இது உங்கள் இடம்

பதிவு செய்த நாள் : ஏப் 25, 2018
Advertisement
இது உங்கள் இடம்

மாணவரை, பெற்றோரை கஷ்டப்படுத்தாதீர்!வி.ஆதங்கன், செம்பட்டி, திண்டுக்கல் மாவட்டத்திலிருந்து எழுதுகிறார்: பிளஸ் 2 அரசு பொதுத் தேர்வை எழுதிய, 8.66 லட்சம் மாணவர்களின் விடைத்தாளை திருத்தும் பணி, மாநிலம் முழுவதும், 79 மையங்களில் நடந்து வருகிறது.அரசு மற்றும் அரசு உதவி பெறும் பள்ளிகளில் பணியாற்றும் முதுநிலை பட்டதாரி ஆசிரியர்கள், விடைத்தாளை திருத்தும் பணியில் ஈடுபட்டுள்ளனர். பிளஸ் 2 ரிசல்ட், மே, 16ல் வெளியிட திட்டமிடப்பட்டுள்ளது.அதற்குள், 60 லட்சம் விடைத்தாள்கள் திருத்தப்பட வேண்டும். மாணவர்களும், பெற்றோரும் குறித்த நாளில் தேர்வு முடிவு வெளியாகும் என்ற நம்பிக்கையுடன் காத்திருக்கின்றனர்.விடைத்தாளை திருத்தும் பணியில் ஈடுபட்டுள்ள ஆசிரியர்கள், சில கோரிக்கைகளை முன் வைத்து, ஒவ்வொரு நாளும் காலை, மாலையில் வழங்கப்படும் விடைத்தாளை முழுமையாக திருத்தம் செய்ய மறுக்கின்றனர்.மாலையில் வழங்கப்படும் விடைத்தாளை திருத்தாமல், புறக்கணித்து, திருத்தும் மையங்களின் முன், ஆர்ப்பாட்டம் நடத்துகின்றனர். ஒதுக்கீடு செய்யப்படும் விடைத்தாளை, முழுமையாக அன்றே திருத்தம் செய்யாமல் புறக்கணிப்பதால், குறித்த நேரத்தில் தேர்வு முடிவு வெளியாகுமா என்ற கேள்வி எழுந்துள்ளது.ஆசிரியர்களின் கோரிக்கைகளில் நியாயம் இருக்கலாம்; அதற்காக, தேர்வு முடிவுகளை குறித்த நேரத்தில் வெளியாகாமல் தடுக்க நினைப்பதை ஏற்றுக் கொள்ள முடியாது. இது, மாணவர்களிடமும், பெற்றோரிடமும் அதிருப்தியை ஏற்படுத்தும்.விடைத்தாள் திருத்தும் பணி துவங்கும் முன், கோரிக்கைகள் குறித்து பேசி, தீர்த்து விட்டு, திருத்தப் பணியில் ஈடுபட்டிருக்கலாம். அதை விடுத்து, மாலையில் நடைபெறும் ஆசிரியர்கள் போராட்டத்தால், குறைவான எண்ணிக்கையில் விடைத்தாள் திருத்தம் நடக்கிறது.பின்னாளில், கூடுதல் விடைத்தாளை பெற்று, வேக வேகமாக திருத்தம் செய்ய வேண்டியிருக்கும். மதிப்பீட்டில் நம்பகத்தன்மை இருக்குமா என தெரியவில்லை. மாணவர்கள் மறு கூட்டல், மறுமதிப்பீடு என அலைய வேண்டியிருக்கும்.தேர்வு தாள் திருத்தும் பணியில், ஆசிரியர்கள் முழு கவனம் செலுத்த வேண்டும். அதை விடுத்து, மாணவர்களையும், பெற்றோரையும் அவதிக்குள்ளாக்காதீர்!மதுரை - சென்னைகூடுதல் ரயில்கள்இயக்கப்படுமா?ஏ.சி.ராஜன், மதுரையிலிருந்து அனுப்பிய, 'இ - மெயில்' கடிதம்: மதுரை -- சென்னை இடையே, இருவழி ரயில் பாதை அமைக்கப்பட்டுள்ளது.இவ்வழித் தடத்தில், கூடுதல் ரயில்கள் இயக்கப்படாத வரை, பயணியருக்கு எந்த பயனும் கிடைக்காது.மதுரை - சென்னை இடையே, பகல் நேர ரயிலாக, வைகை எக்ஸ்பிரஸ் மட்டும் ஓடுகிறது.மதுரை - சென்னை இடையே, நேரடி ரயிலாக, பாண்டியன் எக்ஸ்பிரசும், துாத்துக்குடி, நெல்லை, கன்னியாகுமரி, நாகர்கோவில் போன்ற இடங்களில் இருந்து, மதுரை வழியாக, பல எக்ஸ்பிரஸ் ரயில்களும் இயக்கப்படுகின்றன; இவை போதுமான சர்வீஸ்களாக இல்லை.மதுரை -- சென்னை இடையே, கூடல் எக்ஸ்பிரஸ் ரயிலும், இரவு, 11:15 மணிக்கு, மஹால் எக்ஸ்பிரஸ் ரயிலும் முன்பு இயக்கப்பட்டு வந்தன.கேரள மாநிலத்தவர், தங்கள் வசதிக்காக, பகல் நேர கூடல் எக்ஸ்பிரஸ் ரயிலை, குருவாயூர் வரை நீட்டித்து கொண்டனர்; அதற்கு, குருவாயூர் எக்ஸ்பிரஸ் என பெயரிட்டனர்.மஹால் எக்ஸ்பிரஸ் ரயிலை, திருவனந்தபுரம் வரை நீட்டித்து விட்டனர். அதற்கு, திருவனந்தபுரம் -- சென்னை அனந்த புரி எக்ஸ்பிரஸ் என பெயரிட்டனர்.மதுரை கோட்டத்தில் இருந்த அந்த ரயில்களின் கட்டுப்பாட்டை, திருவனந்தபுரம் கோட்டத்தினர் அபகரித்துக் கொண்டனர்.திருச்சி - - திருநெல்வேலி வரை, பகல் நேர இன்டர்சிட்டி ரயில் இயக்கப்பட்டு வந்தது.அந்த ரயிலையும், திருவனந்தபுரம் வரை நீட்டித்து, திருச்சி - திருவனந்தபுரம் இன்டர் சிட்டி ரயில் என, பெயரிட்டு விட்டனர்; அதுவும், திருவனந்தபுரம் கோட்ட ரயில்வே பொறுப்பிற்கு சென்று விட்டது.மதுரை - -----சென்னை இடையே செல்லும் பயணியர் கூட்டம் இரட்டிப்பாகி விட்டது. இதனால், மதுரையிலிருந்து சென்னை செல்வோருக்கான, டிக்கெட் முன்பதிவு கோட்டா, மிகவும் குறைவாக உள்ளது.மற்ற ஊர்களில் இருந்து இயக்கப்படும் ரயில்கள், மதுரை வழியாக இயக்கப்பட்டாலும், அவற்றில் இடம் கிடைப்பது மிகவும் அரிதாக உள்ளது.எனவே, மதுரை - சென்னை இடையே, நேரடி கூடுதல் ரயில்கள் இயக்கப்பட வேண்டும்!வெத்துவேட்டுசினிமாக்காரர்களுக்குவயிற்றெரிச்சல்!எல்.லட்சுமணன், பி.மணியட்டி, நீலகிரி மாவட்டத்திலிருந்து எழுதுகிறார்: 'இந்தியாவின் பொருளாதாரம் வேகமாக முன்னேறி, 7.3 சதவீதத்தை, இந்தாண்டு நிச்சயம் அடையும்' என, உலக வங்கி கூறியுள்ளது.பண மதிப்பிழப்பு, ஜி.எஸ்.டி., போன்ற சீர்திருத்தங்கள், எதிர்பார்த்த அளவிற்கு மேல், மிகவும் நல்ல பயனை அளித்துள்ளது என்றும் கூறியுள்ளது!இது, காங்கிரசின் சிதம்பரம் போன்ற, 'மேதாவி' தலைவர்களுக்கு தெரிந்தும், அதை ஒப்புக் கொள்ள மறுக்கின்றனர்.தி.மு.க., செயல் தலைவர் ஸ்டாலின், 'காம்ரேட்'களின் தலைவர்கள், பிரதமர் மோடியை குறை கூறியே, தங்கள் அரசியல் நாடகத்தை நடத்துகின்றனர்.அரசியல் லாபம் கருதியோ, ஆந்திர அரசை திருப்திப்படுத்துவற்காகவோ, சிறப்பு அந்தஸ்து எனும் போலி அறிவிப்புகளை வெளியிடவில்லை, பிரதமர் மோடி!இந்திய - சீனா எல்லையான, டோக்லாம் பகுதியில், போர் பதற்றம் தணிக்கப்பட்டுள்ளது. ஜம்மு - காஷ்மீருக்குள் ஊடுருவும், பாக்., ஆதரவு பெற்ற பயங்கரவாதிகளை ஒழிப்பதில், மோடி அரசு, கடுமையான நடவடிக்கை எடுத்து வருகிறது.வெளிநாட்டு கொள்கை யில் மத்திய அரசு கையாண்ட அணுகுமுறையால், முதலீடுகள் குவிகின்றன.பிரதமர் மோடி குறித்து, பாகிஸ்தான் முன்னாள் கிரிக்கெட் வீரரும், அரசியல்வாதியுமான இம்ரான்கான், 'மிகச்சிறந்த தலைவர்' என, அரசியல் கூட்டங்களில் முழங்குகிறார் என, செய்தி வெளியாகியுள்ளது.அவர் ஒரு பேட்டியில், 'பாகிஸ்தான் தலைவர்கள், மோடியை போல் நேர்மையாகவும், துணிவுடனும் இருக்க வேண்டும்' என்றும் கூறியுள்ளார்.இங்குள்ள சினிமாரக்காரர்கள், காவிரி பிரச்னைக்காக போராட்டம் நடத்தும்போது, 'துப்பாக்கி ஏந்தி போராடுவோம்' என, வெத்து வேட்டு பேச்சு பேசுகின்றனர்.தேசிய உணர்வில்லாமல் பேசுவோர் எல்லாம், மோடியின் திறம்பட்ட ஆட்சியைக் கண்டு, வயிற்றெரிச்சலில் புலம்புகின்றனர்.எதைப் பற்றியும் கவலைப்படாமல், ஊழல், லஞ்சத்திற்கு எதிராக போராடும் மோடிக்கு, நாடு முழுக்க ஆதரவு அலை உள்ளது. இது, 2019 லோக்சபா தேர்தலில் நிச்சயம் எதிரொலிக்கும்!

Advertisement

இதையும் தவறாமல் படிங்க ...



Advertisement

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை