E-paper| Mobile Apps

iPad

iPad E-paper

iPhone

Android

Android Tablet

Windows

Windows 8

Blackberry

bbicon OS 10

Mobile Election

| Get Font | Site Map |  RSS Feed
Advertisement
Michael : கருத்துக்கள் ( 84 )
Michael
Advertisement
Advertisement
செப்டம்பர்
4
2013
கோர்ட் கிரிமினல் வழக்குகளில் தண்டனை பெறும் அரசியல்வாதிகளுக்கு சிக்கல் எம்.பி., - எம்.எல்.ஏ., பதவியை பறிக்கும் உத்தரவு சரிதான்
கட்சி எல்லைகளைத் தாண்டி அனைத்துக் கட்சிகளும், உச்ச நீதிமன்றத்தின் இந்த வரலாற்று முக்கியத்துவம் வாய்ந்த தீர்ப்பை எதிர்த்ததை வைத்தே இந்தியாவின் அரசியல் எந்த இலட்சணத்தில் இருக்கிறது என்பதை புரிந்துகொள்ள முடியும். மோடியை தூக்கி வைத்து போற்றிப் புகழும் பல விசைப்பலகை புலிகளும், அவர் சார்ந்திருக்கும் பிஜேபி யும் உச்ச நீதிமன்றத்தின் இந்த தீர்ப்பை எதிர்த்ததற்கு விளக்கம் கூறினால் சிறப்பாக இருக்கும். உண்மையில், காங்கிரசுக்கும், பிஜேபி க்கும் கிடைத்திருக்கும் அற்புதமான வாய்ப்பு இது. பல மாநிலங்களிலும், பொறுக்கிகள் பலரும் இந்தக் கட்சிகளுக்குக் கொடுத்துக்கொண்டிருக்கும் குடைச்சல்களுக்கு எதிரான பிரமாஸ்திரம் இந்த நீதிமன்ற தீர்ப்பு. சமாஜ்வாடியோ, மாயாவதியின் கூடாரமோ, இங்கே நம்ம கழகங்களோ எதிர்ப்பதை இவர்களின் தகுதி கருதி சகித்துக் கொள்ளலாம். ஆனால் தேசியக் கட்சிகளான காங்கிரசும் பிஜேபியும், இந்தத் தீர்ப்பை எதிர்த்து பாராளுமன்றத்தில் கொண்டுவந்த திருத்தத்தை என்னால் ஜீரணிக்க முடியவில்லை. நல்ல அரசியல் இன்றி நல்ல நாடு இல்லை. மீண்டும் மீண்டும் நாம் வீழ்கிறோம், சிறப்பான அரசியல் அமையாததால்...   16:07:48 IST
Rate this:
0 members
0 members
0 members
Share this Comment

ஜூலை
16
2013
பொது திருமலையில் கிடைத்த பைபிள் மத பிரசாரம் காரணமா?
கோரக். குமார், உங்களின் இந்தக் கருத்து உண்மை என்றால், மதம் மாற்றமுடியாத அல்லது மாறாத இந்துக்கள் எல்லோரும் டாட்டா பிர்லா ரேஞ்சுக்கு பணக்காரர்களா??? அதேபோல மாறிவிட்ட அனைவருக்கும் கூரையைப் பிய்த்துக்கொண்டு, நீங்கள் கூறும் இந்த அந்நியக் கைக்கூலிகள் அள்ளிக் கொடுக்கிறார்களா?? உங்கள் உணர்வை என்னால் புரிந்து கொள்ள முடிகிறது. உங்களுக்கு வேண்டிய நெருங்கிய ஒருவர் வேறு ஒரு மதத்தை தழுவும்போது பிரிவினால் உண்டாகும் வலியை என்னால் உணர முடிகிறது. ஆனால் அவர் பணத்தால்தான் உங்களைப் பிரிந்தார் என்று நீங்கள் குற்றம் சாட்டுவது தவறு. அதில் உண்மை கிடையாது.   12:02:46 IST
Rate this:
46 members
0 members
12 members
Share this Comment

ஜூலை
16
2013
பொது திருமலையில் கிடைத்த பைபிள் மத பிரசாரம் காரணமா?
உண்மையிலேயே, மதச்சார்பற்ற பெருவாரியான மக்கள் வாழும் மதச்சார்பற்ற இந்நாட்டில், "திருமலையில் அன்னிய மதப்பிரசாரம் செய்யக்கூடாது மீறினால், தண்டிக்கப்படுவர்' என்பது போன்ற ஒரு சட்டம் சட்ட விரோதமானது, இப்படி ஒரு சட்டத்தை இயற்ற மாநில அரசுக்கு அதிகாரம் இல்லை, அதனால் அது யாரையும் கட்டுப்படுத்தாது என்றே நினைக்கிறேன். மத விசயங்களைப் பற்றிய செய்திகளை வெளியிடும்போது செய்தி நிறுவனங்கள் சமூகப்பொறுப்புடனும், உணர்வுப்பூர்வமாகவும் நடந்து கொள்ள வேண்டும். ”போட்டுச் சென்றுள்ளனரா” என்று எழுதுவதற்கு பைபிள் ஒன்றும் குப்பை கிடையாது. “வார்த்தையே கடவுள்” என்று நம்பும் உலகின் பெருவாரியான மக்களின் புனித நூல் என்பதை நினைவில் கொள்ள வேண்டும். இந்த நாட்டில், சிறுபான்மையினரின் புனித இடங்களும் ஒரு சில இருக்கின்றன. அதற்காக அங்கெல்லாம் இந்துக்கள் வரக்கூடாது என்று சொல்வதும், இந்து புனிதநூல்கள் அங்கெல்லாம் கண்ணில் படக்கூடாது என்று மிரட்டுவதும் எவ்வளவு அபத்தமோ அவ்வளவு அபத்தம் திருமலையில் பைபிளை பறிமுதல் செய்து நடவடிக்கை எடுக்கிறேன் என்ற பெயரில் அரங்கேறியிருக்கும் சிறுபிள்ளைத்தனம். மதப்பிரசாரத்துக்கும் ஒரு சிறு குழந்தையின் கையில் இருந்த பைபிளுக்கும் என்ன சம்பந்தம்?? நாம் ஒன்றும் சவுதி அல்ல, மதப் பைத்தியக்காரத்தனத்தின் உச்சத்தில் உலவிக்கொண்டிருக்க. ஒரு கிறிஸ்தவன் என்பதால் மட்டும் நான் இப்படி எழுதவில்லை, தேசத்தை நேசிக்கும் ஒருமனிதனாக, மதச்சார்பின்மைதான் நாம் பிழைத்திருக்கும் ஒரே வழி என்ற அடிப்படையில், தேச நலன் கருதியே இதை எழுதுகிறேன். ஏற்கனவே இருக்கும் கணக்கற்ற பிரச்சனைகளில் இதுபோன்ற மதியீனர்களால் திணிக்கப்படும் மதப்பிணக்குகளும் சேர வேண்டாம் என்று விரும்புகிறேன். உண்மையில், மதநம்பிக்கை மனிதர்களிடம் மறைந்துகொண்டிருக்கும் இந்நாட்களில், கிறிஸ்தவம் வளரவேண்டும் என்ற நோக்கத்தைவிட தளர்ந்துவிடக்கூடாது என்ற அக்கறையே என் போன்ற மக்களிடம் அதிகம் உள்ளது. எனவே சிறிய அளவிலான மதபிரச்சாரங்களைப் பற்றி அதிகம் அலட்டிக் கொள்ள வேண்டாம் என்று என் பெரும்பான்மை சமூகத்தைக் கேட்டுக்கொள்கிறேன். நம்மை பொறுத்த அளவில், ஒன்று மட்டும்தான் உண்மை, நாம் பிறப்பால் மட்டுமல்ல உணர்வாலும் இந்தியரே.   11:52:05 IST
Rate this:
113 members
1 members
44 members
Share this Comment

ஜூலை
12
2013
பொது மத்திய அரசு துறைகள் அரசின் உத்தரவிற்கு கட்டுப்படுவதில்லைபிரதமர் அலுவலகம் கவலை
"சுமார் 30 மத்திய அரசு துறைகள் அரசின் உத்தரவிற்கு கட்டுப்பட்டு நடப்பதில்லை", என்பதைத் தவிர கேவலம் வேறு ஒன்றும் இருக்கப்போவதில்லை. காமன்வெல்த் போட்டி நடத்தி சந்தி சிரித்ததெல்லாம் இதற்குப் பக்கத்தில் கூட வரமுடியாது. ஆனாலும் இது ஆச்சரியப்படுத்தும் "flash news" அல்ல. மன்மோகன் சிங் அரசு என்றில்லை, கடந்த சில பத்து ஆண்டுகளாகவே, அரசு அமைச்சகங்களும், அலுவலகங்களும் குறுநில அரசுகள் போலவும், அவற்றை நிர்வகிப்பவர்கள் எதேச்சதிகாரம் பெற்ற மன்னர்கள் போலவும் நடந்துகொள்வதை உலகமே அறியும். ஆனால் இதற்காக பிரதமர் அலுவலகம் கவலை தெரிவித்துள்ளது என்ற செய்திதான் கலங்கடிக்கிறது. பிரதமரே கவலை தெரிவித்தால் வேறு யாரால் இதைக் களைய முடியும்??? மகா மெகா ஊழல்களில் அமைச்சர்களே சம்பந்தப்பட்டிருக்கும் நிலையில், பிரதமரால் செயல்பட முடிகிறதா என்ற பொது மக்களின் கேள்விக்கு விடை வேண்டும். ஒரு நாட்டின் அனைத்து கேடுகளுக்கும், வலிமையற்ற மைய அரசே காரணம். கையை கூப்பி மேலே தூக்குவதைத் தவிர வேறு கதியில்லை இந்த நாட்டிற்கு...   11:17:49 IST
Rate this:
1 members
0 members
9 members
Share this Comment

ஜூலை
11
2013
பொது கூடங்குளம் அணுமின் நிலையம் செயல்பட ஏ.இ.ஆர்.பி., அனுமதி
"இன்னும் சில, நடைமுறைகளை பின்பற்ற வேண்டியுள்ளது. அதன்பின், 45 நாட்களில், கூடங்குளம் அணுமின் நிலையத்தில், மின் உற்பத்தி துவங்கும்". அடப் பாவிங்களா இன்னும் 45++ நாட்களா??? அந்த புதுவை நாராயணசாமிகாரு ரெண்டு வாரம் ரெண்டு வாரமுன்னு சொன்னதெல்லாம் சும்மா லொலலாவா??? சும்மா சொல்லக்கூடாது, இருபத்தியோராம் நூற்றாண்டின் இணையற்ற இந்தியாவைப் பற்றி. இன்னும் ரெண்டு மாசத்திலயாவது கெடைக்குமா??   10:25:38 IST
Rate this:
35 members
2 members
76 members
Share this Comment

ஜூலை
2
2013
கோர்ட் அதிகாரத்தை தவறாக பயன்படுத்துவோரால் போலீஸ் படையின் கவுரவம் பாழாகி விட்டது
ஒழுக்கத்தை அடிப்படையாகக் கொண்டது காவல் பணி மட்டுமல்ல, அரசுப் பணிகள் அனைத்துமே ஒழுக்கத்தையும், தியாகத்தையும் அடிப்படையாகக் கொண்டவையே. அது கெட்டு குட்டிச்சுவராகி போனதற்கு, அரசியலின் தரம் கெட்டு குட்டிச்சுவராகி போனதே ஒரே காரணம். ஒழுக்கமான சமூகத்தை உருவாக்குவது கடினமல்ல, அதை தொடர்ந்து கட்டிக்காப்பது தான் மகா மகா கடினமான பணி. நம் அரசுகள் அதை கட்டிக் காக்காமல் சென்றுவிட்டன என்பதன் அப்பட்டமான கண் முன் தெரியும் அலங்கோலங்கள் தான் நம் அரசுப்பணி துறைகள் அனைத்துமே. மக்களுக்கும் இவற்றுக்கும் இருக்கும் தொலைவை தற்போது உபயோகத்தில் இருக்கும் எந்த அளவையாலும் அளந்துவிட முடியாது. அரசுப் பணி என்பது அதிகாரம் மட்டும் செலுத்த அதிகாரம் பெற்ற ஒன்றாக ஆகிவிட்டது. ஆனால் இது மாற்றவே முடியாத அளவிற்கு படுகுழியில் வீழ்ந்துவிட்டது என்றும் என்னால் கூற முடியாது. இங்கே எல்லாருக்கும் என்ன ஒரு எண்ணம் என்றால், "யார் என்னை கேட்டு விடுவார்கள்?", "யாரால் என்னை என்ன செய்து விட முடியும்?", "எவன் இங்கு யோக்கியன்?" என்பன போன்ற அசட்டு தைரியங்கள். சென்ற ஆட்சியில், தற்போதைய முதல்வர், அரசு ஊழியர்களை நாறடித்து கால்சட்டையை நனைய வைத்த நடவடிக்கைக்குப் பிறகு அரசு ஊழியர்களை அடக்கவே முடியாது என்ற எண்ணம் என்னிடம் இல்லை. இவர்கள் வழிக்கு கொண்டுவரக் கூடியவர்களே. ஆனால் இங்கு அனைத்துமே ஆட்சியில் இருக்கும் தலைமை ஒன்றின் விருப்பு வெறுப்பிற்கு ஏற்பவே நடக்கிறது. மக்களுக்கு, இங்கு முடியாட்சி மன்னனை தேர்ந்தெடுக்கும் அதிகாரம்தான் வழங்கப்பட்டிருக்கின்றதே அன்றி மக்களாட்சி கூறும் அமைச்சனை அல்ல. எனவே இங்கு ஆக்கபூர்வமான மாற்றங்கள் இந்த மக்களாட்சி போர்வையில் கோலோச்சும் மன்னர்கள் நினைத்தால்தான் உண்டு. "மக்களே முதன்மை" என்ற அளவில் இங்கு கொள்கைகள் வரையப்படாத வரை இந்த தேசத்தின் முகம் இன்னும் ஆயிரம் ஆண்டுகள் ஆனாலும் அழகாகப் போவதில்லை, மாறாக மேலும் அவலட்சனமாகவே ஆகப்போகிறது.   14:46:43 IST
Rate this:
0 members
0 members
1 members
Share this Comment

ஜூலை
1
2013
பொது தமிழ் படும் பாடு குறில் நெடில் அறியாத பள்ளி மாணவர்கள்...
இது தன்னிச்சையாகவோ அல்லது திடீரென்றோ நடந்துவிட்ட ஒன்று கிடையாது. இப்படித்தான் நடக்கும் என்று சமூக ஆர்வலர்கள் மற்றும் மொழிப் பற்றுடையோர் சில பல ஆண்டுகளாகவே முன்னறிவித்த ஒன்றுதான் இப்போது அதன் அறிகுறிகளை காட்டத் தொடங்கி இருக்கிறது. இன்றைய தமிழகத்தில், தமிழின் நிலைக்காக, இங்கே நான் அரசியல் கட்சிகளை முதன்மையாக குற்றம் சுமத்தப் போவதில்லை. இந்த இழிநிலைக்கு, என் அருமை தமிழ் குடும்பப் பெண்களே என்னை கொஞ்சம் மன்னித்து விடுங்கள், நீங்கள் தான் முதன்மைக் காரணம். சில நாட்களுக்கு முன்னர், இங்கே, என் இல்லத்திற்கு அருகில் குடியேறிய ஒரு இந்தியத் தமிழ் குடும்பத்திடம் பேசிக்கொண்டிருந்தபோது, எதைப்போன்ற ஒன்றை ஒரு தமிழனாகக் கேட்டுவிடக்கூடாது என்று நினைத்துக் கொண்டிருந்தேனோ அதை அந்தப் குடும்பத் தலைவியின் வாயால் கேட்க வேண்டி வந்தது. தன் பெண் குழந்தையை இங்குள்ள பாலர் பள்ளியில் சேர்க்க இருப்பதாக கூறிய அவர்கள், அந்தக் குழந்தை சென்னையில் central board பள்ளியில் படித்ததாகவும் அங்கு தமிழே படிக்கவில்லை என்றும் கூறினார்கள். எப்படி தமிழ்நாட்டில் தாய் மொழி கற்காமல் படிக்க முடிகிறது என்று நான் கேட்டபோது, அவர் கூறியதைக் கேட்டவுடன் உண்மையில் எனக்கு பேச்சே வரவில்லை, நிறுத்திக் கொண்டேன். "அங்கு இந்திதான் தாய் மொழி" என்று ஒரு தமிழ்த்தாய் கூறினால் எப்படி எனக்கு பேச்சு வரும்?? "என் பிள்ளைக்கு தமிழ் அவ்வளவாக பேச வராது" என்று கூறி புளகாங்கிதம் அடையும் எத்தனையோ அம்மாக்களை நான் நேரில் பார்த்திருக்கிறேன். இந்த மனநிலையில் நம் தாய்மார்கள் இருக்கும் வரையில் தாய் மொழிக்கு என்ன எதிர்காலம் இருக்கிறது?? மக்களை கற்றோராக்குகிறேன் என்ற இலக்குடன், அரைகுறை கல்வியை, தாழ்வு மனப்பான்மையின் உச்சத்தில் சிக்குண்டிருக்கும் தமிழ்ச் சமூகத்தில் அனைவருக்கும் எளிதாக்கியதன் முதற் பலி தாய்மொழி தமிழ். நீர் மற்றும் உணவு போன்ற இன்னும் எத்தனை பலிகளோ தாய்மொழி என்றழைப்பது இன்றைய சூழலில் பொருத்தமானதா??   12:55:42 IST
Rate this:
1 members
0 members
21 members
Share this Comment

ஜூன்
29
2013
அரசியல் ஏழைகளை வைத்து ஓட்டு வங்கியை வளர்க்கிறார்கள் மனதிறந்தார் ஷீலா
பாண்டியன், நாட்டில் இருக்கும் அனைவருமே தலைநகரங்களை நோக்கிப் படை எடுத்தால் நகரங்களை எப்படி நிர்வகிப்பது???? visa என்றில்லை, முதலில் குற்றச் செயல்களை தடுக்கும் அல்லது நடந்த பிறகாவது நடவடிக்கை எடுக்க "மக்கள் நடமாட்ட நிர்வாக முறை" ஒன்று தேவையா இல்லையா?? அடுத்த தலைமுறை மக்களில் பெரும்பாலானோர் நகரங்களில் தான் வசிக்கப் போகிறார்கள் என்பது கசப்பான நடைமுறை உண்மைதான்???? கலாச்சார சீரழிவுகள், மொழிச்சிதைவு போன்ற சமூக அக்கறை உள்ளோர் மட்டுமே கவலைப்படும் விசயங்களை விட்டுவிடுவோம், நகரங்களில் எல்லாருக்கும் எப்படி வேலை கொடுப்பது??? பத்து வருடங்களுக்கு முன்னர் சென்னையின் வாழ்க்கைச் செலவினம் எவ்வளவு இப்போது எவ்வளவு? Detroit நகரத்தை மூடியதால்தான் இந்திய Detroit ஆக சென்னை உருவானது. இப்போதைய விலைவாசியில் இதனை மூடிவிட்டு பர்மாவின் Detroit ஐ உருவாக்க ஒரு பன்னாட்டு நிறுவனத்துக்கு எவ்வளவு காலம் ஆகிவிடும்?? சென்னை உயர்ந்தது என்று சொல்லிக்கொள்ள நாம் என்ன வைத்திருக்கிறோம்??? அப்படி ஒன்று உருவானால் சென்னைவாசிகளின் வயிற்றை எதை வைத்து கழுவுவது??? ஒரு மனிதன் உயிர் வாழ ஒரு நாளைக்கு ஒரு ரூபாய் போதும் என்ற நிலையிலிருந்து நூறு ரூபாய் செலவில் வாழ வாய்ப்பேற்படுத்திக் கொடுத்தது அறிவுடைய செயலா என்பது என் மனதில் எப்போதும் எழுகிற கேள்வி??? இன்று உலகம் எதிர்நோக்கும் மிகப்பெரிய சவால், அவனுக்கு எப்போதும் நூறு ரூபாய் கிடைக்கும் என்பதை உறுதிப் படுத்துவது தான்.உண்மையில் இந்தியாவின் தற்போதைய வளர்ச்சி எனக்கு வளர்ச்சியாகவே படவில்லை, இது சிங்கத்தின் வாயில் நம் தலையை நாமே வாண்டடா நுழைத்து விட்டது மாதிரியே படுகிறது. சென்ற நூற்றாண்டு வரை மேற்கத்திய நாடுகளும், சப்பான் போன்ற கீழை நாடுகளும் சிக்கி சீரழிந்த பணம் என்ற மாயையில் இந்த நூற்றாண்டில் இந்தியா சீனா போன்ற இதர ஆசிய நாடுகள் சிக்கி இருக்கின்றன. குறைந்த பட்சம், சீனாவில் வலிமையான மத்திய அரசு இருக்கிறது, அதனால் அவர்கள் பிரச்சனைகளை சமாளித்துவிடுவார்கள் என்றே கருதுகிறேன். நம் நிலை??? தலைக்குத் தலை அதிகாரம் என்ன நடக்கிறது என்றே தெரியாத நிலையில் தலைமைத்துவம் நிமிடத்திற்கு நிமிடம் இறங்கும் பணத்தின் மதிப்பு துளியும் திட்டமிடாமல் அதுவாகவே வளருகிற இந்த காட்டுச் செடி, எனக்கு மகிழ்ச்சியை விட பயத்தையே அதிகம் ஏற்படுத்திகிறது. மிக விரைவில் நாம் எதிர்கொள்ள இருக்கும் பிரச்சனைகளை பற்றி நினைக்காமல் இருப்பதே இந்த நிமிட வாழ்க்கைக்கு நல்லது. நமது பிரச்சனைகளின் ஆணிவேர் நமது அரசியலைப்பு முறை. நாம் தவறான, வலுவில்லாத அடித்தளத்தின்மீது நமது உரிமைபெற்ற இந்தியாவை கட்டி எழுப்பி இருக்கிறோம். அடித்தளத்தை உடைத்துவிட்டு புதிதான ஒன்றில் குடிபுகுவதே வீட்டுக்காரன் பிழைத்திருக்கும் வழி. இல்லை என்றால் உத்தராகாந்த் கட்டடங்களில் தங்கி இருந்தவர்களுக்கு நேர்ந்த கதிதான் நான் கொஞ்சம் எதிர்மறையாக சிந்திப்பவன் தான். ஆனால் இந்தியாவின் எதிர்காலம் பற்றிய என் மதிப்பீடும், அச்சமும் சரியானவை என்றே தோன்றுகின்றன. ஆனால் சரியாக இருந்துவிடக்கூடாது என்று மனம் பதைக்கிறது.   11:35:29 IST
Rate this:
0 members
0 members
24 members
Share this Comment

ஜூன்
27
2013
பொது அனுபவம் கற்றுத் தந்த பாடம் அதிரடியாக 15,000 பேரை மீட்ட மோடி
மூணு நாள்ல, பதினஞ்சாயிரம் பேருக்கும் மேலான மக்களை, பேய் மழை கொட்டி சாலைகள் எல்லாம் உடைந்து நொறுங்கிப்போயிருந்த அந்த மலை நாட்டில் சில பத்து இன்னோவா கார்கள் மூலம் மீட்ட சரித்திர மகா புருஷரை பாராட்ட 21ம் நூற்றாண்டில் ஆட்கள் இருக்கும் போது, ராமரின் மகாசேனை தான் ராமர் பாலத்தை கட்டியது என்று காலங் காலமாக மக்கள் நம்பியதில் தவறேதும் இருக்க வழி இல்லை என்றே நினைக்கிறேன்.   15:45:14 IST
Rate this:
89 members
0 members
192 members
Share this Comment

மே
15
2013
சம்பவம் தி.மு.க.,வில் தொடர்கிறது "வாக்கிங் கொலை
இது ஒன்றும் நகைப்புக்குரிய செய்தி அல்ல தலைப்பை இப்படி கொடுக்க. உண்மையில் சமூகம் வெகுண்டெழ வேண்டிய மிகமிக முக்கிய பிரச்சனை இது. எத்தனை உயிர்கள் இதுபோன்று பறிக்கப் பட்டிருக்கின்றன. ஆளுகின்ற அரசு உண்மையில் வெட்கித் தலை குனிய வேண்டிய கையாலாகாத்தனம் இதுபோன்ற கொலைகள் தொடர்வது. என்ன பாதுகாப்பு மக்களுக்கு இருக்கிறது?? எவ்வளவு கொடூரமான கொலைகள்?? எவ்வளவு எண்ணிக்கையில் நடக்கின்றன?? முதல்வரால் தொலைக்காட்சியில் தோன்றி இதுபோன்ற கொலைகளுக்கு எதிரான உறுதியான இறுதியான எச்சரிக்கை விட முடியாதா??? இதுபோன்ற கூலிப்படைகளை பொதுமக்கள் முன்னிலையில் தூக்கிலிட முயற்சி செய்யக்கூடாதா??? என்ன அநியாயம் அற்பக் காரியங்களுக்காகக் கூட கூலிப்படைகளை அமர்த்தும் காரியங்கள் இங்கே வெகு இயல்பாக அரங்கேறிக் கொண்டிருக்கின்றன. நமது சகிப்புத்தன்மையின் அளவு அறுத்துவிடும் நூலின் கணத்தில்தான் இப்போது இருக்கிறது. எதிரியை இல்லாமல் செய்வதே நாம் இருப்பதற்கான ஒரே வழி என்ற போதனை அரசியல் தொடங்கி, சமூகத்தின் சாதாரண நிலையில் இருக்கும் ஒரு சாமான்ய மனிதனின் மனத்திலும் ஆழ விதைக்கப்பட்டிருக்கிறது. கொலைகள் மனித நேயமற்றவை என்ற வாழ்க்கை நெறிமுறையோ, கொலைபுரிவோர் மறுவுலகில் நரகத்திலே நெருப்பில் வெந்து சாவர் என்ற மதங்களின் எச்சரிக்கையோ இன்றைய மக்களை கட்டுப்படுத்தவில்லை. ஆளும் அரசுகளின் பக்கசார்பில்லாத, கடுமையான சட்ட நடைமுறைகளே இன்றைய போக்கிரி மக்களை கட்டுப்படுத்த முடியும். இது கண்டிப்பாக எல்லை மீறிப் போய்க்கொண்டிருக்கும் மிகமிக கொடிய சட்டம் ஒழுங்கு பிரச்சனை. எந்த அளவு கொடூரமாக கொலைகள் நடக்கின்றனவோ அதே அளவிற்கு கொடூரமான தண்டனைகளையும் சமூகம் எதிர்பார்ப்பதில் எந்த மனித உரிமை மீறலும் இருக்க வாய்ப்பில்லை. சட்டம் ஒழுங்கிற்கு எப்போதும் முன்னிரிமை அளிக்கும் தற்போதைய முதல்வர், இந்த பிரச்சனையில் தனிப்பட்ட அக்கறை செலுத்தி குற்றவாளிகளை வேரறுப்பதுடன், சமூகத்தில் இனிமேலும் கூலிப்படை கொலைக் குற்றவாளிகள் உருவாகாத, உருவாக்காத வண்ணம் மக்களுக்கு நற்போதனை செய்யும் வழிகளையும் ஆராய வேண்டும். என்னைப் பொறுத்த அளவில் தமிழகம் சமகாலத்தில் எதிர்கொண்டிருக்கும் மிகப்பெரிய அச்சுறுத்தல் இந்த கூலிப்படையின் கொடூரக் கொலைகளே. எப்பாடுபட்டும் இதன் தலையில் ஆணி அடிக்க வேண்டும்.   16:03:43 IST
Rate this:
55 members
0 members
11 members
Share this Comment