பெரிய சைஸ் ஆப்பிள்
Advertisement
 
 
 
Advertisement
dinamalar-advertisement-tariff-2018
 
Advertisement
 
எழுத்தின் அளவு:
Advertisement

பதிவு செய்த நாள்

22 செப்
2014
00:00

ஸ்மார்ட் போன் வரிசையில், அறிமுகமான நாள் முதலாய், மக்களிடையே அதன் தொழில் நுட்பத்திற்குப் புகழ் பெற்றது ஆப்பிள் நிறுவனத்தின் ஐபோன். 2010 ஆம் ஆண்டு ஐபேட் வெளியான பின்னர், அடுத்துவர இருக்கும் ஐபோன் 6 என்ன வகையானதாய், எந்த புதிய வசதிகளுடன் வடிவமைக்கப்பட்டு கிடைக்கும் என மக்கள் பலவகையாய்க் கணித்து வந்தனர். அவர்களின் காத்திருப்பிற்கு சென்ற செப்டம்பர் 9ல் முற்றுப் புள்ளி இடப்பட்டது.
ஆப்பிள் நிறுவனத்தின் தலைமை நிர்வாக அதிகாரி டிம் குக், ஐபோன் 6 மற்றும் ஐபோன் 6 ப்ளஸ் என இரண்டு போன்களை வெளியிட்டார். அவற்றின் சிறப்பம்சங்கள் மற்றும் சார்ந்த தகவல்களை இங்கு பார்க்கலாம்.
ஐபோன் 6ல் திரை 4.7 அங்குல அகலத்தில் உள்ளது. இதன் ரெசல்யூசன் 1334 x 750 பிக்ஸெல்கள். ஐபோன் 6 ப்ளஸ் போனின் திரை 5.5 அங்குல அளவில் அமைக்கப்பட்டுள்ளது. இதன் ரெசல்யூசன் 1920 x 1080. இரண்டு போன்களும் 16, 64, 128 ஜி.பி. என ராம் மெமரியைக் கொண்ட மூன்று வகைகளாக வெளியாகின்றன. போனின் மெமரியை ஆப்பிள், 128 ஜி.பி.
வரை உயர்த்தியது இதுவே முதல் முறை
ஆகும். அதே நேரத்தில் 32 ஜி.பி. அளவில் ஸ்டோரேஜ் மெமரி தரப்படுவது நிறுத்தப்பட்டுள்ளது.
இரண்டு மாடல் போன்களுக்கு இடையே 100 அமெரிக்க டாலர் விலை வித்தியாசம் உள்ளது. தங்கம், சில்வர் மற்றும் ஸ்பேஸ் கிரே வண்ணங்களில் இவை வெளியாகியுள்ளன. தடிமனைப் பொறுத்தவரை, ஐபோன் 5 எஸ் மாடலைக் காட்டிலும் குறைவாக இதில் அமைந்துள்ளது. இவற்றின் தடிமன் முறையே 6.9மிமீ மற்றும் 7.1 மிமீ ஆக உள்ளது. ஐபோன் 5 எஸ் தடிமன் 7.6 மிமீ ஆக உள்ளது.
இரண்டு போன்களிலும், புதிய ஆப்பிள் ஏ8 சிப் (64-bit Apple A8) பொருத்தப்பட்டுள்ளது. இது ஏ7 சிப்பினைக் காட்டிலும் 13% அளவில் குறைவானது. செயல் திறன் 25% அதிகமாக இருக்கும் என அறிவிக்கப்பட்டுள்ளது. இந்த சிப்பில் இணைக்கப்பட்டுள்ள கிராபிக்ஸ் செயல்பாடு, முந்தைய சிப்பைக் காட்டிலும் 5-0% கூடுதல் வேகத்தில் செயல்படும். இந்த சிப் பயன்படுத்தும் மின் சக்தி 50% குறைவாக இருக்கும். எனவே பேட்டரியின் மின்சக்தி கூடுதலான நேரம் தங்கும்.
இரண்டு புதிய மாடல்களிலும், வயர்லெஸ் இணைப்பு, முந்தைய மாடல்களில் உள்ளதைக் காட்டிலும் கூடுதல் வேகத்துடன் செயல்படுகிறது. இதன் டேட்டா பரிமாற்ற வேகம் 150 Mbps LTE ஆக இருக்கும். முந்தைய மாடல்களில், இது 1-00 Mbps ஆக இருந்தது. இரண்டு மாடல்களிலும் வை பி இணைப்பைப் பயன்படுத்தி, போன் அழைப்புகளை ஏற்படுத்திப் பயன்படுத்தலாம்.
இதில் உள்ள என்.எப்.சி. சிப் மூலம், இந்த போன்களைப் பயன்படுத்தி, அசைவுகள் மூலம் நிதி பரிமாற்றத்தினை மேற்கொள்ளலாம்.
இந்த போன்களில், மேலாக உள்ள
கண்ணாடி, ஓரங்களில் வளைவாக அமைக்கப்பட்டுள்ளது. பின்புறம் செறிவூட்டப்பட்ட அலுமினியத் தகடு அமைக்கப்பட்டுள்ளது.
ஐபோன் 6 ப்ளஸ் பேப்லெட் ("phablet") எனவும் அழைக்கப்படுகிறது. போன் மற்றும் டேப்ளட் பி.சி.க்கு இடையேயான ஒரு சாதனமாகக் கருதப்படுகிறது.
இவற்றில் தரப்பட்டுள்ள கேமராக்களிலும் புதிய தொழில் நுட்பம் தரப்பட்டுள்ளது. 8 மெகா பிக்ஸெல் iSight கேமரா இணைக்கப்பட்டுள்ளது. ட்ரூ டோன் ப்ளாஷ் இயங்குகிறது. குறைந்த வெளிச்சத்தில் எடுக்கப்படும் போட்டோக்களும், துல்லியத்தைத் தரும் வகையில் வெளியாகின்றன. விடியோ காட்சிகள், வழக்கான நிலையில், நொடிக்கு 30 முதல் 60 பிரேம்களைப் பதிவு செய்கிறது. மெதுவாக இயங்கும் நிலையில் இயக்குகையில் (slow-motion video) இது நொடிக்கு 120 முதல் 240 பிரேம்களாக உள்ளது.
மேம்படுத்தப்பட்ட ரெடினா டிஸ்பிளே, கூடுதல் திறனுடன் 64 பிட் ஏ8 (A8) சிப், வை பி இணைப்பு, மொபைல் வாலட் இணைப்பு செயல்பாடு, வர இருக்கும் ஆப்பிள் வாட்ச் உடன் இணைந்த இயக்கம் ஆகியவை புதிய வசதிகள் ஆகும். செப்டம்பர் 17ல் வெளியிடப்பட இருக்கும் ஐ.ஓ.எஸ். 8 இயக்க முறைமை, ஐபோன் 4 எஸ் முதல் ஐபோன் 6 வரையிலான போன்களில் இலவசமாக அப்டேட் செய்யப்படுகிறது.
இதனையும் புதிய மேம்படுத்தலாக ஏற்றுக் கொள்ளலாம்.

Advertisement

 



Advertisement
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X