நலத்தை விற்றா நலன்களை அடைவது! | வாரமலர் | Varamalar | tamil weekly supplements
நலத்தை விற்றா நலன்களை அடைவது!
Advertisement
 
 
Advertisement
 
 
Advertisement
 
எழுத்தின் அளவு:
Advertisement

பதிவு செய்த நாள்

19 மார்
2017
00:00

எப்போதாவது, யாராவது கீழ்காணும் வாக்குமூலத்தை சொல்ல கேட்டிருப்பீர்கள்... 'நல்ல உழைப்பாளி... ஆனா பாருங்க, உடம்பை பாத்துக்கல; இப்ப அவதிப்படுறாரு!'
தொலைக்காட்சியில் நான் மிகவும் விரும்பி பார்ப்பது, மருத்துவர்களின் உரைகள், பேட்டிகள் மற்றும் நேயர் கேள்விகளுக்கு, அவர்கள் கூறும் பதில்கள்!
பல நேரங்களில், 'இப்படி கூட இருப்பரா...' என்று, எண்ணும் அளவுக்கு நேயர்கள் சிலரின் வாக்குமூலங்கள் இருக்கும்.
'ரெண்டு மாசமா, நெஞ்சு வலி டாக்டர்...'
'மருத்துவரை பாத்தீங்களா?'
'இல்ல டாக்டர்...'
'ஏன் காண்பிக்கல?'
'வாயு பிடிப்பா இருக்கும்ன்னு நெனைச்சேன்; இப்ப, வலி விடாம தொடர்ந்து இருக்கு; தாங்க முடியல...'
இரண்டு வார நெஞ்சு வலிக்கு, 'டிவி' மருத்து வரிடம், தொலைபேசியில் மருத்துவ யோசனை கேட்கும் இவரை எந்த ரகத்தில் சேர்ப்பது?
நெஞ்சில், 'சுருக்' என்றதுமே, 'படக்'கென எழுந்து, மருத்துவமனைக்கு ஓட வேண்டாமா...
'எங்கே அந்த வியாதி, நமக்கு இருந்து விடுமோ, ஏதும் பெரிய செலவாக வைத்து விடுவரோ... பணத்திற்கு எங்கே போவது...' போன்ற கேள்விகளே, இவரைப் போன்றோரின் கை, கால்களை விலங்கிடுகின்றன போலும்!
வியாதி என்று இருந்தால், செலவு என ஒன்று வந்தால், அதற்கு, எப்படியும் வழி கிடைக்கும். விடியல் வரும்; தீர்வும் உண்டு. பெரும்பாலானவர்களின் விஷயத்தில், இப்படித்தான் நடந்திருக்கிறது.
என் நண்பரின் மகன், பிளாஸ்டிக் பைகள் தயாரிக்கும் தொழில் செய்கிறார். ஒருநாள், அவரை அழைத்து, 'போதும், பத்து, பன்னிரெண்டு வருஷமாய் உழைத்தது... கடன் வாங்கு; உனக்கு, கண்ணாடி கதவுகளால் ஆன, கேபினை உருவாக்கு; ஊழியரை நியமி. நீ பார்க்கும் தொழில், நுரையீரலை பாதிக்கும் தன்மை கொண்டது. நீ, நிர்வாக பணிகளில் கவனத்தை அதிகரி. உன் மதிப்புமிக்க நேரம், எவர் வேண்டுமானாலும் செய்யக் கூடிய விஷயத்தில் விரயமாகிறது. உற்பத்தியை உயர்த்து; உடல்நலம் போற்று...' என்றேன்.
நான் சொன்னதற்கு, நல்ல பலன்; தற்போது, அவர் செவி சாய்த்திருப்பதாக, நண்பர் சொன்னார்.
வெள்ளைக்காரன் இங்கிருந்து நம்மை ஆண்டது போதாது என்று, இன்று, அவன் தேசத்திலிருந்தே நம்மை ஆள்கிறான்.
தோல் பதனிடும் தொழிற் சாலைகளை நம்மிடம் தள்ளி, நம் சுற்றுச்சூழலை மாசுபடுத்தினான்; சாயப்பட்டறைகளை நமக்கு தந்து, நீர் ஆதாரங்களை கெடுத்தான்.
இவ்விஷயங்களில், நாம் இன்று விழித்து கொண்டதால், மென் பொருள் (சாப்ட்வேர்) என்றும், மருத்துவ குறிப்புகள் என்றும் நம் இளைஞர்களை, 12 முதல், 14 மணி நேரம் பிழிந்தெடுக்கிறான்.
'எனக்கு எவ்வளவு சம்பளம் தெரியுமா... எவன் குடுப்பான் இவ்வளவு...' என்று, நம்மவர்களும் வீடு தங்காமல், விடுமுறை எடுக்காமல், உழைத்து மாள்கின்றனர்.
விளைவு... இளம் வயதிலேயே, இதய நோயாளியாகின்றனர்; 'ஸ்ட்ரெஸ்' மற்றும் 'டிப்ரஷன்' என்கின்றனர்.
மன மகிழ்ச்சி என்பது, சம்பாதிப்பதில் மட்டுமே இருப்பதாக நம்புவோர், விளக்கொளியில் மாயும் விட்டில் பூச்சிகளே!
உழைக்க மட்டுமல்ல; களைப்புறவும் கற்று கொள்ள வேண்டும்.
நண்பர் மகனுக்கு சொன்னது தான், மற்றவர்களுக்கும்!

லேனா தமிழ்வாணன்

Advertisement

 



Advertisement
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (1)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
A. Sivakumar. - Chennai,இந்தியா
19-மார்ச்-201717:45:07 IST Report Abuse
A. Sivakumar. அருமையான கட்டுரை. நன்றிகள் பற்பல
Rate this:
Share this comment
Cancel

உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.