சிறப்பு பகுதிகள் செய்தி

பேச்சு, பேட்டி, அறிக்கை

பேச்சு, பேட்டி, அறிக்கை

பதிவு செய்த நாள் : டிச 13, 2018
Advertisement
 
 
Advertisement
 
dinamalar-advertisement-tariff-2018
 
Advertisement
 பேச்சு, பேட்டி, அறிக்கை

'மக்கள் கொடுத்த தீர்ப்பை, யாராலும் மாற்ற முடியாதே... உங்களுக்கு, ஏனிந்த பயம்...' என, கேட்கத் தோன்றும் வகையில், காங்., மூத்த தலைவரும், முன்னாள் மத்திய அமைச்சருமான சிதம்பரம், 'டுவிட்டரில்' கருத்து பதிவு: மூன்று மாநிலங்களின், காங்., வெற்றியை அபகரிக்க, பா.ஜ.,வோ, மாநில கவர்னர்களோ முயலக்கூடாது. பா.ஜ., தன் தோல்வியை, ஒப்புக்கொள்ள வேண்டும். பா.ஜ.,வின் பணபலத்தையும், அதிகார பலத்தையும் எதிர்த்துப் போரிட்டு, காங்., தொண்டர்கள், இந்த வெற்றியைப் கொடுத்துள்ளனர். பா.ஜ., தன் போக்கை, மாற்றிக்கொள்ள வேண்டியது அவசியம்.புதிய தமிழகம் கட்சி தலைவர், கிருஷ்ணசாமி, 'ஆரூட' பேட்டி: ஐந்து மாநில சட்டசபை தேர்தல் முடிவுகளில், பா.ஜ.,வுக்கு எதிர்பாராத வகையில், தோல்வி ஏற்பட்டுள்ளது. பல ஆண்டுகளாக ஆட்சியில், பா.ஜ., இருந்ததால், மாற்றாக எதிர்கட்சிகளுக்கு, மக்கள் ஓட்டுப் போட்டுள்ளனர். இம்மாநிலங்களில் வெளியான தேர்தல் முடிவுகள், லோக்சபா தேர்தலில் எதிரொலிக்காது.'தி.மு.க., - காங்., கூட்டணியில் நான் இருக்கேன்' என, சொல்லிக் கொள்ளும், விடுதலை சிறுத்தைகள் கட்சி தலைவர், திருமாவளவன் பேட்டி: காங்., கட்சிக்கு, தன் பிரசாரத்தின் மூலம், மாபெரும் வெற்றியை, ராகுல் ஈட்டித் தந்துள்ளார். அடுத்து வரும் பொதுத்தேர்தலில், மதச்சார்பற்ற கூட்டணியைத் தலைமை ஏற்று வழிநடத்த, அவர் தகுதியானவர் தான் என்பதையும், இதன்மூலம் நிரூபணம் செய்துள்ளார்.மனிதநேய மக்கள் கட்சி தலைவர், ஜவாஹிருல்லா பேட்டி: நாட்டில், மக்களிடையே நல்லிணக்கம் நிலவ வேண்டும் என்று விரும்புவோருக்கு, இத்தேர்தல் முடிவுகள், மிகுந்த மகிழ்ச்சியை அளித்துள்ளன. மதத்தின் பெயரால், மக்களை பிளவுப்படுத்த முயன்ற, பா.ஜ.,வுக்கு, மக்கள் தக்க பதிலடி கொடுத்துள்ளனர்.காங்., மூத்த தலைவரும், பஞ்சாப் மாநில அமைச்சருமான, நவ்ஜோத் சிங் சித்து பேட்டி: மோடி அலை என்பது, சோடா பாட்டிலில் உள்ள, வாயு போன்றது. பாட்டிலை திறந்த, இரண்டு அல்லது மூன்று நிமிடங்களில், அது ஆவியாகிவிடும். அதுபோல் தான், மோடி அலை தற்போது, முடிவுக்கு வந்துவிட்டது.சிவசேனா தலைவர், உத்தவ் தாக்கரே பேட்டி: தேர்தல் ஆணையம், நீதித்துறை, சி.பி.ஐ., என, பல மத்திய தன்னாட்சி அமைப்புகளில் எல்லாம், பா.ஜ., அரசு மூக்கை நுழைத்து, குழப்பி வருகிறது. இந்நிலையில் தான், மத்திய அரசின் நிர்ப்பந்தத்தால், ரிசர்வ் வங்கி கவர்னர் பொறுப்பில் இருந்து, உர்ஜித் பட்டேல் ராஜினாமா செய்திருக்கிறார். மற்ற மத்திய அமைப்புகளை, தன் கைப்பாவையாக, பா.ஜ., அரசு மாற்றி வைத்திருப்பதைப் போல், ரிசர்வ் வங்கி நிர்வாகத்தையும், மத்திய அரசே ஏற்று, நடத்திக் கொள்ளலாம்.

Advertisement

இதையும் தவறாமல் படிங்க ...



வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை


We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X