இந்தியாவில் கூகுள் பிளே மியூசிக் ஸ்டோர்
Advertisement
 
 
 
Advertisement
dinamalar-advertisement-tariff-2018
 
Advertisement
 
எழுத்தின் அளவு:
Advertisement

பதிவு செய்த நாள்

31 அக்
2016
00:00

கூகுள் தன் இசைக் கடையை இந்திய இணையத்தில் திறந்துள்ளது. இதன் மூலம் நாம் விரும்பும் பாடல்களை, கட்டணம் செலுத்தி தரவிறக்கம் செய்து கொள்ளலாம். பாடல்களை, அவற்றைப் பாடியவர்கள், இசை அமைத்தவர்கள், எழுதியவர்கள், பாடப்படும் சூழ்நிலை என்ற பல வகைகளில் தேடி கண்டறிந்து பெறலாம். இணையத்தில் கேட்டும் ரசிக்கலாம். இதன் தள முகவரி https://play.google.com/music/listen?authuser#/now.
கூகுள் பிளே மியூசிக் ஸ்டோர் முதன் முதலாக, அமெரிக்காவில் 2011 ஆம் ஆண்டு அறிமுகமானது. இந்தியா வருவதற்கு ஐந்து ஆண்டுகள் ஆகியுள்ளது. தற்போது அனைத்து இணைய நிறுவனங்களும், இந்தியா மீது கண் வைத்து வருவதால், கூகுள் மிக வேகமாக இந்தியாவில் இதனைச் செயல்படுத்தியுள்ளது. 130 கோடி மக்கள் வசிக்கும் இந்தியாவில், இணையத்தில் 30 கோடி பேர் உள்ளனர். இந்தியாவில், சீனா போல, கூகுள் சில விஷயங்களில் தனிமைப்படுத்தப்படவில்லை.
கூகுள் பிளே மியூசிக் ஸ்டோர் இந்தியாவில் அமைக்கப்பட இருக்கிறது என்ற தகவல் ஜூலை மாதத்திலேயே கசிந்து வந்தது. தற்போது இது செயல்பாட்டிற்கு வந்துள்ளது. வர்த்தகத்திற்குத் தயாராய் உள்ளது. பாடல் ஒன்றை ரூ. 15 செலுத்தி தரவிறக்கம் செய்திடலாம். ஆல்பம் என்ற வகையில் பாடல் தொகுப்புகள் ரூ. 70 முதல் ரூ. 200 வரையில் கிடைக்கின்றன. இந்திய மாநில மொழிப் பாடல் தொகுப்புகள் மட்டுமின்றி, பன்னாட்டளவிலான பாடல்களும் கிடைக்கின்றன.
இசைப் பிரியர்களுக்கு, Top Songs, New Releases, Top Albums, Best of Bollywood, Devotional & Spiritual, Indian Pop Hits, Recommended for You, International Music, Tamil, Telugu, Punjabi Pop, Ghazals & Sufi, Indian Classical என்ற வகையில் பாடல்கள் தரப்பட்டுள்ளன. குழந்தைகளுக்கென தனியாகவும் பாடல்கள் பதியப்பட்டு கிடைக்கின்றன. கஜல் மற்றும் சுபி எனப் பிற பிரிவுகளிலும் பாடல்கள் உள்ளன.
ஆனால், இன்னும் இசைப் பாடல் ஒலிக்க, ரேடியோ மற்றும் ஒரு குடும்பத்திற்கான திட்டம் ஆகியவற்றை கூகுள் தரவில்லை. வரும் நாட்களில் எதிர்பார்க்கலாம். பயனாளர் ஒருவர் தன் பாடல்களை, தனக்குப் பிடித்த பாடல்களை, அதிக பட்சம் 50,000 என்ற எண்ணிக்கையில் அப்லோட் செய்து இந்த தளத்தில் பதிந்து வைத்துக் கொள்ளலாம். குரோம் பிரவுசர் வழியாக இதனை மேற்கொள்ளலாம். பின்னர், தேவைப்படுகையில் தங்கள் போன்களின் வழியாகக் கேட்டுக் கொள்ளலாம்.
இதன் மூலம், கூகுள் ஆஸ்திரேலியாவின் Guvara, ஆப்பிள் மியூசிக், கானா, சாவன் மற்றும் விங்க் மியூசிக் (Apple Music, Gaana, Saavn, மற்றும் Wynk Music) ஆகிய இசைத் தளங்களுடன் போட்டியில் இறங்கியுள்ளது. இவற்றில் கானா, சாவன் ஆகியவை இந்திய மியூசிக் ஸ்டோர் தளங்களாகும். ஏற்கனவே இயங்கும் இவை நல்ல வருமானம் பார்த்து வருகின்றன. சாவன் தளத்தில் மாதம் ஒன்றுக்கு ரூ. 99, ஆண்டுக்கு ரூ.999 செலுத்தி, ஐந்து மொபைல் சாதனங்களில் அளவற்ற பாடல்களைத் தரவிறக்கம் செய்து கொள்ளலாம். இலவசமாக இணையத்தில் வைத்தே பாடல்களைக் கேட்கும் வசதியையும் சாவன் தருகிறது. கானா தளமும் இதே வகையில் தன் தளத்தை இயக்குகிறது. இரண்டும் ரேடியோ ஸ்டேஷன்களையும் இயக்குகின்றன. ஒலி பரப்பப்படும் பாடல்களில், தேவைப்படும் பாடல்களை தேடி எடுத்துக் கேட்கலாம்.
ஆனாலும், கிரெடிட் கார்ட் மற்றும் டெபிட் கார்ட் பயன்படுத்துவோர், இந்திய ஜனத்தொகையில் 10% மட்டுமே என்ற கோணத்தில் பார்க்கையில், இத்தகைய விற்பனை தளங்களின் வர்த்தகம், இந்தியா போன்ற அதிக மக்கள் வாழும் நாட்டில் குறைவாகவே இருக்கும். முன்பு, மொபைல் சேவை செய்திடும் நிறுவனங்கள் வழியாக, வாங்கும் பொருட்களுக்குப் பணம் செலுத்தும் முறையை கூகுள் கொண்டு வந்தது. இது இன்னும் கூகுள் பிளே மியுசிக் ஸ்டோர் விற்பனையில் இணைக்கப்படவில்லை. எனினும், இதனை விரைவில் கூகுள் இணைக்கும் என்று அறிவித்துள்ளது.
போட்டியில் தாமதமாக இறங்கினாலும், அனைத்து சிறப்பம்சங்களையும் கூகுள் கொண்டு வரும் என எதிர்பார்க்கப்படுகிறது. ஆனால், கூகுள் நிறுவனத்திற்கு சாதகமான ஒன்றும் இதில் உள்ளது. அனைத்து ஆண்ட்ராய்ட் மொபைல் சாதனங்களிலும், இதற்கான Play Music டூல் பதியப்பட்டுத் தரப்படுகிறது. மியூசிக் பிளே ஸ்டோர் பயன்படுத்த விரும்புபவர்கள், இதற்கென புதியதாக அப்ளிகேஷன் எதனையும் இன்ஸ்டால் செய்திடத் தேவையில்லை.
ஆண்ட்ராய்ட் பதிக்கப்பட்ட மொபைல் போன்களே அதிகமாக இந்தியாவில் இயங்குவதால், இசைப் பாடல் சார்ந்து, பிளே மியூசிக் அப்ளிகேஷன் தான் பயனாளர்களின் முதல் தேர்வாக அமையும் என கூகுள் எதிர்பார்க்கிறது. கூகுள் பிளே வவுச்சர்கள் மூலம் முன் கூட்டியே பணம் செலுத்திப் பெறும் வசதியை கூகுள் தருவதால், இசைப்பாடல் பெற, ஒருவர் கிரெடிட் கார்ட் போன்றவற்றை எதிர்நோக்க வேண்டியதில்லை.
இதனைச் சோதனை செய்து பார்த்திட விரும்புபவர்கள், தங்கள் ஆண்ட்ராய்ட் போனில், பிளே மியூசிக் வழியாக செயல்படுத்திப் பார்க்கலாம். அல்லது இணைய தளம் சென்றும் பார்க்கலாம்.

Advertisement

 



Advertisement
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X