குருபார்வை
Advertisement
 
 
 
Advertisement
dinamalar-advertisement-tariff-2018
 
Advertisement
 
எழுத்தின் அளவு:
Advertisement

பதிவு செய்த நாள்

06 டிச
2010
00:00

கண்ணன், போடிநாயக்கனூர் : சிவில் இன்ஜினியரிங் படிக்க விரும்புகிறேன். ஆனால் என் வீட்டில் பிளஸ் 2விற்குப் பின் எலக்ட்ரானிக்ஸ் இன்ஜினியரிங் படிக்கக் கூறுகின்றனர். சிவில் இன்ஜினியரிங் நல்ல வேலை வாய்ப்பு தரக் கூடிய படிப்புதானா?
ஒரு நாட்டின் முன்னேற்றம் அந்த நாட்டிலுள்ள உள்கட்டமைப்பு வசதிகளான சாலைகள், பாலங்கள், சுரங்கப்பாதைகள், ரயில்வே, விமானப் போக்குவரத்து வசதிகள், கடல்வழிப் போக்குவரத்து அமைப்புகள், சாக்கடை வசதிகள், குடிநீர் வசதிகள், கட்டடங்கள் போன்றவற்றைப் பொறுத்தே அமைகிறது. இவற்றை எல்லாம் வடிவமைப்
பவர்கள் சிவில் இன்ஜினியர்கள் தான். எந்தவொரு நகரமாக இருந்தாலும் சரி, நாடாக இருந்தாலும் சரி, அந்த இடம் வளர்ச்சி அடைகிறது என்பதற்கு சாட்சியாக இருப்பவை அங்குள்ள சாலைகளும், கட்டடங்களும் தான். குறிப்பாக, ஜப்பான், அமெரிக்கா, சிங்கப்பூர் போன்ற வளர்ந்த நாடுகளில் நுழைந்தவுடனே நம்மைக் கவருவது அங்குள்ள கண்ணைக் கவருவதாகவும் விண்ணைத் தொடுவதாகவும் உள்ள கட்டடங்களும் எங்கும் வியாபித்திருக்கும் பாலங்களும் தான். இவை தான் அந்த நாட்டின் வளமைக்கும் முன்னேற்றத்திற்கும் சான்றாக காட்சியளிக்கின்றன. எனவே ஒரு சிவில் இன்ஜினியராக மாறினால் சிமெண்டினாலும் செங்கலினாலும் கவிதை போன்ற வடிவங்களை உருவாக்கும் வித்தை புரிகிறது. இதனால் காலாகாலத்திற்கும் மக்கள் நம்மை ஞாபகத்தில் வைத்துப் போற்றக்கூடிய சான்றுகளை நமது சந்ததியினருக்கு விட்டுச் செல்லும் வாய்ப்பும் எழுகிறது. இத் துறையில் உள்ள சிறப்புப் படிப்புகள் இவை தான்.  கன்ஸ்ட்ரக்ஷன் இன்ஜினியரிங் குறிப்பிட்ட வடிவங்களை உருவாக்குவதே இத் துறையின் அடிப்படை அம்சமாகும். ஒரு கன்ஸ்ட்ரக்ஷன் இன்ஜினியர் திட்டமிடுதலில் தொடங்கி, வடிவமைத்தல், பட்ஜெட் கன்ட்ரோல், குவாலிடி கன்ட்ரோல், மெட்டீரியர் டெஸ்டிங் என்பதிலிருந்து மேற்பார்வை செய்வது போன்ற அன்றாட கட்டுமானப் பணி தொடர்புடைய வேலைகளை மேற்கொள்ள வேண்டும்.
ஸ்ட்ரக்சுரல் இன்ஜினியரிங்
கட்டுமானத்தில் உபயோகிக்கப்படும் பல்வேறு பொருட்களின் ஸ்திரத்தன்மை மற்றும் பாதுகாப்புகள் குறித்த படிப்பாகும் இது. அழுத்தத்தைத் தாங்கும் உறுதித் தன்மை பற்றி கட்டுமான உபயோகப் பொருட்கள் பரிசோதிக்கப்பட வேண்டும். அது போலவே அணைகள், சாலைகள், எண்ணெய் கிணறுகள், பாலங்களில் வேறு விதமான கட்டுமானப் பொருட்கள் உபயோகப்படுத்தப்பட வேண்டி யிருப்பதால் ஒவ்வொரு கட்டுமானப் பணிக்கும் எப்படிப்பட்ட பொருட்களை உபயோகிக்க வேண்டும் என்பதை இவர்களே முடிவு செய்கிறார்கள்.
டிரான்ஸ்போர்டேஷன் இன்ஜினியரிங்
போக்குவரத்திற்காக உபயோகப்படுத்தப்படும் சாலைகள், நெடுஞ்சாலைகள், பாலங்கள், சுரங்கப் பாதைகள், ரயில்வே தண்டவாளங்கள், விமான நிலையங்கள், துறைமுகங்கள் போன்றவற்றை வடிவமைப்பது குறித்த படிப்பாக இது விளங்குகிறது. நகர்ப்புற திட்டமிடல் இது அர்பன் பிளானிங் அல்லது சிட்டி பிளானிங் என அழைக்கப்படுகிறது.இந்தியாவில் உள்ள சண்டிகார், புனே போன்ற நகரங்கள் மிகவும் திட்டமிடப்பட்ட முறையில் உருவாக்கப்பட்ட நகரங்களாகும். அதாவது இங்கு வசிக்கும் மக்கள் சீரிய சாலைகள், பாலங்கள், வீட்டு வசதிகள், பூங்காக்கள், விளையாட்டு மைதானங்கள், குடிநீர் வசதி, சாக்கடை வசதி, தொழிற்சாலை மற்றும் குடியிருப்பு வசதி போன்ற வசதிகளைப் பெறுவதற்கு உதவுவது இந்தத் துறை தான். மக்கள் தொகை நெருக்கடி அதிகமாகவும், காற்றோட்ட வசதியில்லாததாகவும், குறுகிய சாலைகளையும் போக்குவரத்து நெருக்கடி மிகுந்ததாகவும் கழிவு நீர் வசதிகள் அற்றதாகவும் சிறிய மழையினால் கூட மழை நீர் தேங்கி நிற்கும் சாலைகளைக் கொண்ட நகரங்களுடன் ஒப்பிடுகையில் திட்டமிடப்பட்டு அமைக்கப்பட்டுள்ள இது போன்ற நகரங்களின் சிறப்பை அறியலாம். நகர்ப்புற திட்டமிடல் படிப்புகளின் நோக்கம் என்பது நவீன, வசதியான, பாதுகாப்பான உள்கட்டமைப்பு வசதிகளைக் கொண்ட நகர் அல்லது ஊரை வடிவமைப்பதாகும்.
ஜியோமெக்கானிக்கல் இன்ஜினியரிங்
எந்தவொரு கட்டடமாக இருந்தாலும் சரி, அதன் அடித்தளம் என்பது அது அமைந்துள்ள பூமியின் பரப்பைச் சார்ந்துள்ளது. எனவே மண்ணின் தன்மையே எந்தக் கட்டடத்திற்கும் ஆதாரமாக உள்ளது. இவற்றைப் பற்றிப் படிப்பது தான் ஜியோ மெக்கானிக்கல் இன்ஜினி யரிங். இதைப் படிப்பவர்களில் பெரும்பாலானோர் பெட்ரோலியம், இயற்கை எரிவாயு மற்றும் தாதுக்களை கண்டறியும் தொழிற்சாலைகளில் பணியில் இருக்கிறார்கள்.  தண்ணீர் மற்றும் மரைன் இன்ஜினியரிங் தண்ணீர் தொடர்புடைய வேலை களுக்காக நகரங்களில் கட்டப்படும்மாதிரிகளிலும், விவசாயம், கால்வாய்கள், அணைகள், வேஸ்ட் வாட்டர் டிரீட்மெண்ட் ஆலைகள், துறைமுகம், எண்ணெய் கிணறுகள், ஹைட்ரோ எலக்ட்ரிக் மின்சார வசதிகள் தொடர்புடைய படிப்புகள் இந்தப் பிரிவைச் சேர்ந்தவையே. என்றும் எப்போதும் தேவைப்படும் திறனாளர்களை உருவாக்கும் சிவில் இன்ஜினியரிங் துறையை நீங்கள் தேர்வு செய்திருப்பது அருமையான முடிவு தான்.

Advertisement

 



Advertisement
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X