தெப்பத் திருவிழா - தெப்பம்
Advertisement
 
 
 
Advertisement
dinamalar-advertisement-tariff-2018
 
Advertisement
 
எழுத்தின் அளவு:
Advertisement

பதிவு செய்த நாள்

19 பிப்
2012
00:00

வேடிக்கையும் வினோதமுமாகப் பொழுதைக் கழிக்க யாருக்குத்தான் விருப்பமில்லை? தன் மக்களின் இயல்பை அறிந்த இறைவன், தானும் அத்தகைய விளையாட்டுகளில் ஈடுபடுபவனாகக் காட்டிக் கொள்கிறான்.
நாம் ஓடமும் பரிசிலும் ஏறி, ஆற்றிலும் ஏரியிலும் போய் மகிழ்கிறோம். கடவுளும் இத்தகைய ஆடல்களைச் செய்கிறான். அல்லது, மனிதன் தன்னுடைய கேளிக்கைகளில் இறைவனையும் பங்குபெறச் செய்து மகிழ்ச்சியடைகிறான். அதற்கென பல விழாக்கள்!
அவற்றும் ஒன்று, தெப்பத்திருவிழா.
பெரிய ஆலயங்களில் ஆண்டுக்கு ஒரு முறை தெப்பத் திருவிழா நடைபெறும். இதற்கெனவே பெரிய தெப்பக்குளம் அமைக்கப்பட்டிருக்கும். மதுரையில் உள்ள வண்டியூர் தெப்பக்குளமும், திருவாரூர் கமலாலயமும், மன்னார்குடி ராஜகோபாலசுவாமி தெப்பக்குளமும் மிகப்பெரியவை; பிரமாண்டமானவை.
இத்தகைய தெப்பக்குளங்களின் நடுவில் நீராழி மண்டபம் உண்டு.
பிறவி என்னும் கடலில் விழுந்தவர்களைத் தன் கருணை என்னும் தெப்பத்தில் ஏற்றி முத்தி என்னும் கரையில் சேர்ப்பவன் இறைவன் என்பதைத் தெப்பத் திருவிழா காட்டுவதாக ஐதிகம். “யாது நிலையற்றலையும் ஏழு பிறவிக்கடலை ஏறவிடும் நற்கருணை ஓடக்காரனும்’ என்று அருணகிரிநாதர் பாடுகிறார்.
தெப்பத்தை மிதக்க விடுவதற்கு முன்னே அதை அமைப்பதே ஒரு கலை. மிதப்பதற்கு வேண்டிய அடிப்பகுதியைத் தயார் செய்த பிறகு, மேலே மண்டபம் போல அமைத்து அதை அலங்காரம் செய்கிறார்கள்.
கீழே பீப்பாய்களை வரிசையாக இணைத்து அவற்றின் மேலே மூங்கில்களையும் மரங்களையும் கட்டிப் பரப்பினால் தெப்பத்தின் அடிப்பரப்புத் தயாராகி விடுகிறது. அதற்கு மேல் கம்பங்களைக் கட்டி அணி செய்கிறார்கள்.
சித்திரத் தட்டிகளைச் சுற்றிலும் கட்டி, அலங்காரச் சிறிய மண்டபம் ஒன்று மிதப்பது போன்ற தோற்றம் அளிக்கும்படி செய்து விடுகிறார்கள். மின்விளக்கு வரிசைகளையும் இணைக்கிறார்கள்.
கனம் குறைவான ஒட்டுப்பலகைகள் கொண்டு தெப்பத்தின் தூண்கள், மேல்தளம் போன்றவை அமைக்கப்படுகின்றன. காரணம், பாரம் குறைவான பொருட்களால் தெப்பம் கட்டப்பட்டால்தான். அது நீரில் மிதக்கவும், எளிதாக செலுத்தப்படவும் முடியும்.
இப்போது தெப்பம் காண்போர் பிரமிக்கும்படி அற்புத வடிவெடுத்து விட்டது.
இதன்மேல், உயரமாக அமைத்த பீடத்தில் உற்சவமூர்த்திகளை எழுந்தருளச் செய்கிறார்கள்.
இறைவன் தெப்பத்தில் எழுந்தருளியதும், தெப்பத்தைக் கோல் கொண்டு நெம்புகோல் போல் ஊன்றித்தள்ளி, நீரில் செலுத்துகிறார்கள்.
இறைவன் பவனி வரும்போது தெப்பத்தில் வாத்தியக்காரர்களும் அமர்ந்து நாதஸ்வர மங்கள வாத்தியம் இசைத்தபடியே வருவார்கள். தெப்பத்தில் அமர்ந்தபடியே ஓதுவார்கள் தேவார பாராயணம் செய்வதுண்டு.
இரவிலே இந்தத் தெப்பம் நீரில் மெதுவே நகரும் காட்சி பக்தர்களுக்குப் பரவசமூட்டுகிறது. அலங்கார விளக்குகள் தக தகவென ஒளிர்கின்றன. இதனால் தெப்பத்தின் பிரதி பிம்பம் நீரில் விழுந்து அழகு மிளிர்கிறது.
குளத்தின் ஒவ்வொரு திசையில் உள்ள ஒவ்வொரு படித்துறை அருகிலும் தெப்பம் வந்து நிற்கும். அப்போது பக்தர்கள் தெப்பத்திற்குள் சென்று இறைவனை வழிபட அனுமதிக்கப்படுவர். பெரும்பாலும் சிறுவர்களை அனுமதிப்பதில்லை - அவர்கள் கவனக்குறைவாக தண்ணீரில் விழுந்துவிடக்கூடாது என்பதற்காக!
ஒவ்வொரு பெரிய ஆலயத்திற்கும் தலவிருட்சம் இருப்பதுபோல், தீர்த்தமும் உண்டு. அந்த தீர்த்தத்தின் இறைத் தன்மையைப் போற்றவே தெப்பவிழா நடத்தப்படுகிறது.
தெப்பத் திருவிழாக் காட்சி குழந்தைகளுக்குக் கொண்டாட்டம்! குழந்தைகளைக் கண்டதும் மிட்டாய், பலூன் வியாபாரிகளுக்கும் கொண்டாட்டம். தெப்பம் பக்தர்களுக்குப் பரவசம்; சிறுவர்களுக்கு வினோதம்; ஊரார்க்கு உற்சாகம்!

- அனிதா கார்த்திக்

Advertisement

 



Advertisement
வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X