மூன்று ஆண்டுகளில் 360 கோடி பயனாளர்கள்
Advertisement
 
 
 
Advertisement
dinamalar-advertisement-tariff-2018
 
Advertisement
 
எழுத்தின் அளவு:
Advertisement

பதிவு செய்த நாள்

08 டிச
2014
00:00

இந்த உலகம் எப்படி மக்கள் ஜனத்தொகையால் திணறுகிறதோ, அதே போல, இணையமும் பயனாளர்களால் நெருக்கடியைச் சந்திக்க இருக்கிறது. இன்னும் மூன்று ஆண்டுகளில், 2018ன் தொடக்கத்தில், இணையத்தைப் பயன்படுத்துவோர் எண்ணிக்கை 360 கோடியாக இருக்கும் என்று எதிர்பார்க்கப்படுகிறது.
பல லட்சம் கம்ப்யூட்டர்களும், கோடிக்கணக்கான ஸ்மார்ட் போன்களும், டேப்ளட் பி.சி.க்களும் இந்த நெருக்கடியைத் தர இருக்கின்றன. இணையச் சந்தைப் பயன்பாட்டினைக் கணக்கெடுத்த eMarketer என்ற அமைப்பு இந்த தகவலைத் தந்துள்ளது. வரும் 2015 ஆம் ஆண்டில், இணையத்தைப் பயன்படுத்துவோர் எண்ணிக்கை 289 கோடியாக இருக்கும். இது உலக மக்கள் தொகையில், ஏறத்தாழ 43% ஆகும். இந்த ஆண்டைக் காட்டிலும் இது 6.2% கூடுதலாகும்.
இன்னும் சில தகவல்களை இந்த அமைப்பு கண்டறிந்துள்ளது. வரும் 2018 ஆம் ஆண்டில், உலகில் வாழும் மக்களில் பாதிப்பேர், மாதம் ஒரு முறையாவது இணையத்தைப் பார்ப்பார்கள் என்றும் அறிவித்துள்ளது.
இதற்கு அடிப்படைக் காரணம், மக்கள் அனைவரும் வாங்கக் கூடிய விலையில், இணையத் தொடர்பினைத் தரக் கூடிய மொபைல் போன்கள் மற்றும் சீனா, இந்தியா மற்றும் இந்தோனேஷியா போன்ற வளரும் நாடுகளில், குறைவான கட்டணத்தில் கிடைக்கும் இணைய இணைப்புகளே. குறிப்பாக, வயர் வழி இணைப்பு தர முடியாத இடங்களில், மொபைல் போன்கள் இணைய இணைப்பினை எளிதாக வழங்குவது, இந்த வளர்ச்சிக்கு ஓர் அடிப்படை காரணமாகும்.
அடுத்ததாக, உலக அளவில் இயங்கும் பல தகவல் தொழில் நுட்ப நிறுவனங்கள் இந்த நோக்கில் எடுத்துவரும் முயற்சிகளாகும். இந்நிறுவனங்கள், மக்களை இணையப் பயன்பாட்டுக்குக் கொண்டு வருவதில் தொடர்ந்து முயற்சித்து வருகின்றன. எடுத்துக் காட்டாக, பேஸ்புக் நிறுவனர் மார்க் நோக்கியா மற்றும் சாம்சங் நிறுவனங்களுடன் இணைந்து, தென் ஆப்பிரிக்க நாடுகளில் வாழும் மக்களுக்கு இலவச இணைய இணைப்பு வழங்க முயற்சிகளை மேற்கொண்டு வருவதைக் குறிப்பிடலாம்.
2013 ஆம் ஆண்டில், சீனா 62.07 கோடி இணையப் பயனாளர்களைக் கொண்டு இவ்வகையில் முதல் இடத்தினைப் பெற்றிருந்தது. அடுத்ததாக, அமெரிக்கா 24.6 கோடி பேரைக் கொண்டுள்ளது. இந்தியா மூன்றாவது இடத்தில் தற்போது இருந்தாலும், விரைவில், அடுத்த ஆண்டின் தொடக்கத்தில், இரண்டாவது இடத்திற்கு வந்துவிடும் என்று எதிர்பார்க்கப்படுகிறது. பிரேசில் விரைவில் ஜப்பானை முந்திக் கொண்டு நான்காவது இடத்திற்கு வரும் எனவும் கருதப்படுகிறது.
இந்தியாவினைப் பொறுத்தவரை, 2016ல் இணையப் பயனாளர் எண்ணிக்கை 28.38 கோடியாக உயரும். அப்போது அமெரிக்க இணைய மக்கள் 26.49 கோடியாக இருப்பார்கள். இதுவே, 2018ல், இந்தியா 34.63 கோடி பேரையும், அமெரிக்கா 27.41 கோடி பேரையும் இணையத்தில் கொண்டிருக்கும்.

Advertisement

 



Advertisement
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X