இது உங்கள் இடம்

பதிவு செய்த நாள் : ஆக 18, 2018 | கருத்துகள் (1)
Advertisement

யார் பதில் சொல்ல போகின்றனர்!ஆர்.ஆத்மா, கூடுவாஞ்சேரி, காஞ்சிபுரம் மாவட்டத்திலிருந்து அனுப்பிய, 'இ - மெயில்' கடிதம்: முன்னாள் பிரதமர், லால்பகதுார் சாஸ்திரி, சுதந்திர போராட்டத்தில் பங்கேற்று, சிறையில் இருந்தார். மூன்று மாதங்களுக்கு பிறகே, தன் வீட்டுக்கு அவரால் கடிதம் எழுத முடிந்தது.தன் மனைவியிடம், 'கட்சி சார்பில், நிவாரணப் பணம் அனுப்பப்பட்டதா... பட்டினியின்றி, நீயும் குழந்தைகளும் இருக்கிறீர்களா?' என, நலம் விசாரித்து கடிதம் எழுதி இருந்தார்.அதற்கு, 'நானும், குழந்தைகளும் நலம். நிவாரண பணத்தில் கொஞ்சம் சேமித்து வைத்துள்ளேன்; நீங்கள் கவலைப்பட வேண்டாம்' என, அவரது மனைவி பதில் கடிதம் எழுதி இருந்தார்.கடிதத்தை படித்த சாஸ்திரி, உடனே கட்சி அலுவலகத்திற்கு கடிதம் எழுதினார். அதில், 'கட்சி பணத்தை தாறுமாறாக செலவு செய்ய வேண்டாம். இந்த மாதம் முதல், என் மனைவிக்கு நிவாரணத் தொகையை குறைத்து அனுப்புங்கள்' என, எழுதி இருந்தார்.அவரை போன்ற மகான்கள் வாழ்ந்த நாட்டில், இன்று அரசு நிவாரணம் என்றால், எவ்வளவு ஏமாற்று வேலை, மோசடிகள் நடக்கின்றன...சென்னையில், 2015 டிசம்பரில் பெய்த கனமழையால், செம்பரம்பாக்கம் ஏரி வேகமாக நிரம்பியது. அது திறக்கப்பட்டதால், வெள்ள நீரில் பலர் பாதிக்கப்பட்டனர். அவர்களுக்கு, நிவாரண நிதியாக, 42.37 கோடி வழங்கப்பட்டதாக, மத்திய தணிக்கை துறை ஆய்வில் தெரியவந்துள்ளது.சென்னையில், 15 கோடி ரூபாயும், காஞ்சிபுரம் மாவட்டத்தில், 21 கோடியும், திருவள்ளூர் மாவட்டத்தில், ஆறு கோடி ரூபாயும் வழங்கப்பட்டுள்ளதாம்!சென்னை மாவட்டத்தில், ஆயிரக்கணக்கான குடும்பங்கள் நிவாரண நிதியாக, 5,000 ரூபாயை, எட்டு முறையும், காஞ்சிபுரம் மாவட்டத்தில், இரண்டு முதல், 35 முறையும் பெற்றுள்ளனராம்; 35 முறை என்றால், 'ஒரே குடும்பம், 1.75 லட்சம் ரூபாய் நிவாரணமாக பெற்றுள்ளது' என, பொருள்!கன்னியாகுமரியை, 2004 டிசம்பரில் சுனாமி உலுக்கியது. அதற்காக, கோடிக்கணக்கான ரூபாய் நிவாரணம் வழங்கப்பட்டது. நிவாரணத்தின் பலனை ஆராய்ந்த போது, பல அரசு சாரா நிறுவனங்களின் சொத்துக்கள் மட்டுமே, பல மடங்கு உயர்ந்து இருந்ததாம்; கார், கட்டடம், 'கனமான' வங்கி கணக்கு என, அவர்கள் ரொம்ப அதிகமாகவே முன்னேறி விட்டார்களாம்!ஆயிரக்கணக்கான குடும்பங்கள் பலமுறை, அதுவும், 35 முறை, அதிகாரிகளின் உதவியின்றி, நிவாரணப் பணம் பெற்றிருக்க வாய்ப்பில்லை. மத்திய தணிக்கை துறையினரின் கேள்விகளுக்கு, தமிழக வருவாய் மற்றும் உள்ளாட்சி துறை அதிகாரிகள் சரிவர பதிலளிக்கவில்லை. இதற்கு யார் பதில் சொல்ல போகின்றனர்?பழங்காலகல்வி முறையைமாத்துங்கய்யா!சுப்ர.அனந்தராமன், சென்னையிலிருந்து எழுதுகிறார்: 'கேவலம்; லஞ்ச அரசு ஊழியர்கள்!' என்ற தலைப்பில், இதே பகுதி யில், வாசகர் ஒருவர் கடிதம் எழுதி இருந்தார்.அதில், 'அரசை நம்பியிராமல், சுயதொழில், தனியார் வேலை என, மாற்றி பயணிக்க வேண்டும்; அப்படி ஒரு மாற்றம் வந்து விட்டால், ஒவ்வொரு தனி மனிதனும், தன்னிறைவு அடைந்து விடுவான்' எனக் கூறி இருந்தார்; அவர் கருத்து ஏற்கத்தக்கது!அன்று, எல்லா கல்வியும், தொழிற்கல்வியும், குருகுலவாச முறையில் தான் கற்பிக்கப்பட்டன. பாரதம் முழுவதிலுமுள்ள, பல்லாயிரக்கணக்கான கோவில்களை பார்த்தால், அது புரியும்.அவை அனைத்தும், பல ஆயிரம் ஆண்டுகளுக்கு முன், அதாவது, கிரேக்கர், முஹாலயர், பிரெஞ்சுக்காரர், டச்சுக்காரர், ஆங்கிலேயர்கள் ஆகியோர், நாட்டின் மீது, படையெடுத்து ஆக்கிரமிப்பதற்கு முன், நிர்மாணம் செய்யப்பட்டவை.அத்தனை புராதன கோவில்களும், இந்திய கட்டட கலைக்கும், சிற்ப கலைக்கும் உன்னத உதாரணங்களாக உள்ளன. இந்த அற்புதங்களை நிர்மாணம் செய்த நிபுணர்களும், சிற்பக் கலைஞர்களும், எந்தப் பொறியியல் கல்லுாரியில் படித்தனர்?மிகச் சிறந்த, சட்ட நுாலை இயற்றிய, வைவஸ்வத மனு, எந்தச் சட்டக் கல்லுாரியில் படித்து, சட்டக் கல்வி டிகிரி வாங்கினார்?மிகச்சிறந்த பொருளாதார நுாலும், அரசியல் கலை நுாலும் ஆகிய அர்த்தசாத்திரம் என்ற அற்புதமான நுாலை இயற்றியவர், கவுடில்யா; அவர், எந்தப் பல்கலையில் படித்து டிகிரி வாங்கினார்?ஆங்கிலேயர்களால், நாட்டில் முதன்முறையாக கொண்டு வரப்பட்ட, 'மெக்காலே' கல்வி திட்டத்தை ஒழிக்க வேண்டியது தான், முதல் வேலை.தொடக்க கல்வி முதல், ஒவ்வொரு குழந்தையையும், ஏதாவது தொழில் செய்து வாழும் பயிற்சியை அளிக்கும் வகையில், பள்ளிகளை சீரமைக்க வேண்டும்.மேன்மையான குருகுலக் கல்வி முறையை, இன்றைய விஞ்ஞான முன்னேற்ற நிலைமைக்கேற்ப, சிறிதளவு மாற்றியமைத்து, அமல்படுத்த வேண்டும். அதுவரை, இந்தியர்களும், இந்தியாவும் முதன்மை பெறும் வாய்ப்பே இல்லை!ஸ்காட்லாந்துபோலீசாரால் கூடகண்டறிய முடியாது!எஸ்.செபஸ்டின், சிவகாசி, விருதுநகர் மாவட்டத்திலிருந்து எழுதுகிறார்: தமிழகத்திலுள்ள, அனைத்து வட்டார போக்குவரத்து மற்றும் பத்திரப் பதிவு அலுவலகங்களிலும், லஞ்சம் கொடுக்காமல் காரியம் சாதிக்க முடியாது.இவ்விரு அலுவலகங்களிலும், லஞ்சம் கொடுக்காமல் யாரேனும் காரியம் முடித்திருந்தால், அவர்களுக்கு, வாழ்நாள் சாதனையாளர் பரிசு கொடுக்கலாம்.வட்டார போக்குவரத்து அதிகாரியிடமோ, பத்திரப் பதிவு அதிகாரியிடமோ லஞ்சம் பெற்றதாக ரொக்கத்தை கண்டெடுத்து விட முடியாது.ஏனெனில், இவர்களுக்குரிய லஞ்ச பணம், எங்கு, எப்போது, யார் மூலம் போய் சேருகிறது என்பதை, உலகில் துப்பறிவதில் வல்லவர்களான, ஸ்கார்ட்லாந்து போலீசாரால் கூட, தெரிந்து கொள்ள முடியாது.இவ்விரு துறைகளில் பெறும் லஞ்சம் மட்டுமே, மேலிடம் வரை செல்கிறது. இவ்விரு அலுவலகங்களில் பணி அமர்த்துதல், மாறுதல் பெறுதல்களுக்கு, கோடிக்கணக்கில் பணம் லஞ்சமாக கொடுக்கப்படுகிறது. வருவாய் அதிகமாகவுள்ள அலுவலகங்களுக்கு, அதிகமான லஞ்சம் கொடுக்கப்படுகிறது.இவ்விரு அலுவலகங்களிலும், லஞ்சத்தை ஒழிப்பதற்காக, வெளியாட்கள் உள்ளே செல்வதை தடை செய்வது, கேமராக்கள் மட்டுமல்லாது, இவற்றால் எந்த பயனும் இல்லை. காவல் துறையினரை அங்கு பணி அமர்த்தினாலும், லஞ்சத்தை ஒழித்து விட வாய்ப்பில்லை.இத்துறையில், அமைச்சர் முதல், கடைநிலை ஊழியர்கள் வரை, நேர்மையானவர்களையே நியமிக்க வேண்டும். அதுவரை, இந்த இரு துறைகளும் முன்னேறுவது, சாத்தியமே இல்லை!

Advertisement

இதையும் தவறாமல் படிங்க ...



Advertisement

வாசகர் கருத்து (1)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
D.Ambujavalli - Bengaluru,இந்தியா
18-ஆக-201806:06:44 IST Report Abuse
D.Ambujavalli அருகில் உள்ள டீக்கடையில் 10 ரூபாய்க்கு டீ குடித்துவிட்டு 1000 அல்லது நிர்ணயிக்கப்பட்ட பணத்தைக் கொடுத்து, டோக்கன் பெற வேண்டும். அதை விண்ணப்பத்துடன் இணைத்துவிட்டால் போதும், கார் , டூவீலரைக் கண்ணால்கூடப் பார்த்திராதவருக்கும் லைசென்ஸ் , f . C கொடுக்கப்பட்டுவிடும். டீக்கடைக்காருக்குரிய பங்கும் பிரிக்கப்பட்டு மீதி போய்ச்சேரவேண்டிய இடங்களுக்குப் போய்விடும். காமிரா அலங்காரமாக கொலு வீற்றிருக்கும்
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை


We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X