டீ கடை பெஞ்சு

பதிவு செய்த நாள் : நவ 18, 2018
Advertisement
 
 
Advertisement
 
dinamalar-advertisement-tariff-2018
 
Advertisement
டீ கடை பெஞ்சு

நிர்வாண போஸ் கொடுத்து தெறிக்க விட்ட எம்.எல்.ஏ., ''மாஜி அமைச்சரின் ஆதிக்கத்தால, மனம் புழுங்கிட்டு இருக்காங்க...'' என, முதல் ஆளாக, பெஞ்ச் தகவலை பேச ஆரம்பித்தார் அந்தோணிசாமி.''எந்தக் கட்சியில பா...'' எனக் கேட்டார் அன்வர்பாய்.''பெரம்பலுார், அரியலுார் மாவட்ட, தி.மு.க., சார்புல, மத்திய - மாநில அரசுகளைக் கண்டிச்சு, சமீபத்துல, பெரம்பலுார்ல பொதுக் கூட்டம் நடந்துச்சு... தி.மு.க., தலைவர் ஸ்டாலின், முன்னாள் மத்திய அமைச்சர் ராஜா, கோவை, நீலகிரி உட்பட, பல்வேறு மாவட்டச் செயலர்கள் கலந்துக்கிட்டாங்க...''பெரம்பலுார், அரியலுார் மாவட்டம் சார்புல, கூட்டம் நடந்தாலும், அரியலுார் மாவட்டச் செயலர், சிவசங்கரன் உள்ளிட்ட மாவட்ட நிர்வாகிகள் பலரையும், ராஜா கண்டுக்கலை... தானே கூட்டத்தை நடத்தின மாதிரி காட்டிக்கிட்டாருங்க...''அதோட, கோவை, நீலகிரி மாவட்டச் செயலர்களுக்கு, ஸ்டாலின் பக்கத்துல, இருக்கை போட்டு குடுத்திருந்தார்... ''அரியலுார் மாவட்டச் செயலரை, மேடை ஓரத்துல, சேர் போட்டு ஓரங்கட்டிட்டார்... '2ஜி வழக்குல ராஜா, டில்லி ஜெயில்ல இருந்தப்ப, வெளியில இருந்து, அவருக்கு நிறைய உதவிகள் செஞ்சது சிவசங்கரன் தான்... அவருக்கே இந்த கதியா'ன்னு, அவரது ஆதரவாளர்கள் விரக்தியில இருக்காங்க...'' என்றார் அந்தோணிசாமி.''தொகையை தாறுமாறா ஏத்தி போட்டாருங்ணா...'' என்றார் கோவை, கோவாலு.''விலைவாசி எல்லாம் ஏறிண்டே போறதோல்லியோ... அது சரி... என்ன தொகையை, யார் உசத்திட்டா ஓய்...'' எனக் கேட்டார் குப்பண்ணா.''காஞ்சிபுரம் மாவட்ட, கலால் துறையில அதிகாரியா இருக்கிறவர், சென்னை போலீஸ்ல இருந்து, சமீபத்துல தான், மாறுதல்ல வந்திருக்காரு... டூட்டியில சேர்ந்ததுமே, 'கட்டிங்' தொகையை, கண்டபடிக்கு உசத்தி போட்டாருங்ணா...''அதுலயும், வசூல்ல ரொம்ப கறார் வேற... பைசா சுத்தமா பணம் கைக்கு வரலைன்னா, தொலைச்சு கட்டிடுவாராம்... ''இவர் கேட்கிற, 'கட்டிங்'கை குடுக்க முடியாத கலால் போலீசார், லீவு போட்டுட்டு ஓடிடலாமா அல்லது இடமாறுதல் வாங்கிட்டு போயிடலாமான்னு, ரூம் போடாத குறையா, யோசனை பண்ணிட்டு இருக்காங்ணா...'' என்றார் கோவாலு.நண்பர் ஒருவர், பெஞ்சில் இருந்து கிளம்ப, ''சரி... மாணிக்கவேல்... நாளைக்கு பார்க்கலாம்...'' என, அவருக்கு விடை தந்த குப்பண்ணாவே, ''நிர்வாணமா போஸ் குடுத்து, நாராசமா பேசியிருக்கார் ஓய்...'' என, விஷயத்திற்கு வந்தார்.''யாரு வே அது...'' எனக் கேட்டார் அண்ணாச்சி.''சென்னை, ஓமந்துாரார் அரசினர் தோட்டத்துல, எம்.எல்.ஏ.,க்கள் விடுதி இருக்கோல்லியோ... இதுல, அ.தி.மு.க., - எம்.எல்.ஏ., கனகராஜ், சமீபத்துல, தன் அறையில, தண்ணீர் வரலைன்னு புகார் பண்ணியிருக்கார் ஓய்...''குழாய் ரிப்பேரை சரி பண்றதுக்காக போன, வீட்டு வசதி வாரிய ஊழியர்களை, லேட்டா வந்ததா சத்தம் போட்டு, கழிப்பறையில வச்சு பூட்டிட்டார்... அதோட, எம்.எல்.ஏ., 'தீர்த்தம்' வேற சாப்பிட்டிருப்பார் போல...''கட்டியிருந்த வேஷ்டியை, போதையில பட்டுன்னு அவிழ்த்து, திகம்பரமா நின்னுண்டு, ஊழியர்களை ஆபாசமா பேசியிருக்கார்... தகவல் கிடைச்சு, ஊழியர்களை மீட்க போன அதிகாரிகளும், எம்.எல்.ஏ.,வின் வசவுக்கு தப்பலை ஓய்...''அவாளையும் தாறுமாறா திட்டினதோட, முதல்வர், சபாநாயகரையும் சகட்டுமேனிக்கு திட்டி தீர்த்திருக்கார்... இது சம்பந்தமா, முதல்வருக்கும் புகார் போயிடுத்து ஓய்...'' என்றார் குப்பண்ணா.நண்பர்கள் நடையைக் கட்டவே, பெஞ்ச் அமைதியானது. நகராட்சி கமிஷனரை மிரட்டும், 'டிஸ்மிஸ்' அதிகாரி!

''எந்தக் கட்சியில இருக்கார்னே தெரியாதவருக்கு பதவி குடுத்திருக்காங்க பா...'' என்றபடியே, பெஞ்ச் பெரியவர்கள், ஜமாவில் ஐக்கியமானார் அன்வர்பாய்.''இந்த மாதிரி காமெடி எல்லாம், நம்ம ஊர் காங்கிரஸ்ல தான நடக்கும்... சட்டுபுட்டுன்னு சங்கதியை சொல்லும் வே...'' என்றார் அண்ணாச்சி.''லோக்சபா தேர்தலை முன்னிட்டு, காங்கிரஸ்ல, காஞ்சிபுரம் தேர்தல் பொறுப்பாளர் பதவியை, சினிமா தயாரிப்பாளரும், நடிகருமான, கே.ராஜனுக்கு குடுத்திருக்காங்க... அட, இவர், காங்கிரஸ்லயே இல்லையாம் பா...''திடீர்னு, அ.தி.மு.க., முகாம்ல தலை நீட்டுவார்... மறுநாள், சீமான் போராட்டத்துல, அவர் பின்னாடி நின்னு ஆவேசம் காட்டுவார்... சட்டையை மாத்துற மாதிரி, அடிக்கடி கட்சிகளையும் மாத்திட்டே இருப்பாரு பா...''இதனால, ராஜனுக்கு பதவி குடுத்ததுல, காங்கிரஸ் நிர்வாகிகள் பலர் கடுப்புல இருக்காங்க... 'எந்த அடிப்படையில, அவருக்கு பதவி குடுத்தீங்க'ன்னு விளக்கம் கேட்டு, மாநில தலைமைக்கு சிலர் கடிதம் அனுப்பினாங்க... அதுக்கு பதிலே இல்லையாம் பா...'' என்றார் அன்வர்பாய்.''ஆடு, மாடுகளை வளர்க்கறது நல்ல விஷயம் தான்... ஆனா, அரசு ஊழியர்களை படுத்தக் கூடாதோல்லியோ...'' என, மொபைல் போனில், யாருடனோ பேசியபடியே வந்தகுப்பண்ணா, 'கட்' செய்து, அரட்டைக்குள் சங்கமித்தார்.''விருதுநகர் மாவட்ட உயர் அதிகாரி, தன் பங்களாவுல, ஆடு, மாடுகள் எல்லாம் வளர்த்துண்டு இருக்கார்... இந்த ஆடு, மாடுகளை பராமரிக்கறதுக்கு, சூலக்கரைமேடு ஊராட்சியின் துப்புரவு பணியாளர்களை பயன்படுத்திக்கறார் ஓய்...''இந்த ஊழியர்கள், காலங்கார்த்தால, தன் பங்களாவுக்கு வரலேன்னா, சகட்டுமேனிக்கு திட்டறார்... ஊராட்சிகள்ல, குப்பைகள் தேங்கி, கொசுக்கள் அதிகமாகி, டெங்கு, பன்றிக்காய்ச்சல் பரவீண்டு இருக்கு...''துப்புரவு ஊழியர்களை, குப்பைகளை அள்ள அனுப்பாம, தன் வீட்டு சாணி, சகதியை அள்ள அதிகாரி பயன்படுத்திக்கறது, மாவட்ட அதிகாரிகள் மத்தியில, புகைச்சலை ஏற்படுத்திஇருக்கு ஓய்...'' என்றார் குப்பண்ணா.''நாயர், நம்ம சிவஞானம் வராருங்க... மசால் வடை இருந்தா கொண்டாங்க...'' என்ற அந்தோணிசாமி, ''சாலையோரம், 'செப்டிக் டேங்க்' வைக்க அனுமதி கேட்டு, அதிகாரியை மிரட்டிட்டு இருக்காருங்க...'' என, கடைசி விஷயத்திற்கு வந்தார்.''யாருங்ணா அது...'' எனக் கேட்டார் கோவை, கோவாலு.''ஆவடி நகராட்சி கமிஷனர் ஜோதிகுமாரை, சமீபத்துல ஒருத்தர் வந்து பார்த்திருக்கார்... 'நான் விஜிலென்ஸ் அதிகாரி... என் வீட்டுக்கு, சாலையோரத்துல, 'செப்டிக் டேங்க்' வைக்க அனுமதி குடுத்துடுங்க... சரியா'ன்னு மிரட்டல் தோரணையில சொல்லிட்டு போயிருக்காருங்க...''விடாம நாலஞ்சு நாள் வந்து தொந்தரவு பண்ணவும், 'நீங்க யாரா வேணும்னாலும், இருந்துட்டு போங்க... சட்டத்துக்கு புறம்பா, எங்களால எதுவும் பண்ண முடியாது'ன்னு கமிஷனர் சொல்லிட்டாராம்...''இவர், ஏற்கனவே, சி.பி.ஐ.,யில வேலை பார்த்து, பணிநீக்கம் செய்யப்பட்டவர்... அந்த தோரணையில, எல்லாரையும் மிரட்டிட்டு இருக்காருங்க...'' என்றார் அந்தோணிசாமி.''சரி... சாயந்தரம், நந்தகோபால் வீட்டு விசேஷத்துல பார்ப்போமுங்க...'' என்றபடியே கோவாலு கிளம்ப, மற்றவர்களும் எழுந்தனர்.

Advertisement

இதையும் தவறாமல் படிங்க ...



வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை


We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X