Special Articles | Special Reports | Special Interest News | News Comment | Science News | TV Shows news | General News

அக்கம் பக்கம்

பதிவு செய்த நாள் : ஜூலை 17, 2018
Advertisement
அக்கம் பக்கம்

யாரைத்தான் நம்புவதோ...!என்ன செய்வது, என்ன முடிவெடுப்பது என தெரியாமல், பெரும் குழப்பத்தில் ஆழ்ந்துள்ளார், பகுஜன் சமாஜ் தலைவரும், உ.பி., முன்னாள் முதல்வருமான, மாயாவதி.உ.பி.,யில், பகுஜன் சமாஜ், சமாஜ்வாதி ஆகிய இரண்டு கட்சிகள் தான், சில ஆண்டுகளுக்கு முன்வரை, செல்வாக்கான கட்சிகளாக இருந்தன.ஆனால், இரண்டு ஆண்டு களுக்கு முன் நடந்த சட்டசபை தேர்தலும், அதற்கு முன் நடந்த லோக்சபா தேர்தலும், உ.பி., அரசியலின் தலையெழுத்தையே மாற்றி விட்டன. பா.ஜ.,வின் செல்வாக்கு, கிடுகிடுவென அதிகரித்து, மாநிலத்தில் ஆட்சியை பிடித்து விட்டது.பா.ஜ.,வின் வளர்ச்சிக்கு அணை போட முடியாமல் தவித்த மாயாவதி இறுதியாக, தன் பரம அரசியல் விரோதியான, அகிலேஷ் யாதவுடன் கூட்டணி அமைக்க வேண்டிய கட்டாயத்துக்கு தள்ளப்பட்டுள்ளார்.'அடுத்தாண்டு நடக்கவுள்ள லோக்சபா தேர்தலிலும், அதற்கு பின் நடக்கவுள்ள சட்டசபை தேர்தலிலும், இந்தக் கூட்டணி நீடித்தால், நமக்கு உரிய மரியாதை கிடைக்குமா' என்ற சந்தேகம், மாயாவதிக்கு எழுந்துள்ளது.'சமாஜ்வாதி கட்சி, எந்த கட்சியுடன் கூட்டணி அமைத்தாலும், அகிலேஷ் யாதவ் தான், முதல்வர் வேட்பாளர்' என, அக்கட்சியினர், இப்போதே கூறத் துவங்கியுள்ளனர்.இதனால், கலக்கம் அடைந்துள்ள மாயாவதி, 'அகிலேஷை நம்பினால், நம் அரசியல் எதிர்காலமே கேள்விக்குறியாகி விடும். கூட்டணி அமைக்காவிட்டால், பா.ஜ., நம்மை காணாமல் போகச் செய்து விடும். யாரைத் தான் நம்புவது' என, சோகத்தில் ஆழ்ந்துள்ளார்.

Advertisement