பேச்சு, பேட்டி, அறிக்கை | Special Articles | Special Reports | Special Interest News | News Comment | Science News | TV Shows news | General News

சிறப்பு பகுதிகள் செய்தி

பேச்சு, பேட்டி, அறிக்கை

பேச்சு, பேட்டி, அறிக்கை

பதிவு செய்த நாள் : நவ 17, 2018
Advertisement
 பேச்சு, பேட்டி, அறிக்கை



பா.ஜ., தேசிய தலைவர், அமித்ஷா பேச்சு:பா.ஜ., கூட்டங்களில், ராகுல் பேசுகிறாரோ என்ற குழப்பத்தை ஏற்படுத்தும் வகையில், அவரது பேச்சுகள் உள்ளன. தாம் கலந்துக்கொள்ளும் கூட்டங்களில், தன் கட்சியினர் குறித்தும், கட்சி தலைவர்கள் குறித்தும் பேசுவதை விட, பிரதமர் நரேந்திர மோடி குறித்து தான், ராகுல் அதிகமாக பேசுகிறார். நாடு முழுவதும் மோடியின் பெயரை, ராகுல் போதித்தபடி இருக்கிறார். மோடி பீதியில், ராகுல் இருக்கிறார்.
இ.கம்யூ., மாநில செயலர், முத்தரசன் பேட்டி: இந்தியாவில், பதற்றத்தோடு உள்ள கட்சி, பா.ஜ., மட்டும் தான். அவர்கள் கூறிய வாக்குறுதிகள், ஒன்று கூட இதுவரை நிறைவேற்றப்படவில்லை. சுதந்திரமாக செயல்படக் கூடிய, சி.பி.ஐ., - வருமான வரித்துறை, தேர்தல் ஆணையம் ஆகியவற்றில் தலையீடால், பல்வேறு முரண்பாடுகள் ஏற்பட்டுள்ளன. மக்கள் நலனில் அக்கறை கொண்ட எதிர்க்கட்சிகள், பா.ஜ.,வை எதிர்க்க, 2019 தேர்தலுக்காக ஒன்று கூடி வருகிறோம். அடுத்த தேர்தலில், பா.ஜ., ஆட்சிக்கு வரப்போவது இல்லை.
புதுச்சேரி துணைநிலை ஆளுனர் கிரண் பேடி, சமூக வலைதளம் ஒன்றில் கருத்து பதிவு: புதுச்சேரி முதல்வர், தொடர்ந்து தவறான தகவல்களை, மக்களுக்கு கொடுத்து வருகிறார். அதேநேரம், ஆளுநர் அலுவலகம், தொடர்ந்து பதில் கொடுத்தும், நிதி விதிகளை பின்பற்றியும் வருகிறது. நிதிநிலை அறிக்கையில் நிதி ஒதுக்கப்பட்டிருக்கிறது என்பதால், அதை வழங்க வேண்டும் என்று அர்த்தம் இல்லை. அவ்வாறு வழங்கும்போது, நாம் எவ்வாறு விதிகளை மீற முடியும்? ஆனால், அதைத்தான் முதல்வர் விரும்புகிறார்.
மத்திய நிதி அமைச்சர், அருண் ஜெட்லி பேச்சு: இந்தியா போன்ற, பொருளாதாரத்தில் மேம்பட்டு வரும் நாடுகளுக்கு, வளர்ச்சி தான் அதிமுக்கியம். அதன் அடிப்படையிலேயே, தேசத்தை மேம்படுத்த முடியும். வளர்ச்சியை பயன்படுத்தி தான், வறுமையை ஒழிக்க இயலும். அதற்கான நடவடிக்கைகளை, மத்திய அரசு தொடர்ந்து மேற்கொண்டு வருகிறது.
காங்., தலைவர் ராகுல், 'டுவிட்டரில்' கருத்து பதிவு: ரபேல் போர் விமான ஒப்பந்தத்திற்கு, பிரான்ஸ் அரசு உத்தரவாதம் அளிக்கவில்லை. இந்தப் புதிய தகவல் மூலம், அந்த ஒப்பந்தம் தொடர்பான மேலும் ஒரு முறைகேடு, வெளிச்சத்திற்கு வந்துள்ளது. பிரான்ஸ் அரசு அளித்த ஒரு கடிதத்தை மட்டும் வைத்து, ரபேல் ஒப்பந்தத்தை, இரு நாட்டு அரசுகளுக்கு இடையேயான ஒப்பந்தம் என, எப்படிக் கூற முடியும்?
ஒடிசா உயர் நீதிமன்றத்திற்கு மாற்றலாகிச் செல்லும், சென்னை உயர் நீதிமன்ற நீதிபதியாக பணியாற்றிய, சத்ருஹன் புஜாரி பேச்சு: இந்த உயர்நீதிமன்றத்தை விட்டுப் போக, எனக்கு மனமே இல்லை. விருந்தோம்பலில், தமிழர்கள் சிறந்தவர்கள். நல்ல எண்ணம் கொண்டவர்கள். இங்குள்ள பலர் எனக்கு, பலவிதத்தில் உதவிகரமாக இருந்துள்ளனர். அவர்களை என்னால், ஒருபோதும் மறக்கவே முடியாது.
காது மற்றும் வாயில் புகை வர, தமிழக காங்., தலைவர், திருநாவுக்கரசர் பேட்டி:சினிமாவில் எந்த கதாநாயகர்களும், ௧௦ பேர் அல்ல... ௧௦௦ பேர், ஆயிரம் பேரைக் கூட அடிப்பர். அவர்கள் எப்படி பலசாலிகள் இல்லையோ, அதேபோல், ௧௦ பேர் எதிர்ப்பதால், மோடி பலசாலி என்று அர்த்தம் அல்ல. சினிமா பாணியில், நடிகர் ரஜினி கருத்துக் கூறியிருக்கிறார்; அவ்வளவு தான்.

Advertisement




We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X