Special Articles | Special Reports | Special Interest News | News Comment | Science News | TV Shows news | General News

பக்க வாத்தியம்

பதிவு செய்த நாள் : ஜூன் 23, 2018
Advertisement
 பக்க வாத்தியம்

'நிவாரணம் வழங்குவதில் கூட பாரபட்சமா?'கோவையை அடுத்த, சோமனுாரில், சில மாதங்களுக்கு முன், பஸ் ஸ்டாண்ட் மேற்கூரை இடிந்து விழுந்ததில், ஐந்து பேர் இறந்தனர்; 15க்கும் மேற்பட்டோர் படுகாயமடைந்தனர். இதில், பாதிக்கப்பட்டோர், கோவை கலெக்டர் அலுவலகத்திற்கு வந்தனர்.'எங்களுக்கு நிவாரணமாக, வெறும், 50 ஆயிரம் ரூபாயை, அரசு வழங்கியுள்ளது; விசாரணை அறிக்கை கூட இன்னும் கொடுக்கவில்லை. 'ஒக்கி' புயலில் பாதிக்கப்பட்டோருக்கும், துாத்துக்குடி சம்பவத்தில் உயிரிழந்த குடும்பத்தினத்திற்கும், 20 லட்சம் ரூபாய் வழங்கப்பட்டுள்ளது. நாகப்பட்டினத்தில், பஸ் ஸ்டாண்ட் கூரை இடிந்து விழுந்ததில், பலியானோர் குடும்பங்களுக்கு, 10 லட்சம் ரூபாய் நிவாரணம் வழங்கப்பட்டது. வெறும், 50 ஆயிரம் ரூபாயை மட்டும், எங்களுக்கு வழங்கினால் நியாயமா...' என, ஆவேசமாக பேசினர்.'உங்கள் கோரிக்கைகளை ஏற்று, அரசுக்கு பரிந்துரை செய்கிறோம்; அரசு எடுக்கும் முடிவே இறுதியானது' என, அதிகாரிகள் சமரசம் பேசினர்.மனு கொடுக்க வந்த ஒருவர், 'நிவாரண ரேட் நிர்ணயம் செய்யிறதுக்கு கூட, சிபாரிசு வேணும் போலிருக்கு...' என்று நொந்தபடி, நடையைக் கட்டினார்.

Advertisement