Special Articles | Special Reports | Special Interest News | News Comment | Science News | TV Shows news | General News
பேச்சு, பேட்டி, அறிக்கை
Advertisement

பதிவு செய்த நாள்

28 மே
2017
00:00

'தனி மனித சுதந்திரத்தை கட்டுப்படுத்துறாங்கன்னு வேண்டுமானால் சொல்லலாம்... மதத்துக்கும், இதற்கும் என்னங்க சம்பந்தம்...' எனக் கேட்கத் தோன்றும் வகையில், தி.மு.க., செயல் தலைவர் ஸ்டாலின் அறிக்கை:
நாடு முழுவதும், இறைச்சிக்காக மாடுகளை சந்தைகளில் விற்பதற்கு, ஒட்டுமொத்தமாக மத்திய அரசு தடை விதித்துள்ளது. இதன் மூலம், மதச் சுதந்திரம், தனிமனிதச் சுதந்திரம், நாட்டின் மதச்சார்பற்ற தன்மை, அரசியல் சட்டத்தால் அளிக்கப்பட்டுள்ள உரிமைகள் எல்லாவற்றையும் மறுக்கும் விதத்தில், ஒரு அறிக்கையை, மத்திய அரசே வெளியிட்டுள்ளது. இது, நல்லாட்சியின் இலக்கணம் அல்ல என்பதை, பா.ஜ., உணர வேண்டும்.

காங்., துணை தலைவர் ராகுல், சமூக வலைதளம் ஒன்றில் கருத்து பதிவு: மத்தியில் ஆளும், பா.ஜ., தலைமையிலான அரசு, மக்களுக்கு நல்லாட்சி வழங்கத் தவறிவிட்டது. மாறாக, மக்களிடையே பிரிவினையையும், அவர்களுக்கு இடையூறையும் கொடுத்து வருகிறது. அவர்களிடம் கோபத்தையும், வெறுப்பையும், மத்திய அரசு விதைத்து வருகிறது. இவற்றால், மக்களின் பிரச்னைகளுக்கு தீர்வும், வேலைவாய்ப்பும் கிடைத்து விடாது.
கேரள முதல்வர் பினராயி விஜயன், சமூக வலைதளம் ஒன்றில் கருத்துப் பதிவு: நாடு முழுவதும், 25 லட்சத்திற்கும் அதிகமானோர், தோல் பதனிடும் தொழிலில் நேரடியாகவும், மறைமுகமாகவும் ஈடுபட்டு வருகின்றனர். இவர்களில் பெரும்பாலானோர், தலித் சமூகத்தினர். இறைச்சிக் கூடங்களுக்கு தடை விதித்திருக்கும் மத்திய அரசின் உத்தரவால், இவர்களும் கடுமையாகப் பாதிக்கப்படுவர். இனி, மீன் சாப்பிடுவதற்கும், பா.ஜ., அரசு தடை விதித்தாலும் விதிக்கும்.
பா.ஜ., தேசிய தலைவர் அமித் ஷா பேட்டி: 'நடிகர் ரஜினி அரசியலுக்கு வந்தால் வரவேற்பேன்' என தான் கூறினேன். இதில், 'அரசியல்' என்ற வார்த்தையைத் தான் பயன்படுத்தினேன்; பா.ஜ., என்ற வார்த்தையை பயன்படுத்தவில்லை. ரஜினி அரசியலுக்கு வருவதும், வராததும் அவரது விருப்பம். முடிவு அவர் கையில் தான் உள்ளது.
பன்னீர்செல்வம் அணியைச் சேர்ந்த, அ.தி.மு.க., முன்னாள் அமைச்சர் நத்தம்
விஸ்வநாதன் பேட்டி:
தமிழகத்தில், பழனிசாமி அரசு தொடர்ந்து நீடிப்பது, அவர்கள் கையில் தான் உள்ளதே தவிர, நாங்கள் அரசை கவிழ்க்க மாட்டோம். இருக்கும் வரை சம்பாதிக்க என்னென்ன வழியோ, அந்த வழிகளை எல்லாம் கடை பிடித்து, அமைச்சர்களும்,
எம்.எல்.ஏ.,க்களும் கல்லா கட்டி வருகின்றனர். கல்லா கட்டுவதில் அவர்களுக்குள் பிரச்னை ஏதும் வந்தால், அவர்களே ஆட்சியைக் கவிழ்த்து விடுவர்.
'விவசாயிகளுக்கு எதுக்குங்க மணல்... அவங்க பாட்ல, அவங்க நிலத்தை கவனிச்சிட்டு இருக்காங்க... மணல் வியாபாரிங்க தான் மணல் மேலே கவனம் செலுத்துவாங்க... அது சரி, மத்த கட்சிக்காரங்க மவுனமா இருக்கும்போது, நீங்க மட்டும், எதுக்கு குறிப்பிட்டு, மணல் மேலே அக்கறை காட்டுறீங்க...' எனக் கேட்கத் தோன்றும் வகையில், பா.ம.க., மாநில தலைவர், ஜி.கே.மணி பேட்டி:
மேட்டூர் அணையை துார்வார, தமிழக அரசு எடுத்துள்ள நடவடிக்கை வரவேற்கத்தக்கது. எனினும், நிபந்தனை எதுவுமின்றி, விவசாயிகள் தேவையான மண்ணை அள்ள அனுமதிக்க வேண்டும். மேட்டூர் அணை போல், மாநிலம் முழுவதும் உள்ள அணைகளில் துார்வார, சிறப்பு திட்டத்தை தமிழக அரசு உருவாக்க வேண்டும்.
'எப்டி... எப்டி... இதே அரசு, கொஞ்ச காலத்துக்கு முன்னால, மத்திய அரசு தமிழகத்துக்கு பணம் தர்றதே கம்மின்னு அறிக்கை விட்டிச்சே... அதை மறந்துட்டீங்களோ... ஆனா, மக்கள் மறக்கலீங்க...' எனச் சொல்லத் தோன்றும் வகையில், தமிழக வருவாய் துறை அமைச்சர்
உதயகுமார் பேச்சு:

மத்திய அரசு, 10 மாநிலங்களுக்கு வழங்கிய வறட்சி நிவாரண நிதியில், தமிழகத்திற்கு தான் அதிகம் வழங்கியுள்ளது. வறட்சியால் பாதிக்கப்பட்ட, 32 லட்சம் விவசாயிகளுக்கு, 2,447 கோடி ரூபாய் நிவாரணம் வழங்கப்பட்டுள்ளது. வறட்சியால் கிராம மக்கள் பாதிக்கப்படாமல் இருக்க, 100 நாள் வேலை திட்டத்தில், 100 நாட்களுக்கு பதில், 150 நாட்கள் வேலை வழங்கப்பட்டு வருகிறது.
'அவங்க ஏதோ சொல்லிட்டு போகட்டும்... நீங்க எதுக்கு இதை பெரிசா எடுத்துக்குறீங்க... பயமா...' எனக் கேட்கத் தோன்றும் வகையில், சசிகலா அணியைச் சேர்ந்த, முன்னாள் அமைச்சர் வைகைசெல்வன் பேட்டி:
'தமிழகம் முழுவதும், சுற்றுப்பயணம் மேற்கொண்டு, தமிழகத்தை தன் வசப்படுத்துவேன்' என்கிறார் தீபா. அரசியல் என்பது, ஓர் அரிய கலை; கண் துஞ்சாமல், மெய் சோராமல், சுறுசுறுப்பாக பணியாற்ற வேண்டிய அரசியல் களத்தில், ஒரு நாளைக்கு ஐந்து நிமிடம் மட்டும், முகம் காட்டினால் போதும் என நினைக்கும் தீபா, எப்படி, தமிழகத்தை தன் வசப்படுத்துவார்?
'தி.மு.க., பக்கம் யாரோ சாய்றாப்ல இருக்கு...' எனச் சொல்லத் தோன்றும் வகையில், அகில இந்திய காங்., பொதுச்செயலர் நக்மா பேட்டி: பா.ஜ., அரசு, தங்கள் மூன்று ஆண்டு ஆட்சியை நிறைவு செய்ததற்காக, விழா கொண்டாடுகின்றனர். பா.ஜ., எந்த காரணமும் இல்லாமல், எதுவும் செய்யாமல், எல்லாம் செய்ததாக எப்படி சொல்கிறது. தமிழகத்தில் எதிர்க்கட்சியாக, மக்களின் பிரச்னைகளை முன்நிறுத்தி, தி.மு.க., சிறப்பாக செயல்பட்டு வருகிறது. நான் தேர்தலில் போட்டியிடுவது குறித்து, கட்சி மேலிடம் முடிவு செய்யும்.

Advertisement


Advertisement
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.