பேஸ்புக் லைட்
Advertisement
 
 
 
Advertisement
dinamalar-advertisement-tariff-2018
 
Advertisement
 
எழுத்தின் அளவு:
Advertisement

பதிவு செய்த நாள்

15 ஜூன்
2015
00:00

பேஸ்புக் நிறுவனம் புதிய அப்ளிகேஷன் ஒன்றை அண்மையில் அறிமுகப்படுத்தியுள்ளது. அதன் பெயர் “பேஸ்புக் லைட்” (Facebook Lite). நூறு கோடிக்கும் மேலான வாடிக்கையாளர்களை உலகெங்கும் பேஸ்புக் பெற்றுள்ளது. இவர்களில் பெரும்பாலானவர்கள், வேகம் குறைந்த 2ஜி நெட்வொர்க்கினையே பயன்படுத்தி வருகின்றனர். இதனால், பேஸ்புக் பயன்படுத்துவது இவர்களுக்கு உற்சாகமூட்டுவதாய் இல்லை. இந்த குறையைப் போக்கி, பேஸ்புக் செயலியில் செயல்படுவதை வேகமாக்க, பேஸ்புக் நிறுவனம், இந்த செயலியை வடிவமைத்து அறிமுகப்படுத்தியுள்ளது.
சென்ற ஜனவரி முதல், இந்த செயலி சோதனையில் இருந்து வந்தது. இதனை உருவாக்கிய குழுவின் தலைவர் விஜய சங்கர் இது பற்றிக் குறிப்பிடுகையில், ''ஆப்பிரிக்கா மற்றும் தென் கிழக்கு ஆசிய நாடுகளில், இதனை சோதனைக்கென வெள்ளோட்டமிடுகையில், மக்களிடமிருந்து அதிக வரவேற்பு இருந்தது. அதனைத் தொடர்ந்து, செயலியை எந்த அளவிற்கு, அளவில் குறைந்ததாக அமைக்க முடியுமோ, அந்த அளவிற்குச் சிறியதாக அமைத்துத் தற்போது கூகுள் பிளே ஸ்டோர் வழியாக வழங்குகிறோம்” என்றார். சோதனைப் பதிப்பினை தரவிறக்கம் செய்து பயன்படுத்தியவர்களில், 50 ஆயிரம் பேர் இது குறித்து முழு திருப்தி தெரிவித்துள்ளனர்.
இதனை மொபைல் போனில் பதிந்து கொண்டால், இந்த அப்ளிகேஷன், மெதுவாக இயங்கும் நெட்வொர்க் மற்றும் ஆண்ட்ராய்ட் போன்களில், இணைய இணைப்பினை வேகப்படுத்தும். இணைய இணைப்பினைத் தரும் அலைக்கற்றை வரிசை மெதுவாக இயங்கும் போது, இந்த செயலி உடனே இயங்கி, டேட்டா பரிமாற்றத்தினை விரைவாக மேற்கொள்ள வழி தரும். இந்த செயலி போனில் 1 எம்.பி. இடத்தையே எடுத்துக் கொள்ளும். விரைவாகத் தரவிறக்கம் செய்து கொள்ளலாம்.
இந்த செயலி தற்போது ஆசியா, ஆப்பிரிக்கா, இலத்தீன் அமெரிக்கா மற்றும் ஐரோப்பா கண்டங்களில் அறிமுகப்படுத்தப்படுகிறது. கூகுள் பிளே ஸ்டோரில் (Play store) இதனைப் பெற்றுக் கொள்ளலாம்.
இது பற்றி மார்க் தன் முகநூல் பக்கத்தில் எழுதுகையில், “உலகம் முழுவதும் உள்ள அனைத்து பிரிவினருக்கான செயலிகளை வடிவமைக்க நாங்கள் தொடர்ந்து பணியாற்றுகிறோம். நாம் அனைவரும் இணைப்பில் இருக்கும் நிலை வரும் வரை இந்த முயற்சி தொடரும்” என்று குறிப்பிட்டுள்ளார்.
பேஸ்புக் லைட் அறிமுகப்படுத்தப்படுவதற்கு ஒரு வாரத்திற்கு முன்புதான், கூகுள் நிறுவனம் தன் ”ஆண்ட்ராய்ட் ஒன்” (Android One) திட்டத்தினை அறிமுகப்படுத்தியது. இந்த திட்டத்தில் தரப்படும் செயலி, விலை குறைந்த மொபைல் போன்களில், குறைந்த வேகம் கொண்ட இணைய அலைக்கற்றை வரிசையில், புதிய அப்ளிகேஷன்களை வேகமாக இயக்கும். இந்தியா மற்றும் இந்தோனேஷியா உட்பட ஆறு நாடுகளில் இந்த திட்டம் செயல்படுத்தப்பட்டு வருகிறது.
கூகுள் தான் தரும் தேடல் முடிவுகளை வேகமாக வாடிக்கையாளர்களிடம் கொண்டு செல்ல பல செயலிகளைத் தயார் செய்து வருகிறது.
கூகுள் மற்றும் பேஸ்புக் ஆகிய இரண்டு நிறுவனங்களுமே, முதம் முதலாக மொபைல் போனில், 2ஜி நெட்வொர்க் வழியாக இணையம் தேடும் கோடிக்கணக்கான வாடிக்கையாளர்களைக் குறி வைத்தே இத்தகைய செயலிகளை உருவாக்கி வழங்குகின்றனர். இவர்களை முதல் கட்டத்திலேயே தங்கள் செயலிகள் மூலம் வளைத்துப் போட்டுவிட்டால், தங்கள் இணைய வர்த்தகம் மிக வேகமாக உயர்ந்து லாபம் தரும் என கணக்குப் போடுகின்றனர்.

Advertisement

 



Advertisement
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X