ஒயிட் ஸ்பேஸ் மூலம் இலவச இணைய இணைப்பு
Advertisement
 
 
 
Advertisement
dinamalar-advertisement-tariff-2018
 
Advertisement
 
எழுத்தின் அளவு:
Advertisement

பதிவு செய்த நாள்

24 நவ
2014
00:00

நம் பிரதமர் நரேந்திர மோடி அவர்களின் டிஜிட்டல் இந்தியா திட்டத்தினை நிறைவேற்றுவதில் பல தொழில் நுட்ப நிறுவனங்கள் முனைப்புடன் பல திட்டங்களை வடிவமைத்து செயல்பட உள்ளன. இந்த வழியில், மைக்ரோசாப்ட் நிறுவனத்தின் திட்டம் அனைவரையும் கவர்ந்துள்ளது.
மோடி அவர்களின், IT + IT = IT ( இந்தியர்களின் திறமை + தகவல் தொழில் நுட்பம் + நாளைய இந்தியா (“Indian Talent” plus “Information Technology” equals ” India Tomorrow”) என்ற இலக்கினை அடைய, மைக்ரோசாப்ட் நிறுவனத்தின் திட்டம் நிச்சயம் பலனளிக்கும் என்று எதிர்பார்க்கலாம்.
பொதுத் துறை நிறுவனமான தூரதர்ஷன் மற்றும் இந்திய அரசு ஆகிய இரண்டும் பயன்படுத்தும் அலைக் கற்றை அலை வரிசையில், முழுமையான திறன் பயன்படுத்தப்படவில்லை. இவை பயன்படுத்தும் அலைவரிசையினை “ஒயிட் ஸ்பேஸ்” என அழைக்கின்றனர். மைக்ரோசாப்ட் இதனைப் பயன்படுத்தி, தொலை தூரக் கிராமப்புறங்களில், இறுதி வீடு வரை இணைய இணைப்பினை வழங்கலாம் என்று திட்டம் தந்துள்ளது.
வழக்கமான வை பி அலைவரிசை 100 மீட்டர் தொலைவிற்கே இயங்க முடியும். ஆனால், அரசு மற்றும் தூரதர்ஷன் தன் ஒளிபரப்பிற்காகப் பயன்படுத்தும் 200 - 300 Mhz ஸ்பெக்ட்ரம் ஒயிட்ஸ்பேஸ் அலைவரிசை, 10 கி.மீ தூரம் வரைச் சிறப்பாகச் செயல்படும். இதில் உள்ள பயன்படுத்தாத அலைவரிசைத் திறனை மைக்ரோசாப்ட் பயன்படுத்த திட்டமிடுகிறது. இதனைப் பயன்படுத்துவதை, தகவல் தொழில் நுட்பவியலில் ”White Space” தொழில் நுட்பம் என அழைக்கின்றனர். இதனைப் பயன்படுத்தி தரப்படும் இணைய வேகத்தில் தகவல் பரிமாற்றத்தின் வேகம் 16Mbps இருக்கும். இது தற்போது சராசரியாக, அதிக பட்சமாகத் தரப்படும் 2 Mbps வேகத்தைக் காட்டிலும் எட்டு மடங்கு கூடுதல் ஆகும். இத்தகைய ஒயிட் ஸ்பேஸ் தொழில் நுட்பத்தைப் பயன்படுத்தி, வை பி இணைப்பு தரும் பழக்கம், அமெரிக்காவில் சோதிக்கப்பட்டு, தற்போது வெற்றி கரமாக சில இடங்களில் செயல்பட்டு வருகிறது. சிங்கப்பூரிலும் இது பயன்படுத்தப்பட்டு வருகிறது.
இந்தியாவைப் பொறுத்த வரை 20 கோடி பேர் இணையத்தைப் பயன்படுத்தி வருகின்றனர். இது பெரிய தொகையாகத் தெரிந்தாலும், இந்திய ஜனத்தொகை எண்ணிக்கையைப் பொறுத்தவரை, இது மிகவும் குறைவுதான். எனவே தான், பிரதமர் அவர்களும், தகவல் தொழில் நுட்ப நிறுவனங்களும் அனைவருக்கும் இணையம் என்ற இலக்கினை அடையப் பாடுபடுகின்றனர்.
பிரதமர் மோடி அவர்களின் ”எல்லை இறுதி கிராமம் வரை இணையம் தரப்பட வேண்டும்; அப்போதுதான் இந்தியா முழுமையான டிஜிட்டல் இந்தியாவாக மாறும்” என்ற கனவு இந்த ஒயிட் ஸ்பேஸ் தொழில் நுட்ப இணைப்பு மூலம் சாத்தியமாகும் என மைக்ரோசாப்ட் அறிவித்துள்ளது.

Advertisement

 



Advertisement
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X