தாய் ஆறடி; குட்டி எட்டடி!

பதிவு செய்த நாள் : அக் 21, 2018
Advertisement
 
 
Advertisement
 
dinamalar-advertisement-tariff-2018
 
Advertisement
தாய் ஆறடி; குட்டி எட்டடி!

நர லோகேஷ், ஆந்திர முதல்வரும், தெலுங்கு தேசம் கட்சி தலைவருமான, சந்திரபாபு நாயுடுவின் மகன். அரசியலில், தனக்கு பின், வாரிசு ஜொலிக்க வேண்டும் என்ற எண்ணத்தில், சில ஆண்டுகளுக்கு முன், தன் மகனை களத்தில் இறக்கி விட்டார், சந்திரபாபு.பஞ்சாயத்து ராஜ், தகவல் தொழில்நுட்ப துறை உள்ளிட்ட முக்கிய இலாகாக்களையும், அவர் வசம் கொடுத்தார். சமீபத்தில், ஒரு நிகழ்ச்சியில் பேசிய நர லோகேஷ், 'அடுத்து, மத்தியில் அமையப் போகும் அரசை முடிவு செய்யப் போவது, தெலுங்கு தேசம் கட்சி தான். சந்திரபாபு நாயுடு தயவு இல்லாமல், யாரும் பிரதமராக முடியாது' என்றார்.இதைக் கேட்டு, தெலுங்கு தேசம் கட்சியினரே, ஆடிப் போய் விட்டனர். ஏனெனில், இப்போதைக்கு, பா.ஜ.,வுடன், 'முறுக்கல், முனகல்' உறவாக இருப்பது, லோக்சபா தேர்தல் முடிந்ததும், 'நட்பு கூட்டணி'யாக் கூட மாறலாம். அதை மனதில் வைக்காமல் இவர் பேசியதால், 'நம்ம ஆளு, நேரம் காலம் தெரியாமல், காமெடியில் பின்னி பெடலெடுக்கிறார்' என, 'கமென்ட்' அடித்தனர்.ஆனால், எதிர்க்கட்சியான, ஓய்.எஸ்.ஆர்., காங்கிரசும், பா.ஜ.,வினரும் சற்றே ஆடிப் போய்க் கிடக்கின்றனர். ஏனெனில், மொத்தமுள்ள, 30 எம்.பி., 'சீட்'களில் பெரும்பாலானவற்றை, தெலுங்கு தேசம் பிடித்து விடும் என்பது, எதிர்க்கட்சியினரின் பயம்; பழையபடி அவரே, மத்திய அரசுக்கு ஆதரவு கொடுத்து விடுவார்; மீண்டும் நரேந்திர மோடியே பிரதமராவார் என்பது தான் இவர்கள் பீதி.ஆனால், தந்தை சந்திரபாபு நாயுடு ஆறு அடி பாய்ந்தால், குட்டி எட்டடி பாய்வதைக் கண்டு, கட்சியினருக்கு மகிழ்ச்சியே!
தலை தப்புமா?'அடுத்த சட்டசபை தேர்தலுக்கு, இன்னும் மூன்று ஆண்டுகள் உள்ளன. அதற்குள் ஆட்சியை கலைத்து விடுவர் போலிருக்கிறதே' என, கண்ணீர் வடிக்கிறார், கேரள முதல்வரும், மார்க்சிஸ்ட் மூத்த தலைவருமான, பினராயி விஜயன்.'சபரிமலை அய்யப்பன் கோவிலுக்குள், அனைத்து வயது பெண்களையும் அனுமதிக்க வேண்டும்' என, உச்ச நீதிமன்றம் உத்தரவு பிறப்பித்துள்ளது. ஆனால், இதற்கு பக்தர்கள் கடும் எதிர்ப்பு தெரிவித்து, போராட்டம் நடத்தி வருகின்றனர். 'சபரிமலையில் அய்யப்பன், பிரம்மச்சாரி கோலத்தில் வீற்றிருக்கிறார். இங்கு, 10 - 50 வயதுக்கு உட்பட்ட பெண்களை அனுமதிப்பது இல்லை என்ற நடைமுறை பின்பற்றப்படுகிறது. இதில் குழப்பம் ஏற்படுத்தினால் எப்படி?' என்பது, பக்தர்களின் வாதம். போராட்டம் நாளுக்கு நாள் வலுத்து வருவதாலும், கேரளாவில், சட்டம் - ஒழுங்கு பாதிக்கப்படும் சூழல் ஊருவாகியுள்ளதாலும், முதல்வர் பினராயி விஜயன் கலக்கம் அடைந்துள்ளார்.'பிரச்னை பெரிதாகி, ஆட்சி கலைப்பு வரை சென்று விடுமோ' என, புலம்புகிறார். மார்க்சிஸ்ட் மற்றும் கூட்டணி கட்சி நிர்வாகிகளுடன், அடிக்கடி ஆலோசனை நடத்தி வருகிறார்.ஆனால், 'பெண்களை கோவிலுக்குள் அனுமதிக்காவிட்டால், உச்ச நீதிமன்றத்தின் கோபத்துக்கு ஆளாகி, பதவியை இழக்க நேரிடுமோ' என்ற பயமும்,அவருக்குள் ஏற்பட்டுள்ளது. 'இதுபோன்ற நெருக்கடியான சூழலில், முதல்வர் பதவியில் இருப்பது, கத்தி மீது நடப்பது போன்றது தான்; தலை தப்புவது சந்தேகம் தான்' என, கலவர பீதியுடன், தனக்கு தானே புலம்புகிறார், பினராயி விஜயன்.

Advertisement

இதையும் தவறாமல் படிங்க ...



வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை


We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X