Special Articles | Special Reports | Special Interest News | News Comment | Science News | TV Shows news | General News

'டவுட்' தனபாலு

பதிவு செய்த நாள் : ஜூன் 21, 2018 | கருத்துகள் (1)
Advertisement
  'டவுட்' தனபாலு

வனத்துறை அமைச்சர் சீனிவாசன்: ஜெயலலிதா குறித்து தவறாக எந்தக் கருத்தையும் நான் பேசவில்லை. ஜெ.,க்கு தெரியாமல் தவறான வழியில் கொள்ளையடித்த பணத்தை வைத்து, தினகரன் அரசியல் நடத்தி வருகிறார் என்ற கருத்துப்பட தான் பேசினேன்.டவுட் தனபாலு: பெற்ற பிள்ளைகள் மீது சத்தியம் செய்து, சில மாதம் கழித்து, பொய் சொன்னதாக மன்னிப்புக் கேட்டீங்க... அப்போதிருந்தே, உங்க பேச்சை யாரும், பெருசா எடுத்துக்கறது இல்லை... அதுகிடக்கட்டும், 'உடன் இருந்த சசிகலா குடும்பத்தின் செயல்பாட்டையே, கண்காணிக்க முடியாதவராகத் தான், ஜெ., இருந்தாரா... அவர்கள் கொள்ளை அடித்த பணத்தை மீட்க, என்ன நடவடிக்கை எடுத்தார்'னு, இனி ஆளாளுக்கு, 'டவுட்' கிளப்புவாங்களே... அதற்கு என்ன விளக்கம் தரப்போறீங்க...!
மீன்வளத் துறை அமைச்சர் ஜெயகுமார்: எம்.ஜி.ஆரையும், ஜெயலலிதாவையும், தலைவர்களாக ஏற்றுக் கொண்டவர்கள், நிச்சயம் கட்சிக்கு திரும்புவர். இது, காலத்தின் கட்டாயம்.டவுட் தனபாலு: புகைபோட்டு முயலைப் பிடிப்பது போல, அதிரடி நெருக்கடி தர ஆயத்தம் ஆகிட்டீங்களோ... அதுதான், இவ்வளவு நம்பிக்கையாய் சொல்றீங்களா... 'பன்னீர் திரும்பி வந்தால், நான் வகிக்கும் நிதி அமைச்சர் பொறுப்பை, விட்டுத்தர தயார்'னு, சொன்ன மாதிரி, மற்றவர்களுக்கு, என்ன, 'ஆபர்' வெச்சிருக்கீங்க என்பது தானே, இப்போ, பெரும், 'டவுட்'டாக இருக்கு...!
பத்திரிகை செய்தி: 'கட்சி நிகழ்ச்சிகளில், 'பேனர், கட் - அவுட், டிஜிட்டல் போர்டு' போன்ற விளம்பரங்களை, அளவின்றி செய்வதை, கண்டிப்பாக தவிர்க்க வேண்டும்' என, கட்சியினருக்கு, தி.மு.க., தலைமை அறிவுறுத்தி உள்ளது.டவுட் தனபாலு: தி.மு.க.,வில், அழகிரி இருந்த காலம் முதலே, அவ்வப்போது, இந்த மாதிரியான உத்தரவுகளை, தலைமை பிறப்பித்து வருது... ஆனாலும் அது, இன்றுவரை தொடருதுன்னா, கட்சியினர் கட்டுப்படலையா... இல்லை, தலைமை, சும்மா ஒரு பேச்சுக்குச் சொல்லுதா என்ற, 'டவுட்' தான் வருது...!

Advertisement