Advertisement
சின்னச்சின்ன செய்திகள்
Advertisement
 
 
Advertisement
 
 
 
எழுத்தின் அளவு:
Click the button to move down
Advertisement

பதிவு செய்த நாள்

20 பிப்
2013
00:00

ஏலக்காய் நாற்றங்கால் பராமரிப்பு:






நாற்றங்காலில் தேவைக்கேற்ப சீரான இடைவெளியில் தண்ணீர் ஊற்ற வேண்டும். நாற்றழுகல் நோயைக் கட்டுப்படுத்த 0.2 சத காப்பர் ஆக்சி குளோரைடு அல்லது 0.2 சத மான்கோசெப் கரைசலை (100 லிட்டர் தண்ணீரில் 200 கிராம்) நாற்றங்காலில் மண் நனையும் படி ஊற்ற வேண்டும். டிரைக்கோடெர்மா அல்லது சூடோமோனாஸ் அல்லது பேசில்லசை உபயோகித்து உயிரி கட்டுப்பாட்டு முறையில் நாற்றழுகல் நோயைக் கட்டுப்படுத்தலாம்.
இலைஅழுகல் நோயைக் கட்டுப்படுத்த 0.3 சத மான்கோசெப் கரைசலை (100 லிட்டர் தண்ணீரில் 300 கிராம்) தெளிக்க வேண்டும். இலைப்புள்ளி நோயின் ஆரம்ப அறிகுறி காணப்பட்டால் அதனைக் கட்டுப்படுத்த 0.25 சத டைபோலாடான் (100 லிட்டர் தண்ணீரில் 250 கிராம்) அல்லது 0.2 சத பெவிஸ்டினை (100 லிட்டர் தண்ணீரில் 200 கிராம்) தெளிக்க வேண்டும்.
ஒருங்கிணைந்த பூச்சி நிர்வாகம்: தட்டையில் பச்சையாக உள்ள இலை உறையை அகற்றாமல் காய்ந்த இலைகளை மட்டும் கவாத்து செய்ய வேண்டும். குயினால்பாஸ் பூச்சிக்கொல்லியை (100 லிட்டர் தண்ணீரில் 200 மிலி) அல்லது புளூபென்டாமைடு பூச்சிக்கொல்லியை 100 லிட்டர் தண்ணீரில் 150 மிலி என்ற அளவில் கலந்து தண்டு துளைப்பானின் அந்துப்பூச்சி வெளிவரும் சமயத்தில் தெளிக்க வேண்டும்.
நோய் நிர்வாகம்: ஏலத்தோட்டத்தை அடிக்கடி கண்காணித்து கட்டே நச்சுயிரி நோய் தாக்குதல் உள்ள செடிகள் காணப்பட்டால் அவற்றை உடனுக்குடன் அகற்றி அழித்துவிட வேண்டும். இலைப்புள்ளி, இலைத்துரு மற்றும் செந்தாள் நோய்களைக் கட்டுப்படுத்த 0.25 சத மான்கோசெப் அல்லது கம்பேனியன் (100 லிட்டர் தண்ணீரில் 250 கிராம்) தெளிக்க வேண்டும். 30 நாட்கள் இடைவெளியில் 2-3 தடவை தெளிக்க வேண்டும்.
தட்டை ஒடிதல் காணப்பட்டால் 0.2 சத பெவிஸ்டினை தட்டையின்மேல் தெளிக்க வேண்டும். இலை மஞ்சளாகுதல் மற்றும் வேர் அழுகல் நோயைக் கட்டுப்படுத்த 0.2சத பெவிஸ்டின் அல்லது பெவிஸ்டின் - மான்கோசெப் 1 சத கரைசலை இலையின் மேல் தெளித்தும் மற்றும் செடியின் தூர்ப்பகுதியில் மண் நனையும்படியும் ஊற்ற வேண்டும். ஏலக்காயில் பழுப்பு நிற புள்ளிகள் தென்பட்டால் 0.2 சத பெவிஸ்டினைத் தெளிக்க வேண்டும்.

மஞ்சள்:






தாமதமாக நட்ட தோட்டங்களில் தற்சமயம் மஞ்சளை அறுவடை செய்யலாம். முன்னமே அடையாளமிட்ட செடிகளை தனியாக அறுவடை செய்து பின்னர் அவற்றை விதை மஞ்சளுக்காக உபயோகப் படுத்தலாம். மற்ற செடிகளையும் முதிர்ச்சியின் அறிகுறிகளைப் பொறுத்து அறுவடை செய்யலாம். முன்னமே அறுவடை செய்த தோட்டங்களில் குழிகளில் சேமித்துவைத்துள்ள விதைக்கிழங்குகளை 20 நாட்களுக்கு ஒரு முறை கண்காணித்து வதங்கிய மற்றும் நோய் தாக்கிய கிழங்குகளை அகற்றிவிட வேண்டும்.
அறுவடை செய்த மஞ்சள் விரலி மற்றும் கிழங்கு (குண்டு) எனத் தனித்தனியாக பிரித்து பதப்படுத்த வேண்டும். சுத்தமான தண்ணீரில் வேகவைத்து சூரிய ஒளியில் உலர்த்துவதன்மூலம் பதப்படுத்தலாம். சுத்தமான உலர்களம் அல்லது தார்ப்பாய் மீது பரப்பி 10-15 நாட்கள் வரை உலரவைக்க வேண்டும்.

இஞ்சி:






குழிகளில் சேமித்து வைத்துள்ள விதைக்கிழங்குகளை 20 நாட்களுக்கு ஒருமுறை கண்காணித்து வதங்கிய மற்றும் நோய் தாக்கிய கிழங்குகளை அகற்றிவிட வேண்டும்.

வனிலா:






செடியின் தூர்ப்பாகத்தில் அங்ககப் பொருட்களைக் கொண்டு போதுமான அளவில் மூடாக்கு இடவேண்டும். வளர்ந்துவரும் வெனிலா செடியை தாங்கு மரத்தில் ஏற்றிவிட வேண்டும். பூக்கள் தோன்றும் தோட்டங்களில் பூக்கள் மலர்ந்த அன்றே காலை 6 மணி முதல் மதியம் 1 மணி வரை கை கொண்டு மகரந்தச் சேர்க்கை செய்ய வேண்டும். தோட்டத்தில் நச்சுயிரி நோய் (வைரஸ்) தாக்குதலின் அறிகுறிகள் உள்ளதா என்று கண்காணித்து அவ்வாறு காணப்பட்டால் அந்தக் கொடியை உடனடியாக அகற்றி அழித்துவிட வேண்டும்.
காய்கள் அறுவடையைத் தொடர்ந்து மேற்கொள்ள வேண்டும். காய்களின் நுனிப்பகுதியில் வெளிறிய மஞ்சள் நிறம் காணப்படுவது காய்கள் முதிர்ச்சி அடைந்ததற்கு அறிகுறியாகும். முதிர்ச்சி அடைந்த காய்களை அறுவடை செய்வதால் பதப்படுத்தும்போது தரத்தை உறுதி செய்ய முடியும். அறுவடை செய்த வெனிலா காய்களை பார்பன் முறையில் பதப்படுத்தலாம். அல்லது அறுவடை செய்தவுடன் விற்பனை செய்யலாம்.
-டாக்டர் கு.சௌந்தரபாண்டியன்

Advertisement

 



Advertisement
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.