@ ஸ்டாலின் ட்வீட்ஸ்

ஸ்டாலின்

தானே, வர்தா, ஓகி வரிசையில் #CycloneGaja பெரும் சேதம் ஏற்படுத்தி இருப்பதை இன்று டெல்டா மாவட்டங்களில் பார்க்கிறேன். அப்பாவி மக்கள் முதல் விவசாயிகள், மீனவர்கள் வரை அனைவரின் வாழ்வாதாரமும் கடுமையாக பாதிக்கப்பட்டுள்ளது. மேலும், 36 பேர் உயிரிழந்திருப்பது உச்சகட்ட வேதனை!
நவம்பர் 17,2018

கஜா புயல் சீற்றத்தால் தமிழ்நாடு மீண்டும் பாதித்துள்ளது. தமிழக பேரிடர் மீட்பு படை முன்னேற்பாடுகள் மேற்கொண்ட விதம் பாராட்டிற்குரியது! அதன் தொடர் நடவடிக்கைகளுக்கு ஆட்சியாளர்கள் ஒத்துழைக்க வேண்டும். புயலால் ஏற்பட்ட பாதிப்புகளைச் சரிசெய்வதில் புயல் வேகத்துடன் அரசு இயந்திரம் இயங்கிட வேண்டியது அவசியம்! நவம்பர் 16,2018

நெஞ்சமெல்லாம் நிறைந்திருக்கும் தமிழினத்தின் பேராசான் தலைவர் கலைஞர் அவர்கள் நிரந்தர ஓய்வெடுத்து இன்றோடு 100 நாட்கள்! 80ஆண்டுகளுக்கு மேலான பொதுவாழ்வில் தோல்வி ஏற்படினும் துவண்டு போகாமல், வீண்பழி சுமத்திய வீணர்களை ஜனநாயக அறவழியில் விரட்டிய அதே வழியில் நாமும் பயணிக்க உறுதியேற்போம்! நவம்பர் 15,2018

பட்டாசு வெடிக்கத் தடை; உற்பத்தி செய்வதில் கட்டுப்பாடு என பட்டாசு உற்பத்தியாளர்களுக்கு நெருக்கடி கொடுத்ததன் விளைவு, 1100தொழிற்சாலைகள் வேலைநிறுத்தம்!
பல லட்சம் தொழிலாளர்கள் வேலை இழக்கும் அபாயத்தை தடுக்க, உடனடியாக மாநில அரசு பேச்சுவார்த்தை நடத்தி, மத்திய அரசிடம் வலியுறுத்த வேண்டும் நவம்பர் 14,2018

குரூப்2 தேர்வு வினாத்தாளில் தந்தை பெரியாருக்கு 'சாதிப்பட்டம்' சூட்டப்பட்டிருக்கும் கொடுமை!
கேள்வித்தாள் தயாரித்தவருக்கும், மேற்பார்வை செய்தவர்களுக்கும் முதலில்தமிழ்நாடு - ஈரோடு தெரியுமா?
இதற்குக் காரணமானவர்களை பணி நீக்கம் செய்வதோடு, தமிழக அரசு பகிரங்க மன்னிப்பு கேட்க வேண்டும்! நவம்பர் 12,2018

அன்பு நண்பர் 'கலைஞானி' கமல்ஹாசன் அவர்களுக்கு பிறந்தநாள் வாழ்த்துகள். வாழ்க வளமுடன்! நலமுடன்! நவம்பர் 07,2018

தேசத்தைப் பாதுகாக்க இது ஜனநாயக நிர்பந்தம்' என்று சந்திரபாபு நாயுடு அவர்கள் சொன்னதை நான் வழிமொழிகிறேன் ! மாநில சுயாட்சியைப் பறிக்கும் மத்திய பா.ஜ.க அரசை வீழ்த்த அனைத்து மாநிலக் கட்சிகளும் ஒருங்கிணைய வேண்டும்! நவம்பர் 02,2018

சேலத்தில் 13வயது ராஜலட்சுமியை பாலியல் வன்கொடுமைசெய்து,தலையை துண்டித்த அரக்கனை குண்டர் சட்டத்தில் சிறைக்குள் தள்ளாமல், மனநிலை சரியில்லாதவர் என்று சித்தரிப்பதாக தெரிகிறது. முதலமைச்சர் மாவட்டத்தில் கொடுங்குற்றத்திற்கு நீதி வழங்கும் லட்சணம் இதுதானா? இரும்புக்கரத்தால் அடக்க வேண்டும் நவம்பர் 01,2018

வங்கத்தில் நேதாஜி; தமிழகத்தில் பசும்பொன் முத்துராமலிங்கத் தேவர்' என தலைவர் கலைஞர் அவர்களால் போற்றப்பட்ட, பசும்பொன் தேவர் அவர்களின் ஜெயந்தி விழாவில் கலந்துகொண்டு மரியாதை செலுத்தினேன்! அக்டோபர் 30,2018

தமிழ்நாட்டில் ஓராண்டு காலமாக MLA- க்கள் இல்லாத 18 தொகுதிகளுக்கும், இடைத்தேர்தல் நடைபெறாமல் இருக்கும் திருப்பரங்குன்றம், திருவாரூர் தொகுதிகளுக்கும் சேர்த்து, 20 தொகுதிகளுக்கு விரைவில் தேர்தல் நடத்த தேர்தல் ஆணையம் முன்வர வேண்டும்! தி.மு.கழகம் மக்களை சந்திக்க தயாராக இருக்கிறது! அக்டோபர் 25,2018

லோக் ஆயுக்தா அமைக்க தமிழக அரசுக்கு விருப்பமில்லையா? - உச்சநீதிமன்றம் காட்டமான கேள்வி! ஜூலை மாதம் கொண்டுவரப்பட்ட அமைப்புக்கு இன்னும் தலைவர் நியமிக்கப்படாமல் இருப்பதிலிருந்தே தெரிகிறது தமிழக அரசின் ஆர்வம்!ஒருவேளை அமைத்தால், கேபினட் முழுவதுமே சிறைக்குப் போக வேண்டிவரும் என்ற அச்சமோ? அக்டோபர் 24,2018

ஆன்லைன் டெண்டரில் ஊழல் நடக்க வாய்ப்பே இல்லை' என முதல்வர் பேசிய 24 மணி நேரத்தில், சென்னை #SmartCity டெண்டரில் 180கோடி ரூபாய் முறைகேடு குறித்து @NewIndianXpress கட்டுரை வெளியிட்டுள்ளது. இத்திட்டத்தில் தமிழகத்தில் நடக்கும் ஊழலை மட்டும் பிரதமர் அலுவலகம் கண்டுகொள்ளாமல் இருப்பது ஏன்? அக்டோபர் 23,2018

Advertisement
dinamalar-advertisement-tariff-2018
Advertisement

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X