இது உங்கள் இடம்!
Advertisement
 
 
 
Advertisement
dinamalar-advertisement-tariff-2018
 
Advertisement
 
எழுத்தின் அளவு:
Advertisement

பதிவு செய்த நாள்

12 ஆக
2018
00:00

தனக்கு கிடைக்கவில்லை என்றால்...
என் உறவுக்கார பெண்ணுக்கு, ஒவ்வொரு முறையும் திருமணம் கைகூடி வரும் நேரத்தில், அவரை பற்றி தவறான செய்திகள், மாப்பிள்ளை வீட்டாருக்கு போய் சேர, திருமணம் நின்று விடும்.
இதனால், மிகுந்த மன உளைச்சலுக்கு ஆளாகியது, உறவுக்கார பெண்ணின் குடும்பம். ஒவ்வொரு முறையும் திருமணம் நின்று போகும் சமயத்தில், அவளுடன் அலுவலகத்தில் பணிபுரியும் ஆண் ஒருவர், ஓடோடி வந்து அப்பெண்ணுக்கு ஆறுதல் சொல்வார்.
இதனால், அவருடைய நடவடிக்கைகளை ரகசியமாய் கண்காணித்த போது, அவர் தான், குற்றவாளி என்பதை கண்டுபிடித்து, 'ஏன் இப்படி செய்தீர்கள்...' எனக் கேட்டோம்.
'நான், அப்பெண்ணை உயிருக்குயிராய் காதலிக்கிறேன்; அவளோ, என்னை, உடன் பணிபுரியும் நண்பனாக மட்டுமே கருதுகிறாள். அதனால் தான் அவளை பற்றி தவறான விஷயங்களை பரப்பி, அவளை யாரும் திருமணம் செய்ய முன் வராத நிலையை ஏற்படுத்தினேன். இனி, நம்மை கல்யாணம் செய்து கொள்ள யாரும் வரமாட்டார்கள் என, அவள் விரக்தி நிலைக்கு போகும்போது, நான் இருக்கிறேன் என்று சொல்ல நினைத்தேன்...' என்றார்.
அப்போது, என் உறவுக்கார பெண், 'நீ முதலிலேயே உன் விருப்பத்தை கூறியிருந்தால், நானும், ஓ.கே., சொல்லி இருப்பேன்; ஆனால், உன் சுயநலத்துக்காக, என்னை மிகவும் மோசமான பெண்ணாக்கி, கேவலப்படுத்தி விட்டாய். இனி, உன்னுடன் வாழ்வதை நினைத்துக் கூட பார்க்க முடியாது. நண்பனாக இருந்ததால், மன்னிக்கிறேன்; என் முகத்தில் விழிக்காதே...' என, ஆவேசமாய் கூறி அனுப்பினாள்.
காதலைத் தெரிவிக்க எத்தனையோ நேர்மையான வழிகள் இருக்கும் போது, குறுக்கு வழியில் ஈடுபட்டால், மூக்குடைந்து போவது தான் மிச்சமாகும்!
— பி.சுமதி, சென்னை.

தேசத்தை போற்றுவோம்!
எங்கள் கிராமத்தில், ஓய்வுபெற்ற முன்னாள் ராணுவ வீரர் ஒருவர் வசிக்கிறார்; ஓய்வு பெற்றது முதல், 20 ஆண்டுகளாக, தொடர்ந்து ஒவ்வொரு ஆண்டும், சுதந்திர தினம் மற்றும் குடியரசு தின நாட்களில், தவறாமல் தன் வீட்டு முன், தேசியக் கொடி ஏற்றி, மரியாதை செய்வது, அவரது வழக்கம்.
இதுபோன்ற தினங்களில், பெரியவர், சிறியவர் என எந்த வித்தியாசமுமின்றி, அனைவருக்கும் அழைப்பு விடுத்து, அவர்கள் முன் தேசிய கொடியை ஏற்றி, இனிப்பு வழங்குவதோடு, தேச பக்தி மற்றும் அதன் முக்கியத்துவம் குறித்து உரையாற்றி, 'தேசிய கீதம்' பாடி, நிகழ்ச்சியை முடிப்பார்.
மிக எளிமையாகவும், உண்மையான தேச பக்தியுடனும், 20 ஆண்டுகளுக்கும் மேலாக தொடர்ந்து சேவை செய்து வரும் அவருடைய இச்செயல், ஒரு முன்னுதாரணமாக உள்ளது.
பள்ளி, கல்லுாரி, அரசு அலுவலகங்கள் மட்டுமின்றி, ஒவ்வொரு கிராமத்திலும், தெருவிற்கு ஒருவராவது சுதந்திர தினம் மற்றும் குடியரசு தினத்தன்று இதுபோல் கொடியேற்றி, அதற்கான முக்கியத்துவத்தை உரைப்பது, இளம் தலைமுறையினருக்கு, இந்த தேசத்தின் மீதான மதிப்பையும், பற்றையும் உயர்த்தும்.
கிராமங்கள் தோறும் இதை கடைப்பிடிக்கலாமே!
பி.புண்ணியமூர்த்தி, அய்யம்பேட்டை.

கிராம மக்களின் யோசனை!
கிராமத்தில் இருக்கும் தோழி வீட்டுக்கு சென்றிருந்த போது, மாதாந்திர கூட்டம் நடைபெறும் இடத்திற்கு போக வேண்டும் என, அவசரப்பட்டாள்.
அதுபற்றி அவளிடம் விசாரித்தபோது, டெங்கு, மலேரியா என மர்ம காய்ச்சல் பரவுவதால், கிராமத்தை துாய்மையாக வைத்திருக்க வேண்டும் என, ஊர் கூட்டத்தில் முடிவு செய்யப்பட்டுள்ளது. அதன்படி, ஊர் தலைவர் போன்றே, மற்றொரு நபருக்கு சுகாதார துறை பொறுப்பு வழங்கப்பட்டுள்ளது.
இவர்கள், கிராமத்து இளைஞர்களை ஒன்றிணைத்து, ஞாயிறுதோறும் கிராமத்தை சுத்தம் செய்யும் பணியில் ஈடுபடுவர். இதனால், இப்போது, எங்கள் கிராமத்தில் கொசுக்களே இல்லை.
மாதம்தோறும் கிராம சபை கூட்டம் நடக்கும்; கிராம வளர்ச்சி, சுகாதாரம் பற்றி பல விஷயங்களை கலந்தாலோசிப்போம் என்று கூறி, கூட்டத்திற்கு கிளம்பினாள்.
எல்லா உதவிகளுக்கும் அரசை எதிர்பார்க்காமல், மற்ற கிராமத்தாரும் இதுபோன்ற செயல்களை பின்பற்றினால், நோய் இல்லா துாய்மையான சமுதாயத்தை உருவாக்கலாமே!
— ம.புனிதா, கோவை.

Advertisement

 



Advertisement
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (6)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Natarajan Ramanathan - தேவகோட்டை,இந்தியா
13-ஆக-201815:33:18 IST Report Abuse
Natarajan Ramanathan வட இந்தியாவிலும், குறிப்பாக புதுடில்லியிலும் நான் பார்த்தவரை வட இந்தியர்களுக்கு நம்மைவிட தேசப்பற்று மிக அதிகம். சென்றவாரம் புதுடில்லி சென்றபோதுகூட தன்னார்வலர்கள் பல இடங்களில் தேசியக் கொடியுடன் சிறு சிறு ஊர்வலங்களாக சென்றதையும், பலரும் தங்கள் வாகனத்தில் தேசியக்கொடி பறக்க சென்றதையும் பார்த்தேன்.
Rate this:
Share this comment
Cancel
D.Ambujavalli - Bengaluru,இந்தியா
12-ஆக-201808:55:59 IST Report Abuse
D.Ambujavalli உண்மையில் சொல்லப்போனால் அரசின் மெத்தனம், லஞ்ச ஊழல் காரணமாக தண்டமான வேலைகளைவிட, தன்னார்வர்களேன் பணியே நேர்த்தியாக பல இடங்களில் உள்ளது. சேவை மனப்பான்மையுடைய இத்தகையவர்களே போற்றுதலுக்குரியவர்களாவர்
Rate this:
Share this comment
Cancel
skv - Bangalore,இந்தியா
12-ஆக-201807:33:02 IST Report Abuse
skv<srinivasankrishnaveni> முதலாவது கேனத்தனம் +ஈனத்தனம் என் தோழியின் மக்களால் செய்தது அவள் ஒருவனை நேசித்தால் அவன் அவளை திருமணம் செய்துண்டு மும்பைலே விற்கப்போறான் என்று தெரியவந்ததும் விழித்துக்கொண்டா தன பெற்றோர் பார்த்தவரனுக்கு வாழ்க்கைப்பட்டு இனிதாக இருக்காள் பணம் என்ற பிசாசுக்கு இன்று இலைஞர்கள் எவ்ளோகேவலம் காலே ஈடுபடுறாங்க பெண்களோ பல கேவலமான செயல்களையும் செய்ய ரெடியா இருக்காளுங்க ம்ம்ம்ம். தேசியகீதம் தேசபக்தி தேசத்தை நேசிப்பது எல்லாம் இன்று இல்லீங்க பணம் தான் பிரதானம் என்று வாழவே விரும்புதுங்க ஆண் /பெண் பேதமே இல்லாது கண்டபடி அலையுறாங்க குடிக்கிறாங்க தன குலா வழக்கம் காலை வெறுக்கிறாங்க இதெல்லாம் கலாசார அழிவுதான் வீடுகளை எப்படி சுத்தமா வச்சுருக்கோம் அதேபோலத்தான் நமது சுற்றுப்புறமும் நம்ம தெறுசுத்தம் ஆனால் கிராமமே சுத்தம் ஆவும் நகரத்திலும் இதுபரவவேண்டும் வாழ்க அந்த தோழி
Rate this:
Share this comment
Vijay - Bangalore,இந்தியா
13-ஆக-201808:21:00 IST Report Abuse
Vijayமறுபடியும் ஆரமிச்சிடீங்களா என் ஒன்னு விட்ட தோழி , ஒன்னு விடாத தோழி என்று .....
Rate this:
Share this comment
Cancel

உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X