பேச்சு, பேட்டி, அறிக்கை
Advertisement
 
 
Advertisement
Advertisement
 
 
எழுத்தின் அளவு:
Advertisement

பதிவு செய்த நாள்

24 செப்
2017
00:00

'நீங்க தான் இப்படிச் சொல்லிக்கிறீங்க... தெருவில் இறங்கிப் பார்த்தால் தெரியும், ஊழல் எப்பேற்பட்ட வேரோடு நாட்டில் ஊன்றி இருக்கிறது என்று...' எனச் சொல்லத் தோன்றும் வகையில், மத்திய நிதியமைச்சர் அருண் ஜெட்லி பேச்சு:மத்திய அரசில், ஊழல் என்பது கடந்த காலமாகிவிட்டது. மாநில அரசுகளில், ஊழல் வேகமாக மறைந்து வருகிறது. கடந்த சில ஆண்டுகளாக, மிகுந்த நம்பிக்கைக்குரிய நாடாக, இந்தியா மாறி வருகிறது. விவசாயக் கடன்களை தள்ளுபடி செய்வது என, சில மாநில அரசுகள் முடிவெடுத்துள்ளன. மாநில அரசுகள், அவர்களின் நிதி ஆதாரத்தில் இருந்து தான், இதற்கான செலவை ஈடுகட்ட வேண்டும்.


தமிழக, பா.ஜ., பொதுச் செயலர் வானதி சீனிவாசன் பேட்டி: அ.தி.மு.க., ஆட்சியைக் கவிழ்க்க, தினகரன் அணியே விரும்பவில்லை. அவர்கள், 'முதல்வரை மாற்றுங்கள்' என்று தான், கவர்னரிடம் சொல்கின்றனரே தவிர, ஆட்சியைக் கலைக்கச் சொல்லவில்லை. மிகவும் எச்சரிக்கையாகத் தான் இருக்கின்றனர். இதில், பா.ஜ.,வுக்கு எந்தப் பங்கும் இல்லை.

தி.மு.க., செயல் தலைவர் ஸ்டாலின் பேட்டி: முதல்வர், துணை முதல்வர், அமைச்சர்கள் எல்லாரும், அடிமையாக இருக்கும் கட்சி தான், அ.தி.மு.க., எப்போதும் அவர்கள், யாரோ ஒருவருக்கு அடிமையாக இருப்பர். தற்போது, மத்திய அரசுக்கு அடிமையாக இருக்கின்றனர்.

தமிழக பள்ளிக்கல்வித் துறை அமைச்சர் செங்கோட்டையன் பேச்சு: ஆசிரியர் தேர்வு என்பது 'ஆன் - லைன்' மூல மாக, வெளிப்படைத்தன்மையுடன் நடக்கிறது. தமிழகத்தில் ஆட்சி வெளிப்படையாக உள்ளது என்பதற்கு, இதுவே சிறந்த உதாரணம். இந்த ஆண்டு துவக்கத்தில், ௧௩ ஆயிரம் ஆசிரியர் பணியிட மாறுதல் என்பது, வெளிப்படைத்தன்மையோடு நடந்துள்ளது. இது, சரித்திர சாதனையாகும்.

தமிழக கூட்டுறவுத் துறை அமைச்சர் ராஜு பேட்டி: தமிழகத்தில், பயிர்க் காப்பீடு செய்த அனைத்து விவசாயிகளுக்கும் வறட்சி நிவாரணம் வழங்கப்பட்டு வருகிறது. மத்திய அரசிடமிருந்து, 40 கோடி ரூபாய் வர வேண்டியுள்ளது. அந்தத் தொகை கிடைத்தவுடன், பயிர்க் காப்பீடு பிரீமியத் தொகை செலுத்திய அனைத்து விவசாயிகளுக்கும், வறட்சி நிவாரணம் உறுதியாக வழங்கப்படும்.

மதுரை புறநகர் மாவட்ட, அ.தி.மு.க., செயலரும், வடக்கு தொகுதி, எம்.எல்.ஏ.,வுமான ராஜன் செல்லப்பா பேட்டி: 'அ.தி.மு.க.,வை, 1௦௦ ஆண்டுகள் ஆனாலும் அழிக்க முடியாது' என்ற, அம்மாவின் கூற்றுக்கிணங்க, ஒரு தலைவர் ரகசியமாக உருவாகிக் கொண்டிருக்கிறார். அவர், பழனிசாமியாகவும் இருக்கலாம்; பன்னீர்செல்வமாகவும் இருக்கலாம் அல்லது தமிழகத்தின் கடைக்கோடியில் வசிக்கும் தொண்டனாகவும் இருக்கலாம். அவர்களை, அம்மாவின் ஆன்மா தான், தமிழக மக்களுக்கு பகிரங்கமாக அறிமுகப்படுத்தும்.

புதுச்சேரி முதல்வர் நாராயணசாமி பேச்சு: நிதி வேண்டுமென்றால், மத்திய அரசை நாங்கள், ஒவ்வொரு முறையும் அணுக வேண்டும். இதுவரை ஒன்பது முறை, மத்திய அரசிடம் நிதி கேட்டுள்ளேன்; ஒரு பைசா கூட வாங்க முடியவில்லை. பாரபட்சத்தோடு செயல்படும் மத்திய அரசு, துாக்கி எறியப்பட வேண்டும். மாநில சுயாட்சி ஒன்று தான், மாநிலங்களுக்கு முழு அதிகாரத்தை கொடுக்கும் அமைப்பாக இருக்கும்.

இ.கம்யூ., தமிழக செயலர் முத்தரசன் அறிக்கை: கடந்த, 14 ஆண்டுகளில், அண்ணா பல்கலைக் கழகத்திற்கு, 2,3௦௦ கோடி ரூபாய்க்கும் மேல் மானியத்தை, தமிழக அரசு வழங்கியுள்ளது. தமிழகத்தில் உள்ள அனைத்து பல்கலைக் கழகங்களுக்கும், அரசால் வழங்கப்பட்ட ஒட்டுமொத்த மானியத்தை விட இது அதிகம். இருப்பினும், இந்தப் பல்கலைக்கழக மருத்துவ மாணவ - மாணவியரிடம், தனியார் மருத்துவக் கல்லுாரிகளுக்கு இணையான கட்டணம் வசூலிக்கப்படுகிறது; இது ஏற்கத்தக்கதல்ல. பிற அரசு மருத்துவக் கல்லுாரிகளில் வசூலிக்கப்படும் கட்டணமே, இங்கும் வசூலிக்கப்பட வேண்டும்.

பா.ம.க., இளைஞரணி தலைவர் அன்புமணி பேட்டி: தமிழகத்தில் இதுவரை நடந்த தேர்தல் ஊழல்களில், மிக மோசமானது, ஆர்.கே.நகர் தொகுதி இடைத்தேர்தல் ஊழல் தான். தமிழகத்தில் நடக்கும் அனைத்து ஊழல்களுக்கும் தாய், தேர்தல் ஊழல் தான். அந்த ஊழல், முதலில் ஒழிக்கப்பட வேண்டும். அதற்காக, ஆர்.கே.நகர் தொகுதி முறைகேடு வழக்கை, சி.பி.ஐ.,க்கு மாற்ற வேண்டும்.

த.மா.கா., கட்சி தலைவர் வாசன் அறிக்கை: 'காவிரி மேலாண்மை வாரியம் அமைக்க விட மாட்டேன்' என, கர்நாடக முதல்வர் சித்தராமையா கூறுகிறார். இது, அண்டை மாநிலங்களின் நட்புறவுக்கும், கூட்டாட்சி தத்துவத்திற்கும், தேசத்தின் ஒருமைப்பாட்டிற்கும் எதிரானது. 'ஒரே இந்தியா' என, கூறிக்கொள்ளும் மத்திய அரசு, இனிமேலும் காலம் தாழ்த்தாமல், காவிரி மேலாண்மை வாரியம் அமைக்க, நடுநிலையுடன் நடவடிக்கை எடுக்க வேண்டும்.

நடிகர் கமல் பேட்டி: 'அரசியல் ஒரு புதைகுழி' என்பதை மாற்றி, அனைவருக்குமானதாக அதை மாற்றுவதற்காக தான், அரசியலுக்கு வர விரும்புகிறேன். பலர் தமிழக முதல்வராக வர விரும்புகின்றனர். நானும், தமிழக மக்களுக்கு சேவை செய்வதற்காக, முதல்வராக விரும்புகிறேன். இன்னும், ௧௦௦ நாட்களில் தேர்தல் நடப்பதாக இருந்தால், நான் களத்தில் இருப்பேன்.



தமிழக பால்வளத்துறை அமைச்சர் ராஜேந்திர பாலாஜி பேட்டி:நடிகர் கமலால், தான் நடிக்கும் திரைப்படங்களில் மட்டுமே முதல்வராக முடியும். உண்மையான வாழ்க்கையில், அவரால் முதல்வராக பொறுப்பேற்க முடியாது. முதலில், மக்கள் பிரதிநிதியாக தேர்ந்தெடுக்கப்பட்டு, கமல் பணியாற்ற வேண்டும். மக்கள் பிரச்னைகளை தீர்த்துவிட்டு, பின் முதல்வராக பொறுப்பேற்கட்டும்.

Advertisement


Advertisement
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.