காங்கிரசுக்கு வைகோ ஜால்ரா! | Special Articles | Special Reports | Special Interest News | News Comment | Science News | TV Shows news | General News

காங்கிரசுக்கு வைகோ ஜால்ரா!

பதிவு செய்த நாள் : நவ 13, 2018
Advertisement
காங்கிரசுக்கு வைகோ ஜால்ரா!

திருச்சியில் பல்வேறு நிகழ்ச்சிகளில் பங்கேற்க, ம.தி.மு.க., பொதுச் செயலர், வைகோ வந்தார். முன்னதாக, விமான நிலையத்தில், அவர், 'பிரதமர் மோடி அரசாலும், இந்துத்துவா சக்திகளாலும் இந்தியாவின் ஜனநாயகத்துக்கும், பன்முகத் தன்மைக்கும் பேராபத்து ஏற்படும் அபாயகரமான சூழல் உருவாகி உள்ளது. கூட்டாட்சி தத்துவத்துக்கான வழி ஏற்படுத்தும் விதத்தில் தான், மாநில கட்சிகள் அனைத்தும் காங்கிரஸ் கட்சியுடன் இணைந்து, ஒரு கூட்டணி ஆட்சி அமைக்கும் முயற்சியில் ஈடுபட்டுள்ளன...'ஆந்திர முதல்வர், சந்திரபாபு நாயுடுவும், தி.மு.க., தலைவர் ஸ்டாலினும் சமீபத்தில் சந்தித்தனர். அப்போது, 'நாயுடு எடுத்துள்ள முயற்சிக்கு, தி.மு.க., முழுமையாக ஒத்துழைக்கும்' என, ஸ்டாலின் அறிவித்துள்ளார். பார்லிமென்ட் தேர்தலில், இந்த புதிய கூட்டணி வெற்றி பெற்று, கூட்டாட்சி தத்துவத்தை அமைக்கும் என்ற நம்பிக்கை ஏற்பட்டுள்ளது' என்றார்.

மூத்த நிருபர் ஒருவர், 'இலங்கை படுகொலைக்கு காரணமே, காங்கிரஸ் தான் என, மேடைக்கு மேடை முழங்கியவர் வைகோ; இன்று, காங்கிரஸ் ஆட்சி வர வேண்டும் என்கிறாரே' எனக் கூற, மற்ற நிருபர்கள் சிரித்தனர்.

Advertisement




We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X