Advertisement
Swamidhason Francis : கருத்துக்கள் ( 20 )
Swamidhason Francis
Advertisement
Advertisement
ஜூன்
18
2015
பொது பள்ளி புத்தகத்தில் கருணாநிதி, மாஜி அமைச்சர் பெயர் பக்கங்களை நீக்க அதிகாரிகள் ஆலோசனை
இதில் என்ன அரசியல் இருக்கிறது? என்ன குழப்பம் இருக்கிறது? இந்த பாடத்திட்டத்துக்கான மேம்பாட்டுக்குழு தலைவர் என்ற முறையில் முகவுரை எழுதிய பேராசிரியர் அப்போதைய முதல்வர் மற்றும் கல்வி அமைச்சர் பெயரைக் குறிப்பிடுகிறார். அந்த முகவுரை எப்போது அச்சிடப்பட்டாலும் அதே பெயர்கள் தானே இடம் பெற முடியும். ஒருவேளை முன்னாள் முதல்வரின் பெயரே இருக்ககூடாது என்ற கொள்கை அரசுக்கு இருந்தால் அந்த முகவுரையை நீக்கி விடலாம். அதை விடுத்து கருணாநிதியின் பெயருக்குப் பதிலாக இந்நாள் முதல்வரின் பெயரையா அதில் எழுத முடியும். இதில் ஏதோ பெரிய தவறு நடந்து விட்டது போல் செய்தி வெளியாகியிருப்பது ஆச்சரியம்.   11:20:47 IST
Rate this:
0 members
0 members
3 members
Share this Comment

ஜூன்
7
2015
அரசியல் நிலம் கையக சட்டத்தில் சமரசம் கிடையாது வெங்கைய்ய நாயுடு
நிலம் கையகப்படுத்தும் சட்டத்தை நிறைவேற்றுவதில் பி.ஜே.பி. அரசு காட்டும் தீவிரம், இரண்டு முறை காலாவதி ஆன பிறகு மூன்றாவது முறையும் அவசர சட்ட பிரகடனம் போன்றவை வளர்ச்சியின் பெயரால் செய்யப்பட்டாலும், அரசின் நோக்கம் எது உண்மையான வளர்ச்சி என்ற ஒரு அடிப்படை வாதத்துக்கு வித்திடுவதோடு, சில சந்தேகங்களையும் எழுப்புகிறது. குறிப்பாக, குஜ்ராத் மாநிலத்தில் இது போல அரசால் கையகப்படுத்திய நிலம் தொழில் தோடங்குவதற்காக, மோடியின் நண்பர் அதானி குரூப்புக்கு குறைந்த விலையில் கொடுக்கப்பட்டு, அதை அவர்கள் மூன்று மடங்கு அதிக விலைக்கு சில அரசு நிறுவனங்களுக்கே கோடுத்து கோடி கோடியாக லாபம் சம்பாதித்த விஷயம் பத்திரிகைகளில் கசிய ஆரம்பித்துள்ளது. ஆக, வளர்ச்சி பெயரால் தொழில் வளம் செழிக்க நிலம் கையகப்படுத்துகிறோம் என்று தீவிரம் காட்டும் அரசுக்கு, அதையும் தாண்டி தங்களை ஆதரிக்கும் தொழில் அதிபர்களுக்கு, குறைந்த விலையில் நிலங்களைத் தாரை வார்த்து நன்றிக்கடன் செலுத்த துடிக்கும் முயற்சியோ என்ற சந்தேகம் வருகிறது. விவசாய நிலங்களை கையகப்படுத்தும் போது பெரும்பான்மையானவர்களின் சம்மதம் தேவை என்ற சரத்தை ரத்து செய்வதில் ஏன் அரசு இவ்வளவு தீவிரமாக இருக்கிறது என்பது புதிராகவே உள்ளது.   10:20:14 IST
Rate this:
3 members
0 members
25 members
Share this Comment

ஜூன்
3
2015
அரசியல் மக்கள் இன்னும் விழிக்கவில்லையே பிறந்த நாளில் கருணாநிதி கவலை
நான் விழித்துக் கொண்டதால், கனவு காண்பதை நிறுத்தி விட்டேன், ஆனால் மக்கள் இன்னும் கனவில் இருக்கிறார்கள் என்று அவர் சொல்லியிருப்பது உண்மை தான். தமிழக மக்கள் ஒரு புதிய அரசியல் தலைவனைப் பற்றிய கனவில் தான் இருக்கிறார்கள்.இன்றைய தலைவர்கள் யாரும் கனவுத் தலைவர்களாக மக்களுக்கு தெரியவில்லை என்பது தான் உண்மை.   00:48:43 IST
Rate this:
22 members
0 members
3 members
Share this Comment

ஜூன்
2
2015
அரசியல் ஒரு ஓட்டுக்கு ஒரு கவுன்சிலர் அ.தி.மு.க., சூப்பர் திட்டம்
ஜே மீது வெறித்தனமாக பக்தி வைத்திருக்கும் லட்சக்கணக்கான அதிமுக தொண்டர்கள் முழு ஈடுபாட்டோடு தேர்தல் பணியாற்றி தமிழக அரசியலில் இதுவரை இல்லாத அளவு அவரை வெற்றிபெறச் செய்வார்கள் என்பதில் எந்த சந்தேகமும் இல்லை. நியாயப்படி பார்த்தால் கீழ் கோர்ட் தீர்ப்பால் இழந்த எம்.எல்.ஏ பதவியை, அந்த தீர்ப்பு ரத்தாகிய உடனே மறுபடியும் வழங்கியிருக்க வேண்டும். அதே அடிப்படையில் அவரை போட்டியின்றியே தேர்வு செய்வது தான் சரியாக இருக்கும். இதெல்லாம் ஒருபுறம் இருக்க, கர்நாடக அரசு செய்யும் மேல் முறையீட்டில் உச்ச நீதி மன்றம் ஒருவேளை, குமாரசாமியின் தீர்ப்பை நிறுத்தி வைத்து இடைக்கால தடை உத்தரவு போட்டால், ஆர் கே நகர் தேர்தலின் கதி என்னவாகும்?   00:39:47 IST
Rate this:
1 members
0 members
1 members
Share this Comment

மே
22
2015
பொது கல்வியியல் நோக்கில் இருந்து விலகும் பள்ளிக்கல்வி துறை கல்வியாளர்கள் கவலை
கல்வியாளர்கள் சொல்வது உண்மை தான். நமது கல்விமுறை, தேர்வு முறைகளில் அடிப்படை மாற்றம் தேவை. கல்வி என்பது தகவல்களை மனப்பாடம் செய்வதோ, பாடப் புத்தகத்தில் உள்ளதை அப்படியே எழுதி தேர்வில் மதிப்பெண் பெற்று விடுவதோ வித்தகக் கல்விக்கு வித்திடாது. முழுமையான ஒரு ஆளுமையை வளர்க்க சுயமாக சிந்திக்கவும், தனக்கே உரிய கண்ணோட்டத்தில் அறிவு சார்ந்த முடிவு எடுக்கவும் உரிய ஆற்றலை மாணவர்கள் கல்வியால் பெற வேண்டும். இன்று இண்டர்நெட்டில் கைவிரல் நுனியில் கிடைக்கும் தகவல்களை மனப்பாடம் செய்து மதிப்பெண் எடுக்க மாணவர்களை தயார் படுத்துவதே பள்ளிகளின் கடமை என்பது போல் அரசும், கல்வித்துறையும் செயல் படுவது வேதனை. எஸ்.எஸ்.எல்.சி என்றால் +2 வுக்கும், +2 என்றால் மேற்படிப்புக்குமான நுழைவுப் போட்டித் தேர்வுகளாக மாறிப் போனதால், கல்வியின் தரம் குறைந்து மதிப்பெண் கலாச்சாரம் வளர்ந்து, கல்வியின் நோக்கமே குறுகி, சிதைந்து கொண்டிருக்கிறது. ஒருபுறம் அதிக மதிப்பெண் எடுக்க பள்ளிகளே காலை 6.00மணி முதல் இரவு 8.00 மணி வரை டியூஷன் ஏற்பாடு செய்வதும், அதிக தேர்வு விகிதம் பெற முறைகேடுகள் செய்வதும் ஆரோக்கியமானதல்ல. இதே பாணியை அரசு கல்வித்துறையும் பின்பற்றி இதற்காக ஆசிரியர்களுக்கு கட்டாய இடமாற்றம் போன்ற நெருக்கடி கொடுப்பதும் மதிப்பெண் மைய கல்வியாக நம் கல்வியை மாற்றி விட்டது. புத்தகத்தையோ, மதிப்பெண்ணையோ, அதனால் அவனது மேற்படிப்புக்கு உத்தரவாதத்தையோ தருவது மட்டுமா கல்வியின் நோக்கம். இது இளம் பருவ மாணவரின் ஆளுமையின் ஒரு குறுகிய அம்சத்தை மட்டுமே கருத்தில் கொண்டு, நம் தேசத்தின் எதிர்கால மனித வளத்தையே ஊனப்படுத்துகிறது.   20:40:20 IST
Rate this:
0 members
0 members
1 members
Share this Comment

மே
15
2015
பொது தினமலர் ஆசிரியருக்கு வாழ்த்து
தொல்காப்பியர் விருது பெற்ற தினமலர் ஆசிரியருக்கு இதயங்கனிந்த இனிய வாழ்த்துக்கள். நாணய இயலில் அவர் செய்த ஆய்வுகள் தமிழனின் வரலாற்றுப் பெருமைகளுக்கு வெளிச்சம் போட்டது பாராட்டுக் குரியது. இரா. கி போன்ற பத்திரிகை ஊடக பலமுள்ள அறிஞர்கள் சிந்து சமவெளி நாகரீக புராதன காலத்தில் அங்கு வாழ்ந்தவர்கள் திராவிடர்கள் தானா, அவர்களின் மொழி தமிழ் தானா என்பதை உலகுக்கு அறிவிக்கும் ஆய்வுகளை முன்னெடுத்து தமிழுக்கும், தமிழ் சமூகத்துக்கும் இன்னும் பல்லாண்டு பல்லாண்டு தொண்டாற்ற வேண்டும்.   11:46:02 IST
Rate this:
0 members
0 members
4 members
Share this Comment

மே
11
2015
கோர்ட் ஜெ., விடுதலை தீர்ப்பின் முக்கிய அம்சங்கள்!
வருமானத்துக்கு அதிகமான சொத்து மதிப்பு 8.12% என்ற கணக்கீட்டின் அடிப்படையில் தான் விடுதலை அளிக்கப் பட்டுள்ளது. ஆனால், தீர்ப்பு நகலைப் படித்தவர்கள் நீதிபதி குறிப்பிடும் வருமான வரவுகளைக் கூட்டிப்பார்த்தால் 34.76 கோடியை விட மிகவும் குறைவாகவே வருவதாகவும், அதனால் வருமானத்துக்கு அதிகமாக 2.82 கோடியல்ல, அதை விட 15 கோடிகள் அதிகம் என்று சுட்டிக்காட்டுகிறார்கள். இது உண்மையென்றால் 10% க்கு குறைவாக முறைகேடான வருமானம் இருப்பதால் விடுதலை செய்கிறேன் என்ற தீர்ப்பின் அடிப்படையே உடைகிறது. இந்த தீர்ப்பு ஜே.க்கு விடுதலையைக் கொடுத்திருந்தாலும் இது நேர்மையாக, நடுநிலையாக, சட்ட ஆய்வு செய்யப் பட்டு வழங்கப் பட்ட தீர்ப்பு என்பதை, தீர்ப்பு நகலைப் படிப்பவர்கள், நம்ப மறுக்கிறார்கள். இது நம் நீதித்துறை மீது மக்களுக்கு இருக்கும் நம்பிக்கையை கேள்விக்குறியாக்குகிறது, ஜே. ஊழல் செய்தது உண்மை தான், குற்றவாளிதான், இருந்தாலும் தன் செல்வாக்கால் விடுதலை பெற்று விட்டார் என்ற கருத்தை மக்கள் மனதில் இன்னும் ஆழமாகப் பதிவு செய்கிறது.   00:22:52 IST
Rate this:
3 members
0 members
5 members
Share this Comment

மே
10
2015
அரசியல் தி.மு.க., துவக்கியது அ.தி.மு.க., வளர்த்தது
அதிகாரிகள் மட்டத்திலேயிருந்து, அமைச்சர்கள் வழியாக கட்சி மேல்மட்டம் வரை இந்த கமிஷன் கலாச்சாரம் பரவியிருப்பதும், இது மாநிலம் மட்டுமல்லாமல் மத்தியை ஆளும் எல்லா கட்சிகளும் கட்சி நிதி திரட்டும் ஒரு யுக்தியாக கையாளுவதும் நம் நாட்டு அரசியல் சாபம். முதல் போட்டு லாபம் எடுக்கும் வியாபாரமாக அரசியல் களம் இருக்கும் வரை, கட்சிகளின் நிதி நிலைமையும், கொடையாளிகளும் வெளிப்படையாக்கப் படாத வரை அவ்வப்போது பரபரப்பு தரும் இது போன்ற செயல்களால் எந்த பயனும் இல்லை. சாதுரியமாக கமிஷன் வாங்குபவர்கள் அரசியல் மேதைகள். சாதுரியம் கைவராத ஊழல் வாதிகள் மட்டுமே மாட்டிக் கொள்ளும் துரதிஸ்ட சாலிகள்.   21:01:55 IST
Rate this:
0 members
0 members
1 members
Share this Comment

ஏப்ரல்
25
2015
அரசியல் கண்ணகி பிரார்த்தனையில் அ.தி.மு.க.,வினர் ஜெயலலிதாவுக்காக வேண்டுதல்
உப்பைத் தின்றவன் தண்ணீர் குடித்தே ஆக வேண்டும் என்பது இயற்கை விதி. தவறு செய்தவர்கள் யாராக இருந்தாலும் தண்டனை பெற்றே ஆக வேண்டும். ஆனாலும் நாம் தவறு செய்து மாட்டிக் கொண்டால் அதிலிருந்து தப்பிக்க எல்லா முயற்சிகளையும் எடுப்பத்தில்லையா, அதுபோல் தான் இதுவும். அதிகாரத்தில் இருக்கும்போது கண்ணகியை ஒரு பொருட்டாக மதிக்காமல் சிலையை அகற்றியவர்கள் இன்று அதே கண்ணகியின் காலடியில் பச்சாதாபத்தோடு வரம் வேண்டி மண்டியிட்டுக் கிடப்பது தான். தர்ம சக்கரத்தின் சுழற்சியோ? எதைத் தின்றால் பைத்தியம் தெளியும் என்ற படபடப்பில் ஜோதிட வைத்தியர்களை நாடும் இவர்கள் நிலையை நினைத்தால் பரிதாபமாகத்தான் இருக்கிறது.   12:35:01 IST
Rate this:
0 members
0 members
128 members
Share this Comment

ஏப்ரல்
24
2015
அரசியல் ரேஷன் ஊழியர் தற்கொலையால் உணவுத்துறை மந்திரிக்கு சிக்கல்?
தற்கொலை கோழைத்தனமானது ஆனால், ஒரு மனிதனை மன உளைச்சலுக்கு ஆளாக்கி இந்த விபரீத முடிவெடுக்க யாராவது தூண்டுதலாக இருந்ததாக நிரூபணமானால் அவர்கள் நிச்சயமாக தண்டிக்கப் பட வேண்டும்.விவசாயிகள் தற்கொலைகளையும், அரசு ஊழியர்களின் தற்கொலையையும் ஒரே கண்ணோட்டத்தில் பார்ப்பது சரியல்ல. ஆனாலும் ஆழமாக விசாரிக்காமல் அரசியலுக்காக யாரையும் குற்றம் சொல்வது வேதனையான ஒரு மரணத்தில் அரசியல் ஆதாயம் தேடும் மலிவான மனநிலை. இருந்தாலும், இது போன்ற ஒரு அரசு அதிகாரி தற்கோலை தோடர்பாக ஒரு அமைச்சரே கைதாகி சிறையில் இருப்பதும், அன்றாடம் வெளிவரும் திடுக்கிடும் செய்திகளும், இது போன்ற மரணங்கள் ஆழமாகவும் பாரபட்சமில்லாமலும் விசாரிக்கப் பட வேண்டியவை என்பதையே உணர்த்துகின்றன. அதற்கான அழுத்தத்தை அரசுக்குக் கொடுக்க வேண்டியது சமூக ஆர்வலர்களுக்கும், மீடியாக்களுக்கும் தார்மீகக் கடமை.   12:23:06 IST
Rate this:
0 members
0 members
5 members
Share this Comment