வேர்ட் டிப்ஸ்..
Advertisement
 
 
 
Advertisement
dinamalar-advertisement-tariff-2018
 
Advertisement
 
எழுத்தின் அளவு:
Advertisement

பதிவு செய்த நாள்

06 ஜூன்
2016
00:00

வேர்ட் டேபிளைப் பிரிக்க: வேர்ட் டாகுமெண்ட்டில் சில வேளைகளில் பெரிய அளவில் டேபிளை அமைத்துவிடுவோம். அதன் பின்னர், அதனைப் பிரிக்க முயற்சித்தால், அதற்கான வழி எளிதில் கிடைக்காது. பல வேளைகளில், பலரும், படுக்கை வரிசைகளைக் காப்பி செய்து, பின் வேறொரு இடத்தில் பேஸ்ட் செய்து, புதிய டேபிளை உருவாக்குவார்கள். பழைய டேபிளிலிருந்து நீக்கப்பட்ட நெட்டு வரிசைகளை, அழித்துவிடுவார்கள். இதற்குப் பதிலாக, வேர்ட், இது போல டேபிளைப் பிரிப்பதற்கு, எளிய வழி ஒன்றைக் கொண்டுள்ளது. 1. ஏற்கனவே அமைந்த டேபிளில், எந்த படுக்கை வரிசையிலிருந்து டேபிளைப் பிரித்து அமைக்க வேண்டுமோ, எந்த வரிசை புதியதாய் அமைய இருக்கும் டேபிளின் முதல் வரிசையாக அமைய வேண்டுமோ, அதில் கர்சரைக் கொண்டு வைக்கவும். 2. அடுத்து ரிப்பனில், Layout டேப்பினை கிளிக் செய்திடவும். (இந்த டேப், டேபிள் உள்ளாக கர்சர் அமைக்கப்பட்டிருந்தால் தான் காட்டப்படும்)3. இங்கு Merge குரூப்பில் Split Tool என்பதில் கிளிக் செய்திடவும்.இப்போது வேர்ட், நீங்கள் கர்சரை வைத்த வரிசைக்கு மேலாக வழக்கமான வடிவில் பாரா ஒன்றை அமைக்கும். மேலாகவும், கீழாகவும் இரண்டு டேபிள்கள் கிடைக்கும். இவற்றைத் தனித்தனியே நீங்கள் பயன்படுத்திக் கொள்ளலாம்.
மாறுதலாகப் பக்க எண்கள்: வேர்ட் தொகுப்பில் உருவாக்கப்பட்ட டாகுமெண்ட்களில் பக்க எண்களை எளிதாக இடுகிறோம். மெனு பாரில் சென்று இன்ஸெர்ட் கிளிக் செய்து Page Numbers தேர்ந்தெடுத்தால் கிடைக்கும் மெனுவில் நம் விருப்பப்பட்ட இடத்தில் பக்க எண்கள் தோன்றும்படி செய்துவிடலாம். இந்த பக்க எண்கள் இலக்கங்களாகத் தான் இருக்கும். இவற்றை எண்களுக்கான சொற்களாக வைத்துக் கொள்ளச் சிலருக்கு ஆவலாக இருக்கும். அந்த ஆசையைப் பூர்த்தி செய்திட கீழ்க்கண்டபடி செயல்படவும்.1. வழக்கம்போல பக்க எண்களை இணைக்கவும்.2. அதன் பின் பக்க எண்ணுக்குரிய பீல்டைத் தேர்ந்தெடுக்க வேண்டும். இதற்கு பக்க எண் அருகே கர்சரைக் கொண்டு சென்று இருமுறை கிளிக் செய்திடவும். பக்க எண் பேஜ் ஹெடர் அல்லது புட்டரில் தான் இருக்கும். இப்போது அந்த இடம் முழுவதும் தேர்ந்தெடுக்கப்பட்டு புள்ளிகள் கொண்ட கோடுகளால் கட்டம் கட்டப்பட்டு காட்டப்படும். இதில் எண் இருக்கும். 3. இனி இந்த எண்ணுக்கான பீல்டைத் தேர்ந்தெடுக்க வேண்டும். அது எங்கே இருக்கிறது என்று கேட்கிறீர்களா? இந்த எண் அருகே கர்சரைக் கொண்டு சென்று ஷிப்ட்+எப்9 அழுத்தவும். எண்ணுக்கான பீல்டு கிடைக்கும். பீல்டு தேர்ந்தெடுக்கப்பட்டு கிரே கலரில் காட்டப்படும். பீல்டில் PAGE என்று தெரியும். இது தான் அதனுடைய குறியீடு.4. இனி இந்த குறியீட்டிற்குப் பதிலாக \* CardText என டைப் செய்திடவும். 5. பின் மீண்டும் எப்9 கீ அழுத்தினால் எண் இலக்கமாக இருப்பது மாற்றம் பெற்று எழுத்தில் கிடைக்கும். எடுத்துக் காட்டாக முதல் பக்கத்தில் 1 - என்பதற்குப் பதிலாக One என இருக்கும்.
டேபிளை முழுமையாக அழிக்க: வேர்ட் டாகுமெண்ட்டில் டேபிள் ஒன்றை உருவாக்குகிறீர்கள். பின் அதனை முழுமையாக நீக்க நினைக்கிறீர்கள். வேர்ட் புரோகிராம் இதற்கெனச் சில வசதிகளையும் வழிகளையும் தந்துள்ளது. அவை:1. முழு டேபிளையும் தேர்ந்தெடுக்கவும்.2. ரிப்பனில், Layout டேப் செல்லவும். 3. Rows & Columns குரூப்பில் Delete என்பதில் கிளிக் செய்திடவும்.4. அடுத்து Delete Table அல்லது Delete Rows என்பதில் கிளிக் செய்திடவும்.
இன்னொரு வழி: ரிப்பனில் ஹோம் டேப்பினை அழுத்தித் திறக்கவும். இதில் Clipboard குரூப் செல்லவும். தொடர்ந்து Cut ஆப்ஷன் தேர்ந்தெடுத்து இயக்கவும். இங்கு Del பட்டனுக்கு மதிப்பிருக்காது. ஆனால், பாரா ஒன்றையும் டேபிளுடன் இணைத்து டெல் கீயை அழுத்தினால், அதுவும் சேர்ந்து அழியும்.

Advertisement

 



Advertisement
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X