இது உங்கள் இடம்!
Advertisement
 
 
 
Advertisement
dinamalar-advertisement-tariff-2018
 
Advertisement
 
எழுத்தின் அளவு:
Advertisement

பதிவு செய்த நாள்

04 டிச
2016
00:00

நல்லதையே சொல்வோம்!
சில நாட்களுக்கு முன், அறிமுகமில்லாத தம்பதியர், என் வீட்டு வாசலில் நிற்க, யாரென்று விசாரித்து, அவர்களை உள்ளே அழைத்து வந்தாள், என் மனைவி. வந்தவர்கள், தங்கள் உறவினர் மகனுக்கு, எங்கள் தெருவைச் சேர்ந்த ஒரு பெண்ணை பார்த்திருப்பதாக கூறி, அப்பெண்ணை பற்றி விசாரித்தனர். அவர்களுக்கு காபி கொடுத்து உபசரித்து, 'அப்பெண், நாங்கள் பார்த்த வரை, பழகியவரை நல்ல பெண்; அத்துடன், வேலைக்கு சென்று, குடும்பத்தையும் பார்த்துக் கொள்கிறாள்...' என்றாள், என் மனைவி. வந்தவர்களும், திருப்தியுடன் விடை பெற்றுச் செல்ல, என் மனைவியிடம், 'அப்பெண் சரியான வாயாடி, அகராதியா பேசுவா; யாரையும் மதிக்க மாட்டான்னு சொல்லுவ... இப்போ வந்தவங்ககிட்ட, ஏன் மாத்தி சொன்ன...' என்றேன்.
'நீங்க சொல்றது உண்மை தான்; என்னிடம் கூட ஒருமுறை சண்டைக்கு வந்தவள் தான். யார் தான் தப்பு செய்யல; திமிரா இருக்கல. நல்லபடியா, அவளுக்கு திருமணம் முடிஞ்சா, அதுக்கு பின் அவள் திருந்தலாமில்லயா... அதனால தான், விசாரிக்க வந்தவங்க கிட்ட அவளப் பற்றி நல்ல விதமாக சொல்லி வச்சேன்...' என்றாள்.
கால்கட்டு போட்டால் திருந்தி விடுவர் என்பது, ஆண்களுக்கு மட்டுமல்ல, பெண்களுக்கும் பொருந்தும். பிறந்த வீட்டு பிரச்னைகள், சிக்கல்கள் மற்றும் ஏக்கங்கள் இவற்றிலிருந்து விடுபடும் பெண்கள், புகுந்த வீட்டில் திருந்தி வாழவும் வாய்ப்புள்ளது என்ற என் மனைவியின் கருதில் உண்மை இருப்பதாக தோன்றியது. நம்மால் முடிந்த வரை, நல்லதையே சொல்வோம்; அதனால், நன்மை விளைந்தால், நமக்கும் ஆத்ம திருப்தி ஏற்படுமே!
ஏ.பாண்டிசெல்வம், மதுரை.

'டிவி' தொடரால் நேர்ந்த சோகம்!
எங்கள் பக்கத்து வீட்டு பெண்ணிற்கு, ஒன்று மற்றும் மூன்றாம் வகுப்பு படிக்கும் இரு பிள்ளைகள் உள்ளனர். அவளது கணவர் வெளிநாட்டில் வேலை செய்வதால், காலையில், குழந்தைகளை பள்ளிக்கு அனுப்பிய பின், பகல், 11:00 மணியிலிருந்து, தொலைக்காட்சி தொடர்களில் மூழ்கி விடுவாள்.
மாலையில், பள்ளி விட்டு வரும் குழந்தைகளுக்கு, அவசர அவசரமாய், 'ரெடிமேட்' உணவு அல்லது நூடூல்ஸ் போன்றவற்றை தயார் செய்து கொடுத்து, மூன்று தெரு தள்ளியிருக்கும் டியூஷனுக்கு, அனுப்பிவிட்டு, நாடகம் பார்க்க ஆரம்பித்து விடுவாள். இதில் கொடுமை என்னவெனில், இரவு, 7:30 மணி முதல், 9:00 மணி வரை நாடகம் பார்ப்பதற்கு தொந்தரவாக இருக்கும் என நினைத்து, தன் மொபைல் போனை, 'சுவிட்ச் ஆப்' செய்து விடுவாள்.
சமீபத்தில், டியூஷன் சென்ற அவளின் ஒன்றாம் வகுப்பு படிக்கும் மகள், திடீரென, வாந்தி, பேதி ஏற்பட்டு, சுருண்டு மயங்கி விட்டாள். பதறி போன டியூஷன் ஆசிரியை, அவள் அம்மாவுக்கு போன் செய்ய, அது, 'சுவிட்ச் ஆப்'பில் இருக்கவே, உடனே, சிறுமியை தூக்கிக் கொண்டு, அருகிலுள்ள மருத்துவமனைக்கு சென்று, முதலுதவி செய்து, ஆட்டோவில் இருவரையும் வீட்டிற்கு அழைத்து வந்துள்ளாள்.
தன் குழந்தையின் நிலையை பார்த்து பதறி போனாள், அந்தப் பெண். மொபைல் போன் ஏன் ஸ்விட்ச் ஆப்பில் இருந்தது என்ற விபரத்தை அறிந்த, டியூஷன் ஆசிரியை, குழந்தையின் அம்மாவை, கண்டபடி திட்டி தீர்த்து விட்டாள். ஆசிரியையிடம் மன்னிப்பு கேட்ட அப்பெண், அன்றிலிருந்தே, தொலைக்காட்சி தொடர்களை பார்ப்பதை நிறுத்தி, இப்போது, குழந்தைகளை கவனிக்க ஆரம்பித்துள்ளாள். இவரைப் போன்ற சீரியல் பைத்தியங்கள், இதுபோல் ஏதாவது விபரீதம் ஏற்பட்டால் தான் திருந்துவரோ!
வி.மஞ்சுளா, ராமநாதபுரம்.

மாதிரி படிவங்கள்!
சமீபத்தில், எங்கள் ஊர் தபால் நிலையத்திற்கு சென்றிருந்தேன். பொதுமக்கள், படிவங்களை, சிரமம் இல்லாமல், பூர்த்தி செய்ய வேண்டும் என்பதற்காக மாதிரி படிவங்களை பூர்த்தி செய்து, வரிசையாக ஒட்டி வைத்திருந்தனர்.
இதனால், அங்கு வருவோர், பணம் போடுவது மற்றும் பணம் எடுப்பது எப்படி என்று, இப்படிவங்களை பார்த்து, எவ்வித சிரமமும் இல்லாமல், பூர்த்தி செய்து, வந்த வேலையை, எளிதாக முடித்துச் செல்கின்றனர்.
அனைத்து தபால் நிலையங்களும், இதை பின்பற்றினால், விவரம் புரியாதவர்களுக்கு உதவியாக இருக்குமே... செய்வரா!
மருத.வடுகநாதன், வேதாரண்யம்.

Advertisement

 



Advertisement
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (9)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
manivannan - chennai,இந்தியா
09-டிச-201605:17:51 IST Report Abuse
manivannan க 1 ) நல்லது போல தெரிந்தாலும் ஓரளவிற்கு டீசெண்டாக சொல்லி விட்டு ஒதுங்கி இருக்கலாமோ என்று தோன்றுகிறது. க 2)அநேக பெண்கள் நேரத்தின், குடும்பத்தின் அருமை புரியாமல் இப்படித்தான் இருக்கிறார்கள். என்ன செய்ய? க 3 )இது ஏற்கனவே வழக்கத்தில் உள்ளதுதானே.. என்றாலும் நன்று . கதிரழகன் SSLC உங்களுக்கு பிடித்தமான இந்த பகுதியில் உங்கள் கருத்து களை மிஸ் பண்ணுகிறேன்.. ப்ளீஸ் எழுதுங்கள் நன்றி.
Rate this:
Share this comment
Cancel
Kailash - Chennai,இந்தியா
07-டிச-201622:56:31 IST Report Abuse
Kailash //நல்லதையே சொல்வோம்// — ஏ.பாண்டிசெல்வம், மதுரை அவர்களே,, நீங்கள் பரிசு பெறுவதற்கு வேறு நல்லதை எழுதுங்கள். இன்னொரு குடும்பத்தை கெடுப்பதற்கு யோசனை கூறாதீர். 20 வருட பழக்க வழக்கம் திருமணமானவுடன் திருந்துவார்கள் என்பது சரியா? இப்போது சின்ன சின்ன விஷயங்களில் பிரச்னை வந்து நீதி மன்ற வாசலில் நிற்கின்றனர், விவாகரத்திற்கு மற்றும் கொலை குற்றத்திற்கு. தெரிந்ததை கூறுங்கள், வில்லங்கம் இருந்தால் தெரியாது என்று கூறி ஒதுங்கி விடுங்கள். அடுத்தவர் வாழ்க்கையில் மூக்கை நுழைக்க வேண்டாம்.
Rate this:
Share this comment
Cancel
Muthu - Dubai,ஐக்கிய அரபு நாடுகள்
05-டிச-201619:26:50 IST Report Abuse
Muthu பாண்டி செல்வம் அவர்களே, மஞ்சுவிரட்டில் விசில் அடிக்கும் முன்பே சில மாடுகள் நின்று குத்தும்... விசில் அடித்த பிறகு??? மஞ்சுவிரட்டுக்கும் கல்யாணத்துக்கும் ஒரு ஒற்றுமை உண்டு... வளர்த்தவன் தப்பிச்சுக்குவான், பிடிக்க வந்தவன் மாட்டிக்குவான்........
Rate this:
Share this comment
Vijay Baskar - Bangalore,இந்தியா
07-டிச-201610:44:34 IST Report Abuse
Vijay Baskar100%...
Rate this:
Share this comment
Cancel

உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X