Special Articles | Special Reports | Special Interest News | News Comment | Science News | TV Shows news | General News

சிறப்பு பகுதிகள் செய்தி

பேச்சு, பேட்டி, அறிக்கை

பேச்சு, பேட்டி, அறிக்கை

பதிவு செய்த நாள் : செப் 25, 2018
Advertisement
  பேச்சு, பேட்டி, அறிக்கை

'ஆந்திரா, தெலுங்கானா மாநிலங்களில், கூட்டணி போணியாகாத கோபத்தில் பேசுகிறாரோ...' என கேட்க தோன்றும் வகையில், காங்கிரஸ் மூத்த தலைவர் ஜெயபால் ரெட்டி பேட்டி: முன்கூட்டியே, தெலுங்கானாவில் தேர்தல் நடத்தும் முடிவை அவசரப்பட்டு எடுத்து விட்டோம் என, தெலுங்கானா ராஷ்ட்ரீய சமிதி தலைவர் சந்திரசேகர ராவ், இப்போது, வருத்தப்பட்டு கொண்டிருக்கிறார். தெலுங்கு தேசம் கட்சியுடன், காங்கிரஸ் கூட்டணி அமைப்பதாக கூறப்பட்டுள்ள தகவல்களில் உண்மையில்லை. கூட்டணி குறித்து, இதுவரை எந்த முடிவும் எடுக்கப்படவில்லை.
தமிழக பால்வளத் துறை அமைச்சர் ராஜேந்திர பாலாஜி பேட்டி: தமிழகத்தில் ஆவின் நிறுவனம் நல்ல வளர்ச்சிஅடைந்துள்ளது. ஆவின் விற்பனையும், பால் கொள்முதலும் அதிகரித்துள்ளது; இது, விவசாயிகளுக்கு மகிழ்ச்சியை ஏற்படுத்தியுள்ளது. தமிழக நான்கு வழிச்சாலைகளில், 500 இடங்களில், 'ஹை டெக்' ஆவின் பார்லர் அமைக்கப்பட உள்ளது. ஆவின் நிறுவனம், தமிழகம் மட்டுமின்றி, உலகளவில் விற்பனையை துவக்கியுள்ளது. இந்த விற்பனை, தமிழகத்தில் லாபகரமான தாக்கத்தை ஏற்படுத்தும்.
'இதற்கு முன், காங்கிரஸ் ஆட்சியில் எத்தனையோ ஊழல்கள் நடந்த போது, முன்னாள் பிரதமர் மன்மோகன் சிங், வாய் திறந்து பேசியது மாதிரி சொல்கிறாரே' எனச் சொல்லத் தோன்றும் வகையில், புதுச்சேரி முதல்வர் நாராயணசாமி பேட்டி: பிரான்ஸ் நாட்டில் இருந்து, 'ரபேல்' போர் விமானம் வாங்குவதில் நடக்கும் ஊழலை, காங்கிரஸ் தொடர்ந்து, ஆறு மாதங்களாக கூறி வருகிறது. இதில், இந்தியாவிற்கு, 41 ஆயிரம் கோடி ரூபாய் நஷ்டம் ஏற்பட்டுள்ளது. எதற்கெடுத்தாலும், பிரதமர் மோடி அறிக்கை விடுவார். ஆனால், ரபேல் போர் விமான குற்றச்சாட்டு குறித்து, பிரதமர் ஏன் வாய் திறக்கவில்லை... இது, மத்திய அரசின் மிகப்பெரிய இமாலய ஊழல். இது சம்பந்தமாக, பார்லிமென்ட் நிலைக்குழு விசாரிக்க வேண்டும்.
மத்திய கப்பல் துறை அமைச்சர் பொன்.ராதாகிருஷ்ணன் பேட்டி: நடிகர் கருணாஸ் பேசக்கூடிய பேச்சுகள், நடக்கும் நடத்தைகள் அடிப்படையில், சட்டம் செயல்படுகிறது. சட்டம் பொதுவாக உள்ளது. எந்த ஒரு குறிப்பிட்ட நபருக்கும் தனியாக, சட்டம் இல்லை. கருணாஸ் கைது செய்யப்பட்டுள்ளது, அவரது பாதுகாப்புக்கு கூட இருக்கலாம்.
த.மா.கா., தலைவர் வாசன், 'சபாஷ்' அறிக்கை: கர்நாடக அரசின் மின் திட்டம் என்ற பெயரில், தமிழகத்தை, குறிப்பாக, டெல்டா மாவட்டங்களை பாலைவனமாக்க, கர்நாடக அரசு மேற்கொள்ளும் முயற்சிக்கு, மத்திய அரசு ஒரு போதும் துணை போகக் கூடாது. அரசியல் கட்சிகளின் பிரதிநிதிகள், லோக்சபா, ராஜ்ய சபா, எம்.பி.,க்கள் கொண்ட குழுவுடன், பிரதமரை, தமிழக முதல்வர் பழனிசாமி சந்திக்க வேண்டும். நதி நீர் சம்பந்தமாக பேசி, மேகதாதுவில், கர்நாடக அரசின் திட்டத்திற்கு எதிர்ப்பு தெரிவித்து, மாநில நலன் காக்க வேண்டும்.

Advertisement




We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X