Special Articles | Special Reports | Special Interest News | News Comment | Science News | TV Shows news | General News
Advertisement
இது உங்கள் இடம்
Advertisement
 
 
Advertisement
 
 
எழுத்தின் அளவு:
Advertisement

பதிவு செய்த நாள்

28 ஜூன்
2016
00:00

முதல்வரே... வேண்டாம் தம்பட்டம்!

ஆர்.நடராஜன், தனியார் கல்லுாரி முதல்வர் (பணி நிறைவு), திண்டுக்கல்லிலிருந்து எழுதுகிறார்: அ.தி.மு.க., செயற்குழு கூட்டம், ஜூன் 18ல் சென்னை, ராயப்பேட்டை அவ்வை சண்முகம் சாலையில் உள்ள கட்சி அலுவலகத்தில் நடந்துள்ளது. அந்த சாலை வழியாக, காலை, 8:00 மணி முதல், முற்பகல், 11:00 மணி வரை, போலீஸ் வாகனங்கள் தவிர, மற்ற வாகனங்கள் அனுமதிக்கப்படவில்லை.
பாதசாரிகள் மட்டும், நடைபாதைகளில் நடந்து செல்ல அனுமதிக்கப்பட்டனர். முற்பகல், 11:00 மணிக்கு வருகை தந்த, தமிழக முதல்வர் ஜெயலலிதாவுக்காக, மூன்று மணி நேரம் பொதுமக்கள் கடும் அவதிப்பட்டுள்ளனர். இதுதவிர, வழி நெடுகிலும், கட்சியினரின் மேளதாளங்கள், அலங்கார வளைவுகள் என, கொண்டாட்டம் வேறு!
முன்னாள் முதல்வர் காமராஜர், 1958ல், சென்னையில் இருந்து திண்டுக்கல்லுக்கு ரயிலில் வந்துள்ளார். ரயில் நிலையத்தில் இருந்து இறங்கிய அவர், வெளியே நின்ற காரை நோக்கி நடந்து சென்று உள்ளார். பணியில் இருந்த காவலர் ஒருவர், காரின் கதவை ஓடி வந்து திறக்க முற்பட்டுள்ளார்.
அதற்கு காமராஜர், 'நான் காரின் கதவை திறந்து, மூடி கொள்வேன்; உங்களுக்கு என்ன பணியோ, அதை மட்டும் செய்யுங்கள்' என கூறியுள்ளார். காவலரும் சற்று ஒதுங்கி நின்று உள்ளார். காமராஜர், கார் கதவை அவராக திறந்து, ஏறி அமர்ந்து சென்று உள்ளார். அந்த இடத்தில் எந்த இடையூறும் யாருக்கும் ஏற்படவில்லை.
எப்போதும், 'மக்களுக்காகவே நான்' என அறைகூவும், தமிழக முதல்வர் ஜெயலலிதா, தன்னால் பொதுமக்களுக்கு எந்த இடையூறும் ஏற்படக்கூடாது என, தன்னை எளிமைப்படுத்தி கொள்ள வேண்டும். கட்சிக்காரர்களையும், 'வேண்டாம் தம்பட்டம்' என, அறிவுறுத்த வேண்டும். எளிமையாக வாழ்ந்த காமராஜரும், தமிழகத்தை ஆண்டவர் தான். அவரை போல், எளிமையாக வாழ்ந்து, மக்களிடம் நல்ல பெயரை எடுக்க, முதல்வர்
ஜெயலலிதா முயற்சிக்க வேண்டும்!

வக்கீல்களைமிரட்டவாபுதிய சட்டம்?

அ.குணா, புவனகிரியிலிருந்து எழுதுகிறார்: நீதி வழங்கும் நீதி அரசர்கள், நீதிக்காக போராடும் வழக்கறிஞர்கள், அவரவர் உரிய வரம்பை மீறாமல் பணி செய்தால் நிச்சயம், அது நீதிக்கு பெருமை சேர்க்கும்.
ஆனால், ஒரு சிலர் செய்யும் தவறுகளால், இன்று ஒட்டுமொத்த நீதிமன்ற பணிகளே பாதிக்கும் அளவுக்கு செயல்கள் நடந்து வருகின்றன.
சென்னை உயர் நீதிமன்ற நீதிபதிகளை விமர்சனம் செய்தாலோ, அவர்களின் பெயரை பயன்படுத்தி பணம் பெற்றாலோ, அந்த வழக்கறிஞர்கள் தொழில் செய்ய நிரந்தர தடை விதிக்கும், சட்ட திருத்தம் கொண்டு வரப்பட்டுள்ளது. புதிய சட்ட திருத்தம், வழக்கறிஞர்களுக்கு அறிவுறுத்துவது என்ன?
● நீதிமன்ற ஆவணங்களையோ அல்லது நீதிமன்ற உத்தரவுகளையோ கலைத்தாலோ அல்லது மாற்றம் செய்தாலோ --
● நீதிபதிகளை அவமதிப்பது அல்லது அவர்களை பழித்துக் கூறுவது, நீதிபதிகளுக்கு எதிராக உள்ளவர்களுக்கு முரணான, உறுதிப்படுத்தப்படாத குற்றச்சாட்டுகளை, புகார்களை உச்ச நீதிமன்றத்திற்கு அனுப்புவது
● நீதிமன்ற வளாகத்திற்குள் பேரணி நடத்துதல், நீதிமன்ற அறைகளை முற்றுகையிடுதல், குடித்து விட்டு, நீதிமன்றத்திற்குள் வருவது.
இதுபோன்று, வழக்கறிஞர்கள் மீது குற்றச்சாட்டு எழுந்தால் அவர்கள் தொழில் செய்ய தடை
விதிக்கப்பட்டுள்ளது.
ஒரு சில வழக்கறிஞர்கள் செய்யும் தவறுக்காக ஒட்டுமொத்த வழக்கறிஞர்கள் மீதும், குற்றம் சாட்டுவது சரியல்ல; எந்த ஒரு தவறையும் சுட்டிக்காட்டி வெளிச்சத்துக்கு கொண்டு வருவதில் வழக்கறிஞர்கள் முன்னோடியாக உள்ளனர்.
அவர்களின் வாய்க் கும், கைக்கும் பூட்டுப் போடும், சென்னை உயர்நீதிமன்ற புதிய விதிமுறைகள் நிச்சயம், அடக்குமுறை சட்டமாக தான் கருதப்படும்.
குஜராத் நீதிமன்ற நடுவர் ஒருவர் மது அருந்தி, அன்று பிரதமராக இருந்த மன்மோகன் சிங், ஜனாதிபதியாக இருந்த அப்துல் கலாம், உச்ச நீதிமன்ற தலைமை நீதிபதிக்கே, 'வாரன்ட்' பிறப்பித்ததை யாரும் மறந்து விட முடியாது.
நீதிமன்றத்தில், துணிந்து கேள்வி கேட்கும் இடத்தில் உள்ள வழக்கறிஞர்களை புதிய சட்ட திருத்தம் மிரட்டுவதை போன்றே உள்ளது.
புதிய சட்ட திருத்தத்தை வாபஸ் பெற்று, மத்திய, மாநில பார் கவுன்சில்களிடம் ஆலோசனை பெற்று, சட்ட திருத்தம் கொண்டு வரலாம்!

அறிக்கைகள் விடஎம்.எல்.ஏ., பதவிதேவையில்லை!

எஸ்.விவேக். கடலுாரிலிருந்து எழுதுகிறார்: தமிழக சட்டசபையில் நடந்த கவர்னர் உரையில், எதிர்க்கட்சி வரிசையில், தி.மு.க.,வின், 88 உறுப்பினர்கள் பங்கேற்றுள்ளனர்.
கருணாநிதி சட்டசபைக்கு வரவில்லை. கட்சியின் பொருளாளர் ஸ்டாலின், வழக்கம் போல, 'கருணாநிதி வந்து அமரக்கூடிய வகையில், சட்டசபையில் இருக்கை வசதி செய்யப்படவில்லை' என்றார்.
இந்த நொண்டிச் சாக்கு சொல்வதற்காகவா, திருவாரூர் தொகுதியில் போட்டியிட்டு, கருணாநிதி வென்றுள்ளார்? கடந்த காலங்களிலும், கையெழுத்திட்டு சலுகைகள் பெற மட்டுமே சட்ட பேரவைக்கு, அவர் வந்துள்ளார்.அதற்கு பதிலாக, தி.மு.க., தொண்டர்களில் ஒருவருக்கு, அந்த வாய்ப்பை, அவரே முன் வந்து அளித்து, தேர்தலுக்கும், பின்வரும் நிகழ்வுகளுக்கும் மட்டுமே, ஆலோசனை சொல்லி இருக்கலாமே; அப்படி என்ன பதவி ஆசை!
தி.மு.க., வென்றிருந்தால், ஆறாவது முறை முதல்வராகி இருக்க மாட்டாரா? வரலாற்றில், இதுவரை சட்டசபைக்கு போட்டியிட்டு, தோற்காத ஒரே தலைவர் என்ற சாதனை மட்டுமே மிச்சம். வெளியிலிருந்து அறிக்கைகள், விமர்சனங்கள் விடுகிறார்.
அதற்கு, சட்டசபை உறுப்பினர் என்ற தகுதி தேவை இல்லை. கட்சித் தலைவர் என்பதே வலுவான தகுதி தான்.
சட்டசபை உறுப்பினர் என்ற முறையில், திருவாரூர் தொகுதிக்கு என்ன வசதிகள், அவர் செய்வார்; அப்படியே திட்டங்களை, அரசின் கவனத்துக்கு கொண்டு வந்தாலும், முதல்வர் இசைவு இல்லாமல், நிறைவேற்ற முடியுமா அல்லது தொகுதி நிதி மேம்பாட்டிலும் முதல்வர் கண்ணசைவு இல்லாமல் அனுமதி தான் கிடைத்து விடுமா?
எதற்காக, 60 ஆண்டு அனுபவம் பெற்றுள்ள, 94 வயதான, பல விஷயங்கள் தெரிந்த அரசியல் சாணக்கியர் என பெயரெடுத்த கருணாநிதி, சட்டசபை தொகுதியில் நின்று வெற்றி பெற வேண்டும்?சட்டசபை கடமையாற்றாமலும், வேறு ஒருவருக்கு, அந்த வாய்ப்பை தராமலும், ஜனநாயகத்தை ஏன் நோகடிக்கிறார்!

Advertisement


Advertisement
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (1)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
B.Durairaj - chennai,இந்தியா
28-ஜூன்-201606:32:00 IST Report Abuse
B.Durairaj ஒரு காலத்தில் கட்சித் தொண்டர்கள்/நிர்வாகிகள் என்றால் அவர்கள் சேவை உள்ளம் உள்ளவர்களாக மக்கள் பணி ஆற்றக்கூடியவர்களாக இருப்பார்கள். ஆனால் இப்போது அவர்களது நடை உடைகளில் கவனம் செய்யும் அளவுக்கு மற்ற பணிகளில் அக்கறை காட்டுவதில்லை.அவர்கள் எல்லோருமே வெள்ளைச் சட்டையை சீருடையாக அணிகிறார்கள்.சட்டைப் பையில் வெளியில் தெரியும்படி அவர்களது தலைவர் படத்தையோ அல்லது தலைவி படத்தையோ வைத்துக்கொண்டுதான் வெளியே வருகிறார்கள்.வசதியான சிலர் கூடுதலாக கை விரல்களில் தலைவன்/தலைவி உருவம் பொறித்த மோதிரம் அதே போல் கழுத்தில் டாலர் செயின்( பெண்கள் அவர்கள் பங்குக்கு) அதிலும் தலைவர்/தலைவி உருவம்.இப்படி பந்தா காட்டுவதில்தான் அவர்கள் சமூக பணியை ஆற்றுகிறார்களே தவிர உண்மையான மக்கள் பணியில் அவர்கள் ஈடுபடுவதில்லை.அதனைத்தான் நாம் சென்னை வெள்ளத்தின்போது பார்த்தோமே.என்ன ஒரு வெட்கக்கேடு என்றால் எந்த ஒரு அரசியல் கட்சியின் தலைவரும்இதனைக் கண்டிப்பதில்லை. அவர்களின் சட்டைப்பையில் நம் படத்தை வைத்துக்கொள்வது நமக்குத் பெருமை என்று நினைத்துக்கொள்கிறார்கள் .சாதாரணமாக சொல்வார்கள்.டேய் அவன் என் சட்டை பாக்கெட் குள்ளடா என்று கேலியாக சொல்வார்கள். இதனை ஏன் தலைவனோ அல்லது தலைவியோ கண்டிப்பதில்லை. இப்படிப்பட்ட குறியீடுகளை அணிந்துகொண்டு இவர்கள் பொதுமக்களையும் அரசு அதிகாரிகளையும் அச்சறுத்தி தங்கள் காரியத்தை சாதித்துக்கொள்கிறார்கள். கட்சிக்கு எதனால் அவப்பெயர்தான் வந்து சேரும் .தலைவர்கள் இதனைச் சிந்தித்து நடவடிக்கை எடுப்பார்களா?
Rate this:
0 members
0 members
1 members
Share this comment
Cancel

உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.