அமேஸான் நிறுவனத்தின் ஃபையர் ஸ்மார்ட் போன்
Advertisement
 
 
 
Advertisement
dinamalar-advertisement-tariff-2018
 
Advertisement
 
எழுத்தின் அளவு:
Advertisement

பதிவு செய்த நாள்

30 ஜூன்
2014
00:00

அனைத்து மக்களுக்கான ஸ்மார்ட் போன் என தன்னுடைய முதல் ஸ்மார்ட் போனை "Fire” என்ற பெயரில் விற்பனைக்குக் கொண்டு வந்துள்ளது அமேஸான் நிறுவனம். இருபது ஆண்டுகளுக்கு முன்னால், நூல்களை இணையதளம் வழியாக விற்கும் நிறுவனமாக அமேஸான் தொடங்கப்பட்டது. இன்று, உலகின் மிகப் பெரிய வர்த்தக இணைய தளத்தினை நடத்தும் நிறுவனமாக உருவாகியுள்ளது.
தானே தயாரிக்கும் இ-புக் மற்றும் டேப்ளட் பி.சி.க்களை விற்பனை செய்தும் வருகிறது. எலக்ட்ரானிக் நூல்களைத் தயாரித்து வழங்குகிறது. க்ளவ்ட் கம்ப்யூட்டிங் முறையில் அதிக இடம் தரும் நிறுவனமாகவும் இயங்குகிறது. கடந்த சில ஆண்டுகளாக, கட்டணம் பெற்றுக் கொண்டு வீடியோ, மின் நூல்கள் மற்றும் இசைக் கோப்புகளை வழங்கி வருகிறது.
சென்ற வாரம், பல மாதங்களாக எதிர்பார்க்கப்பட்ட, இதன் ஸ்மார்ட்போன் "Fire” என்ற பெயரில் வெளியாகியுள்ளது. இதன் திரை 4.7 அங்குல அளவில் உள்ளது. இதன் இயக்கத்தினை குவாட் கோர் ப்ராசசர் தருகிறது. 13 எம்.பி. திறன் கொண்ட கேமரா கிடைக்கிறது. பெரும்பாலான ஸ்மார்ட் போன்களில், இவை சாப்ட்வேர் மூலம் கையாளப்படுகின்றன. ஆனால், இதில், ஹார்ட்வேர் சாதனங்கள் மூலம் இவை இயங்குகின்றன. அதனால், இவை சிறப்பான இயக்கத்தினைத் தருகின்றன. இந்த போனை வாங்குபவர்களுக்கு, அமேஸான், இமேஜ் பைல்களைத் தேக்கி வைக்க தன் தளத்தில் இலவச இடம் தருகிறது.
இந்த ஸ்மார்ட் போனின் மிகச் சிறந்த செயல்பாடு இதன் "Firefly” அப்ளிகேஷனாகும். இதன் மூலம் அமேஸான் தளத்தில் விற்பனைக்குக் கிடைக்கும் திரைப்படங்கள், பாடல்கள், இசைக் கோப்புகள், நூல்கள் மற்றும் பொருட்கள் போன்றவற்றை எளிதில் அடையாளம் கொண்டு, வாடிக்கையாளர்கள் விலைக்கு வாங்கிட முடியும்.
இதில் தரப்பட்டுள்ள "Mayday” என்ற வசதி மூலம், நாம் அமேஸான் தள பிரதிநிதி ஒருவருடன் நேரடியாக உரையாடலாம். இது கட்டணம் எதுவுமின்றி 24 மணி நேரமும் தரப்படுகிறது. இந்த போன் 32 மற்றும் 64 ஜிபி ஸ்டோரேஜ் மெமரியுடன் வடிவமைக்கப்பட்டு கிடைக்கிறது. இதனை ஸ்மார்ட் டேட்டா கார்ட் மூலம் அதிகப்படுத்தும் வசதி தரப்படவில்லை.
இதன் ஆப்பரேட்டிங் சிஸ்டம் ஆண்ட்ராய்ட் சிஸ்டத்தின் ஒரு வடிவமைப்பாக இருந்தாலும், கூகுள் ப்ளே சர்வீசஸ் எதுவும் இதில் இயங்காது. எனவே நாம் அதிகம் பயன்படுத்தும் Google Now, Gmail, Google Drive, Chrome, Google Maps மற்றும் பிற வசதிகள் இதில் கிடைக்காது.
தற்போதைக்கு இந்த ஸ்மார்ட் போன், அமெரிக்காவில் மட்டும் விற்பனைக்கு வந்துள்ளது. ஏ.டி. அண்ட் டி நிறுவன சேவை ஒப்பந்தத்துடன் கிடைக்கிறது. 32 ஜிபி மெமரி உள்ள போன் 200 டாலர் விலையிடப்பட்டுள்ளது. இந்த ஸ்மார்ட் போன் விற்பனை, போன் சந்தையில் எடுபடுமா என்பதை இனிமேல் தான் பார்க்க வேண்டும்.
ஏனென்றால், ஏற்கனவே பேஸ்புக் நிறுவனம், சென்ற 2013 ஆம் ஆண்டில், தைவான் நாட்டின் எச்.டி.சி. நிறுவனத்தின் போனை HTC First என்ற பெயரில் விற்பனை செய்திட முயற்சித்தது. ஆனால், அது தோல்வியிலேயே முடிந்தது. சில மாதங்கள் கழித்து, ஏ.டி.அண்ட் டி நிறுவனமே அதனை கழிவு விலையில் அளித்தது.

Advertisement

 



Advertisement
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X