சிறப்பு பகுதிகள் செய்தி

பேச்சு, பேட்டி, அறிக்கை

பேச்சு, பேட்டி, அறிக்கை

பதிவு செய்த நாள் : நவ 16, 2018
Advertisement
 
 
Advertisement
 
dinamalar-advertisement-tariff-2018
 
Advertisement
 பேச்சு, பேட்டி, அறிக்கை

அ.ம.மு.க., கொள்கை பரப்பு செயலர், தங்க தமிழ்ச்செல்வன், 'தமாஷ்' பேட்டி: 20 தொகுதி இடைத்தேர்தலில், அ.தி.மு.க., சார்பில், 5,000 கோடி ரூபாய் செலவு செய்யவும், வாக்காளர்களுக்கு தலா, 10 ஆயிரம் ரூபாய் பணம் பட்டுவாடா செய்யவும் திட்டமிடப்பட்டு உள்ளது. இருப்பினும், 20 தொகுதிகளிலும், அ.தி.மு.க., 'டிபாசிட்' இழக்கும்.துணைநிலை கவர்னர் கிரண்பேடியிடம், 'செமத்தியாய் வாங்கிக் கட்டி'க் கொண்ட அனுபவத்தில், புதுச்சேரி முதல்வர், நாராயணசாமி பேட்டி: நடிகர் ரஜினி கூறியிருப்பது போல், பா.ஜ., ஆபத்தான கட்சி மட்டுமல்ல, நாட்டை சீர்குலைத்து, சின்னாபின்னமாக்கக்கூடிய ஒரு கட்சி. மத்தியில், பா.ஜ., ஆட்சிக்கு வந்ததும், இந்தியாவின் பொருளாதாரம் சீரழிந்தது; பணமதிப்பிழப்பு நடவடிக்கையால், பல்வேறு தொழில் நிறுவனங்கள் மூடப்பட்டன.'ரஜினி சொன்ன விஷயத்துக்கு, நேரடியா எதிர்ப்பு தெரிவிக்காமல், மறைமுகமா எதிர்க்கிறீங்களே... ஏன்...' எனக் கேட்கத் தோன்றும் வகையில், விடுதலை சிறுத்தைகள் கட்சி தலைவர், திருமாவளவன் பேட்டி: பாம்பைக் கண்டால், படையும் நடுங்கும் என்பர். அதற்காக, படை பலவீனமானதும் அல்ல; பாம்பு பலமானதும் அல்ல. சனாதன தர்ம கொள்கைகளை கொண்ட, பா.ஜ., ஆபத்தானது தான்.இந்திய கம்யூ., மாநில செயலர், முத்தரசன் பேட்டி: தமிழகத்தில் அண்மைக் காலமாக, சிறுமியர் பாலியல் தொல்லைக்கு உட்படுத்தப்பட்டு, கொலை செய்யப்படுவது அதிகரித்துள்ளது. குற்றவாளிகளுக்கு உரிய தண்டனை பெற்றுத்தராத அதிகாரிகளையும் ஒரு குற்றவாளியாக, வழக்கில் சேர்க்க வேண்டும். பெண்களுக்கு பாதுகாப்புக்காக, பயிற்சி அளிக்க வேண்டும். அது, துப்பாக்கி சுடும் பயிற்சியாகக் கூட இருக்கலாம்.மத்திய கலாசாரத் துறை அமைச்சர், மகேஷ் சர்மா பேட்டி: சபரிமலை கோவில் விவகாரத்தில், மக்களின் உணர்வுகளைக் காயப்படுத்தாத வகையில், நடவடிக்கை எடுக்க வேண்டும். சபரிமலை பிரச்னைக்கு தீர்வு காண, அவசர சட்டம் கொண்டு வருவது குறித்து, கேரள மாநில அரசு தான் முடிவெடுக்க வேண்டும். இந்த விவகாரத்தில் தேவைப்பட்டால், சரியான நேரத்தில், மத்திய அரசு, நிச்சயம் தலையிடும்.தே.மு.தி.க., தலைவர் விஜயகாந்த் மகன், விஜயபிரபாகரன் பேட்டி:நான் பதவிக்காக, அரசியலுக்கு வரவில்லை. என் தந்தை அழைத்தார், வந்தேன். தந்தை கூறினால், இடைத்தேர்தல் உள்ளிட்ட எந்த தேர்தல் பிரசாரத்திற்கும் செல்வேன். நான் அரசியலுக்கு புதிது என்பதால், கூட்டணி குறித்து தந்தையிடம் தான் கேட்க வேண்டும். அவர் தான், அனைத்து முடிவையும் எடுப்பார்.

Advertisement

இதையும் தவறாமல் படிங்க ...



வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை


We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X