சொல்கிறார்கள்

பதிவு செய்த நாள் : நவ 17, 2018 | கருத்துகள் (1)
Advertisement
 
 
Advertisement
 
dinamalar-advertisement-tariff-2018
 
Advertisement
  சொல்கிறார்கள்

உழைப்பு இருந்தால் எந்த இழப்பிலிருந்தும் மீள முடியும்!ஆம்புலன்ஸ் வாகனங்கள் இயக்கும், காஞ்சிபுரம் மாவட்டம், மலைப்பாளையத்தைச் சேர்ந்த அமுதா: விவசாயக் கூலி, கட்டட வேலை என, எல்லாம் செய்வேன். 25 வயதில், பெற்றோர் சம்மதத்துடன், டிரைவ ரான, டைட்டசுடன் திருமணம் நடந்தது. ஒரு பெண் குழந்தை பிறந்தது. விபத்தில், அவர் கையில் பலத்த காயம் ஏற்பட்டதால், நான் வேலைக்கு போனேன்; ஆனால், வருமானம் போதவில்லை.சென்னையில் எங்கள் உறவினர் ஒருவர், ஆம்புலன்ஸ் தொழில் செய்து வந்தார். அப்போது, '108' அவசரகால ஆம்புலன்ஸ் கிடையாது.'நாம் ஏன் ஆம்புலன்ஸ் வாங்கி ஓட்டக் கூடாது...' என்ற யோசனை வந்து, கணவரிடம் கேட்டதற்கு, முதலில் மறுத்தவர், என் மன உறுதியை பார்த்து ஒப்புக் கொண்டார்.கடந்த, 17 ஆண்டு களுக்கு முன், 20 சவரன் நகையை அடகு வைத்து, வங்கியில் கடன் வாங்கியும், ஒரு ஆம்புலன்ஸ் வாங்கினோம். அதே ஆண்டில், வங்கிகளில் மேலும் கடன் பெற்று, இரண்டு ஆம்புலன்ஸ் வாங்கினோம். எந்த நேரம் தகவல் வந்தாலும், அலுப்பு பார்க்காமல் உழைத்தேன். அதன் பலனாக, அடுத்த சில ஆண்டுகளிலேயே, நான்கு ஆம்புலன்ஸ், மூன்று உடல் எடுத்து செல்லும் வண்டிகள் வாங்க முடிந்தது.விபத்தில் இறந்தவர்களின் உடலை, பிரேத அறைக்கு எடுத்து வந்து சேர்ப்பதற்குள், நம் உடம்பெல்லாம் ரத்தமாகிவிடும்.இறந்து பல நாட்கள் ஆன உடல், துர்நாற்றத்துடன், அழுகிய நிலையில் இருப்பதோடு, அதை தொட்டாலே, உடல் பாகங்கள் தனித்தனியாக வரும்; சில உடல்களில், புழுக்கள் நெளியும். எதையும் பொருட்படுத்தாமல், பிணத்தோடு உட்கார்ந்து வந்து, பிரேத அறையில் சேர்ப்பேன்.வாழ்க்கை நன்றாக சென்ற நிலையில், என் கணவர், மதுவுக்கு அடிமையாகி, அவருடைய சிறுநீரகங்கள் பாதிப்படைந்து, தொடர் சிகிச்சை எடுக்க வேண்டியிருந்தது.பல லட்சங்களைச் செலவு செய்தும், சிகிச்சை பலனின்றி, எட்டு ஆண்டுகளுக்கு முன் இறந்து போனார். அப்போது என் மகளுக்கு, 13 வயது.மருத்துவச் செலவு களுக்காக வாங்கிய கடன், கழுத்தை நெரிக்க, எல்லா வண்டி களையும் விற்றேன். ஆனாலும், சோர்ந்து போகாமல், மிச்சம் இருந்த பணத்தில், ஆம்னி வண்டி வாங்கி, மறுபடியும் ஆரம்பத்திலிருந்து தொழிலை துவங்கினேன்.இரண்டு ஆட்டோக்கள், சவ ஊர்வலம் கொண்டு போக, இரண்டு வாகனங்கள், உடலை எடுக்க, ஒரு, 'ஆம்னி' வண்டி என, இப்போது, ஐந்து வண்டிகளுக்கு நான் முதலாளி.எம்.பி.ஏ., படிக்கும் மகள், தொழிலில் எனக்கு உதவியாக உள்ளாள். பழைய வீட்டை இடித்து, புதிதாக கட்டி வருகிறேன். நம்மிடம் இன்று உள்ள ஒன்று, நாளை இல்லாமல் போகலாம். எதுவும் நிரந்தரமில்லை. ஆனால், உழைப்பு இருந்தால் எந்த ஏமாற்றம், இழப்பிலிருந்தும் மீண்டு வரலாம்.

Advertisement

இதையும் தவறாமல் படிங்க ...



வாசகர் கருத்து (1)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
MaRan - chennai,இந்தியா
17-நவ-201807:44:47 IST Report Abuse
MaRan உங்கள் மன உறுதி வியக்கவைக்கிறது
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை


We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X