Special Articles | Special Reports | Special Interest News | News Comment | Science News | TV Shows news | General News
பேச்சு, பேட்டி, அறிக்கை
Advertisement

பதிவு செய்த நாள்

21 செப்
2017
00:00

'பழனிசாமியின் நெருக்கடிக்குன்னு சொல்றீங்க... ஆனா, நீங்க இன்னொருத்தர் நெருக்கடியில சிக்கிக்கிட்டு, தினமும் ஒரு கருத்து சொல்லிட்டு வர்றீங்கன்னு மக்களுக்குப் புரியுது... இதுல யார் முட்டாள்...' எனக் கேட்கத் தோன்றும் வகையில், தினகரன் ஆதரவு, அ.தி.மு.க., - எம்.எல்.ஏ., தங்க தமிழ்ச்செல்வன் பேட்டி:பழனிசாமியின் நெருக்கடிக்கு நாங்கள் பணியாமல் இருப்பதால், எங்கள் மீது பொய் வழக்கு போட்டு பணிய வைக்கும் முயற்சியை மேற்கொண்டு வருகிறார். எத்தனை வழக்கு போட்டாலும், நாங்கள் நீதிமன்றத்தில், நிரபராதியாக விடுதலையாவோம். சசிகலா மற்றும் தினகரன் ஆகியோருடன் இணைந்து கட்சியை வளர்ப்பதில் இருந்து பின்வாங்க மாட்டோம்.


தமிழக, பா.ஜ., இளைஞரணி மாநில பொதுச்செயலர் வசந்தராஜன் பேட்டி: 'நீட்' தேர்வு குறித்து, போதிய விழிப்புணர்வு ஏற்படுத்தாததால், மாணவர்களிடையே அச்சம் உருவாகியுள்ளது. இதைப் போக்கி, முறையான பயிற்சி அளித்தால், மருத்துவப் படிப்புக்கு, மாணவர்கள் தகுதி பெறுவர். பா.ஜ., இளைஞரணி சார்பில் இதற்காக, மாநிலம் முழுவதும் இலவச பயிற்சி மையம் அமைக்க திட்டமிடப்பட்டுள்ளது. பொருளாதாரத்தில் பின்தங்கிய நிலையிலுள்ள மாணவர்களுக்காக இது நடத்தப்படும்.

'மக்கள் மனநிலைக்கேற்ப தான் எல்லாம் நடக்குறா மாதிரி தெரியுது... நீங்க எங்கேர்ந்து புது சந்தேகத்தைக் கிளப்புறீங்க...' எனக் கேட்கத் தோன்றும் வகையில், மனிதநேய ஜனநாயக கட்சி பொதுச்செயலர் தமிமுன் அன்சாரி பேட்டி: முதல்வர் பழனிசாமிக்கு எதிரான கருத்தை சொன்னார்கள் என்பதற்காக, தினகரன் ஆதரவு, எம்.எல்.ஏ.,க்களை தகுதி நீக்கம் செய்திருப்பது, வன்மையாக கண்டிக்கத்தக்கது. மாநிலத்தில் உள்ள ஆட்சியாளர்கள், மக்கள் மனநிலையை புரிந்துகொள்ள வேண்டும். எடுத்தோம், கவிழ்த்தோம் என, முடிவெடுத்தால், மக்களின் கோபத்திற்கு உள்ளாவர்.

இ.கம்யூ., தேசிய செயலர், டி.ராஜா எம்.பி., பேட்டி: தமிழகம், பெரும் அரசியல் நெருக்கடிக்கு உட்பட்டு உள்ளது. அரசியல் ஸ்திரமற்ற தன்மை தோற்றுவிக்கப்பட்டு உள்ளது. தமிழகத்தின் நிர்வாகம், நிலை குலைந்து போயிருக்கிறது. இதற்கு, மத்திய, பா.ஜ., அரசு தான் காரணம். மத்திய அரசின் அழுத்தத்தால், ஜனநாயக விரோத செயல்கள், தமிழகத்தில் அரங்கேறி வருகின்றன. இதை, தமிழக மக்கள் அனுமதிக்க மாட்டார்கள். நல்ல பாடத்தை, உரியவர்களுக்கு வழங்குவர்.

'ஆக மொத்தம், தினகரனை வெச்சு, பல வேலைகளை நடத்தி, அ.தி.மு.க.,வையும், மக்களையும் ஏமாத்துற வேலை நடக்குது... ஆனா மக்கள் ஏமாறத் தயாரா இல்லையே...' எனச் சொல்லத் தோன்றும் வகையில், திருச்சி, அ.தி.மு.க., - எம்.பி., குமார் பேச்சு: இரட்டை இலையை மீட்க, சுகேஷ் என்பவருக்கு லஞ்சம் கொடுத்து, தினகரன் சிக்கவில்லை. சிறையில் உள்ள தன் உறவினரை காப்பாற்றத்தான், என் பெயர் கொண்ட வக்கீல் மூலம், லஞ்சம் கொடுத்து சிக்கினார். இதை, மத்திய உளவுத்துறை, மொபைல்போன் பேச்சின் மூலம் அறிந்துள்ளது. ஆனால், அவர் இரட்டை இலை சின்னத்தை மீட்க, லஞ்சம் கொடுக்க முயன்றதாகச் சொல்லி, கட்சியினரை நம்ப வைத்து வருகிறார்; கட்சியெல்லாம் அவருக்கு இரண்டாம் பட்சம் தான்.

Advertisement


Advertisement
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.