‛டவுட்' தனபாலு

பதிவு செய்த நாள் : டிச 18, 2017 | கருத்துகள் (1)
Advertisement
‛டவுட்' தனபாலு

காங்., முன்னாள் தலைவர் சோனியா: கட்சியில், புது ரத்தம் பாய்ச்சப் போவதாக, நம்பிக்கை வார்த்தைகளை ராகுல் விதைத்துள்ளார்.

டவுட் தனபாலு: மூத்த தலைவர்கள் ஓரங்கட்டப்படுவர்; அவர்களிடம் இருக்கும் பொறுப்புகள் பறிக்கப்பட்டு, கட்சிக்குப் புது ரத்தம் பாய்ச்ச, அவர்களின் வாரிசுகள் வசம் ஒப்படைக்கப்படும்னு எடுத்துக்கலாமா... ஏன்னா, ராகுல் அப்படித் தானே தலைவரானாரு... அதனால தான், இந்த, 'டவுட்!'

காங்., தலைவர் ராகுல்: மத்தியில் ஆளும், பா.ஜ., தனக்காக மட்டுமே போராட்டம் நடத்துகிறது. மாறாக, காங்., நாட்டு மக்கள் அனைவருக்காகவும் போராடி வருகிறது.

டவுட் தனபாலு: காங்., ஆட்சியில், பத்து வருஷமா பா.ஜ., போராடியது எதற்கு என்பதை உணர்ந்து தான், ஆட்சியை அவர்களிடம் மக்கள் கொடுத்தாங்க... இப்போ, 'மூன்றரை வருஷமா காங்., போராடுவது, நமக்காக அல்ல; இழந்த அதிகாரத்தைப் பெறுவதற்குத் தான்'னு, மக்கள் உறுதியா நம்புறதால தான், ஒவ்வொரு தேர்தலிலும் உங்களை உதறி விடுறாங்க என்பதை, உணரலையோ என்ற, 'டவுட்' வருதே...!

தி.மு.க., செயல் தலைவர் ஸ்டாலின்: வெல்லத்தில் பிள்ளையார் செய்து, அதில் ஒரு பகுதியை கிள்ளி, அந்த பிள்ளையாருக்கே படைப்பது போல, மக்களின் பணத்தை கொள்ளை அடித்து, அதில் சிறு தொகையை, வாக்காளர்களுக்கு கொடுக்கும் ஆட்சியாளர்களுக்கு தகுந்த பாடம் புகட்ட வேண்டும்.

டவுட் தனபாலு: இன்னும் அதிகமா கொடுக்கணும்னு சொல்ல வர்றீங்களா... 'நுாறு, ஆயிரம் கோடி ரூபாய் ஊழல் குற்றச்சாட்டுக்கு ஆளானவர்களே தாராளமா கொடுக்குறாங்க... லட்சம் கோடி குற்றச்சாட்டுக்கு ஆளானவர்கள், இதிலும் இறுக்கிப் பிடித்து நடப்பது ஏன்'னு, ஆர்.கே.நகர் வாக்காளர்கள் யாரும், 'டவுட்' எழுப்பிடப் போறாங்க...!

Advertisement

இதையும் தவறாமல் படிங்க ...



Advertisement

வாசகர் கருத்து (1)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Nachimuthu.k.s. - Gobicheetipalayam,இந்தியா
18-டிச-201706:23:22 IST Report Abuse
Nachimuthu.k.s. தி.மு.கவில் நிதி பற்றாகுறை உள்ளதால் R.K. நகர் தொகுதியில் ஒவ்வொரு மாவட்ட செயலாரும் இரண்டு வாக்குச்சாவடிக்கான செலவுகளை ஏற்றுக்கொள்ள செயல்தலைவர் உத்தரவு. அடுத்து தேர்தல் நிதி கேட்டு உத்தரவு என இருக்கும் போது அபாண்டமா குற்றசாட்டை கூறதாதீர்.
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை