோக்சபா தொகுதிகளை ஒதுக்குமா... என்பதுதான், 'டவுட்'டாக இருக்கு...!***பா.ஜ., செய்தி தொடர்பாளர் சம்பித் பத்ரா: ராகுல் ஒரு அலிபாபா. அவரை சுற்றி, 40 திருடர்கள் எப்போதுமே இருப்பர்.டவுட் தனபாலு: எதிர்க்கட்சி வரிசையில் அமர்ந்துகொண்டு, இதைச் சொன்னால் எடுபடும்... ஆட்சி, அதிகாரத்தை முழுதாக கையில் வைத்துக் கொண்டு, அந்த, நாற்பது பேரில், ஒருவர் மீது கூட நடவடிக்கை எடுக்காமல், நாலரை வருஷமா, காலம் கடத்துறீங்களே... அவர்கள் மீது அப்படி என்ன உங்களுக்கு கரிசனம்கற, 'டவுட்' மக்களுக்கு ஏற்பட்டிடப் போகுது...!

Advertisement




We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X