Special Articles | Special Reports | Special Interest News | News Comment | Science News | TV Shows news | General News

சிறப்பு பகுதிகள் செய்தி

பேச்சு, பேட்டி, அறிக்கை

பேச்சு, பேட்டி, அறிக்கை

பதிவு செய்த நாள் : செப் 19, 2018
Advertisement
  பேச்சு, பேட்டி, அறிக்கை

தமிழக பால்வளத் துறை அமைச்சர் ராஜேந்திர பாலாஜி பேட்டி: தமிழக காவல்துறை, உலகளவில், இந்தியளவிலும் சிறந்தது. காவல்துறை பற்றியும், நீதித்துறை பற்றியும், பா.ஜ.,வின், எச்.ராஜா பேசியுள்ளது, கோபத்தின் வெளிப்பாடு. அவர் தனக்கு, 'பிளட் பிரஷர்' உள்ளதா என்பதை, முதலில் பரிசோதித்துக் கொள்ள வேண்டும். அவர் மீதான வழக்கில், காவல்துறை, நீதிமன்றம் நடவடிக்கை மேற்கொள்ளும்.

தமிழக, காங்., மூத்த தலைவர், குமரி அனந்தன் பேச்சு: பொது இடங்களில், பா.ஜ., தலைவர்கள் பொறுப்புடன் பேச வேண்டும்; நாவடக்கம் வேண்டும். மக்கள் மனம் புண்படும்படி பேசுவது, அரசியல் நாகரிகம் இல்லை.

தமிழக தொழிலாளர் நலத்துறை அமைச்சர், நிலோபர் கபில், 'நச்' பேச்சு: அ.தி.மு.க.,வுக்கு இன்று, சோதனை வந்திருக்கிறது. இது, எதிரிகளால் வந்தது அல்ல; கூடவே இருந்தவர்களால் ஏற்படுத்தப்பட்டது. எதிரிகளாக இருந்தால், நேருக்கு நேர் நின்று வீழ்த்தி விடலாம். ஆனால், முதுகில் குத்தும் துரோகிகளிடம், அ.தி.மு.க., தொண்டர்கள் மிகவும் விழிப்புடன் செயல்பட வேண்டும்.

தமிழக, காங்., தலைவர், திருநாவுக்கரசரின், 'பொன்எழுத்துக்களால் பொறிக்கப்பட வேண்டிய' பேட்டி: காஸ் சிலிண்டர் விலை, காங்., ஆட்சியில், 350ரூபாயாக இருந்தது. தற்போது, 838 ரூபாய்க்கு மேல் சென்றுவிட்டது. இனி எல்லாரும், விறகால் அடுப்பு எரிக்க வேண்டியது தான். மக்களை கற்காலத்திற்கு அனுப்பும் அரசாக, மத்திய, பா.ஜ., அரசு உள்ளது.

ஆர்.எஸ்.எஸ்., தலைவர், மோகன் பாகவத் பேச்சு: மக்கள் மத்தியில், ஆர்.எஸ்.எஸ்., குறித்து சில தவறான புரிதல்கள் உள்ளன. இங்கு, ஒருவர் தான் அனைத்து அதிகாரத்தையும் கொண்டுள்ளார் என்பது, அதில் முக்கியமானதாக உள்ளது. ஆனால், மிகவும் வெளிப்படையான அமைப்பு என்றால் அது, ஆர்.எஸ்.எஸ்., மட்டும் தான். இங்கு, தொண்டர்களுக்கு எந்தக் கட்டுப்பாடும் கிடையாது. தங்களுக்கு, அமைப்பு அளிக்கும் மதிப்பின் அடிப்படையில், தொண்டர்கள் இங்கு நடந்து கொள்கின்றனர்.ஊழல் என்பதன் பொருள், 'தன் கஜானாவை, முறையற்ற வகையில் நிரப்பிக் கொள்வது' என்பது தெரிந்தும், காங்.,

தலைவர் ராகுல் பேச்சு: பிரதமர் மோடி அரசின் மிகப்பெரிய ஊழல், பணமதிப்பிழப்பு நடவடிக்கை தான். இந்த ஊழலின் நோக்கமே, சிறிய வணிகர்களிடம் இருந்து பணத்தை பிடுங்கி, நாட்டின், ௧௫ பணக்காரர்களுக்கு தருவதே! ௧௫ பெரும் தொழில் நிறுவனங்களின், ௧.௫ லட்சம் கோடி ரூபாய் கடனை, மோடி அரசு, தள்ளுபடி செய்திருக்கிறது. ஆனால், ஏழை விவசாயிகள் வாங்கிய, ௫,௦௦௦ ரூபாய் கடனை, ஏன் அவர்களால் தள்ளுபடி செய்ய முடியவில்லை?

Advertisement




We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X