போலி பசியை தூரத் தள்ளுங்கள் | Special Articles | Special Reports | Special Interest News | News Comment | Science News | TV Shows news | General News

போலி பசியை தூரத் தள்ளுங்கள்

பதிவு செய்த நாள் : நவ 13, 2018 | கருத்துகள் (1)
Advertisement
போலி பசியை தூரத் தள்ளுங்கள்

பசி உணர்வு குறித்து கூறும், குடல், இரைப்பை நிபுணர், சந்திரமோகன்: 'வயிறு நிறைய சாப்பிடக் கூடாதுன்னு தான் நினைக்கிறேன்; ஆனால், சாப்பாட்டை பார்த்ததும் கட்டுப்படுத்த முடியலை' என்பது, 'டயட்டை' சரியாக பின்பற்ற முடியாமல் அவதிப்படும், பலரின் புலம்பலாக உள்ளது. பசி எடுக்கும் போது, அதற்கேற்ற அளவு சாப்பிடுவது சரியான பழக்கம் தான் என்றாலும், பசி உணர்வு உண்மையானதா, போலியானதா என்பதை கண்டறிய வேண்டியது அவசியம்.'பசி உணர்வென்பது, எல்லா நேரத்திலும் உடல் சார்ந்த மாற்றங்கள் காரணமாக மட்டுமே ஏற்படுவதில்லை. சில நேரங்களில் மன ரீதியான மாற்றங்களாலும் ஏற்படுகிறது' என்கின்றனர் மருத்துவர்கள். இத்தகைய பசி உணர்வை, 'போலியான பசி உணர்வு' என்று கூறுகின்றனர். உடலில் செயல்பாட்டுக்கு தேவையான ஊட்டச்சத்து குறையத் துவங்கும்போது, பசி ஏற்படுவது இயல்பு. சிலர், அட்டவணை போட்டு, நேரத்துக்குச் சாப்பிடுவர். என்றைக்காவது ஒரு நாள் குறிப்பிட்ட நேரத்துக்கு முன்னரே சாப்பிட்டு விட்டால், அந்த நேரம் வந்தவுடன், காரணமே இல்லாமல் மீண்டும் அவர்களுக்கு பசி எடுக்கத் துவங்கிவிடும். 'சாப்பாடு வேண்டாம்' என்று நினைப்பவர்கள் கூட, அழகாகவும் புதுமையாகவும் பரிமாறப்படும் உணவைப் பார்த்ததும், தங்களைக் கட்டுப்படுத்த முடியாமல் சாப்பிட்டு விடுவர். பசி இல்லை என்றாலும், உணவின் வாசனையே சிலருக்குப் பசி உணர்வைத் துாண்டிவிடும். உணவில், 'கார்போஹைட்ரேட்' அதிகமுள்ள உணவுகளை உட்கொண்டால், உடலில் ரத்தச் சர்க்கரை அளவு அதிகரிக்கத் துவங்கிவிடும். இதனால், சாப்பிட்ட அடுத்த இரண்டு மணி நேரத்திலேயே, மீண்டும் பசி எடுக்கத் துவங்கிவிடும்.பசி எடுக்கும்போது, உடலின், 'கலோரி' அளவு குறையத் துவங்கி, உடலின் வெப்ப நிலை குறையும். பசி அடங்கியதும், வெப்பம் சீரான நிலைக்கு வந்துவிடும். குளிர்ச்சியான இடத்தில் அமர்ந்து சாப்பிட்டால், உடலில் வெப்பம் அதிகரிப்பது, மிகவும் மெதுவாக நடக்கும்; பசி அடங்குவதற்கான நேரமும் அதிகமாகும். இதனால், குறிப்பிட்ட அளவையும் மீறி, அதிகமாகச் சாப்பிட நேரிடும். மேலும், துாக்கமின்மை, மன அழுத்தம், 'ஹார்மோன்' பிரச்னைகள், ஏற்கனவே உட்கொண்ட தரமற்ற உணவு போன்றவை கூட, போலியான பசி உணர்வை ஏற்படுத்தும். ஆக, போலியாகப் பசி ஏற்படும்போது, உணவு உண்ணாமல் நிறுத்திக் கொள்வது நல்லது.

Advertisement




We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X