கடிவாளம் போட முடியுமா? | Special Articles | Special Reports | Special Interest News | News Comment | Science News | TV Shows news | General News

கடிவாளம் போட முடியுமா?

பதிவு செய்த நாள் : டிச 12, 2018
Advertisement
 கடிவாளம் போட முடியுமா?

'ஜோதி பாசு, புத்ததேவ் பட்டாச்சார்யா போன்ற, முதுபெரும் கம்யூனிஸ்ட் தலைவர்களை மிரள வைத்த எனக்கு, இந்த பெண், பெரும் குடைச்சல் கொடுக்கிறாரே...' என, மேற்கு வங்க மாநில முதல்வரும், திரிணமுல் காங்கிரஸ் தலைவருமான, மம்தா கடுப்புடன் கூறி வருகிறார். இவருக்கு, குடைச்சல் கொடுக்கும் பெண், வேறு யாருமல்ல; மேற்கு வங்க மாநில, பா.ஜ., மகளிரணி தலைவரும், முன்னாள் பெங்காலி நடிகையுமான, லாக்கெட் சட்டர்ஜி தான்.இவரை, பிரபலமான நடிகை என்று கூட கூற முடியாது. ஆனால், மேற்கு வங்கத்தை சேர்ந்தவர்களுக்கு, நன்கு அறிமுகமானவர். அதனால் தான், பா.ஜ., மேலிடம், இவருக்கு, மகளிர் அணி தலைவர் பதவியை கொடுத்தது. பதவி கிடைத்ததில் இருந்து, பம்பரமாகச் சுழன்று, கட்சி பணியாற்றி வருகிறார், லாக்கெட் சட்டர்ஜி. மாநில அரசுக்கு எதிராக போராட்டம் நடத்தியபோதெல்லாம், இவரை, பலமுறை கைது செய்துள்ளது, மம்தா அரசு; ஆனால், அவர் அசரவில்லை.சமீபத்தில், ஒரு பொதுக் கூட்டத்தில் பேசிய மம்தா, 'கம்யூனிஸ்ட் கட்சியின் இரும்புக் கோட்டையை தகர்த்து, வெற்றிக் கொடி நாட்டியவள் நான்; பா.ஜ., எல்லாம், எனக்கு துாசு' என, ஆவேசமாக பேசினார். இதற்கு பதிலடி கொடுத்த லாக்கெட் சட்டர்ஜி, 'முதல்வர் மம்தா, துாக்கத்தில் மட்டுமல்லாமல், விழித்திருக்கும்போதும் கனவு காணும் வழக்கம் உடையவர் போலிருக்கிறது' என, கிண்டலடித்தார்.வெறுத்துப் போன மம்தா, 'இந்த பெண்ணுக்கு, எப்படி கடிவாளம் போடுவது...' என, தீவிர யோசனையில் ஆழ்ந்துள்ளார்.

Advertisement




We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X