இணைய வழி அழைப்புகளும் மொபைல் அழைப்புகளும் ஒன்றல்ல
Advertisement
 
 
 
Advertisement
dinamalar-advertisement-tariff-2018
 
Advertisement
 
எழுத்தின் அளவு:
Advertisement

பதிவு செய்த நாள்

01 ஜூன்
2015
00:00

எல்லாருக்கும் சமமான இணைய சேவை குறித்த மக்கள் எழுச்சியின் விளைவாக, தகவல் தொழில் நுட்ப துறையில் பல்வேறு கருத்துகள், நாள்தோறும் வெளியான வண்ணம் உள்ளன. இந்தியாவில், மொபைல் சேவை தருவதில், முன்னணியில் இயங்கும் ஏர்டெல், வோடபோன் மற்றும் ஐடியா செல்லுலர் நிறுவனங்கள், இணையத்தில் இயங்கும் சில நிறுவனங்கள், மொபைல் போனில் அழைப்புகளை இலவசமாக்குவதால், தங்களுக்கு வருமான இழப்பு ஏற்பட்டு நஷ்டம் அடைய வாய்ப்பு உள்ளதென்றும், அதனால், இந்த தளங்களைப் பயன்படுத்த, வாடிக்கையாளர்களிடம் கூடுதல் கட்டணம் கேட்பது நியாயமே என்று முறையிட்டுள்ளனர்.
இந்த விளக்கத்தினை, இந்தியாவில் இயங்கும் இணையம் மற்றும் மொபைல் நிறுவனங்களுக்கான அமைப்பு (Internet and Mobile Association of India (IAMAI)) ஏற்றுக் கொள்ளவில்லை. இது ஒரு பொதுவான குற்றச்சாட்டு என்றும், இதற்கான நிதி இழப்பு ஆதாரங்களை, இந்த நிறுவனங்கள் தரவில்லை எனத் தெரிவித்துள்ளது.
மேலும் கருத்து தெரிவிக்கையில், இணையம் வழி தரப்படும் போன் அழைப்புகள் (voice over internet protocol (VOIP) calls) வழக்கமான மொபைல் சேவை நிறுவனங்கள் தரும், மொபைல் அழைப்புகளுக்கு இணையானவை அல்ல. இரண்டு வகையையும் ஒரே மாதிரியாகக் கருதக் கூடாது எனத் தெரிவித்துள்ளது. வழக்கமான தொலைபேசி அழைப்புகளிலிருந்து, இணைய வழி இணைப்புகள் முற்றிலும் மாறுபட்டவை என அறிவித்துள்ளது.
ஒரு VOIP அழைப்புக்கு வழக்கமான தொலைபேசி அழைப்புக்கான செலவைக் காட்டிலும் மூன்று பங்கு செலவாகும். இதே வழியில் வழங்கப்படும் “சேட்” எனப்படும் உரையாடல் வசதி மூலம், இசை, விடியோ மற்றும் தகவல்கள் பரிமாறிக் கொள்ள வசதிகள் வழங்கப்பட்டு வருகின்றன. இவற்றின் மூலம் மிக வேகமாக டேட்டா அனுப்பப்பட்டு பெறப்படுகிறது. எனவே, மொபைல் சேவை நிறுவனங்களின் வருமானத்தை இவை பாதிக்கின்றன என்று சொல்வதை, இங்கு ஒப்பிட்டு பார்க்க அடிப்படையே இல்லை. மொபைல் சேவை நிறுவனங்கள், எப்படியாவது, குறிப்பிடப்படும் இணைய நிறுவனங்களின் வருமானத்தை எப்படியாவது பகிர்ந்து கொள்ளும் நோக்கத்துடன் தான் இந்த கருத்துகளை வைப்பதாகவும், இவற்றை IAMAI வன்மையாக எதிர்க்கிறது என்றும் தெரிவிக்கப்பட்டுள்ளது.
அழைப்பிற்கான கட்டணச் செலவு குறித்து IAMAI தெளிவு படுத்தியுள்ளது. இணையம் வழி அழைப்பு மிக மலிவானது என்று சொல்வது ஒரு கட்டுக் கதை. பேஸ்புக், ஸ்கைப், அமேஸான் மற்றும் பிற இணையத்தில் இயங்கும் நிறுவனங்கள் இந்த வசதியைத் தந்து வருகின்றன. இணைய வழிமுறை வழியாக, அழைப்பு ஒன்றினை 60 நிமிடங்கள் மேற்கொண்டால், அதில் ஏற்படும் ஒலி பரிமாற்றத்திற்கு மட்டும் 25 எம்.பி. முதல் 35 எம்.பி. வரையில் டேட்டா பரிமாற்றம் மேற்கொள்ளப்படும். இதுவே விடியோவும் சேர்ந்தால், அதற்கு மட்டுமே 240 எம்.பி. டேட்டா தேவைப்படும்.
ஸ்கைப் தளத்தில், அதன் வாடிக்கையாளர்களுக்கிடையே அழைப்பு ஏற்படுத்துகையில், அந்த இணைப்பு 2ஜி அல்லது 3ஜி என்பதனைப் பொறுத்து சராசரியாக ரூ. 3 வரை செலவாகும். எனவே, ஒரு மணி நேரம் பேசினால், ஏறத்தாழ ரூ.180 வரை செலவு உயரும்.
ஆனால், மொபைல் சேவை நிறுவனங்கள் சார்பாக, பார்தி ஏர்டெல் தெரிவிக்கையில், மொபைல் அழைப்புகளில் ஒரு சதவீத அழைப்பு அப்ளிகேஷன் வழி இணையம் மூலம் தரப்பட்டால், மொபைல் சேவை நிறுவனங்கள் ரூ.1,200 கோடி வருமானத்தை இழக்கின்றன என்று கூறியுள்ளது. இது தவறானது என்று, இந்த அறிக்கையில் உள்ள பல ஓட்டைகளை, IAMAI சுட்டிக் காட்டியுள்ளது. குறிப்பாக, இந்த நிறுவனங்கள், தாங்கள் பெரிய அளவில் கடனாளியாகி உள்ளோம் என்று கூறுவது, ஸ்பெக்ட்ரம் அலைவரிசை ஏலத்திற்கென இவர்கள் செலவு செய்ததனால் தான் என்று சுட்டிக் காட்டியுள்ளது. மற்றபடி இணைய வழி அழைப்பு தரும் நிறுவனங்களால் அல்ல என்பதனையும் தெளிவுபடுத்தியுள்ளது.
மொபைல் சேவை நிறுவனங்கள், டெக்ஸ்ட் மற்றும் குரல் வழி அழைப்பு சேவைகளைத் தவறாக, உடனடி சேவையுடன் ~~ வாட்ஸ் அப் மெசஞ்சர் அல்லது பேஸ்புக் மெசஞ்சர் சேவையுடன் ~~தொடர்பு படுத்தி கருத்து தெரிவித்துள்ளன. தொடர்பு படுத்தி, “ஒரே சேவை, ஒரே சட்ட திட்டம்” எனக் குரல் கொடுக்கின்றன. ஒப்பிட்டு பார்க்கும் அடிப்படையே தவறு என உறுதியாகக் கூறியுள்ளது IAMAI.
இந்த பிரச்னை குறித்து TRAI அமைப்பு இன்னும் எந்த முடிவான கருத்தும் தெரிவிக்கவில்லை. மக்களிடமிருந்து கருத்துகளைப் பெற்ற நிலையில், நிலைமையை இன்னும் ஆய்வு செய்து வருகிறது.

Advertisement

 



Advertisement
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (1)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
MURUGAVEL - KUWAIT FROM ULUNDURPET,இந்தியா
01-ஜூன்-201503:53:32 IST Report Abuse
MURUGAVEL இதற்கு தான் ஒவ்வொரு மாதமும் பல விதமாக விலை ஏற்றி கொள்கிறார்கள். பின்ன என்ன அதாவது முன்பு 1 ஜிபி 3G டேட்டா 64 ரூபாய்க்கு குடுத்து இன்று 1ஜிபி 3G டேட்டா 224 மற்றும் 274 ரூபாய் என்று கொள்ளை அடிக்கிறாற்கள். இது போதத நிறுவனம் இன்னும் எப்படியல்லாம் கொள்ளை அடிக்கலாம் என்று பார்க்கிறார்கள். அது வழி இருந்தால் சொல்லுங்கள்.........
Rate this:
Share this comment
Cancel

உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X