சிறப்பு பகுதிகள் செய்தி

பேச்சு, பேட்டி, அறிக்கை

பேச்சு, பேட்டி, அறிக்கை

பதிவு செய்த நாள் : செப் 21, 2018
Advertisement
பேச்சு, பேட்டி, அறிக்கை

தமிழக செய்தித்துறை அமைச்சர், ராஜு பேட்டி: என்னைப் பார்த்து, 'கீழ்த்தனமான அமைச்சர்' என, தி.மு.க., பொருளாளர் துரைமுருகன் கூறுகிறார். எதிர்க்கட்சி தலைவராக, ஜெயலலிதா சட்டசபைக்கு சென்றபோது, பெண் என்றும் பாராமல், அவர் தலைமுடி, சேலையை இழுத்து, கீழ்த்தனமாக நடந்து கொண்டவர், துரைமுருகன் தான். அதோடு, ஜெயலலிதாவின் உடலை, மெரினாவில் அடக்கம் செய்ததை எதிர்த்து வழக்கு தொடுத்தது, தி.மு.க., தான் என்பது, அனைவருக்கும் தெரியும்.
முஸ்லிம் பெண்களிடமிருந்து எந்த எதிர்ப்பும் இல்லாத நிலையில், காங்., செய்தி தொடர்பாளர், ரண்தீப் சுர்ஜேவாலா, 'அரசியல்' பேட்டி: முஸ்லிம் பெண்களுக்கு நீதி கிடைக்க வேண்டும் என்பதை விட, தங்களுடைய அரசியல் விளையாட்டு வெற்றி பெற வேண்டும் என்ற நோக்கிலேயே, 'முத்தலாக்' விவகாரத்தை, மத்திய அரசு கையாண்டு வருகிறது. எங்களைப் பொறுத்தவரை, நடைமுறையில் இருந்த முத்தலாக் முறையில், பெண்களுக்கான உரிமைகள் இருந்தன; அவர்களுக்கு, உரிய நீதி வழங்கப்பட்டது.
'ஸ்ட்ராங்கான ஊழல் விஷயம் எதையாவது கையிலெடுத்து, எதிர்த்து பேசி, வெற்றி பெறுவதை விட்டுட்டு, நல்லா போயிட்டிருக்கிற விஷயங்கள் குறித்து, சொதப்பலா அறிக்கை விடுறது ஏனோ...' எனக் கேட்கத் தோன்றும் வகையில், தி.மு.க., தலைவர், ஸ்டாலின் அறிக்கை: தமிழகம் முழுவதும் நடக்கும் காற்றாலை மின்சார ஊழல் குறித்து, லஞ்ச -- ஊழல் தடுப்புத்துறை விசாரணைக்கு, உடனடியாக உத்தரவிட வேண்டும். இந்த ஊழலுக்கு துணை போயிருக்கும் அமைச்சர், பதவி விலகி, சுதந்திரமான விசாரணைக்கு வழிவிட வேண்டும்.
இந்திய துணை ஜனாதிபதி, வெங்கையா நாயுடு பேட்டி: ஒட்டுமொத்த மனித குலத்தின் எதிரியாக, பயங்கரவாதம் உருவெடுத்துள்ளது. அது, எந்தவொரு இனத்திற்கும் சொந்தமானதல்ல; எந்த மதத்தையும் சார்ந்தது கிடையாது. பயங்கரவாதத்தை வேரறுக்க, உலக நாடுகள் ஒருங்கிணைந்து செயல்பட்டாக வேண்டும். அப்படிச் செய்தால் தான், எதிர்கால வளர்ச்சியை நோக்கி, இந்த உலகம் அமைதியாக முன்னோக்கிச் செல்ல முடியும்.


அ.தி.மு.க.,வுக்கு வக்காலத்து வாங்கும், மத்திய கப்பல் மற்றும் நெடுஞ்சாலை துறை இணை அமைச்சர், பொன்.ராதாகிருஷ்ணன், பேட்டி: கிளி ஜோசியமே பலிக்காமல் இருக்கும்போது, தி.மு.க., தலைவர் ஸ்டாலின், எந்த கிளி ஜோசியத்தை நம்பி, பழனிசாமி தலைமையிலான தமிழக அரசு, விரைவில் கலைந்து விடும் என, ஆரூடம் கூறுகிறார் என, தெரியவில்லை. ஆரூடம் கூறுவதை, ஸ்டாலின் நிறுத்திக் கொள்ள வேண்டும். பிரதான எதிர்க்கட்சியாக, தமிழக முன்னேற்றத்திற்கு எதைச் செய்ய வேண்டுமோ, அதைச் செய்ய வேண்டும்.

Advertisement

இதையும் தவறாமல் படிங்க ...



வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை


We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X