Special Articles | Special Reports | Special Interest News | News Comment | Science News | TV Shows news | General News

'டவுட்' தனபாலு

பதிவு செய்த நாள் : செப் 20, 2018 | கருத்துகள் (4)
Advertisement
  'டவுட்' தனபாலு

தமிழக சட்ட அமைச்சர் சண்முகம்: அ.தி.மு.க., ஆட்சியை கலைக்க, ஸ்டாலினுடன், மறைமுகமாக தினகரன் கூட்டணி வைத்துள்ளார். முதல்வர் பழனிசாமி, துணை முதல்வர் பன்னீர்செல்வம் ஆகியோரை, தினகரன் ஏகவசனத்தில் வசைபாடி வருகிறார்.டவுட் தனபாலு: 'தான் கொள்ளையடித்த பணத்தை காப்பாற்ற, தி.மு.க.,வுடன், பன்னீர்செல்வம் உறவு வைத்துள்ளார்'னு, விழுப்புரத்தில் நடந்த நலத்திட்ட விழாவில் பேசினீங்க... 'சின்னம்மாவால் அடையாளங்காட்டப்பட்ட கருங்காலி, பச்சை துரோகி'ன்னு, போயஸ் கார்ட்ன் வாசலில் சீறிப் பாய்ந்தீங்க... உங்களை மாதிரியே, தினகரன் நடந்துக்குறாருன்னு, இதை எடுத்துக்கலாமா என்பது தான், மக்களின், 'டவுட்!'

தி.மு.க., தலைவர் ஸ்டாலின்: ஊழலுக்கு துணைபோகும், ஐ.ஏ.எஸ்., - ஐ.பி.எஸ்., அதிகாரிகள் பட்டியலை தயாரித்து, கண்காணித்து வருகிறோம். நாங்கள் ஆட்சிக்கு வந்தால், துட்டு எண்ணும் அனைவரும் கம்பி எண்ணுவர்.டவுட் தனபாலு: அமைச்சர்கள் மீதும், முதல்வர் மீதும், நீங்க வைக்கும் குற்றச்சாட்டு எதுவும், அவ்வளவாக எடுபடலை... இனி, அதிகாரிகளையாவது மிரட்டிப் பார்ப்போம்... அதுவாவது மக்களிடம் தாக்கத்தை உண்டு பண்ணுதான்னு, சோதிக்குறீங்களோ என்ற, 'டவுட்' ஏற்படுதே...!

தி.மு.க., மகளிரணி செயலர் கனிமொழி: சென்னை -- சேலம், எட்டு வழிச்சாலை அமைப்பதில், முதல்வர் பழனிசாமி ஆர்வ மாக உள்ளார். இதற்கு கமிஷன் தான் காரணம்.டவுட் தனபாலு: 'இந்த ஆட்சியில், எந்தத் திட்டமும் செயல்படுத்தப்படலை'ன்னு, விமர்சிக்குறீங்க... திட்டங்கள் நடந்தால், அதற்கும் உள்ளர்த்தம் கற்பிக்குறீங்க... என்னங்க உங்க பிரச்னை... கமிஷன் கிடைப்பதால், முதல்வர் ஆதரிக்குறாரு என்றால், கமிஷன் கிடைக்காததால், அதை நீங்க எதிர்க்குறீங்களோ என்ற, 'டவுட்' வந்திடப் போகுது...!

Advertisement




We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X